قير موتري أتعبني من لديه خبرة يفزع [الأرشيف]

مشاهدة النسخة كاملة : قير موتري أتعبني من لديه خبرة يفزع

السمار

12/10/2005, 10:02 AM

أخواني مشرفي وأعضاء منتدى مكشات المحترمين

السلام عليكم

عندي مشكلة في قير موتري من نوع GXمديل 2003
بعض المرات مايلكش الثاني والريوس الى بطلعة الروح وفيه صوت
كل مادعس على الكلتش اسمع صوت طقه بعض المرات قويه وبعض المرات خفيفة وعند تدبيل الكلتش
بسرعةعدة مراة يختفي الصوت وبعديوم او يومين يرجع الصوت مثل أول
ورحت للورشة وقال الميكانيكي هذه فحمه الكلتش وما تضر كل السيارة الحديثة فيها هذا الصوت
هل كلامه صحيح في كل السيارة الحديثه هذا الصوت أمل أن استفيد من أراكم ومشورتكم

ودمتم سالمين
أخوكم السمالر

osda

12/10/2005, 12:41 PM

السلام عليكم ورحمة الله وبركاته
هلا اخوي السمار
انا عندي نفس المشكلة لكن موتري جمس 91 بعض الاحيان اذا دعست الكلتش اسمع طقة و بعد التعشيق اسمع طقة
و ما وديته لميكانيكي الى الحين و ما صار شي لكن هل ممكن يكون يضر القير؟؟؟
في انتظار الردود

بو خليفه

12/10/2005, 01:51 PM

احتمال يكون عيب مصنعي لأن سبق غيركم حصلت له و لكن تويوتا قالت له الوضع طبيعي و عندما انتهى الضمان قالو الجير والدبل فيه مشكله يجب إصلاحه

شاص

12/10/2005, 02:06 PM

وده للوكالة وخلهم يصلحونه على الضمان .. كاني عندي مشكلة الصوت من فحمة الكلتش يعني صوت صرصرة وإذا دعست الكلتش راح الصوت فغيروا لي الكلتش على الضمان وخذوا 200ريال على الفحمة

هوى

12/10/2005, 02:20 PM

اخوي شاص وش مواصفات موترك ومنين ماخذه ؟؟

مزاااجي300

12/10/2005, 02:35 PM

قبل ما تروح للوكاله

لو تمر على (شالنجر ) يفحصه الفني مباشره ويعطيك تقرير شفهي سريع عشان تروح للوكاله وانت عندك خلفيه كاااامله عن السبب !

شالنجر >>>>>>>>> مركز لصيانة القيرات / صناعية الرياض القديمه / صناعية الخليج

مزاااجي

لبرتي

12/10/2005, 02:40 PM

هلا أخوي

إذا كنت في الرياض علمني أرسلك لورشة أنا خابرها تخصصه سيارات دفع رباعي وترهيم وشد مكائن

ترى والله مالي أي علاقة بالورشة غير أني أصلح عندهم الجيب حقي وشغلهم ممتاز وأسعارهم حلوه

الواهج

13/10/2005, 05:58 AM

مثل ماقال اخوي شاص انا اعتقد انها فحمة كلتش

السمار

13/10/2005, 11:52 AM

osda
أشكرك على الحضور وأن شاء الله الشباب ما يقصرون في حل هذه المشكلة

بو خليفه
هذه المشكلة

شاص
أناء مشتريه قبل سنة ونصف تقريبآ وكان ماشي 15000 كم ولان ماشي فوق 80000 وأناء ما فحصته عند الوكالة من يوم اشتريته هل إلى ألان تحت الضمان أو لا

مزاااجي300
ما قصرت وشكرا على الحضور
بس أنا من أهل(حائل) والرياض بعيد شوي علينا

أخر لفه
مكشور على الحضور
ولاكن أنا من أهل (حائل) يالحبيب

الواهج
هل تغيير الفحمة لازم يفك القير وهل تركيبها يطول وهل سعرها مع الفك والتركيب غالية
أرجو من الجميع إفادتي ومن يخبر ورشة بحائل ممتازة

بواسامه

13/10/2005, 01:02 PM

اخوي السمار
هذا الفحمه مثل مقالك اخوي اللي فوق
وصارت معي وغيرتها مع الصحن وانقلع الصوت
شيك على اصلاح كلتش سفلي
وتراه رخيص يمكن منه ولا سسته ضعيفه
وغيرها وان شاء الله بيظبط

وبشرنا عشان نستفيد وش صار عليك

nti22

13/10/2005, 01:13 PM

الواهج

13/10/2005, 04:52 PM

nti22 ليتك ماتكلمت الرجال في مشكله وانت اتطنز

ياخوي الفحمة امرها بسيط واحمد ربك ان كانها فحمه وبس لازم فك الجير وتنزيلة الفحمة مكانها بين القير والمكينة يعني القير مايفتحه بس ينزلة من على السياره علشان يطله الفحمة ويركبها قدام عينك يعني ماتاخذ نص ساعه تركيبها

بواسامه

13/10/2005, 09:53 PM

اخي الكريم

عندك مشكله في السبرنقات سبرنقات الصينيه عشان هالسبب تسمع صوت تمدد وطقه بالكلتش

نصيحه تبدل الصينيه صينية الكلتش تحط جديده وبالمره واحسن وافضل لك انك تغير زيت الجير مع الفلتر

الله يصلح امرك
اخوي الواهج
مساك الله بالخير :)
كلام اخونا في محله وين اتطنز
ويمكن سسته من سست الصحن طالعه وتسوي الصوت هذا
وهذا اللي صار بالظبط وتم تغييره وكلش زين
وامرها جدا بسيط زي ماتفضلت
بس يبيلها نصف يوم شغل مو نصف ساعه
نصف ساعه للي يبي يغسل السياره ولا يغير بواجي
ولا انا غلطان :D

اسيزو 4x4

14/10/2005, 12:55 AM

أخوي بو أسامة لا هنت ممكن تبين وتوضح عن السستة أكثر لاهنت يا بعدي

لاهنت أسمحلي بغثك شوي ... أخوك أبو حمود ...

.

الكونترولCONTROL

14/10/2005, 01:23 AM

صحيح بال جمس عادية .... لكن بالجيب تخوف الطقة
===========================
يمكن الفحمة ؟؟؟ أو الدسك

السمار

14/10/2005, 08:40 AM

بواسامه
أن شاءا لله سوف أخبركم عند أصلحها وكم تستغرق من الوقت وكم التكلفة

nti22
شكرآ على النصيحة وهل يوجد للقير العادي فلتر صراحة معلومة جديدة

الوهاج
معقولة نصف ساعة اعتقد أنها ماتكفي لفك مسامير القير
على العموم ما قصرت طال عمرك

بواسامه
شكرآ على تعقيبك على الموضوع

اسيزو 4x4
كلمك صحيح ياليت يوضح أبو أسامه أكثر كي نستفيد

ابوهبال

صحيح تخوف حيث أن موديله جديد نوع ما

بواسامه

14/10/2005, 02:48 PM

هلا اخوي بوحمود
السست اللي في الصحن يجيلهن اريع الضاهر
تصير وحده طالعه من محلها ومسببه الصوت
وتبين اكثر اذا ضغطت على الكلتش اختفى الصوت
واذا رفعت رجلك بان الصوت
واذا فكت يشوفها العميان تلقاها عليها ضغط ومنطلقه من محلها
وهي عموما قصيره ما يجي لها خمسه سم

وهذا اللي اقدر افيدك به
وارجو اني وفقت والمعذره اذا اخطأت

الواهج

15/10/2005, 02:40 AM

انا اول مرة اسمع للقير العادي انه فيه فلتر !!!!