المساعد الشخصي الرقمي

مشاهدة النسخة كاملة : شروكي سبور 2002 (سؤال)


الحزين
19/08/2002, 09:29 PM
اسعد الله اوقاتكم جميعا ,,,,

قبل ايام فقط اشتريت شروكي سبور 6 سلندر ومن ابدع مايكون متين وقوي ( ويسبح بالرمل ) ,, ولكن فيه عيب شرعي ,,, تانكي البنزين صغير جدا وعندما أستفسرت في الوكاله عن حل .. .... تغيير التانكي مثلا او اضافة تانكي اخر ,,, ولكن للاسف دون جدوى ولم استفاد برد مقنع ,,,,,, بل نصحوني بعدم التعبث بشد الوكاله !!!!:no2: :no2: وانا قلت مالي الا ربعي واخواني هم ابخص وراح اسمع النصيحه ,,, ارجو الافاده

اخوكم الحزين
falconry
19/08/2002, 10:16 PM
كيف حالك اخوي الحزين واتمنا من الخالق العظيم انه يشيل حزنك

اخوي بالنسبه للتانكي الاضافي للسياره اذا كنت راعي بر يعني تطلع كثير وبصفه دائمه لابد ان تركب تانكي داخلي للسياره ويكون قسام للبانزين والماء لانه اخوي ماتسوى انت رايح قانص وكل اربع خمس ساعات تروح تترس التانكي يعني بهذا طلعتك ووقتك راحت عليك واذا الله وفقك في صيد تصير الحزين اسم على مسمى :D
بس لي نصيحه ثانيه وطبعا هي الافضل لانه سيارتك جديده انك تركب تانكي اكبر للسياره وهو تفصال توانكي بالامارات التانكي الاساسي يغيرونه ويحطون اكبر والشباب والربع في الوقت هذا اشوف هابين فيهم طبعا اللي سيارته جديده عشان لا يغير اي شي او يزيل ويخرب شيء داخلها وهذا رايي


والله يوفق الجميع
الحزين
20/08/2002, 07:56 PM
الله يعطيك الصحه والعافيه اخوي فالكون ونور الله بصيرتك واشكرك على التجاوب السريع والمقنع,,,,




اخوك الحزين
رانجلر
20/08/2002, 09:47 PM
سلام عليكم

اخوي الحزين!!

انا والله بقولك مادام سيارتك تصير ولد عم سيارتي :D :D :D
ههههههههههههههههههههههههههههه


على العموم

إنت لو ترفع سيارتك بحدى الورش وتناظر تحت وتشوف لو في مكان فاظي أو مكان زائد بحيث إنك تنزل حق والكاله وتفصل واحد جديد ويكون حديد على أساس يتحمل لا سمح الله جت ظربه جامده تحت السياره ولا شي:good: :good: .
وبنفس الوقت إنت تكون وفرت قروشك بدال الروحه للإمارات و إستفدت من إتساع التانكي

لا كن في شغله ثانيه بس يمكن تكون فيري رسكي ( فيها مجازفه)...
أقولك كيف:
هو بتعديل شي والله ما أذكر وشو يمكن طرمبه بنزين او تظيق بستم او شغله زي كذا وانا بصراحه ما أنصحك ابد تسوي هالشغله لإن السياره جديده. :(


بعدين احب أنبهك عن شغله الشروكي وقف سنه 2001 والي الأن موجود بإسم شروكي هاذا ما يسمى بــ ( ليبرتي) ;) :D
للمعلوميه فقط..


تقبل تحياتي
أخوك رانجلر:good: