سؤال عن الفورتشنر

[شواش454]

السلام عليكم
الاخوة الاعزاء انا ودي اشتري جيب فورتشنر بس مااعرف احد مجربه ارجو ان تفيدوني عنه وشلونه على الخط وعلى الطعس 0
وجزاكم الله خير 000

[عبدالله 102]

الجيب معي من 4 سنوات

ممتاز جدا في النفود

في الخط متوسط

ولكن يعيبه مقاعده ضيقة بعض الشيء

اتكلم عن ال6 سلندر

[ALMoooBD3]

الفورتنر موتر معروف وممتاز ماعليه غبار

وهو قريب شكله من الهايلكس من الداخل والخارج

بالتوفيق,,

[n_1661]

عن تجربه :
بعد إستخدام جيب لكزس .. و اف جي .. ولاند كروزر

مركبه وتصميم طبلونه وإنحناءات الكبوت يوحي لك كأنك راكب سيدان .. بس مرتفع .

يعني لما تدخل شارع ضيق تستطيع تقدر حدود الكبوت والصدام وكم بعده عن السيارات المجاوره .

أثناء الركوب والنزول من السياره : مراتبه ليست مرتفعه كثيرا.. يعني مريح بالدخله والخرجه .

بدون دبل ما يسوى شيء صراحه ..

واهم شيء يكون دف لوك .. اللي هو قفل الدفرنس :
Diff Lock

طبعا أنا أتكلم عن السته سلندر .. .. لا تفكر إنك تأخد اربعه وأنت الربحان .

قوي جدا جدا بالبر ..نسم الكفرات توكل على الله سبحانه.

سعره ممتاز جدا جدا ,, سواء وقت البيع أو وقت الشراء..

على الخطوط نظام تعليقه قاسي شوي . . بس والله أنا أشوف انه مقبول ..

إختيار موفق بإذن الله .

[شواش454]

الأخوه الكرام شكرا على مروركم وتقضلكم بالأفاده وجعله الله في ميزان أعمالكم

[رمز الوفا]

السلام عليكم




الاخوة الاعزاء انا ودي اشتري جيب فورتشنر بس مااعرف احد مجربه ارجو ان تفيدوني عنه وشلونه على الخط وعلى الطعس 0


وجزاكم الله خير 000


هلابك اخي الكريم انا معي فورتشنر 2011فل كامل سته سلندر ماشاء الله :D

عز الله انه سياره اخذت عليه مشوار حوالي 500كيلو ما شاء الله
اما التطيعس شي غير طبيعي انا الخميس الماضي مطعس فيه
ومن احسن مايكون ماشاء الله عليه وهذا رائي والاختيار الاول
والخير لك وهذا رابط الفوتشنر في مكشات وعساه يفيدك
وتقبل خالص تحياتي

http://www.mekshat.com/vb/showthread.php?t=218512

[((ابوملاك))]

عندنا 2010
وما يفرق عن 2011 بشئ الا كان فرق تلزيقه

6 سلندر فل كامل في اكس

الصراحه ممتاز بس مطبه قاسي شوي

وما شاء الله بالبر كانه قطعه وحده ماتسمع قرقشه ابد

[أطلال نجد]

السيارة قوية جداً أتكلم عن v6

عيبه الوحيد من وجهة نظري بديه وصداماته ضعيفه جداً

ووسائل السلامة فيه صفر !

[fof6666]

خذ الفورتشنر ولا تشاور خصوصاا الستة سلندر

[mhnoos]

حبيب قلبي الفورتشنر خذ موتر والله خاصة الــ6 سلندر
اما الاربعه ما اعرف عنة شى والله

[ابو عبووودي]

الصراحه موتر ماعليه كلام وقليل المشاكل انصحك 6ساندر

[moooj]

6سلندر
قير-تماتيك
دف-لوك
غيره-لا
تبقى-المساحة-اصغر-من-البرادو-واللاند
الراحة-ما-ادري
في-البر-والنفود-رشيق-وخفيف
الأمان-الله-الحافظ-ماحولك-احد
الخرابات-والصيانة-اعتقد-انه-مافيه-تعقيدات-ولا-من-كبر-مكينة
يعني-ما-اعتقد-له-مشاكل-كبيرة
ويفيدونك-الشباب-اكثر

[كومبو]

معي 4 سلندر قير عادي دبل
اقتصادي
عزم مناسب لاحتياجاتي (منيب راعي مقاوم)
البر ما قد وقف علي أبشرك
مراتبه قاسية يعني مراتب الهايلوكس أريح
في المطبات والخطوط مريح لولا مراتبه
أيضًا ينزل من ورى شوي عند ركوب 7 أشخاص بالغين