ما هو أفضل دفع رباعي عند البيع ؟

[anas]

السلام عليكم ورحمة الله وبركاته
عندي مبلغ 20000 ريال ما هي برأيكم السيارة ؟ واستخدامي للبر والرمال ولا تطلب قطع غيار كثير .. علما أنني أملك كامري 2003 ..أرجو من الجميع المشاركة وابداء الرأي .. وجعلكم الله من عتقائه من النار في هذا الشهر الفضيل .

[عابد]

السلام عليكم ورحمة الله وبركاته

اخوي انس

تقول عندك 20000 ألف ريال ولاذكرت شي عن الكامري إن كامك ناوي تبيع أو تحتفظ فيها ولاذكرت ان كان عندك راتب أو انك طالب .
المهم ياخوي

إذا كنت بتبيع الكامري وتضيف قيمتها على العشرين ألف وإذا كنت موظف فعليك بالنيسان باترول ادفع اللي عندك وقسط الباقي .
أما إذا ماتبي تبيع الكامري وانت موظف فعليك بالنيسان باث فندر اسعاره تتراوح بين 77ألف إلى 89 ألف ريال ادفع العشرين وقسط الباقي .
أما إذا انت طالب وما تستطيع تقسط فأظن العشرين ألف ماتكفي تجيب لك سيارة دفرنشين نظيف بالمرة فالله يعينك تبيع الكامري وتحط قيمتها على اللي عندك وتشوف لك بترول موديل 2000 وانت نازل.
والله يبارك لك مقدماً

اخوك عابد

[بواسامه]

خل الكامري معك
ودور لك ربع موديل 93
ولا باثفندر موديل 95
وسع صدرك عليه وصيانتهن سهله
وخل الكامري صغيره للبلد
ولا رأي اخوي عابد زين
بدال سيارتين اجمع حالك في موتر واحد
وتفتك من يقول لك عندك سياره زايده
ومن الكد على موترين

وفقك الله اخوي

[طخيمان]

خذ لك ربع باترول 92 الى 96 ويبيلك تطقطق فيه شوي بالقطع ويطلع تمام ..

[عاشق الجبل]

أنا أؤيد رأي الأخ : أبو الطواري اذا ميزانية الأخ : أنس تسمح بصيانة السيارة الثانية ( الباترول )

والسيارة الثانية يجي لها وقت خاصة اذا قدر الله على أحد السيارتين أعطال أو حادث ، خاصة أن سيارة الدفع الرباعي

تستهلك من الوقود مايزيد عن السيارات الصغير بنسبة 20% على الأقل ودليل ذلك أن الإمريكان باعوا سيارات الدفع الرباعي

بعد غلاء البنزين هناك .

توكل على الله وطق لك باترول على قد الــ 20000 ريال وخلها للبر بدلآ من أن تكون سيارتك الرسمية


وأنتبه تشتري من الأمارات أو قطر :)

[anas]

السلام عليكم ورحمة الله وبركاته
اشكر لجميع الاخوة الأكارم على هذه الردود
اخي عابد انا ما عندي مانع وودي اشتري جديد لكن انا صراحة منتظر عام 2007 وطبعا سوف تكون غالية وأنتظر الى 2008 يكون رخص بعضها او تفادوا العيوب التي تطلع مع اول موديل واشتري لي واحد باذن الله .. وكلامك فعلا عين العقل . :)

أخي ابو اسامة كلامك صحيح وتسلم وفعلا الربع ممتاز . :)

شكرا لك اخي ابو الطواري ولكن كم ستكلف الطقطقة تقريبا ..وخاصة اني جربت شيروكي وخسرني وااااااااااااااجد :( ( ارجع لموضوعي "توبة من الشيروكي" وستعرف ) .

شكرا اخي العزيز طارق الجبل ولكن لماذا التحذير من القطري او الاماراتي . :confused:

[salehhd]

السلام عليكم

شوفقك باث موديل قديم ولا نيسان ربع زي ماقالو الربع

ولا تخاف قطع نيسان ارخص من الشروكي وخراباتها اقل ولا تنسى انك راح تشتري مستعمل يعني دافع دافع

[anas]

وعليكم السلام salehhd وكلامك فعلا صحيح لازم من الدفع ....

لكن ما تعتقدون انه الاستئجار افضل؟

[عاشق الجبل]

السيارات الإماراتية والقطرية ( الباترول ) من أفضل السيارات عند الشباب هناك فتجدهم يتفنون في القضاء عليها :)

والدليل كراجات التزويد والمنتديات ( إلا ماندر ) .

[salehhd]

السلام عليكم

اذا تقصد التأجير المنتهي بالتمليك ففية كلام من المشايخ ويفضل تستفتي افضل

وهناك نظام الاقصاد او تخلي البنك يشتريلك السيارة بنظام التورق الاسلامي وسدد حق البنك

وراح ترتاح لان السيارة بأسمك والفرق راح يكون اقل بين الاقصاد والشكاش

ولا تنسى الاستخارة وانا اخوك ترى مين استخار ربة ما خاب

[Mohammad]

اقترح عليك سيارة تويوتا الجديده فورتشنر دفع رباعى للبر وتقوم مقام الكامرى..2 فى واحد

والاستخاره اولا واخيرا