الفتك اوتو غرست بالنفود وادوس عليه بالريوس الكفر مايدور ابتلشت بعمري وفشلن احفر له

[الربذي]

السلام عليكم


السالفه ومافيها ادري اني ثقلت عليكم لكني بحثت بعدة كلمات لم احصل من قوقل مثل مشكلتي وقلت مافيه الا مكشات نفيد ونستفيد
هي ني اليوم
رحت للنفود ورقيت مع طعس صراحة عزمه ماشاء الله معجبني لكن الي غير متوقع هو اني يوم رقيت ووصلت تقريبا نصف الطعس وكنت مهدي حفر شوي وقفت ورديت على الريوس ابي ارجع لكن ادوس ادوس وفيه صوت ماادري وش لكن السيارة ماتتحرك والكفر مايدور لاقدام ولا ورا ادوس ادوس مافيه فائدة نزلت ساويت الي خلف الكفر بالرغم انه نازل طلعت رجعت دست عليه بزعل ورقيت الطعس وطعس اخر لكن بعدين وقفت بعد ان حفر شوي والمصيبه عيت الكفرات تدور سوا قدام ولا ورا القير اوتو
تذكرت سالفة خويي يسالني مع جاره فتك 2002 لكن اذا غرس بالنفود مايتحرك الا بالبهذلة وانك تحفر للكفرات واذا مشى طير وصاروخ عيبه اذا غرس فقط فقط

ياليت احد يقول لنا وش السالفه والاحظ انه بالدبل ماهو على قد صوته ادوس قوه وهو يمشي شوي شوي ..

[هوايتي مكشات]

غريب تاكدت انك مشغل الدبل

[الربذي]

غريب تاكدت انك مشغل الدبل
اخوي هوايتي مكشات الدبل شغال بس الكفر مايدور وتراني غشيم بالقير الاوتو وكنت حاطه على العايدي بنمرة 2 وصح نسيت اجرب الثقيل لان الخفيف ادوس عليه الكفر مايدور كله الي قدام والي ورا مايتحرك نهائيا
الايوم فصلت الدبل اشتغلن الخلفيات يدورن بقوة

[«نجم الخير»]

شف اذ غرزت المره الثاني استخدم الثقيل ع طول لان الخفيف مايعطيك بالريوس


وجهة نظر

[مكشاتي ون]

أكيد الكفرات مليانه هوااااااااء لو نسمت الكفرات الى 15 تطلع أطلق طعس وبالدبل الخفيف

[VIP-503]

اي والله يارجال وش رايك تعطيني الفتك واعطيك الباجيرو ******* بالنفود بس هو تعطيني الفتك اتمشى عليه وبعد بدون دبل وش رايك هههههههههههه


اخوي شف اكيد انه هوى كفرات واجد وانت كيذا تجور على الموتر

[ولدالديره009]

السالفه انا اخوك والله اعلم ان القير ما فيه زيت كفايه يعني ناقص فتاكد من معايرة الزيت لدى الوكالة وموفق ان شاء الله

[الربذي]

يااخوان الزيت مغيرة عند الوكالة ب500 ريال وقد حصلت لواحد معه فتك 2002 الهواء 15

[صاحب نوماس]

والله غريبة يالغالي بس اذا غرست لاتحاول ان المور يدقر حول اول مايغرس تعطية دبل اول شي انك ماتجور على المكينة واجد وتخفف على موتك

[الكليلي]

حطه فالثقيل وبرحله وضهرمرتااااااح

[ساحووق]

هلا وغلا بالربذي الغالي

والله انا معي شرووكي واحيان احطه بالخفيف الكفر ماايدور كله واحيان تدور وحده بس ولايمشي واااذا حطيته بالثقيل مشاء حتى لو التغريز بسيط والله مدري وووش المشكله

طبعاا مريت ميكنيكي يقول عمود الدبل مااهو مظبوط طبعا قبل المشكلللله

اااااااسف على الاطااله والشطحه ههههههه

[volcano]

اخوي هوايتي مكشات الدبل شغال بس الكفر مايدور وتراني غشيم بالقير الاوتو وكنت حاطه على العايدي بنمرة 2 وصح نسيت اجرب الثقيل لان الخفيف ادوس عليه الكفر مايدور كله الي قدام والي ورا مايتحرك نهائيا
الايوم فصلت الدبل اشتغلن الخلفيات يدورن بقوة

انت ذكرت السبب الله يصلحك حاطه على 2كيف تبغاه يطلع ودبل خفيف

انت جديد على الاوتو مع الوقت بتعود عليه وترى الدبل الثقيل ما حطوه عبث في القير العادى والتوماتيك تستخدمه عشان تتجاوز الغراز والسحب واي شي يزيد الحمل على المحرك والقير

مبروك

[ن.ن.د]

و عليكم السلام
اخوي جربت تشبك الدف لوك ((الهزاز)) ؟
لان الدفلوك يخلي الكفرات كلها تدور مع بعض
ادخل هذا الموضوع لاخونا و مشرفنا بدوي جنبي
http://www.mekshat.com/vb/showthread.php?t=74154

واعذرنا اذا فيه قصور

[عين حصنان]

حرام عليك يالغالي تحرق الكلتش كذا

طال مانت ماشي استخدم الدبل الخفيف

اذا وقفت و غرزت .. لابد من الدبل الثقيل

والشي هذا في جميع انواع السيارات

[معلم قرميد]

اخي الربذي يبدو ان الفتك اللي معك سبق ان غير له احد الكوارين ...تأكد من موترك لاني سبق ان شفت فتك اذا شبك الدبل ضعف الموتر والسبب انه لم تتوافق الكرونة الامامية مع الخلفية

[ثامر الشمري]

السلام عليكم
اسعد الله اوقاتكم بكل خير

من كلامك انه فيه صوت ( صوته كأنه طنه قويه ) اتوقع انه من جهاز الثبات وهذا يضعف السياره بالنفود واذا حطيت الدبل في الثقيل اليا يفصل وهذا السر بقول اخواني بشورهم عليك بالثقيل
الا اذا كان فيه زر ايقاف وتشغيل للجهاز وهو زر ( عليه رسم سياره منزلقه ) انصحك بتعطيله بالنفود اذا رجعت للاسفلت شغل الجهاز

المشكله هذي شفتها مع احد الزملاء معه fj موديله ٢٠٠٩ وكان ما فيه هالزر اللي اقولك عليه واجه مشاكل مع طلوع النفود وشرت عليه بالثقيل ولكن ما هو اللي يحب يجور عى موتره وسبحان الله جت موديلات ٩ و١٠ فيها هالزر وتقدر تعطلها

خبرتي هذي كان معي يوكن موديل ٨ وشفت المشكله هذي ويتغير ممشى الموتر تغير كامل بالنفود بعد تعطيل الجهاز وكان فيه زر التحكم هذا

والله اعلم
اتمنى ان افدتك

[الثويرات]

موترك مافيه شي وكل الفتك قير التماتيك ثقيل وخاصه لاغرز. لازم الدبل الثقيل وعساه يمشي


السبب هو ان كوارينه 11

[الوعد البراري]

اخوي هوايتي مكشات الدبل شغال بس الكفر مايدور وتراني غشيم بالقير الاوتو وكنت حاطه على العايدي بنمرة 2 وصح نسيت اجرب الثقيل لان الخفيف ادوس عليه الكفر مايدور كله الي قدام والي ورا مايتحرك نهائيا


عادي هذا قير الدبل يبي قوة من الاول ماهو الثاني




الايوم فصلت الدبل اشتغلن الخلفيات يدورن بقوة




التماتيك يختلف عن قير الكلتش بثاني لغرست يطلع للموتر صوت والكفرات ما تدور


حط القير على d وتكل على الله والدي يسوي نفس المذكور اعلاه بـ الغرازة القوية


بالغرازة الخفيفة ولاطلع صوت حط الموتر بلول الدبل الخفيف


الغرازة القوية ولا طلع صوت والكفرات ما تدور بلول والدبل الثقيل


بختصار مثل القير العادي والدبل الخفيف شغال وغرست غرازة خفيفة
وحطيت الموتر بـ الرابع بس العادي يلعلع ويطفي
عكس التماتيك مايطفي






التما تيك يختلف من تجربة ما حسبت اني اطلع بس اخوك حاس واليدين التجارب ـ لين طلع بثقيل ولمر سهل رجعت مرة ثاني وغرست وطلع


بهكا التغريزة بشعيب بعد السيل الماضي بصريف

[ابوفاضل2]

موترك مافيه شي وكل الفتك قير التماتيك ثقيل وخاصه لاغرز. لازم الدبل الثقيل وعساه يمشي


السبب هو ان كوارينه 11
عين الصواب....يازين الخبره
لاوقف على طول عشق الثقيل ولا الله يخلف عليك الكلتشات
تحياااااااااتي

[مقلع الرمث]

اخوي الربذي

الفتك معروف اذا غرز مايطلع الا بالثقيل

واذا طلعته رجعه للخفيف

[HAS5SAN]

سؤالي / يوم دعست له حسيت انه يدور الكفر لكن مادار وطلع ريحة كلتش محترق
إذا نعم
فهذا عزمه ضعيف وعندك مشكلة في طبلة القير الأوتو والله تعالى اعلم
إذا تكررت معاك استخدم الديل الكبير

[العابر2222]

أخوي هذي تصير في كل الجيوب واتحدى اي جيب ما يصير فيه كذا

هم حطو خفيف وثقيل

الدبل الخفيف ( اذا بتعشق السيارة وبتسرع عليها عشان ما يضر الدبل)
الدبل الثقيل (هو الي عليه الكلام ... ولا تقدر تسرع عليه وتحصل تحذير في كاتلوج السيارة)

اذا غرس الجيب عطيته الخفيف ونزل تحت يمسك الرمل الكفرات ولا تتحرك الكفرات سواء سفاري ولا غيره لأنه دبل خفيف

عطه الثقيل ولف يسار ولا يمين ويطلع زي الحلاوة

والباترول هو السيارة الوحيدة الي اذا غرست وشبكت الدبل يروح قدام عاادي لاكن السيارات الثانية لازم تسحبه ورى بعدين قدام

[SKY CRUISER]

وعليكم السلام والرحمة

مالي علم بالنيسان لكن هذي تحصل في جميع السيارات الحديثة والسبب مانع الإنزلاق،افصل مانع الإنزلاق اذاله زرعندك وتنحل المشكلة.

تحياتي ،،

[شمالات نجد]

يا أخوي لا يضيق صدرك السالفه معروفه وتصير دائماً


وتراها ماهي مشكله في الموتر أو القير أبداً يعني ارتاح


الريوس في الفتك (القير التماتيك) سريع يعني السرعه فيه أكثر من التورك (العزم) والترس كبير فما يقوم الموتر بسهوله (في حال تعشيق الدبل الخفيف)


دائماً استخدم الدبل الثقيل مع الريوس وريح الموتر وبعد ريح نفسك


الله يوفقك والجميع


سلام

[شايب السبيت]

يا اهل الجيوب
خذوها قاعده عامه وثابته
اذا صرت في النفود نسم الكفرات على 20 مع تعشيق الدبل الخفيف


واذا وقف الموتر في تغريسه فلا تحاول ابدا انك اطلعه بالدبل الخفيف نهائيا
الا اذا تبي تحرق الكلتش !!!!


الجيب اذا وقف في تغريسه على طول عشق الدبل الثقيل
وبعد ما تطلع بالسلامه رجعه على الخفيف
طبعا تعشيق الثقيل والسياره في وضع الوقوف التام والقير يكون في الفاضي



اما مشكلة صاحب الموضوع فلا عندي فيها اي خلفيه
ولكن سبق اني قريت موضوع مشابه لنفس مشكلتك
ويعتبر الوضع طبيعي سيارتك ما فيها الا العافيه

[عبدالله الضويان]

اخوي موترك طبيعي مافيه شي لو حطيت الدبل الثقيل يوم وقف كان طلع على طول
واكيد وهو مغرز وانت كنت تمشي بالدبل الخفيف مارايح تدور الكفرات الا بالثقيل

[الربذي]

بيض الله وجوهكم ماقصرتم كلا باسمه صراحه اني بغيت احرق الكلتشات الحمد لله .
نورتوني الله ينور طريقكم
.

[سوبر مكشات]

التماتيك بكل السيارات لازم يرتفع بنص الضغط الى 1.5
او 2

جرب بكذا موقف الى ان تتعود عليه

موفق

[m-a-z-d]

أخوي تأكد أنك اذا جيت تشبك الدبل بأن القير على N فاضي لاأن الدبل مايشبك ألا بالفاضي ...........

[مسمار شداد]

طبيعي
اسسسسأل مجرب انا كان معي واحد شبه جديد 2003 وقنصت عليه للرمله مرتين وكان ونعم في كل حاجه الا اذا دخلت رباض يعني رمل زي الطحين فاحطه بالثقيل ودعس قدام ماعنده مشاكل ولاكن اذا عطيته ريوس طلع معي مسافه 3امتار تقريا ثم يفصل تلقائي ثم احطه بNورده بريوس ويطلع مره ثانيه بس مايطول يمكن مسافه متر واحد
وهذي خاصيه حلوه في الفتك حتى مايحترق الكلتش
واقسم بالله قدصارت مع واحد من الجماعه نفس الطريقه وسيارته وكاااااااااااااله
يعني ريح بالك

[الربذي]

نا الله يجيركم نسيت الدبل الثقيل والله تفاعلكم معي يكفي من اول رد الى رد اخوي مسمار شداد اول كنت ابي اروح اركب صحن اثاري الامر سهل طبيعي

[YUKON_GMC]

مثل ماقالوا .... الدبل الخفيف مايصلح تستعمله ابد إذا الموتر دقر ووقف.. لأنك كذا رايح تضر المكينه بالجور عليها وترتفع الحراره بسرعه وتضر القير

الطريقه الصحيحه إّذا الموتر وقف على طول تحط القير في الفاضي للقيور العاديه وفي حرف P للاوتوماتيك وتعشق الثقيل على طول ..

بالطريقه هذي الموتر رايح يتحرك وتدور كفراته والمكينه مرتاحه بدون دوووس لكن لاتمشي عليه مجرد يطلع تعشقه بالخفيف

المشكله هذي في بعض السيارات اللي عزمها ضعيف ولكن بعض السيارات ماتفرق معه خفيف او ثقيل

عندي اليوكن ماشاء الله حتى لو يندفن دفن واعشقه بالخفيف يمشي بدون جور على المكينه

[اليامي 911]

غريبة اول مرة اسمع في هذه المشكلة

[بـــ نجد ـــرق]

هلابك اخوي

انا ياطويل العمر كان معي شروكي قير اوتوماتيك

اذا غرست تغريزه في تفود وحطيت الدبل بالخفيف مايدور الكفر وهذا شي طبيعي

لان السياره لوكانت قير عادي ومعشق الدبل الخفيف بتعجز تدور الكفرات وتطفى لكن الاوتماتيك مايطفى تدوس ولا تدور الكفرات

وانا انصحك اذا غرست مثل التغريزه ماتحاول تدعس واجد اذا شفت الكفر مايدور عشان مايطلع ريح الكلتشات .حطه بالتقيل على طول

اتمنى اني افدتك

[ثاقب]

مافيه إلا العافيه.. في حالات الغراز القويه قله من السيارات تدور عجلاتها في الدبل الخفيف,,خصوصاً الأوتوماتيك,, هنا يتجلى دور الدبل الثقيل ويفرض عليك تشغيله..
إستخدمت التويوتا ال V8 سنه وكلها في الصحراء وكنا نواجه مثل ماذكرت انفا,, فنلجأ لتشغيل الثقيل ونطلع بأريحيه متناهيه..ياأخي الوسوسه حاله صحيه إذا ماكانت في نطاق السيطره عليها,فهي بمثابة الإنذار المبكر..لكن لو تنامت فلن تستمتع بسياره.
تحياتي للجميع

[الربذي]

..ياأخي الوسوسه حاله صحيه إذا ماكانت في نطاق السيطره عليها,فهي بمثابة الإنذار المبكر..لكن لو تنامت فلن تستمتع بسياره.
تحياتي للجميع
هذا الرد رسم ابتسامة عريضه على وجهي :D

[شبح الصحراء]

السلام عليكم


السالفه ومافيها ادري اني ثقلت عليكم لكني بحثت بعدة كلمات لم احصل من قوقل مثل مشكلتي وقلت مافيه الا مكشات نفيد ونستفيد
هي ني اليوم
رحت للنفود ورقيت مع طعس صراحة عزمه ماشاء الله معجبني لكن الي غير متوقع هو اني يوم رقيت ووصلت تقريبا نصف الطعس وكنت مهدي حفر شوي وقفت ورديت على الريوس ابي ارجع لكن ادوس ادوس وفيه صوت ماادري وش لكن السيارة ماتتحرك والكفر مايدور لاقدام ولا ورا ادوس ادوس مافيه فائدة نزلت ساويت الي خلف الكفر بالرغم انه نازل طلعت رجعت دست عليه بزعل ورقيت الطعس وطعس اخر لكن بعدين وقفت بعد ان حفر شوي والمصيبه عيت الكفرات تدور سوا قدام ولا ورا القير اوتو
تذكرت سالفة خويي يسالني مع جاره فتك 2002 لكن اذا غرس بالنفود مايتحرك الا بالبهذلة وانك تحفر للكفرات واذا مشى طير وصاروخ عيبه اذا غرس فقط فقط

ياليت احد يقول لنا وش السالفه والاحظ انه بالدبل ماهو على قد صوته ادوس قوه وهو يمشي شوي شوي ..

الظاهر انك وانت طالع الطعس ووقف موترك حفرت الكفرات كثير والرمل هراد وطبيعي اذا السيارة غرزت خلاص يمكن ما تدور الكفرات بالريوس على الدبل الخفيف وحتى قدام يمكن ما تدور بعد خصوصاً في الجير الأوتو والحل عشق الدبل الثقيل لين يطلع الموتر ولا تحاول تحرق كلتشات السيارة بالدبل الخفيف .

[مدمن فتك]

موترك مافيه شي وكل الفتك قير التماتيك ثقيل وخاصه لاغرز. لازم الدبل الثقيل وعساه يمشي


السبب هو ان كوارينه 11
اخالفك بالرأي وبقوة
انا معي فتك تبترونيك وماهنا مكان ماشاء الله رحتله ولا عمري توهقت فيه من فضل الله

[مواسي الطعوس]

الحمد لله على العافيه .........والدبل الثقيل مصنوع زينه .خلو حذركم الزايد ينفعكم ....اكثر تطعيس اهل التطعيس بالدبل الثقيل ....والباترول خاصه يسرع بالدبل الثقيل يوصلون عليه الى 100 و120 . وفي الربع الخالي مع الحمل يمشون عليه (جهة الرمله) 90 كيلو تقريبا بالثقيل .

[نومـ11111س]

طبيعي طبيعي طبيعي

صارت معي في باثفندر 2004 تماتيك

ببساطة زبدة الموضووع ان التماتيك اذا حاولت تطلعه من تغريزه بالخفيف او تسحب به احد يحرق عليك الكلتش

تصير تدعس ويرتفع انبير الضغط بس الكفرات ماتدور

لذلك في هالمواقف لاتستخدم الا الثقيل

وموترك مافيه الا العافية عسى الله يهنيك فيه

[Abo gssar]

احتمال كلتشات القير ضعيفة

[ونش]

لابد من الدبل الثقيل

[الثويرات]

اخالفك بالرأي وبقوة
انا معي فتك تبترونيك وماهنا مكان ماشاء الله رحتله ولا عمري توهقت فيه من فضل الله




الله يحيك تعال لمي الاسبوع الجاي عشان تشوف كلامي. نطلع لم النفود

ابيك تدور لك طلعه " دحديره" اسفلت طبعا وانزل معها بس لازم تكون عنيفه شوي وابيك ترجع على الريوس . وشف وش يصير موترك صدقني رايح تموت من الضحك.

التماتيك الفتك ضعيف اذا غرز يالله يالله يدور كفره بثقيل ...."" اذ غرز"" لاكن لاصار يمشي طياره .

تعال لمي الاسبوع الجاي وترى الحق علي اذا ما اقريت بكلامي.

[مدمن فتك]

الله يحيك تعال لمي الاسبوع الجاي عشان تشوف كلامي. نطلع لم النفود

ابيك تدور لك طلعه " دحديره" اسفلت طبعا وانزل معها بس لازم تكون عنيفه شوي وابيك ترجع على الريوس . وشف وش يصير موترك صدقني رايح تموت من الضحك.

التماتيك الفتك ضعيف اذا غرز يالله يالله يدور كفره بثقيل ...."" اذ غرز"" لاكن لاصار يمشي طياره .

تعال لمي الاسبوع الجاي وترى الحق علي اذا ما اقريت بكلامي.
اجل السواق يلعب دور انا مايصير معي اللي يصير معك:)

[nahham]

يالغالي اذا غرزت انسى الدبل الخفيييييف
مالك الا الثقيل

لا تتعب حالك وتتعب موترك

الله يعين

[نجد داري]

اخي الربذي يبدو ان الفتك اللي معك سبق ان غير له احد الكوارين ...تأكد من موترك لاني سبق ان شفت فتك اذا شبك الدبل ضعف الموتر والسبب انه لم تتوافق الكرونة الامامية مع الخلفية

كلالالالالالالالالالالام سليم 100 % وعز الله هذا الراي .
وانا معي فتك 2007 وصار لي نفس الكلام وبعد الفحص اكتشفت إن الكارونه الخلفيه يختلف مقاسه عن الكارونه الأماميه وتم تغييرها وظبط الموتر ولله الحمد .

[الثويرات]

اجل السواق يلعب دور انا مايصير معي اللي يصير معك:)



يابن الاجواد انا ماتكلم عن السواقه ان اتكلم عن الفتك التماتيك. وتراه بحق لوتبي حاشي.

اذا غرز بثقيل يصير بقررررررره يالله يالله يدور الكفر وخاصه اذا كل الكفرات يدورن يعني بارض مستويه.

والسواقه ماله دخل .

رح دور لك هيار وامسك بريك فيه عشان ينزل الموتر شوي وحطه بثقيل وجرب عشان تقتنع.

[اسبيدر مان]

يحكم تجربتي للاوتو فيه نقطه مااشرتولها الى هي ارتفاع حرارة القير دابم القير الاوتو مع التطعيس ترتفع حرارته وبتالي يضعف ادائه فتحصل الكفرات لا يدورا لا بالثقيل ولا الخفيف اذا غرز ومجرد مايبرد القير مباشره يرجع لوضعه الطبيعي

[ساهر اليل2010]

أفادوك الشباب
تحياتي

[ALBDRANE]

الله يحيك تعال لمي الاسبوع الجاي عشان تشوف كلامي. نطلع لم النفود

ابيك تدور لك طلعه " دحديره" اسفلت طبعا وانزل معها بس لازم تكون عنيفه شوي وابيك ترجع على الريوس . وشف وش يصير موترك صدقني رايح تموت من الضحك.

التماتيك الفتك ضعيف اذا غرز يالله يالله يدور كفره بثقيل ...."" اذ غرز"" لاكن لاصار يمشي طياره .

تعال لمي الاسبوع الجاي وترى الحق علي اذا ما اقريت بكلامي.



السلام عليكم

الثويرات عضو محبوب لدي من طرحه ومشاركاته التفاعليه رغم أني لا أعرفه المهم
وللأمانه سوف أقول رأيي بكل صراحة رغم أني من أصحاب الفتكات وعشاقها حتى لو أعتبرنا أن ماذكره من عيوب القير الأوتو الحقيقة أن كلامه الي ذكره حقيقي وقد لاحظته بنفسي وكما قال في أسفلت منحدر جداً ولاكن حاولت أقناع نفسي أنها حالات أستثنائية وحسب المواقع . وبما أن هذا كلامه وقد وافق ما لدي فأن هذا الكلام لم يظهر منه من فراغ فأكيد أنه صاحب تجربه طويلة في هذا الشان .

تحياتي للجميع وللطرح الغير متحيز والواقعي وفي الأخير يبقى الفتك الأفضل عندي .

[الثويرات]

السلام عليكم



الثويرات عضو محبوب لدي من طرحه ومشاركاته التفاعليه رغم أني لا أعرفه المهم
وللأمانه سوف أقول رأيي بكل صراحة رغم أني من أصحاب الفتكات وعشاقها حتى لو أعتبرنا أن ماذكره من عيوب القير الأوتو الحقيقة أن كلامه الي ذكره حقيقي وقد لاحظته بنفسي وكما قال في أسفلت منحدر جداً ولاكن حاولت أقناع نفسي أنها حالات أستثنائية وحسب المواقع . وبما أن هذا كلامه وقد وافق ما لدي فأن هذا الكلام لم يظهر منه من فراغ فأكيد أنه صاحب تجربه طويلة في هذا الشان .



تحياتي للجميع وللطرح الغير متحيز والواقعي وفي الأخير يبقى الفتك الأفضل عندي .



احبك الله الذي احببتني به.

لاتعليق لدي .. .

بيض الله وجهك.....

[YUKON_GMC]

يابن الاجواد انا ماتكلم عن السواقه ان اتكلم عن الفتك التماتيك. وتراه بحق لوتبي حاشي.

اذا غرز بثقيل يصير بقررررررره يالله يالله يدور الكفر وخاصه اذا كل الكفرات يدورن يعني بارض مستويه.

والسواقه ماله دخل .

رح دور لك هيار وامسك بريك فيه عشان ينزل الموتر شوي وحطه بثقيل وجرب عشان تقتنع.

:D طيب هو يتكلم عن موتره وانت تتكلم عن موترك .. هو صادق ان شاء الله وانت صادق :good2: اكيد السيارت المستعمله يختلف اداءها عن بعض ..
لأنه مع الزمن كل شيء بالسياره يضعف ولكنه بنسبه بسيطه غير ملاحظه ولاينتبه لها غير اللي يسوق الموتر اول مره

البواجي واسلاك البواجي وصفاية البنزين والطرمبه والبخاخات والحساسات كلها تسوي كذا ولايبان معك الا بالتغريز

وحتى تكون المقارنه عادله .. اشتروا أثنينكم فتك أصفار مامشى وجربوا .. :D
لأن اتوقع ان الجديد مارايح تلاحظ فيه هذه الحركه .. لأنه جديد وكل شي جديد ..

مع ان اغلب السيارات تعاني من هذه المشكله ماعدا بعض السيارات من ضمنها اليوكن والتايوتاء 24 بلف

قبل فتره رحت للبحر وعلى الشاطي الرملي لقيت باكستاني معه موتر جديد واعتقد انه فورد اكسبدشن او كدلك دبل

ناسي نوعه صراحه ولكن شكله مثل الاكسبلورر - الباكستاني مايعرف يشغل الدبل ويوم ركبت فيه وضعطت زر 4×4 الموتر يرتفع يبي يتحرك ولكن كفراته ماتتحرك لاورى ولاقدام وادعس ولافيه فايده عزمه ميت تقول مكينه دباب وياليت يتحرك حتى بدون دبل ضغطت بالازره الباقيه ولاصار شيء والموتر وصلت حرارتة H آخرتها سحبته بسيارتي وطلعته .. مع إن تغريزته بسيطه ...

[مواسي الطعوس]

التويوتا التماتيك اضعف مرتين من الفتك .

[YUKON_GMC]

التويوتا التماتيك اضعف مرتين من الفتك .

ماهو كلهم ياغالي ,, انا لاقي واحد معه لاندكروز G يسحب سياره مغرزه بالخفيف وقيره تماتيك وساحبه يمكن 50 متر والموتر يحفر ولاعشة بالثقيل لين قلت له ..