وش افضل مساعدات للباترول .. أعطونا ارائكم

[فهد بن مشبب العاصمي]

السلام عليكم

وش لونكم يارجال

حبيت اخذ رأيكم في المساعدات المناسبه للباترول من جميع النواحي ماتكون لينة مره ولا قاسيه

انا حاليا مع ربع 99 عليه مساعدات جبريل غاز الزرق قدام ووراى وصراحة المطب قاسي بالراس وتقطع الربلات حقت المساعدات كل فتره،، مع اني مركب بوالين واحط فيها بالكثير 30 واحيانا25 .. ومركب ورا ياي استرالي وقدام ياي بلد .. ماادري وش المساعدات اللي جربتوها ماتكون قاسيه مره ماابي الموتر يلعب وجهه بالبر

ومريح بالديره ..

بنتظاركم

[مواسي الطعوس]

قدام مرسيدس ولا غيره .

[راعي كيف]

السلام عليكم ورحمة الله مبركاتة
هلا ابو مشبب مبطين عنك :)
مساعدات جبريل غاز وياي لا تلوم الربلات اجل :)
اشوف الشباب يركبون مساعدات غاز حقات الشاص 2002 يمدحونهن حيل وكلم ابو خالد عبد الله الحسن يفيدك اكثر
نشوفك على خير يالغالي
ابو ناصر راعي كيف

[م م ع 686]

قدام مساعدات مرسدس احسن شي للباترول

[ابوحمد666]

اخوي فهد
مساعدات شاصي انحش عنها قاسيه لابعد درجه من واقع تجربه ركبتها يوم وفكيتها على طول
تحياتي لك

[فارس العيون]

هلا بيك ابو مشبب

مساعدات الشاص كويسات للباترول

وان كان تبي تثبت الوجه زود عليك بالبلاستاين مرسدس

[اسير الريف]

قدام مرسيدس وراء جيب صالون تويوتا من واقع تجربتى

[فهد بن مشبب العاصمي]

قدام مرسيدس ولا غيره .

هلابك .. طيب المرسيدس قاسيه زي قساوة الجبريل غاز ؟


السلام عليكم ورحمة الله مبركاتة
هلا ابو مشبب مبطين عنك :)
مساعدات جبريل غاز وياي لا تلوم الربلات اجل :)
اشوف الشباب يركبون مساعدات غاز حقات الشاص 2002 يمدحونهن حيل وكلم ابو خالد عبد الله الحسن يفيدك اكثر
نشوفك على خير يالغالي
ابو ناصر راعي كيف

وعليكم السلام ورحمة الله وبركاته .. مرحبا بك والله .. المهلي مايولي .. :) والله سمعت عن حقت الشاص بس خوفي مثل قساوة الجبريل لأني تعقدت فكرت اركب بلد هههه وماقصرت ياذيبان بكلم ابو خالد .. وتلقى خير


قدام مساعدات مرسدس احسن شي للباترول

جزاك الله خير بس هل جربت الجبريل غاز ؟ هل هي نفس القساوة او اقل



اخوي فهد
مساعدات شاصي انحش عنها قاسيه لابعد درجه من واقع تجربه ركبتها يوم وفكيتها على طول
تحياتي لك


هلا بيك ابو مشبب

مساعدات الشاص كويسات للباترول

وان كان تبي تثبت الوجه زود عليك بالبلاستاين مرسدس

هلابيك .. الموتر وجهه ثابت مااشاء الله مايلعب ابد بس اي مطب صغير احس فيه .. وانا بصراحة ودي اشوف احد جرب الجبريل والشاص ..

ومرحبا بك


قدام مرسيدس وراء جيب صالون تويوتا من واقع تجربتى

هلابك ياخوي .. جزاك الله خير على نقل التجربه لكن هل جربت غيرهن ؟

[You Like Me]

وعليكم السلام والرحمه

مساعدات اولد مان :::: تلاقيها عند الرماية

[فارس العيون]

ابو مشبب ابجي للدمام عقب اسبوع ان شاء الله وتعال شف الموتر ولاجاز لك طبق على موترك شو رايك ؟؟

عزيز :.:

[فهد بن مشبب العاصمي]

وعليكم السلام والرحمه




مساعدات اولد مان :::: تلاقيها عند الرماية


جزاك الله خير على الافاده ولاهنت


ابو مشبب ابجي للدمام عقب اسبوع ان شاء الله وتعال شف الموتر ولاجاز لك طبق على موترك شو رايك ؟؟

عزيز :.:

هلابك والله اسعد فرصه نبي شوفتك وخل المساعدات تولي ههه :):)

مرحبا مليون ..

بنتظارك

[رحال نجد]

عليك بمساعدات الشاص 2002 مجربها ولا أحلى

[حاتم العمر]

مساعدات شاص هي الافضل ..

[ابو سلطان س]

مساعدات الشاصي هي الافضل والارخص تركب امامي وخلفي ولاتأخذها الا من نفس الوكاله مركبها علي الفتك 2006 اربع ابواب

[سيف العلا]

كم قيمتها يرجل مساعدة الشاص 2002

[K.S.A.A]

طيب يافارس العيون ولاعليك أمر علمنا انت وش مركب بسيارتك عشان نستفيد .
واللي يقول ركب مساعدات مرسيدس يقصد أي نوع من المساعدات ؟؟
موديل كم ؟ ورقمها كم ؟؟

[بلاتين]

مونرو خلفي

[فارس العيون]

هلا بك اخوي K.S.A.A

مساعدات مرسدس نوع بلاستاين 511 هذا النوع الي على موتري

والخلفيه مساعدات شاص 2002 وهالموديلات

[عاشق FJ]

مساعدات الشاص ما انصحك بها
قاسيه جدا ...
من واقع تجربه.

[دواس الخامس]

مساعدات مورنو morno

ممتازة جرب الجنوب افريقي او الاسترالي

[QtrAlShmaaL]

مساعدات الشاصي هي الافضل والارخص تركب امامي وخلفي ولاتأخذها الا من نفس الوكاله مركبها علي الفتك 2006 اربع ابواب
السلام عليكم ورحمة الله

ممكن تفيدنا شلون تغير مطب الموتر من عقب تغير المساعدات