مهم جداً مرض غريب

[ابوفهد السلمي]

السلام عليكم ورحمة الله وبركاته


اخواني طيري صابه مرض غريب وطالب مساعدتكم في كيفية علاجه من هذا المرض

تصيبه بعض الاوقات صرعة غريبة ويتقلب من فوق التكايه ويقلب راسه بالارض

وانا ماني عارف وش علاجه تكفون وش السوات

[حمد العذبي]

اولاً الله يشفي طيرك
ثانياً هذا نقص نوع من الفيتامينات وده للرياض وبيعطونك العلاج المناسب
هذا إذا انت من اهل السعودية او اقرب مستشفى خاص بالطيور

[ssnnss]

طيرك عنده نقص فيتامين عطه جراذي وجرابيع وياليت تعطيه جلكوز الموجود بالصيدلية سعره (4 ) ريال يوميا (5 ) ملي وريح الطير فترة العلاج اقل شي لمدة 5 ايام

[ابوفهد السلمي]

اولاً الله يشفي طيرك
ثانياً هذا نقص نوع من الفيتامينات وده للرياض وبيعطونك العلاج المناسب
هذا إذا انت من اهل السعودية او اقرب مستشفى خاص بالطيور[/QUOTE]


يعطيك العافية اخوي الله يبيض وجهك

[ابوفهد السلمي]

طيرك عنده نقص فيتامين عطه جراذي وجرابيع وياليت تعطيه جلكوز الموجود بالصيدلية سعره (4 ) ريال يوميا (5 ) ملي وريح الطير فترة العلاج اقل شي لمدة 5 ايام


يعطيك العافيه وماقصرت وان شاء الله يتحسن بعد ما نعطيه الجلكوز وبيض الله وجهك

[صقار العروبه]

الله يشفيه

[النداوي909]

الله يشفيه

[قرناس شماالي]

اخوي طيرك ناقص فتمينات
عطه جربيع وافحص الجربوع قبل اعطائه
مما يسبب الجربوع بلقمل
ومثل مافادوك الاخوان

[صقار الأسياح]

اخوي هل هو ينصرع بعد العلف والدعو او اي وقت لي عوه للموضوع

[صاحب نوماس]

يالغالي هذا نقص فيتامين

واحيانا اذا طرد مطراد قوي تصيبة حاول لاتهدة الا على صنعة وعطة فيتامين واذا حل من صيدتة حاول لاتصوفة لانك لو طوفتة راح تجية الصرعة يعني اذا كان هزل الطير

[بـــن خــتروش]

فيه فيتمين اسمه a2z اي تو زد تلقاه في الصيدليه البشريه عطه كل يوم ربع حبه بس لمدة اسبوع وان شاءلله بيطيب انا مجرب العلاج بنفسي وشمسه وعطه حمام طازج لا تعاطيه فري او دجاج خلال العلاج

[عاشق 77]

انقووووول الله يشفيه والشافي الله

[نادر عش]

هذا نقص فيتامين شكل له من العلف وعطه قلوب دجاج وكبود ولحم حاشي وحطه بالشمس ساعتين الصبح

[ابوفهد السلمي]

السلام عليكم ورحمة الله وبركاتة

اشكر جميع الاخوان على تجاوبهم معاي انا سعيد لتفاعلكم معاي .

وبخصوص المرض الغريب أخذت شهلان وهذا اسم طيري للبيطري وطلبت منه علاج لهذه الحاله
كان وجه البيطري لايبشر بالخير قال لي لو هذا المرض اصاب تيس لطلبت منك ان تذكيه
لقد اصابني بالخوف على شهلان
حدثني البيطري على هذا المرض وقال اسم المرض هذا ام رقاب او ابو رقاب ويصيب عادتاً
الحمام وهو فيروس خطير لا علاج له يحدث خللاً في خلايا الدماغ قلت هل تطلب مني انت
اقتل شهلان بعصبيه قال لا لكن سوف اعطيك علاج للاعصاب عل وعسى ان يجدي معه
لكنه ليس مضمون فتشكرته وخرجت من عنده وانا كلي حزن على طيري على كل حال
انا استخدمت علاج الاعصاب مع الطير وبداء لي ان العلاج يتعب الطير جداً
لذى سأتوقف عن اعطائه علاج الاعصاب هذا ولاهتمام بشهلان رغم انه
لن يطير بعد الان

مره اخرى اشكر جميع الاخوان الذين تفاعلو معي ودمتم بصحة وسلامة

[جنرآل الصيد]

الله يشفي طيرك ويرزقك باللي احسن منه

انت تقصد ان طيرك نفس هالطير ؟

http://www.youtube.com/watch?v=EuVn-8OYbqA&feature=related

[غضبان]

الله يشفي شهلان ويطعمك من صيده ياكريم.

[ابوفهد السلمي]

الله يشفي طيرك ويرزقك باللي احسن منه

انت تقصد ان طيرك نفس هالطير ؟

http://www.youtube.com/watch?v=EuVn-8OYbqA&feature=related

يعطيك العافيه ياخوي الطير اللي بالرابط جاته حالة اغماء فقط لكن طيري مصاب بفيروس على قول البيطري يقلب راسه ويفقد توازنه اثناء الطيران ويسقط بالارض

[@قرناص@]

ابوفهد ..

الحآله اللي فطـيرك اما صرع وهاذا اللي يقصده البيطري ,, ولآ نقص فيتآمين ...

وانصحك تعطيه من الفيتامينات وتمر المستشفى يفحصونه لك اأفضل من البيطري ,,

[ghazyy]

السلام عليكم

اضم صوتي لصوت اخوي ابو فهد السلمي

وهذا مرض تسمم بالدم وصاب عندي اكثر من طير--يقولون ان له علاج في البحرين
مع الشكر