سؤال عن مكاشيت الثمامة بالرياض

[هبيس]

هل تعرفون نفود صالحه للكشتات السريعه قريبه من الرياض ((شمال الرياض))

بأستثناء الثمامه لأني لا أحبها ولا أرتاح عند الذهاب اليها .

الرجاء ممن يعرف مكان بالمواصفات المطلوبه أن يوصف لنا الكروكي .

المطر مقبل بأذن الله عز وجل ونبي نوسع الصدر ونستانس .

[السنع كله]

شمال قبل مخرج محطة العتش طريق قصيم فين

[مخاوي الليل..]

اسمع وانا اخوك فيه الخراره غرب الرياض ..

وعندك طال عمرك بعد تفتيش الثمامه باتجاه الشمال بعد التفتيش ب 10 _15 كيلو على اليسار تدخل

على النفود وهاذي تكون نظيفه ولاعندك ازعاج ....

[الباترول دمي]

انا سمعت ان فية نفود يقالها الثويرات لم الخرج مناك لكن ماطبيتها ولا اعلم وينها

[ذيب طي]

لاتفوتك نفود ام دكه ,, حول الخراره

[القصبي]

انا سمعت ان فية نفود يقالها الثويرات لم الخرج مناك لكن ماطبيتها ولا اعلم وينها


هذا طول الله عمرك وعمري تعرف وانت رايح للخرج يجيك التفتيش حق الخرج بعدة تقريبا نصف كيلو او اكثر تجيك لوحة على اليمين مكتوب حاير لف معها يمين وابتل سيدا الين يجيك على يسارك ويمينك النفوذ هدوء بشكل ماتتصور تحسن انك طالع البر وتشوف النجوم في الليل وانت منسدح انت وخويك تشكون الحال كلن يشكي لخوية على ضوء القمر المضئ وعتمة الليل وشكرا

[العزوم]

هذا طول الله عمرك وعمري تعرف وانت رايح للخرج يجيك التفتيش حق الخرج بعدة تقريبا نصف كيلو او اكثر تجيك لوحة على اليمين مكتوب حاير لف معها يمين وابتل سيدا الين يجيك على يسارك ويمينك النفوذ هدوء بشكل ماتتصور تحسن انك طالع البر وتشوف النجوم في الليل وانت منسدح انت وخويك تشكون الحال كلن يشكي لخوية على ضوء القمر المضئ وعتمة الليل وشكرا


;) هذي الزويليات ولم يبقى منها الا 40% بس والباقي اكلته القلابات اما الثويرات فهي غرب الزلفي

[ذرب سدير]

عندك أول معبر جمال على طريق سدير تدخل منه وتلف يمين .. تمسك الردمية ووجهك شرق .. تمشي حدود الـ 25 كيلو تقريباً يجيك نقا في وجهك بس عليه الكلام تشوفه أصلاً من مسافة بعيدة وانت ناصيه .. كنا نكشت فيه منوّل أيام جامعة الإمام .. وهالحين مدري وش صار عليه .. فارقنا الرياض وغثاه ولله الحمد ههههههههه

[صدى الحادي]

زي ما قال أخونا مخاوي الليل ..

مالك إلا اللي بعد تفتيش الثمامة بــ 10 كيلو .. اللي حول مخرج الطوقي ,, وتصلح لطلاب الجامعة أمثالنا :( ..

أو الخرارة بس انها غرب الرياض .. وجنوب المزاحمية ..

أما الثويرات ,., فما هي بحولك أبد .. بعيدة عن الرياض مررة ..

أما أم دكة فهي ما تصلح .. كلها حوسة وزحمات وتطعيس وغثى شوي .. يعني تبي تجي تتفرج ايه .. أما تكشت فما تصلح لك ..

أما الزويليات ,., فنما أنصح فيها ,, اللي هي على طريق الخرج .. لأنها زي ما قالوا الأخوان ,, نصفها كلتها القلابيات ,, وكأنها مخلفات مباني ,, إلا أن وراها أرض سمردح تصلح للتضبيب ,.. الله يعيد أيام الضبان ..

أما اللي يقوله أخوي ذرب سدير ,, فهذا هو نقا الهرم .. وهو كأنك جاي للثمامة من جهة الغرب ووجهك شرق .. وهذي حلوة .. ونظيفة .. لأنها غرب الثمامة .. والناس ما توصل إلا وسط الثمامة وشرقها أما غربها فما فيه أحد يوصله .. فإذا كنت بتروح لها .. الله يلسمك تمسك خط القصيم ,, وبعد التفتيش الأول حق صلبوخ يجيك معبر جمال .. اطلع معه يمين ووجهك شرق .. ثم امسك الردمية 5 كيلو .. ثم اتركها .. وخل وجهك شمال شرق .. بتقابل النفود النظيفة بعد 12 كيلو ممكن ,, أما إذا مسكت الردمية ,, بتطلع تقريبا على نقا الهرم .

والسلام عليكم ورحمة الله وبركاته ..

[عاشق العقربية]

السلام عليكم ورحمة الله وبركاته

اما بخصوصي هذي اول مشاركة لي
وترى فيه مكشات بعد التفتيش اللي على طريق القصيم يجيك مخرج مكتوب عليه
الصمان اطلع معه وتمشي تقريبا 20 كيلو او اقل وتلقى على يمينك ويسارك نفود

الله يوفق الجميع

[فواااز]

مالك الا الثمامة بس لا تجلس الا بعد التفتيش انظف وما فيه ازعاج

[برق الحيا 55]

الله أكبر

اللي الناس أول يكشتون في طريق خريص الحين قبل استاد الملك فهد بكثير

وقس على هذا من كل جهات الرياض

تراني منيب شايب

[هبيس]

زي ما قال أخونا مخاوي الليل ..

مالك إلا اللي بعد تفتيش الثمامة بــ 10 كيلو .. اللي حول مخرج الطوقي ,, وتصلح لطلاب الجامعة أمثالنا :( ..

أو الخرارة بس انها غرب الرياض .. وجنوب المزاحمية ..

أما الثويرات ,., فما هي بحولك أبد .. بعيدة عن الرياض مررة ..

أما أم دكة فهي ما تصلح .. كلها حوسة وزحمات وتطعيس وغثى شوي .. يعني تبي تجي تتفرج ايه .. أما تكشت فما تصلح لك ..

أما الزويليات ,., فنما أنصح فيها ,, اللي هي على طريق الخرج .. لأنها زي ما قالوا الأخوان ,, نصفها كلتها القلابيات ,, وكأنها مخلفات مباني ,, إلا أن وراها أرض سمردح تصلح للتضبيب ,.. الله يعيد أيام الضبان ..

أما اللي يقوله أخوي ذرب سدير ,, فهذا هو نقا الهرم .. وهو كأنك جاي للثمامة من جهة الغرب ووجهك شرق .. وهذي حلوة .. ونظيفة .. لأنها غرب الثمامة .. والناس ما توصل إلا وسط الثمامة وشرقها أما غربها فما فيه أحد يوصله .. فإذا كنت بتروح لها .. الله يلسمك تمسك خط القصيم ,, وبعد التفتيش الأول حق صلبوخ يجيك معبر جمال .. اطلع معه يمين ووجهك شرق .. ثم امسك الردمية 5 كيلو .. ثم اتركها .. وخل وجهك شمال شرق .. بتقابل النفود النظيفة بعد 12 كيلو ممكن ,, أما إذا مسكت الردمية ,, بتطلع تقريبا على نقا الهرم .

والسلام عليكم ورحمة الله وبركاته ..

بارك الله فيكم جميعا

كفيتوا ووفيتوا

أخوي صدى الحادي الظاهر ما في غير نقا الهرم

بأروح له بأذن الله

هل يصلح للعوائل ؟

[اذكر ربك]

اذا تبي شمال الرياض طبعا مالك الا الثمامه

لكن ترا وانا اخوك في محلات بالثمامه تقريبا ما حولك احد ...

الوصف طال عمرك ... تخلي محطه خزام على يسارك وانت بطريق المجمعه
القديم ... تصير النفود على يسارك والشبك يمينك ... امش 15 كيلو تقريبا
وشف يسارك كلها نفود وتقريبا مافيها احد ... وكل ما مشيت زياده كل ما ابعدت
اكثر ... وما حولك احد ان شاء الله ...


بالتوفيق ان شاء الله


سبحان الله وبحمده سبحان الله العظيم

[مزون نجد]

ياويلي يا اهل الرياض البر عندهم تقل ســفــر :(


ويازين القصيم البر والنفود وراء بيتكم ............

[ابوهتون]

بصراحة كنت باوصف لك الزويليات,لكن عندي سؤال اذا ممكن هل الاماكن هذه تصلح للعوائل ام لا..؟ شكرا.

[ابو الفهدة]

طعوس خلف العاذرية من الشمال

[كهلان]

اذا كنت من شمال او شرق الرياض جرب نفود سعد على طريق الدمام
نظيفه وبعيده عن الازعاج وتستمتع انت وعائلتك