كم تخسر فلوس في الرحلة المكشاتية؟

[ولد عياد]

كلنا يكشت البعض يخسر فلوس والبعض لايخسر فسوالي كمم اللي تخسرة بالضبط لنستفيد ونفيد من توة بادي بالمكاشيت

[ملك الفكتوريا]

اخوي احمد عادي الموضوع اهم شئ الجوهر


يعني لازم موضوع الوان وسطور عشان نقبل








على العموم



بالنسبة لي عمري عمري 21 سنة والكشتات واجد


طبعا الغالب يكون كلن يجيب شئ المطلوب ونجمع السعر كامل ونقسمه على افراد الكشته



بس اذكر اعلى قطه كانت 80 ريال والكشتات ليوم واحد فقط


وافضل الكشتات بالجنوب نجيب جراكل الغسيل فاضية ونعبيها من الوادي والشجر واجد والخيمه من عشان المطر


تحياتي لك

[ولد عياد]

لآحول ..
اي شي يطري عليك تسوي منه موضوع ..؟؟


jتباني امسح الموضوع امسح ابوة انا مجرد واحد يبا يشارك ماخالفت الانظمة لو خالفت على العين والراس

[نفود حائل]

موضوع رائع ومفيد

بالنسبة للقطة على حسب ... اذا كانت ذبيحة 200 ريال على 7 أشخاص = 1400 ريال

اذا كانت غيرها من 100 ريال كافية وزيادة

وفيه طلعات ببلاش بس جهز الشوزن وامش

ومشكووووووور

[مهندس مكشات]

تقريبا من100 الى 150
وتحياتي

[a7md al-q9em]

jتباني امسح الموضوع امسح ابوة انا مجرد واحد يبا يشارك ماخالفت الانظمة لو خالفت على العين والراس


الله يرحم والديك قل آمين .. :)
موب عن مخالفة قوآنين او شي من هالقبيل لآ ..
وانا لست بـ مسؤول عن انزآل الموآضيع ومسح المواضيع :cool:
يوجد مشرفين ذو كفائه عاليه ونشاط دائما مسؤولين عن هالآمور ..
وجميع اعضاء مكشات مسموح لهم بـ انزال مواضيع كيف ما يشاؤون ..
بس انا اشوف آن اي شي يدور في رآسك على طول موضوع .. :)
من نكك السآبق طفران بس بطران وهذا نظآمك .. ؟؟!!! ..
لابد من انتقاء مواضيع مفيده ومهمه تهم الاعضاء ليتنآقشون فيها ويكون هنآك التفاعل من قبل الاعضاء ..
فيه مواضيع لك سابقه جميله وفيها من الفايده ومع انها بشكل بسيط جداً جداً .. :good:
لاكن انا كلآمي لك الآول كـ نصيحه آخويه لك فقط .. :)
واتمنى انك تتقبلها بكل سعه بال وانشالله انه نقد بناء وننتظر ابداعاتك بالمستقبل القريب ... :)
بالتوفيق .. :heart:

[ولد عياد]

الله يرحم والديك قل آمين .. :)
موب عن مخالفة قوآنين او شي من هالقبيل لآ ..
وانا لست بـ مسؤول عن انزآل الموآضيع ومسح المواضيع :cool:
يوجد مشرفين ذو كفائه عاليه ونشاط دائما مسؤولين عن هالآمور ..
وجميع اعضاء مكشات مسموح لهم بـ انزال مواضيع كيف ما يشاؤون ..
بس انا اشوف آن اي شي يدور في رآسك على طول موضوع .. :)
من نكك السآبق طفران بس بطران وهذا نظآمك .. ؟؟!!! ..
لابد من انتقاء مواضيع مفيده ومهمه تهم الاعضاء ليتنآقشون فيها ويكون هنآك التفاعل من قبل الاعضاء ..
فيه مواضيع لك سابقه جميله وفيها من الفايده ومع انها بشكل بسيط جداً جداً .. :good:
لاكن انا كلآمي لك الآول كـ نصيحه آخويه لك فقط .. :)
واتمنى انك تتقبلها بكل سعه بال وانشالله انه نقد بناء وننتظر ابداعاتك بالمستقبل القريب ... :)
بالتوفيق .. :heart:

jتصدق ابنزل موضوع الللقافة في المكشات امزح الا وجهة نظرك محل اهتمام الجهات المختصة وسوف يتم دراسة الموضوع بكل جدية واصدار امر مرسوم مرفق بالقرار

[«نجم الخير»]

ماهي خساره الفلوس الخساره انك تجلس بالبيت ولاتطلع :D

لكن الكشتات مافيه تكليف واجد شي بسيط لايذكر ;)

[علم162]

والله على حسب الطلعه طولها وقصرها لكن كشتة عشاء ماتقل عن خمسين اذا العدد اربعه يعني حطب ولحم والا دجاج وخلافه انا اخر طلعه 200ريال اربعاء وخميس وجمعه

[سليمان 10]

يوم واحد 150 الى 200 000

[عقيد حرب]

والله ياااغالي تختلف على حسب كم يوم وش هم اخويااك لكن الزبده والي علية العلم ان الوحد يطلع يبي يغير جوو ويبي يطنخ روحة ولا يحسب كم يصرف لانة اهم شي انت ترجع مستانس طبعاا انا طالب مع كذاا ماحب اقصر على روحي بشي وخيااي نفس الطريقة اهم شي اهم شي خذ كل شي من الديره والله ان ترتاااح يعني بالكشتة لا تشري الا بانزين وخبز وهذي عن تجربة والي يزود عليك اقرب عامل غنم ولاعامل اومزرعة عطة الباقي....وتااخذ جره

[نايف 1996]

50 ريال تقريبا__

[ولد عياد]

والله ماش تكلفة

[نحال الجبال]

تختلف التكلفه اذا كنت مجموعه او لوحدك مير اهم شى اطلع لاتجلس با البيت

[بريداوي اصليm]

أشكرك أخوي ع أختيارك للموضوع
الصراحه إذا صارت الطلعه ممن المغرب إلى 1_2 باليل
طبعاَ لازم توقف عند الطيور وتاخذ
إذا صرتو 4 أشخاص
3تريال زبده
بريال بصل مقطع وجاهز
بريال طماطم
بريالين كوسه
بريال قرع
22 ريال دجاج
8 تريال ببسي مع العشاء
14 ريال حزمتين حطب
أدطلع من محل الطيور وأدخل بقاله
10 تريال جلكسي وفصفص
أطلع من البقاله ووقف عب بنزين 10 تريال
وإذا ديزل 3 :D
وعلطول أول ما تعبي لا يوقفك الا مكان طلعتكم
خلنا نحسب التكلفه
مجومع التكلفه 73 ريال :)
وأنا أشوف بعض الأعضاء الله يهديهم مزودين الدعوه
200 150 100 ترا مهب شرط كل ما كشت
ذبيحه... الوطنيه ولا الأخوين ونعمه ياكريم
أرجو أني أفدتك أخوي
:good2:

[MjNo0oN]

والله على حسب

اذا كانت بدون عشاء القطه من ال5 لل15 ريال بالكثير
واذا كانت بعشاء من ال15 لل30 ريال وقليل من الاحيان توصل 40

اما اذا كانت اكثر من يوم اكثر قطه حصلت 500 ريال لمدة 15 يوم مشينا من الرياض للرمله عدد الاشخاص 6 و السيارات ثلاث وفي العاده تكون الطلعه لمدة ثلاث ايام والقطه ماتتجاوز ال150 ريال لل200 بالكثير

اما اذا كانت صيد في الغالب تكون القطه خفيفه الا قليل من الحيان تقص ضهورنا قطة الفشق اذا كان مهوب متوفر

[الستانس]

3 ايام ما تتعدى 70 ريال

اما قريب من 15 -20 واحياناً اقل

والعاده اذا كانت عشاء نجتمع على انها قطه ويتكفل بها واحد

ويامال الغناة

[ABO MOAIAD]

والله ماش تكلفة

ولد عياد
تعتمد على هواااااك انت طلعه تغيير جو ماتكلفك شي والا كشته تسوى مع رجاااال تشري خوتهم
صدقني ساعتها ماتحسب تكلفه ولا شي

[كشّات شتوي]

**إذا مع شباب موظفين نقط حسب الصرف المهم نفرق بـ100-200 مثلا وإذا نقصت نزيدها وإذا زادت
أما ترجع على العموم .وغالبا الزائد يتم صرفه في أحد وجيه الخير .(نتصدق به عن الجميع)أو تغسل به السيارة.

**إما إذا الكشته أنا وعيالي وهذا غالبا ما يصير فالله المستعان يتحملها الشايب (أنا) ولا واحد يقط معي تصدقون هههههه.

همسه: لا تحقرون أي موضوع فلربما وجد بها ما ينفع الآخرين رغم بساطته .

[العودالازرق]

اعتقد أهل الصيد هم اكثر في الخسائر فرحلة لسودان تكلف 30 الف ريال حسب ما سمعت

[راعي بيشة]

يختلف من رحلة إلى أخرى

أحياناً في السيارة رز و قهوة وهيل وسكر وماء وتمر

وأحياناً تحتاج لبعض الأغراض كالتي ذكرت

[ساحووق]

مشكور على الموضوع

وماهنا تكلفه والريااجيل خوتهم تنشرى باالملايين

[ابن دُهمي]

كل انسا ن له راي با المكشات اذا كانت يوم او ليله با النسبة لي نادر . فهذي يتكفل بها واحد واما اذا كان الشمال ربيع فعلا
مافيه طلعة اقل من اسبوع او عشرة ايام نكون 8 اشخاص على 3 سيارات او 4 لاتقل القطه من 500 ريال الى 700 ريال . واهم شي الخوي الطيب قبل القطه . والوناسه

[ولد عياد]

مشكوررررررررريينن على المشاركة ونتمنى الزيادة

[سفاري فتك2009]

الله يرحم والديك قل آمين .. :)
موب عن مخالفة قوآنين او شي من هالقبيل لآ ..
وانا لست بـ مسؤول عن انزآل الموآضيع ومسح المواضيع :cool:
يوجد مشرفين ذو كفائه عاليه ونشاط دائما مسؤولين عن هالآمور ..
وجميع اعضاء مكشات مسموح لهم بـ انزال مواضيع كيف ما يشاؤون ..
بس انا اشوف آن اي شي يدور في رآسك على طول موضوع .. :)
من نكك السآبق طفران بس بطران وهذا نظآمك .. ؟؟!!! ..
لابد من انتقاء مواضيع مفيده ومهمه تهم الاعضاء ليتنآقشون فيها ويكون هنآك التفاعل من قبل الاعضاء ..
فيه مواضيع لك سابقه جميله وفيها من الفايده ومع انها بشكل بسيط جداً جداً .. :good:
لاكن انا كلآمي لك الآول كـ نصيحه آخويه لك فقط .. :)
واتمنى انك تتقبلها بكل سعه بال وانشالله انه نقد بناء وننتظر ابداعاتك بالمستقبل القريب ... :)
بالتوفيق .. :heart:



تكتب ان شاء الله
لأن الكلمة الي كتبتها تغير المعنى
:good2:

[ولد وايل]

في المكشات ماتسمى خساره


الخساره اذا طلعت مع ناس ماتستاهل وانت بسيارتك وهم جايين معك ويحاسبونك على كل شي



اي شي فيه وناسه مايسمى خساره



الخساره بالرفقه السيئه او البخيله

[فياض الربيع]

على حسب الكشته وكم بتجلسون

[هوايتي مكشات]

حسب الكشته بس ماتكلف

[ولد عياد]

مشكورين على مشاركاتكم النيرة

[سيل بن سايل]

اكسب معرفة الرجال شرواك

[ولد عياد]

88شرواك الطيب