Gx ...ابيكم تهندسون عليه

[هاوي قصيده]

السلام عليكم ورحمة الله وبركاته

كيف حالكم ..طيبين؟؟

اليوم يا الربع جايب لكم موتري توي شاريه والله...وقولوا ماشاء الله :)

الله يعطيني خيره ويكفيني شره..قولو اميييييين..

الوكاد..

جبت لكم صورته بس تعرفون هبه اللي شاري جديد يعطيه ذيك التغبيره غدى تقل جيب خفر السواحل هههههه

ابي اخلي الموتر ميه ميه..وش شوركم يا الربع من كفرات واريلات وحركات..

لاتبخلون علي ..

وهذي صوره الموتر معليش هي كبيره بس هذا اللي قدرت عليه
http://www.w6w.net/upload2/15-10-2005/w6w_200510150459023ddff65c.jpg

[ع.ف.الدرويش]

السلام عليكم ورحمة الله وبركاته

هاوي قصيده.. مبروك.. والله يطعمك خيره ويكفيك شره
وانا اخوك غسله وخل عنك حركااات هاليومين
- التظليلة شلها وحط أخف من كذا بواجد
- الجنوط ما عليها حلوه وإن كنت بتبدلها فخذ الرماديات اللي على الربع التويوتا
- الكفرات فاللي عليه زينه بالحيل وإن كنت تبغى تغيير فيا تركب الـ 900 ( سيام أو دنلوب ) أو الرمليات حقات الشاص ( دنلوب ) وهن معروفات بالسوق
ولا ننسى رفعة الموتر بتغيير اليايات الخلفية ( يمكن تلزمك ويمكن لا )
- الحركات الداخليه تلبيسة الكنب حلوه والأرضية بعد
- سلة تثبت بالخلف تحميل عدة بر وحطب لونها بني واعتقد الخامة صنع باكستاني أو تنزاني
- دعاميه أماميه الصغيره
- سلة السقف المقصوصة
.
.
هذا كل اللي قدرت أجمعه الحين
والشباب ما يقصرون أبد

أخوك أبو فهـــد

[هاوي قصيده]

مشكووووووووووووووور

ياهلا والله فيك يابو فهد

اسفرت وانورت..والله يجزاك خير انشاء الله

ماقصرت يابعد حيي

بس ياخوي اليايات اللي تتغير على قولتك الخلفيه..مدري تتغير بالزينه والا الوكاله

افدنا لاهنت

اما بالداخل فضبطته بس ابي من الخارج

وتحياتي

[ع.ف.الدرويش]

بس ياخوي اليايات اللي تتغير على قولتك الخلفيه..مدري تتغير بالزينه والا الوكاله

هاوي قصيده.. هلا وغلا
وأسفرت وانورت بوجودك بارك الله فيك

بالنسبة لليايات.. سبق وتناقشوا الشباب فيها بموضوع مستقل طبعاً وتكلموا عن اليايات الأسترالية وهي متوفرة لدى محلات الرماية بالرياض / طريق التخصصي بين البنكين الأمريكي والهولندي أما أسعارها طبعاً الخلفية لحالها حول الـ500 ريال والتركيب في مركز تبعهم على النفس الطريق لكن بعد نفق النقل الجماعي وإلا بالصناعية القديمة في ورشة العتيبي أو أي ورشة لك معرفه فيها ويكلف إلى الـ200 ريال
.
.
طبعاً هذا رابط الموضوع..
http://www.mekshat.com/vb/showthread.php?t=36079
.
.
وأنا بالخدمة..
أبو فهـــد.. ;)

[هاوي قصيده]

يعطيك ال الف عافيه اخوي ابو فهدد

وجزاك الله خير يابعدي

نخدمك بالافراح طال عمرك

وتقبل تحيااااااتي

هـاوي قصيده

[دله وفنجال]

السلام عليكم...
اخوي الغالي هاوي قصيد اذا كنت تبي تكمل موترك فيجب عليك فعل الاتي:
تركب كفرات بالون سيام تير وهن افضل شي او ماكسس بدرجة الثانية بعد السيام واهم شي 8 غاط لجل يتحمل الكرف.
اتركب يايات استرالي اقل مقاس لجل لايطير موترك بسما من زود الرفع الي ماله داعي وكذالك مساعدات استرالية اولد مان وهذا زي ماتفضل اخوي الدرويش تم نقاشة قبل كذا.
تفصل سلة الي تجي دار مادار بشنطة للحماية وهي اما من القماش التنزاني او الباكستاني ونا انصك بتايلندي اذا كان لك رغبة فية بس التنزاني كشكل احسن.
أتركب تانكي ماء حجم من 85 لتر ألى 120 لتر داخلي وأنصحك بلالمنيوم تراه خفيف عند الحمل وممتاز لايتغير الطعم فية ولا ياخذ حيز زي اللستيل وعلى حسب رغبك تبيه واقف على المرتبة او مفروش على مساحة الشنطة ولاكن يجب عليك انك اتركب علية دار مادار عازل (لباد) ومن ثم تلبس تايلندي لان التايلندي لايمكن ان الماء يخر معه ماهوب مثل التنزاني اذا الماء ابطى اشوي بداء يندي.
طبعن لاتنسى الايكوم والقارمن اذا بغيت تكشت .
وللزيادة اذهب الى خيمة عدد وادوات الرحلات وستجد مايحلو لك من ابتكارات مكشاتيين متمرسين ذات خبرات عالية الله يحفضهم.
اسف على الاطالة في الرد...
اخوك ابو حسين

[هاوي قصيده]

اخوي ابو حسين

مشكووووووووووووووووور يابعد حيي عالتعقيب وادلائك بالمعلومات

بس الشنطه اللي بالقماش التنزاني قصدك شنطه عزبه؟؟

وبالنسبه لليايات الاستراليه والمساعدات بس خلفيه مثل ماتفضل اخوي الدرويش؟؟

وتشكرات مني لك
يا الغالي

[الفشق المتوووسع]

السلام عليكم ورحمة الله وبركاته

مبروك اخوي هاوي قصيده الله يبارك لك فيه ويعطيك من خيره ويكفيك شره

ابشرك انك عرفت تختار

والتجهيزات دام الgx بيروح للبر فلازم الاسترالي والشوزل المصرحه وصندوق فشق

والخوي اللي تحطه على يمناك .

واسأل الله لك التوفيق والصيد والفيد :good:

[هاوي قصيده]

اخوي الفشق

تسلم يا الغالي عالمرور والمعلومات

وموجود الخوي مثلك وشرواك طال عمرك

واشكرك مرتن ثانيه

والله يهدينا لما فيه خير لنا

وسلامتكم خخخ

[دله وفنجال]

السلام عليكم...
اخي العزيز هاوي قصيده مالك لوا مقصدي الي يفصلونة وتلبس على شنطة الموتر يعني على مساحة الشنطة كلة وليس عزبة الكشتة زي ماتفضلت ...
اما من ناحيت الياي معي علم سبق وكان معي vxr 2001 لاكن بعض ألاخوان يطير بلعجة ويتسرع ثم يركب يايات فوق الحد المعقول ثم يفنقس الموتر و يتبهذل راعية بلركوب والنزول وخاصة لاصارو الاهل كبار في العمر...
هذا الي حبيت اوضحة طال عمرك واي خدمة حنا حاضرين...

[البرحه]

السلام عليكم ورحمة الله وبركاته

مبروك اخوي هاوي قصيده الله يبارك لك فيه ويعطيك من خيره ويكفيك شره

ابشرك انك عرفت تختار

والتجهيزات دام الgx بيروح للبر فلازم الاسترالي والشوزل المصرحه وصندوق فشق

والخوي اللي تحطه على يمناك .

واسأل الله لك التوفيق والصيد والفيد :good:

علمك الرجال ....

خل الموتر على وكالته بس ..حلاوته كذا ما يحتاج لعب وتعديل وخرمطه.

ان كانك بتغير الكفرات والا موب لازم ..

وشكرا

[عاشق المزون]

والله اخوي الله يطعمك من خيرها ويكفيك شرها
انا معي نفس الموتر وعدل الاتي :
1) تلبس المساحة الخلفية بقماش من اجل التحمبل وانت عارف ماودك السيارة تتوسخ وانا شفت قماش جاهز من شغل السنيدي ممتاز وعملي السعر في حدود 185 ريال
2) ركبت جنوط لكزز (تكحيلة) من الغرابي وكفرات دنالوب شد بلد الجيب القيمة الظاهر حدود 2500 ريال من الغرابي بس انتبة الصواميل تجي مع الجنوط لا يلعب عليك مثل مكلمك :)
3) تانكي ستيل خلف المرتبة الاخيرة المقاس كالاتي:
108 الطول - 50 العرض - القاعدة من الاسفل 25 - القاعدة من الاعلى 15 - الحجم 120 لتر عاد الي هو المشكلة يمد وسط المساحة الخلفية تحت القماش الى في الخطوة 1 حتى يطلع مع الباب الخلفي وهذي مشكلة لازم تفتح البيبان حتى تمد الماء وتغسل :)
4) وانا بعد ناوي اركب مساعدات ويايات من عند الرماية واحس ان مقاس 200 او 150 ممتاز ومناسب
5) ركبت في باب الشنطة الخلفية انتل صغير علشان الامن مايزعجنا ونزعجة من نوع انتي نكس امريكي ممتاز وصغير بس السعر غويلي
خذتة من عند العامة على الدائري الشرقي بحوالي 160 ريال مع القاعدة واذا الامن سال قل مقوي جوال !!!!!
6) i-COM وجارمن اذا بغيت البر غير اما التظليل والتغبير خلة عنك اذا بغيت البر
واي سؤال انا حاضر؟؟؟ :)

[أبو يوسف]

الله يطعمك من خيره ويكفيك شره

ولا ازود على كلام الاخوان الا بنصيحتك بأن تشيل التضليلة تراها تحد من الرؤية بالبر في الليل


مع التحية

[هاوي قصيده]

دله وفنجال

يعطيك الف الف عافيه ياالذيب وماقصرت ياببعدي

اخوي البرحه:
كفوو والله يابعدي ومشكور عالنصيحه وكثر الله من امثالك

عاشق مزون:
لي الشرف ان موتري يشبه موترك..بس ياخوي ممكن توصف لي المحل اللي شريت منه الاريل لاني تعبت وانا ادور عليه قلت ابجي الرياض اكيد القاه بالغرابي..
اما الكفرات سعهرا مع الجنوط كم طلع عليه كمبليت؟؟

ابو يوسف/

ماقصرت يا الذيب والتغييمه شلتها ياخوي ركبتها لحاجتي لها بلسفر بس والا انا منيب راعيها

ومشكورين يا الذيبان واخدمكم بالافراح

[اسيزو 4x4]

الغالي هاوي قصيدة ...

ما أزيد على كلام الأخوان ماقصروا

وأحب أقول ما شاء الله تبارك الرحمن الله يعطيك خيرة ويكفيك شرة يا بعدي


...

[محب الشمال]

ما شاء الله تبارك الله
الله يعطيك خيره ويكفيك شره والله يحفظك

ونصيحة بعد توفيق الله اهم شي بالبر هو الماء

[الكابتن]

الله يعطيك خيره ويكفيك شره

جعله مبروك ولا ازيد على الاخوان شى بالنسبه للتجهيزات ولكن لا تستعجل ولا تحط شى الا تكون مقتنع فيه ويلبى حاجتك

[حـاتـم]

السلام عليكم ورحمة الله وبركاته

والله ماودي اازود على الاخوان بس جبت لك صوره هدد 2004 مركب خطوط 2005 وشف شكله كانه جازلك

ركب مثله
http://www.n0f.net/uploads/10-16-05~____2004.jpg


وشكرا

اخوك / حاتم

[ابو؟؟؟]

السلام عليكم.....
الشباب كفو وفو
الله يطعمك من خيره ويكفيك شره
لا تنسي تركب اليايات (الشباب قالوه) بس من باب التاكيد لاني مركب واحس بالفرق

وشكرا....

[**البردعي**]

شف ذا اخو موترك

http://www.arab7.com/up/file/1129179163888.jpg

بس الصوره قديمه زاد عليها تظليله سوداء كاتم وكفرات بالون اكبر من هذولي

والله يعطيك خيره ويكفيك شره

طبعأ غير تانكي الماء الي مركبه داخل وراء مره وجاي مسح على كل المساحه بس بأرتفاع عشرين صانتي تقريبأ

[فتى شنه]

اخوي حاتم ماشالله على الصوره ماادري اللي رافع الهدد الجنوط والكفرات البالون 900 واللى مركب يايات امامي وخلفي كبيره

ارجو الرد والسلام وعليكم

[هاوي قصيده]

اشكر الاخوان اللي ردو عالموضوع واعطوني مما لديهم من معلومات تخص الموتر

وصراحه محد منهم قصر ويكفي مرور البعض وسام على صدري

بس يا اخوان بالنسبه للمساعدات واليايات الاستراليه تركب قدام وورى؟؟

وبكم تكلفتها مع التركيب لاهل الخبره
مع العلم اني من سكان الدمام

ومشكورين مرتن ثانيه

[حـاتـم]

فاى شنه مركب ياي استرالي ورا الاند مايركب قدام ياي لانه مسامير

وشكرا

واسف على التأخر بالرد

[هوى]

اخوي هاوي قصيده
كيف الحال وشلونك عسااااك طيب وبخيييير**
اول شي مبروووووك على الموتر والله يعطيك خيره ويكفيك شره ***
س1: موترك تماتيك صح ؟
بس ابس اعرف الدبل زر كهرب ولا قير؟؟؟

[عاشق المزون]

هلا اخواني

>>اما بخصوص الانتل يقع محلة بين مخرج 12 و 13 على الدائري الشرقي وانت متجه جنوب يجيك على اليسار مجمع اتصالات(على خدمة الدائري)والمحل اسمة العامة لوحتة زرقاء والسعر في حدود 160 ريال على ما اعتقد القاعدة 60 ريال والانتل 100 ريال
>>اما جنوط الكزز مع الكفرات دونالوب 2500 ريال من الغرابي مع الصواميل لان صوميل الكفرات تبع الوكالة قصار لازم تغير

>>اما من يسال عن الدبل للهدد التماتيك طال عمرك قير عادي هذا الدبل الثقيل اما الخفيف زر وما يحتاج

[هوى]

يعطيك العافيه اخوي عاشق***************

[بيرتا]

الله يطعمك من خيره ويكفك شره

لا كن اذا كنت تبيه من الناحيه الخارجيه
1ـاغسل عالغبار الي عليه وده لبو وليد في النهظه بالرياض اهم شيي هذي
2ـفك الضليله ورش القزاز شمع دائري اذا كنت ملزم لاكن فكه
3ـياي اصغر مقاس
4ـكفرات بلون علا نفس الجنوط
5ـاريل كنود لا كن يركب علا القزا الي ورا
6ـ زش التنده والكبوت والقزاز الامامي فقط طبعآ شمع فقط بدون غبار ويكون الشمع خفيف مهوب تقل غايص بطن
7ـلبس تكايات الراس بلاستيك اخظر وبدعيلي وارفع التكايات شوي
8ـ ان حصل فك الدعاسات (مصروقه الفكره من قطر)
9ـ عليك بغسيل الطاجات الي داخل الرفرف وتحتي الموتر
10 ـ فك الهوك الخلفي وماعليك معك جيب ومنتب مغرزاو بلش

[هاوي قصيده]

اخوي عاشق مزوون تسلم تسلم تسلم يا الذيب..وصراحه ماقصرت وانت قدها وقدود

اخوي هوى..هذه حبه خشم يا الغالي وماقصرت

اخوي بيرتا..يعطيك الف عافيه

بس وش قصدك البس التكايات بلاسيك اخضر؟؟ووين تنوجد..انا بالشرقيه وبروح للرياض الاسبوع هذا..

وتشكرات للكل

[بيرتا]

راجع صندوق الوارد