تحذير من فصل دبل المفخرة وانت تمشي مع صديقي علق عليه الدبل وكلفه2500ريال

[الربذي]

السلام عليكم
واحد من الشباب
يقول
عطيت موتري احد الاقرباء يوم طلع من النفود وهو ماشي بدل مايوقف ضغط الزر وهو يمشي عيا يفك الدبل بتل مولع لمبته وداه كذا واحد ماعرفوا له حطه عند الوكاله قالوا له 300 الفحص بس ويوم فكوه قالو دينموا الدبل خربان ويكلفك 2500 والدينمو غير متوفر ياكود نطلبه من اليابان هو حاول يتله قدام وورا فصل البطاريه مافاد شابك ولمبته مولعة
والان موقفه بالوكالة بس يبي يطلعه وش نصائحكم لو تكرمتم .
موديله 2008 .القير عادي 6سلندر
يقول الدبل الخفيف زر مثل ماقال اخونا صقر امه ضغطه وهو يمشي واتلف الدينمو على كلام الوكالة اذا صادقين صراحة انا مااثق بالوكالات ماديين مرة مرة .

[هوايتي مكشات]

الله لايخسر راعيية

[ذيب زلفاوي]

غريبة اخبر ان دبل المفخرة مستمر يعني داايم شابك الوالد عنده 2010 ودايم شابك لكن مادري عن 2008

[صقر أمه 506]

شابك على طول
لكن فيه الدبل الخفيف هو الي يتكلم عنه ..
وهو الي له زر ويفرق عن المستمر ..

[الربذي]

شابك على طول
لكن فيه الدبل الخفيف هو الي يتكلم عنه ..
وهو الي له زر ويفرق عن المستمر ..
اي اخوي قال الزر والي انا اعرف ان له فرار بس قال لا زر الخفيف.

[الصمان 2]

ان شاء الله تلقى له حل سهل .



موفق أخوي .



.

[مواسي الطعوس]

اذا هو مثل الاكستيرا والفاندر 2006 وطالع : الافضل تشبكه وانت على سرعة 120 ونازل ...لكن دورة الكفرات واحده الاماميه والخلفيه (يعني لايصير يفحط)وانت تشبك الدبل .

**الثقيل : لازم توقف عند الشبك والفصل .

[ابن عكاش]

اسأل في قطع الغيار عن دينمو الدبل مثل الضحيان والنهدي والرشيد نصيحه تراهم ارخص من الوكالة واجد وطلع الموتر وصلحه عند ورشة بتلقلى فرق واجد
اجل فحص بـ300ريال وشلون التصليح
اتمنى اني افدتك

[جومانشي]

الحل بسيط خله يتوكل على الله اول شي


ويطلعه من الوكاله ويمشي فيه شوي ويكسر الكفر على الاخريسار وان شاء الله اول ما يتعدل الموتر مع الخط بيفصل واذا ما نفع خله يحاول يكسر الدركسون يمين وهو يمشي كذا مره راح يحس في البدايه بثقل بالموتر وبعدها بيرجع الي وضعه الطبيعي

والله يسهل امره