هل تسميها عدة أم عزبة ومن أين أنت ؟ [الأرشيف]

أبوغمارة

26/12/2010, 03:57 PM

السلام عليكم ورحمة الله وبركاته

موضعي هذا ترفيهي بالدرجة الأولى ، وفيه تعرف على طبائع الناس ومسمياتها المختلفة من مدينة إلى أخرى .

طبعا تعرفون هذي :

http://www.mekshat.com/pix/upload04/images194/mk16123_j.jpg

فيه ناس يسمونها عدة وفيه ناس يسمونها عزبة وهذا بحسب البيئة أو المدينة ،، فالرجاء منكم تحديد الاسم مع ذكر مدينتك .

أما بالنسبة لي فأنا أسميها (عدة) وأغلب الأقرباء والأصدقاء يسمونها بهذا الاسم ، وهناك أصدقاء لي من غير مدينتي يسمونها (عزبة) ،، أما مدينتي فهي حريملاء شمال الرياض 80 كيلو

الرجاء منكم المشاركة والله يحفظكم .

أهم 1

26/12/2010, 04:32 PM

عزبه - الرياض
يابو غماره ربي يرزقك بالغماره الثانيه وتصير ابو غمارتين ههههههه ( بدووووون زعل امزح :D )

برق الدمام

26/12/2010, 04:38 PM

حيالله ابو غمارة

انا والله اسميها عزبة

انا من سكان الدمام -- بس من اهالي الوشم ( اشيقر سقاها السيل )

مطر نت

26/12/2010, 04:42 PM

عزوبة
معاميل البر- السودان

ولد عياد

26/12/2010, 04:44 PM

عزبةةةةةةةةةةةةةةةة

حمد الأحمد

26/12/2010, 04:45 PM

فيه ناس يسمونه ثايه...

الأسماء تختلف من منطقة لمنطقة

أبوحمد 505

26/12/2010, 04:45 PM

أسميها المعزبة (عزبة) المدينة السيح

مسفر الاكلبي

26/12/2010, 04:46 PM

عزبه _ اهالي بيشه

أنس بن فهد

26/12/2010, 04:47 PM

كلهن :D
عدة , عزبة , ثاية <-- بتاع كلو :D ..

و الموقع بريدة

@..ابن الدلم..@

26/12/2010, 04:49 PM

عزبة... معاميل الدلم جنوب الرياض 90 كيلو

داعي خير

26/12/2010, 04:51 PM

السلام عليكم
عزبة
بيشة - الرياض

أبوغمارة

26/12/2010, 06:02 PM

أثري لحالي اسميها عدة ، الله يخلف :D

على العموم نشوف ممكن احد يسميها عدة ،، أو يجيب لنا اسم جديد مثل (ثاية) << أول مرة أسمعه

أشكر الأخوة جميعا:
وكري9 : آآآمين الله يرزقني بها ، والزعل :(لا للزعل في مكشات)

برق الدمام : حياك الله ياراعي الوشم ياجارنا

مطر نت : ونعم والله بأهل السودان حياك الله

ولدعياد : بس ماقلت من وين أنت ؟

حمدالأحمد : اكيد تختلف بس ماقلت وش تسميها ؟

هلا أبو حمد القحطاني معزبة ولا عزبة :eek: ولا كلهم نفس الغرض :D:D

مسفر الاكلبي : هلا بأهل بيشة والنعم بكم

أنس : ياخي اصمل على وحدة :D مايصير تسذا اويلاه :D:D ياحبي لكم ياهل بريدة

ابن الدلم : هلابك وبعزبتك ومعاميلك :D

داعي خير : يبدو ان مصطلح العزبة مسيطر على الوضع :confused::eek:

حياكم الله جميع وننتظر باقي الإخوة الكرام

عبدالله27

26/12/2010, 06:18 PM

الله يسلمك هذه عزبه المكاشيت ام العده فهي شنطة العده الزراديه واخوانها
الــــــــــــــزلــــــــــــــــفي

الــحـاكــمــ

26/12/2010, 06:22 PM

الله يسلمك هذه عزبه المكاشيت ام العده فهي شنطة العده الزراديه واخوانها
الــــــــــــــزلــــــــــــــــفي

سيم سيم أبو عبدالله

هذي شنطة العزبه

أول مره أسمع إنه يقال لها عده غير منك

ههههههههه

Spank

26/12/2010, 07:46 PM

في الامارات الاغلبيه يسمونها عدة

عناز الحره

26/12/2010, 07:47 PM

عزبه ((((تـــــــــــــــبوك))

متعب السليمي

26/12/2010, 09:02 PM

عزيبه : حـــائــــل مسكن/ حفر الباطن العمل

بريداوي اصليm

27/12/2010, 01:19 AM

كلو واحد عده عزبه ثايه عزوبة :D أهم شي توتسي الواحد بالبر
بس تبي الصراحه غيرت من أول أسميه عزبة الحين لا أبسميه عزوبة :D
أقول خلن أضغط ع اعتمد المشاركة لأن قرقه أشوي :p

عزبة الموقع بريدهـ

قمرا

28/12/2010, 12:50 AM

نسميها عزبة بس ماكانت موجودة عندنا هالكلمة لاهي ولاأغراضها نهائي
بس صارت دارجة وتنباع عندنا من بعد سفراتنا وسفرات تجارنا للسعودية
ومنها حطواا محلات إتبيعها والطلب شديد ماشالله
ومثلها التمور والقهوة السعودية الله يعزها
مكانا الديرة المجاورة برضو الله يعزها :D

أبوغمارة

28/12/2010, 11:41 AM

عناز الحرة : تسلم ياراعي تبوك

متعب : ونعم بأهل حايل أهل الكرم والجود

بريداوي : سمها عزوبة ولا عزيبة أي شي ،، أهم شي انها تعزبك مثل المعزبة :D:D

قمرا : طيب وين مكانكم الله يعزكم ياجيراننا :D:D

أبوغمارة

28/12/2010, 11:43 AM

في الامارات الاغلبيه يسمونها عدة

كفو والله أهل الامارات ،، اخيرا لقيت واحد يسميها عدة ،، الظاهر ان أصولي اماراتية :D:D

ابن بااارود

28/12/2010, 11:45 AM

يعطيك العافيه

الدبل الثقيل

28/12/2010, 11:52 AM

عزبه او عده!!

لامشاحاه في الاصطلاح بعد فهم المعنى

سفاري فتك2009

28/12/2010, 09:13 PM

عدة او عزبه :D كلهن واحد
بس اكثر شي اقوله العدة :D :)

alwssam6

28/12/2010, 09:42 PM

عزبــــــــــــــــــــــــــــــــــه

قمرا

29/12/2010, 12:56 AM

قمرا : طيب وين مكانكم الله يعزكم ياجيراننا :D:D
الكويت يامحفوظ السلامة وإنتم أهلنا والله من خوال وعمام
و الحين التجار السعوديين صارواا يحطون فروع محلاتهم عندنا
وهذا شي حلو أكيد
مثل العثيم والعربية
ويارب يعزكــ ويعز غاليكــ وتبقى الديرة ديرتكــ على كل حال
تحياتي

أبوغمارة

02/01/2011, 01:45 PM

ابن بارود

الدبل الثقيل

سفاري فتك

الوسام

قمرا

مشكورين على المرور وتعطير موضوعي بمشاركاتكم المميزة

أبوغمارة

02/01/2011, 01:47 PM

الكويت يامحفوظ السلامة وإنتم أهلنا والله من خوال وعمام
و الحين التجار السعوديين صارواا يحطون فروع محلاتهم عندنا
وهذا شي حلو أكيد
مثل العثيم والعربية
ويارب يعزكــ ويعز غاليكــ وتبقى الديرة ديرتكــ على كل حال
تحياتي

مايحتاج الكويت والسعودية جيران واخوان من قديم الزمان ،، الله ينصرهم على كل من عاداهم ،،

دخنآوي

02/01/2011, 10:29 PM

عـزبـه

العدهـ / ادوات الفك والربط مثل السكروب وغيرهـ

القصيم _ دخنـة :)

أبن الفياض

03/01/2011, 10:31 AM

أنا أسميها .. عزبه

حفرالباطن

مشقاح

03/01/2011, 11:31 PM

اشكرك اخي على الموضوع الرائع الذي يطبع تنوع المسميات مع اختلاف الامكان لشيء واحد
نسميها: عدة
الموقع: المنطقة الشرقية - القطيف

همال الوسمي

03/01/2011, 11:49 PM

حلو والله موضوعك الله يعطيك العافيه
استفدنا منه عدة مسميات
والهــــدف و احــــــــــد
العـــــــزبه 0 الدمـــــــــام
اما العده نقصد بها عدة السياره

مكشاتي الجبيل

04/01/2011, 01:17 PM

المدينة /الجبيل
في المدينة اقولها عده
في الجبيل اقولها عزبة
تحياتي لكم

مشعل العيسى

04/01/2011, 01:27 PM

العزبة
من اهل شقراء

أبوغمارة

04/01/2011, 06:12 PM

عاشق براونج

ابن الفياض

مشقاح

همال الوسمي

مكشاتي الجبيل

مشعل العيسى

مشكورين على مشاركتكم موضوعي لاهنتو

الظاهر ان اغلب الناس يسمونها ( عزبة ) ،، عدا أهل : ( الإمارات ) وأهل ( القطيف ) وأهل (المدينة ) فيسمونها ( عدة ) ،،، ولازلنا بانتظار مزيد من الإخوة ليتحفوننا بمسمياتهم الجميلة

أنس الحزيمي

04/01/2011, 06:27 PM

أنا من سدير نسميها عزبة أما العدة هي عدة السيارة.......مفك جلنبو........

ساحل ضباء

04/01/2011, 08:46 PM

عزبة
ومدينتي باسمي

صريح

04/01/2011, 09:55 PM

انا من القصيم ونسميها : ثاية وعزبة وعدة الطبخ
بس وين القدر لا تقول ناسيه ولا اشوف المهم ( الرز )
يا ابو غمارة وموضوع شيق .

fares2011

04/01/2011, 11:35 PM

عـــــزبهـ
.,.,.,.,.

خرجآآوي

وائل السلمي

05/01/2011, 12:36 AM

عزبه وعده من مكه

ابوغيلان صالح

05/01/2011, 09:36 AM

حنا بالكويت نسميها عزبه و اهلنا بالامارات يسمون الاستراحه عزبه و الكويتيين بعظهم يسمون الا ستراحه جاخور

mimona

06/01/2011, 12:23 AM

عدة >>>>> من أهل الشام((دمشق))

خليف حمود

06/01/2011, 04:16 PM

نسميها عزبه الله يسلمك وكل من يقرا

أبوغمارة

07/01/2011, 04:42 PM

صقر الاحبة
(http://www.mekshat.com/vb/member.php?u=79140)
ساحل ضبا

صريح

فارس

وائل

ابوغيلان

ميمونا

خليف

أشكركم جميعا على المرور والمشاركة ،، وشرفتم موضوعي وعطرتم صفحاته

والحصيلة : ان اغلب الناس يسمونها ( عزبة ) ،، عدا أهل : ( الإمارات ) وأهل ( القطيف ) وأهل (المدينة ) وأهل ( دمشق ) فيسمونها ( عدة ) ،،، ولازلنا بانتظار مزيد من الإخوة ليتحفوننا بمسمياتهم الجميلة

صاحب حي

08/01/2011, 07:01 AM

نسميها ثاية او عزبة اما عدة فلا عمري سمعت بها وشكرا

راعي كيف

08/01/2011, 07:31 AM

عزبه - الرياض
يابو غماره ربي يرزقك بالغماره الثانيه وتصير ابو غمارتين ههههههه ( بدووووون زعل امزح :D )

اصبر على الرجال مرة وحد الله يرزقه غمارة ثانيه اول نص يصير غمارة ونص بعدين غمارتين :) اخاف توجعه ركيباته :p

نسميها عزبه ولا تهون المعزيه :) ههههههههههه
الرس جعلها وديار المسلمين السيل

كديان

08/01/2011, 02:52 PM

نسميه عزبة و بعضنا يسميه ثاية يا خلفهم
اما العدة فالعرف عندنا يقصد به شنطة الحديد مفك مطرقة شاكوش ههه كماشة زرادية حبوب تماتيك...الخ
الموقع بريدة به مير نيم هههههههه

سديراوي 503

08/01/2011, 05:21 PM

يالربع وشفيكم العدة حقة الزرادية والمفكات اما العزبة حقة القهوة والشاهي عزبة سدير

الشهرااااااني

08/01/2011, 06:19 PM

اشكرك اخوي على هذا الموضوع الشيق
ونسميها العزبه - منطقه الجنوب
ولفظ العده يطلق على السكاريب والزراديه ...الخ
تقبل تحياااااااتي

سليمان 10

08/01/2011, 06:38 PM

العزبه نستطيع ان نقسمها الى قسمين0 قسم المعاميل وهي 0البرقان والدلال والبيالات والفناجيل 0وقسم المواعين وهي القدور والصحون وملحقاتها 0وكلها تندرج تحت اسم عدة او عزبه الطبخ 0وانا قبل 21 سنه كنت اسميها عده وبعد اندماجي مع اخواني من جميع انحاء المملكه غيرت الى عزبه 000

وضح النقى

08/01/2011, 06:57 PM

موضوع شيق فعلا
جديد جاكم اسم جديد

( زََنَانَه)

مسمى أهل القويعية

وإلا أنا أسميها عزبة

محترف قناصه

08/01/2011, 07:06 PM

هذة يطلق عليها شنطة عزبة العدة يا خي الكريم توجد بالسيارة من مفاتيح وتوتبعها

-ظل الجزيرة-

09/01/2011, 03:49 PM

نسميــــها عــــــــــــــــــزبه وانا من رمـــــــــــاح 120كيلو شمال شرق الرياض:)

عاشق البسمه

09/01/2011, 04:09 PM

من أغرب الأسماء اللي سمعتهن ((مرجلة)) يعني تطلع انت واياه للبر:D

خالدk

09/01/2011, 04:14 PM

عزبه وعده هي الدائم الرياض

سديراوي 503

09/01/2011, 04:39 PM

عزبة عزبة العطارسدير

بر الوالدين

10/01/2011, 12:01 PM

الرياض ـــ القصيم

و نسمية = عزبة

أما العدة ( هي اللي به : مفك / زرادية / سكروب / الخ ............. )

بوخليفه77

10/01/2011, 12:10 PM

انا من الامارات
ونسميها عزبه
تحياتي

شماالي

10/01/2011, 12:13 PM

انا والله اسميها عزبة

منقطة الجوف كلها تسميها عزبه

والقريات تسميها عزبه

اما العده فهى المفكات والمفاتيح والسكروب والشاكوش .

شبط2

10/01/2011, 12:39 PM

احنا بتبوك نسميها عزبة ....
العدة/ مفكات مفاتيح زرادية ابو جلمبوووو

الاربع وعشرين

10/01/2011, 01:22 PM

هي معادلة لها عدة اجوبه* شنطة+اغراض الشاهي والقهوة=عدة الشاهي؛ ثم شنطة+سكاريب مفكات مفاتيح حبة كماشات زراديات=شنطة العدة ثم شنطة+مفوح مقلا قدور صحون سكاكين ملاعق؛ بيز:وهوقطعة من القماش تستعمل للوقاية من حرارة الاواني بشكل عام علب اواكياس الملح البهار واخواتهن=شنطة المعاميل يجي التحديد= العزبة شنطة او شخال بلاستك اوشنطة حديد اوكرتون فيها ادوات متكامله من شبت النار اول ماتنزل مكان والى اكياس البلاستك الي نجمع فيها المخلفات غير بقايا الاطعمةو تحرق بعد مايشتغل الموتر لاجل يبقا المكان كما كان وننطلق منه بالذكرايات الجميلة

؟؟؟ياعيني؟؟؟

10/01/2011, 11:00 PM

عزبة _السيح ( الخرج )

الغريق11

10/01/2011, 11:10 PM

عزبة

ومن الدلم

أبوجهاد التبوكي

11/01/2011, 12:21 AM

العدة (تستخدم للصيانة)
العزبة عزبة القهوة والشاهي
تبوك

أبوجهاد التبوكي

11/01/2011, 12:23 AM

العدة (تستخدم للصيانة)
العزبة عزبة القهوة والشاهي
تبوك والشملي

المهاجر انا

13/01/2011, 07:45 PM

الاختلاف وارد من ديرة لديرة البعض يسميها عزبة بر والبعض يسميها عدة بر

ثلج سايح

14/01/2011, 02:08 PM

انا اسميها (( عده ))
وانا من جده واهلي كلهم يسمونها بهذا الأسم
وفي ناس كذالك من جده يسمونها عزبه

فارس العيون

14/01/2011, 02:15 PM

انا اسميه عزبه ...
لكن كانوا شيباننا يسمونه ثايه او تثه فكان له هالأسمين قديما..
عيون الجواء .القصيم

_دربيل_999

15/01/2011, 06:23 PM

موضوع جميل بارك الله فيك..
من حقك أن تحتفظ بحق التسمية (عدة)

أما أنا فمن حقي أن اسميها عزبة..!

يعود سبب مسمى (عزبة) الى حقبة من الزمان عاشوا فيها الناس..
كان في السابق لابد من وجود شيء يغنيك عن الناس..
فالحاضرة لديهم المزارع..

أما سكان البادية فحلالهم هو رأس المال..
فهناك من لديه الإبل..
وهناك من لدية الأغنام..

سأتحدث عن مسمى عزبة عن من كان حلالهم الإبل..
أنت عارف الإبل تقطع مسافات لترعى ..
فبعض أهل الإبل يذهب أو يكلف أحد أبنائة الذكور وإذا هناك راعي للإبل يقوم بالذهاب بها للمكان الفلاني لترعى فيه..
ويكون هذا المكان بعيد جداً..
أحياناً يذهب لهاذا المكان لوحده..

وأحيانا يكون موفق
فيجتمع أربعة أو خمسة من أفراد القبيلة بإبلهم ويذهبون لهذا المكان ولعدة أيام..
طبعاً يتركون الزوجات في البيوت ويصبحون بذلك عزاب..

وإذا سأل عنهم أحد فاقدهم وين فلان.. يقولون عازب عند البل
فهنا نشأ معنى عزبة..
وهي الأغراض اللي يأخذونها معهم..
فيقول لأهله عند الفراق (جهزوا عزبتي)..

أجمل تحية..

الروقي

بارود برنو

15/01/2011, 10:39 PM

معاميل

عزبه

المدينه المنوره

خبيرة حاسب

16/01/2011, 10:23 PM

ثاية او عزبة اهم شي نطلع باغراض للبر (الموقع عاصمة التمور)

الصاعقة99

19/01/2011, 05:38 PM

عزبة واحيانا نسميها شنطةبس نادر المدينة المنورة العاقول

هاوي بر25

19/01/2011, 06:07 PM

اسميها عزبة وانا من بريدة
اما العدة عدة المفكات والمفاتيح والزرادية

سمني اللي تبي

20/01/2011, 08:05 AM

السلام عليكم :
أنا من القصيم وومن الرس بالتحديد ونسميها عزبة ..
..... العدة عندنا اللي فيها سكاريب وزراديات واغراض السباكة والكهرب ...

اسيرالحزن

21/01/2011, 03:25 AM

اغلب اهل الليث يسمونها عزبه اللي هي سكروشاهي وملح ورز و.................)

تحياتي للجميع..

إخت أخوهآ

22/01/2011, 02:11 AM

نوبه يقالهاااااعــــدهـ
ونــــــوبه عــــــــزبه

شمـــــــــــــريه %100

ابومهندالوافي

22/01/2011, 02:18 AM

العدة مفكات زراديه وعيال عماها

العزبة أدوات الطبخ ولقهوة والشاهي

مكة المكرمة

المشكل

23/01/2011, 02:35 PM

عزبة رقم واحد
ثاية رقم ثنين
عدة لجيت أغير الزيت أو لمن جيت أفك أو أربط أجيب العدة
خخخخخخخخ

jeddah girl

23/01/2011, 11:31 PM

أي شنطة أو صندوق مخصص لغرض معين نسميه عدة ..
مثلا صندوق الوالد اللي فيها المفكات والمسامير الخ نسميها العدة
شنطة المكياج االكبيرة عدة المكياج وهكذا ..
والعزبة نطلقها على شيء آخر ماله علاقه
أنا من جدة :)

مكشاتي 2011

25/01/2011, 03:31 PM

عزبه حاايل

عاشق الرويضه

29/01/2011, 01:52 PM

عزبه > الرويضه 220 كيلو غرب الرياض

محمد الهديب

29/01/2011, 02:12 PM

عـــزبه ,, مـــعاميل ,, من تـــــمــــيــــر جعلها الســــيـــل

ابراهيم المري

07/02/2011, 02:39 PM

هذي يبيي ثايه والعزبه حقت الطبخ والعدة المفكات والزراديات ابو شاكوش

بــــــريــــدة يبعدي

البواردي...

08/02/2011, 03:57 PM

هع هع هع

نسميها الونيسة

المخلفي

08/02/2011, 04:20 PM

عـــــــــــــــــــــــــــزبة

والعدة / زي ماتفضل الاخوان السكاريب واخواتها هههههههههه
المدينه المنورة -الحنـــــــــــاكية

أبوغمارة

19/02/2011, 10:34 AM

أشكر الجميع على المرور والمشاركة

نايف 1996

19/02/2011, 02:19 PM

عزبه 100%___

دواك عندي

20/02/2011, 12:43 AM

انا من بد اخوياي اسميها عده

صقر البحيرات

20/02/2011, 01:43 PM

السعودية ( الحدود الشماليه ... عرعر )

نسميها .. عزبه ( ادوات الطبخ والشاي وملحقاتها )

أما العده ... فهي ( السكاريب والمفاتيح والزرادية.. ومن هالنوعيه

...............

واحيانا البعض عندنا يقول العده ( لتعميم الاغراض )

وهي جميع مستلزمات الطلعه ( من خيام وعزبه وعده وجراكل وقلص والاجهزة وغيرها )

ومنكم نستفيد .. مشكور وماقصرت

ذيب حضن

20/02/2011, 05:28 PM

اللي في الصورة معاميل القهوة

مكشاتي الديرة

20/02/2011, 05:44 PM

نسميها العدة

وليد الحربي من جدة

العزبة نقولها للخيمة او الصندقة الله يذكرها بالخير

نقولها عزبة لنها جمعة عزابية من دون عوائلهم

جبل خزة

20/02/2011, 06:03 PM

من عرفت الدنيا نسميها عدة بر ، وبالنسبة لعدة القهوة والشاهي نسميها معاميل

هاوي بندق

20/02/2011, 10:46 PM

اسميها عزبه
القصيم

ساحووق

20/02/2011, 10:47 PM

عزززززززززبه

القصيم

عنودالصيد

20/02/2011, 11:04 PM

عن نفسي اسمي
أي حاجه مجمعه فحقيبه عده
مثال:
عدة المكياج
عدة التصوير
عدة الشوي
عدة الصيد...الخ
كمان أدوات الطبخ اسميها عدة الطبخ
والعزبه اسمع فيها كثير
إذا أحد دخل مكان حوسه
قال وش ذالمكان
كنه عزبة (......) :D!
طـــبـــعـــاً
كنايه عن العزاب اللي ماتزوجوا
وماعندهم اللي يضف حوستهم
......
طرح رايق
أختك عنود الصيد
من:
ديرة ابو متعب

خالد بن عبدالمحسن

20/02/2011, 11:09 PM

عزبة = معاميل ,,,,

جودة :)

موضوع حلو :)

slman

20/02/2011, 11:30 PM

السلام عليكم
نسميها عزبة
بس أحيانا نقولها عدة القهوة أو نقول عدة الطبخ
وما نقول لها (عدة) بس لأن كلمة عدة تشمل أشياء كثيره

نسيت الموقع الرباض

الذئب الاليف

21/02/2011, 10:58 AM

الثاية
من بريدة سقاها السيل

YUKON_GMC

21/02/2011, 08:50 PM

هذي ماعرفناها الا قريب ... وهي الآن تسمى عزبة القهوه ..

زمان كان هناك صندوق الدلال
ومعاميل القهوه
وكان هناك عدة القهوه

اما من طلعت هالشنطه وهي معروفه اسمها عزبة القهوه حتى عند الهنود واليمانيه اللي يبيعونها

الاصل - من قرى غرب القصيم
العمل - الشرقيه