الرجاء المساعدة !! والصراحة التامة !!

[MF6]

السلام عليكم ورحمة الله وبركاتة
يا شباب ابي منكم مساعدة صغيره ابيكم تنصحوني

وش رايكم بالجمس الحوض موديل 2005 دفرنسين قير توماتيك دبل ارضي 2500 غمارة ونص
الرجاء منكم تقولون لي وش الزين فيه ووش الشين وبكل صراحة
وشكرا

[عاشق الجبل]

وعليكم السلام ورحمة الله وبركاته


نصيحتي لك لاتشتري أمريكي لأن سعره يطيح بسرعة وبعد سنتين أو ثلاث تبدأ مشاكله .

عليك بالياباني وأنا أخوك صناعة عيال فوجي .... يمشي لوكان على بوجي :)

[اسيزو 4x4]

وعليكم السلام ورحمة الله وبركاته


نصيحتي لك لاتشتري أمريكي لأن سعره يطيح بسرعة وبعد سنتين أو ثلاث تبدأ مشاكله .

عليك بالياباني وأنا أخوك صناعة عيال فوجي .... يمشي لوكان على بوجي :)


عبارات من ذهب وألماس يا أبو منصور وأنا أشهد أن وارد اليابان مالة مثيل :)


.

[عاشق الجبل]

ومن جرب يصدق يبوحمود :)


لو تشوف وش سويت بالباترول كان تشد رأسك


واسأل كل من الأخوة : حاتم وغيام ويعلمونك .... لو ربع ماجاه في أمريكي كان طلع البستم من السلندر :)

[الكونترولCONTROL]

المشاركة الأصلية بواسطة عاشق الجبل
وعليكم السلام ورحمة الله وبركاته


نصيحتي لك لاتشتري أمريكي لأن سعره يطيح بسرعة وبعد سنتين أو ثلاث تبدأ مشاكله .

عليك بالياباني وأنا أخوك صناعة عيال فوجي .... يمشي لوكان على بوجي

[غيّام]

ابو منصور صح لسانك فديتك

[اسيزو 4x4]

كان مع الوالد يا ابو منصور باترول 91 والله ياهو شاف من هالكرف والغرابيل مايشيب الراس له ( وش رايك بالفصحى ) :D

أخر أمثال أبو حمود >>>>> (( الياباني موتر ينشد علية الظهر والأمريكي موتر يفلس منة البشر )) :D .

[ابويزيد]

السلام عليكم ورحمة الله وبركاتة
يا شباب ابي منكم مساعدة صغيره ابيكم تنصحوني

وش رايكم بالجمس الحوض موديل 2005 دفرنسين قير توماتيك دبل ارضي 2500 غمارة ونص
الرجاء منكم تقولون لي وش الزين فيه ووش الشين وبكل صراحة
وشكرا
اخي ام اف 6 تحيه طيبه وبعد
اخي انا صار لي 13 سنه استخدم الجمس في الشتاء والصيف
الان لدي غماره ونصف 95 ومجهز تجهيز كامل بس موقف في المظله لان عندي سياره صغيره اما الجمس للرحلات فقط وبعد كل رحله قاسيه اسوي له تشيك
نصيحتي اقسم مبلغ الجمس 2005 الى قسمين
القسم الاول 40000جمس غماره ونص
القسم الثاني باقي المبلغ سياره صغيره داخل البلد
بهذه الطريقه تحافظ على الجمس ولا تزهق من المشاوير داخل المدينه


اسف على الاطاله وهذه وجهت نظر

[محب الشمال]

Mf6 انحش عن الامريكي
أنا كان عندي باترول موديل 97 والله يا اني غربلت فيه وسويت في شي يمكن ما يطري على بالك
كرفته كرف غير طبيعي من صمان للطعوس للصيد لطرد الحصاني (بالحضري ثعلب) ما خليت رصيف الا وطلعته فيه صراحه ما شاء الله تبارك الله يستحمل وقوي
تروح بأذن الله لاي مكان ماعندك مشكلة
سيارة قويه متينة قطع غيار متوفره صيانه اسهل من الامريكي
وبالمناسبة لو معي اي سياره غير الباترول وعلى راسها الاندكروزر ما كان استحمل زي الباترول الي كان معي
لان اقول واكرر كرفته وبقوه وكرف ماهو عادي يعني ليس اي كرف لانه انت عارف كرف عن كرف يفرق انا كرفي من جد اجر على الموتر واشد عليه واطلع عليه جبل طعس رصيف بطحاء طرد صيد

وعلى فكره مره حطيت تحدي مع بعض اعضاء مكشات الي يمدحون بما يسمى لاندكروزر بسيارتين باترول ولاندكروزر

ويكون طبعية التحدي انه كل واحد يكون معه سياره واحد باترول وواحد لاندكروزر ويكون التحدي في البر والطعوس والارصفه وكل شي يخطر ببالك

هذا رايي والله اعلم

[ابراهيم]

السلام عليكم ورحمة الله وبركاتة
اخوي Mf6 بالنسبة للجمس والتويوتا والنيسان كلها سيارات عملية وممتازة ولكل منها زبونها وتجدها بكثرة وبالنسبة لسؤالك عن الجمس كان عندنا موديل 2000 ممتاز جداًمقاس1500 فما بالك بال2005 مقاس2500واسع ومحرك قوي واكثر تحسينات .لاكن اهم شي الاستخاره وبالتوفيق

[nahham]

هلا والله اخوي

اهم شي انت وطريقتك في القياده والاماكن اللي بتروح لها

اذا انت من الشرقية الجمس زين لكن انصحك تشتري مستعمل نظيف ارخص كثير - الامريكي يطيح سعره

اذا انت في الرياض الجمس ماينشد به الظهر - بالعربي ما يزبن - الياباني ماله نظير

الجمس يالغالي طويل اي شعبان او طلعات مجرفها السيل يتعلق بسرعه

باختصار السطر الاول مهم

الله يوفقك لما فيه الصالح

---------------

ابو حمود وينك يالغالي والله يالك وحشه - حلو المثل الجديد - لو انت شاعر عطوك اليابان سياره مجانا كل ثلاث سنين هههههههههه

[Mohammad]

المميزات هى:

سعة الصندوق
ارتفاع
راحه كامل مقارنه مع الشاص
ونيت بغماره واسعه واتوماتك وقوى (هذا لن تجده بهذه المواصفات فى اى سياره يابانى او كورى)

الفكره عزيزى ان تسفيد من السياره اولا ثم لديك الامكانيه الماديه للصيانه وكذلك وجود سياره اضافيه!

لا ادرى لماذا مقاس 2500؟ فهى سياره كبيره فى الحجم قد تزعجك فى المواقف وفى الزحمه.. انصحك انتظار موديل 2007 سيتغير بشكل كبير وسوق ينزل السوق بعد تمانيه اشهر تقريبا فربما يعجبك مقاس 1500 وربما تجد فيه مواصفات افضل ولكن قد يرتفع السعر (لا اعلم)

والله الموفق والله اعلم وفى كل الاحوال الاستخاره هى الحكم

لا انكر ما قاله الاخوه عن اليابانى ابدا فهى الافضل من ناحية وهى انها تحافظ على سعر مناسب عند البيع وكذلك قوّة تحملها! ولى ملاحظه صغيره وهى ان بيوت كثيره فيها صالون جمس ولكن الغالبيه يستخدمه عند الحاجه!

والله اعلم

[حـاتـم]

ومن جرب يصدق يبوحمود :)


لو تشوف وش سويت بالباترول كان تشد رأسك


واسأل كل من الأخوة : حاتم وغيام ويعلمونك .... لو ربع ماجاه في أمريكي كان طلع البستم من السلندر :)

ههههههههههههههه ايه والله انك صادق ياخوي ابو منصور

وانا مع اخوي عاشق الجبل 100%

وكلامك والله من ذهب
عليك بالياباني وأنا أخوك صناعة عيال فوجي .... يمشي لوكان على بوجي


والامريكي ابعد عنه كان عندنا جمس من القدام بعد الي تصبر اكثر 84 مقلوب 90

وانفجرت مكينته على طريق التخصصي ولد عمي الله يعطيه العافيه شب عليه وطلع السلندرمن
تحت المكينه
وهاذي صورته
http://www.n0f.net/uploads/10-16-05~0120.JPG
بس والله الحق ينقال صح على كثر خرابه

بس والله نفعنا واجد اكثر من الشيصان يشيل حموله يعني قشنا كله يشيله

مانشيل هم الاغراض نطلها فيه وبس

بس نصيحه اخويه ابعد عن الامريكي

وشكرا



اخوك / حاتم

[2500HD]

السلام عليكم

انا املك جمس 2500hd موديل 2005 غمارتين سياحي
الموتر من ناحية الحمولة والمكينة وسعة المقاعد والرساوة على الخط لا يقارن بأي سيارة أخرى
انا وزملائي مشترين ما مجموعة 8 سيارات كلهن 2500hd موديل 2005
من ناحية الخرابات ما جاني خبر من اي منهم ان موتره خرب عليه مع اني خابرهم يكرفون الموتر كرف خاصه في التدعيس , الا انا :)
لكن الى الان ما مشيت عليه الا 22000 تقريبا والموتر ممتاز وراضي عنه لكن مع ان الممشى مهوب واجد, لكن المطب حقه قاسي شوي وخاصة اللي راكبين ورى.
صراحة اكثر شئ اعجبني في الموتر مكينته قووووووووووووووووية
تعبي التانكي فل ب 74ريال , يمشيك 400كم ثم يوصل الخط الاحمر
الموديلات من 2003 وتحت التانكي حقها اكبر من تانكي الجديد

واي معلومات تبيها انا في الخدمة

[2500HD]

اسعارها

غمارتين سياحي دبل ارضي,درايش هندل,رادو بدون مسجل,بس المكيف حار بارد للسواق والراكب

يعني السواق اذا يبي يحطه بارد الراكب يبيه حار كلن له كتره :D :good: , قير اتوماتيك , 2500hd زي

اللي معي اخذته جديد ب 93850 مايجي مخمل --ولافيه مركى جنب السواق

غمارة ونص فل كامل كلش اوتماتيك ب114000 المرتبة الامامية - متصل /منفصل وفيه هوك بالخلف واشياء اخرى

الموتر قوي بكل ماتعنيه الكلمة

:good: :good: لكن ما اعلم عن اي خرابات لاننا الى الان ما مشينا فيهن واجد.


السياحي اذا انت تبي البر , هو افضل شئ

الغمارتين يشيل 7 اشخاص

[ابو؟؟؟]

اخي ام اف 6 تحيه طيبه وبعد
اخي انا صار لي 13 سنه استخدم الجمس في الشتاء والصيف
الان لدي غماره ونصف 95 ومجهز تجهيز كامل بس موقف في المظله لان عندي سياره صغيره اما الجمس للرحلات فقط وبعد كل رحله قاسيه اسوي له تشيك
نصيحتي اقسم مبلغ الجمس 2005 الى قسمين
القسم الاول 40000جمس غماره ونص
القسم الثاني باقي المبلغ سياره صغيره داخل البلد
بهذه الطريقه تحافظ على الجمس ولا تزهق من المشاوير داخل المدينه


اسف على الاطاله وهذه وجهت نظر



انا مع راي ابو يزيد خذلك مستعمل من حقات ارامكو وخذلك سيارة ثانيه

[عاشق الجبل]

يفداك اللاش يبوعبدالكريم


أبوحمود والله يا أنت توطيت في بطن اللغة العربية الفصحي :)


أخوي حاتم هالجمس البيج ليتكم وضبتوه وخلتوا العامل يبيع عليه جح :):):)

http://www.alriyadh.com/2005/05/07/img/075337.jpg

[MF6]

السلام عليكم

مشكورين وما تقصرون يا اخوان الصراحه كفيتوا ووفيتوا
مشكورين يعطيكم الف عافية :)

[غالي]

اخوي تبي نصيحتي رغم انه قد صار عندنا 2001 غماره ونص مكينه 454
ابقولك شيء المكينه لايعلى عليها ياكل الرمل اكل وربي ارقيه النقاء الصغير كانك تعرفه وانا مانسمت وفيه حيل يكمل ، ويحمل لك بالحوض توانكي او اي شيء للبر ينفعك يعني هذا تقريبا زينته
اما عيوبه اول شيء واهم شيء رغم ان الي كان معنا قير عادي بس ابقولك تراه متعب داخل المدينه وكبير بيبهذلك
وإما المطابات وما ادراك مالمطابات انا ما اشهد فيها لان الي كان معنا مساعداته مدبله ومخففه النطنطه كثير يعني طالع ماعليه حليو مو متعب
والصراحه وانا اخوك من كم شهر كنت ادور جمس ونيت غماره لاني اشتقتله صراحه بالبر تحطه على يمناك بس العائق الموتر معه صغير مالقيت شيء يناسبني
زبدة الكلام ماينفع يكون موتر الحاله معك لازم موتر معه صغير مثل ماتفضلوا الاخوان
وانتبه!! من حقات ارامكوا وطقتها لاتطيح بشيء خربان وتبلش عاد
على كل معلومه اضافيه العام حنا شارينه موديل 2001 غماره ونص فير عادي مجهز مدبل مساعدات وتانكي مويه وتانكي بانزين ومسلك لجهاز ايكوم وشد عقرب بدون شراع ( يعني الحدايد بس)
ولونه ذهبي وماشيء على ما اعتقد 58 الف شارينه 64000 ريال هذا العام
يعني بتدور مستعمل نظيف بتلقاه ارخص قد يتعدى 10 الاف ريال
والله اعلم واسف على الاطاله :)

[MF6]

مشكوووور وما تقصر على النصايح بعدين تراي من اهل الرياض اعرف كل شيء :D
ابشركم ماراح اشتري موتر بطلت خلني على مواتري القديمه
(قديمك نديمك)
:cool:

[هوى]

هلا
إذا تبي سياره لك وللزمن لاتاخذ إلا ياباني أما إذا تبيها سنه سنتين ثلاث سنوات فالجمس أطلق لك بس على شرط أنه حجم 1500 يااااسلاااام*

[الحسكولي]

هج عن الامريكي ... نصيحة مجرب