لاحول ولا قوة الا بالله خربت ماطوري

[عبدالله614]

ياخوان عندي ماطور ابو جمل مالي 4 شهور شاريه , البلف كان مسبب لي ازعاج ودايم
ينطلق من بلف الكفر , شفت موضوع تغيير بلف ودخل براسي وشريت بلف مقفول
يوم ركبته وكبسته وشغلت الماطور اشتغل ثواني ووصل الضغط لين النهاية
بعدين طفى الماطور وماعاد اشتغل .
وش السوات يالغالين


:(

[ابونبيل]

اذا تجاري لا تستغرب
وزين كمل هالمده

اما اذا اصلي قدامك الضمان شهرين ولو ماخذه من الوكيل عندك 8 شهور

[عبدالله614]

ابو نبيل الله يهديك قريت الموضوع زين ولا لا
ياخوي انا ركبت بلف مقفل يعني يرتد الهواء على الماطور والضمان مايشمله
والي عندي ابو جمل اصلي والله الوهقه

[عبدالله614]

له سنع والا نشري غيره الله يعوض علينا وعلى كل مسلم

[بن مانع التميمي]

انا نفسي القا ماطور عملي !!

كلهم ابو 6 9 شهور ويخربن !

[عبدالله614]

انا نفسي القا ماطور عملي !!

كلهم ابو 6 9 شهور ويخربن !

ابو خميس الماطور جيد بس انا الي خربته لاني ركبت له راس مقفل وصار فيه ارتجاع
بالهواء وبعدها ماشتغل , عاد مادري وش الي خرب وهو يصلح ولا لا

[باجيرو2001]

هلا

عبدالله614

والله ابو جمل مامثله

انا كان عندي واحد له سنتين منطول بالاستراحه على انه خربان بس يوم فكيته نضفته وضبط

فكه وشيك قبل ع الفيوز واذا كان سليم شيك ع نهاية الاسلاك الي داخله للفيش

[عبدالله614]

هلا

عبدالله614

والله ابو جمل مامثله

انا كان عندي واحد له سنتين منطول بالاستراحه على انه خربان بس يوم فكيته نضفته وضبط

فكه وشيك قبل ع الفيوز واذا كان سليم شيك ع نهاية الاسلاك الي داخله للفيش
ياهلا والله طيب كيف اميز اذا الفيوز تمام والا خربانة

[الربذي]

ياهلا والله طيب كيف اميز اذا الفيوز تمام والا خربانة
بالنظر فكه وشوف موفق خير.

اعتقد انه فيوز اذا مااجزم لانه مع الضغط الشديد طلب كهرب كثير وانقطع الفيوز .

[Abo gssar]

هههههههههههه

يوم شفت الموضوع احسب انه ماطور السيارة لكن مااقول الله يعظم اجرك ويجزل لك الاجر في صبرك ويهون عليك الفاجعة هههههههههههه
اشتر لك واحد ثاني ولا عاد تلعب فيه

[عبدالله614]

بالنظر فكه وشوف موفق خير.

اعتقد انه فيوز اذا مااجزم لانه مع الضغط الشديد طلب كهرب كثير وانقطع الفيوز .
الربذي الله يجزاك خير لاكن الي عندي بستم واحد ابو 250 ريال هو يجي له فيوز ولا مايجي

[عبدالله614]

هههههههههههه

يوم شفت الموضوع احسب انه ماطور السيارة لكن مااقول الله يعظم اجرك ويجزل لك الاجر في صبرك ويهون عليك الفاجعة هههههههههههه
اشتر لك واحد ثاني ولا عاد تلعب فيه
هلا بصادق الوعد ضحكة مانعدمها يارب

[alanaziB52]

الله يعينك

بالنسبه للفيوز .. يجي له فيوز وهذي صوره له

http://j.imagehost.org/0417/17062010197ss.jpg

[ammamm]

عندي ماطور أبو جمل من 5 سنوات وما شاء الله

الفيوز تجده في عبة صغيرة مطاط على نفس السلك والفيوز راكب فيها

الفيوز تلاقي عند محلات الزينة

ونصيحة للجميع حط خرقة مبلولة بماء فوق البستم لزيادة التبريد وقت ما يكون الجو حار

[الربذي]

http://j.imagehost.org/0417/17062010197ss.jpg
يامال العافيه اخوي العنزي ماقصرت عليك بياض الوجه
اخوي افادك اخونا الفاضل وان شاء الله يكون من الفيوز .واذا طلع خربان ليس من الفيوز خله تشليح واشتر مثله ولاتتعبث
هالمرة بماتور بس بعدين يصير تعبثك وحربثتك بمكينة السيارة :D فانتبه شكل يدك تحكك:p
موفق وعلمنا وش صار

[عبدالله614]

باجيرو/
الربذي/
alanaziB52 (http://www.mekshat.com/vb/member.php?u=89529) /

ammamm (http://www.mekshat.com/vb/member.php?u=85396) /

الله يرحم والديكم ويفتحها بوجيهكم ويحرم وجيهكم على النار فعلا المشكلة طلعت من الفيوز ,اخذت ماطور
اخوي ونزعت الفيوز وركبته على ماطوري وطلع تمام التمام , عاد الحين وين القى فيوز اصلي

[باجيرو2001]

ماسوينا الا الواجب اخوي

اي محل زينه والطقم ب10ريال ركب واحد ورجع لخوك واحد وحط الباقي بالشنطه لطؤارئ

[جيبي جايزلي]

الفيوز حق ماطور الهواء رقمه 40

[الربذي]

باجيرو/




الربذي/
alanaziB52 (http://www.mekshat.com/vb/member.php?u=89529) /


ammamm (http://www.mekshat.com/vb/member.php?u=85396) /


الله يرحم والديكم ويفتحها بوجيهكم ويحرم وجيهكم على النار فعلا المشكلة طلعت من الفيوز ,اخذت ماطور


اخوي ونزعت الفيوز وركبته على ماطوري وطلع تمام التمام , عاد الحين وين القى فيوز اصلي

الحمد لله هانت وزانت الفيوز ماادري دور عن قطع الغيار يمكن تحصل لان رقم 40 كبير شوي قصدي نفس السلك الي داخل الفيوز لان السيارات اعتقد اكبر شي 30
واذا تبيه يعيش لاتخليه يشتغل كثير بعضهم لاطلع من النفود شغله وعبا كل الاربع طبعا هو يحتر بالحيل الافضل تخليه لطواري او تعبي 2وتريحيه وتعبي 2وهكذا او تحط شي يبرد عليه
صدقني معي نوع سفاري لي معي سنين بس مااجور عليه .

كثر من الفيوزات اشتر 2 وخلهن سبير

يقول واحد من ملاك الهمر ترى ماطور ابو جمل اللي قيمته ٢٦٠ ريال شريته من الغرابي خرب علي وانا في البر وانواع التوهيقه .. طبعاً اخذته لهم وسو ا له توضيب على الضمان .. ولكن قررت اني اشتري اللي اكبر منه ابو ٣٦٠ وخليت الثاني سبير ..

طبعاً من اسباب خراب الماطور هو استخدامه لاكثر من سيارة وحدة في نفس الوقت .. بالاضافة الى انه يسخن بسرعة وبطيء .. الحجم الكبير اللي بـ ٣٦٠ اقوى واسرع بالاضافة الى ان ضمانه سنة بينما حجم الوسط ضمانه ٦ شهور !

[عبدالله614]

الله يعطيكم العافية
رحت الصناعية ادور فيوز 40 مالقيت الا 30 , الشكوى لله ركبنا ثلاثين نوع اصلي صناعة
مكسيكي يجي بعلبة فيها 5 حبات , المشكلة من بعد صلاة العصر وانا افرفر من محل لمحل ولا حصلت
ويوم شريت وركبت وطلعت من الصناعية مريت على محطة حول البيت فيها مسجد صليت فيها
يوم طلعت من المصلى ولا فيه محل زينة سيارات نص متر في ربع متر قلت خل اشوف
والا والله طلع عنده فيوز 40 اخذت ثنين ركبت منها واحد والثاني خليته للحاجة
مع الـ30

[الصمان 2]

الله يعطيكم العافية

رحت الصناعية ادور فيوز 40 مالقيت الا 30 , الشكوى لله ركبنا ثلاثين نوع اصلي صناعة
مكسيكي يجي بعلبة فيها 5 حبات , المشكلة من بعد صلاة العصر وانا افرفر من محل لمحل ولا حصلت
ويوم شريت وركبت وطلعت من الصناعية مريت على محطة حول البيت فيها مسجد صليت فيها
يوم طلعت من المصلى ولا فيه محل زينة سيارات نص متر في ربع متر قلت خل اشوف
والا والله طلع عنده فيوز 40 اخذت ثنين ركبت منها واحد والثاني خليته للحاجة


مع الـ30





هههههه راحت فرفرت العصر على الفاضي .

والحمد لله أنك لقيت نفس النوع



وماطور أبو جمل على اسمه ( جمل ) يتحمل الكرف :good:



والحمد لله على السلامة .




.

[بن مانع التميمي]

ابو خميس الماطور جيد بس انا الي خربته لاني ركبت له راس مقفل وصار فيه ارتجاع


بالهواء وبعدها ماشتغل , عاد مادري وش الي خرب وهو يصلح ولا لا


عارف بس اقولك بصفه عامه :)

وبالتوفيق ان شاء الله