الحمدلله ( الابتكار ) نجح وإليكم بعض التفاصيل

[كرستال]

بسم الله الرحمن الرحيم
السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

كل عام وأنتم بخير

أولاً = أحمد الله على نجاح الأبتكار بعد جهداً جهيد بعد مرور سنه ( المده طويله بسبب الماده كان خلصته من زمان ) ولكن الحمدلله على كل حال .

الفكره هي عبارة عن جهاز يثبت على الجنط يكون حلقة وصل أو واصطه يوصل من الكفر إلى غرفة التحكم . يعني وأنا داخل السيارة ( بالغمارة ) استطيع اتحكم بضغط الهواء داخل الكفر وأنا ماشي بالسيارة . مثلاً نسبة الهواء داخل الكفر ( 40 ) وجيت ابي ادخل الرمل انزل ضغط الهواء إلى ( 20 ) عن طريق غرفة التحكم أو العكس والسيارة طبعاً تمشي .
( زي طريقة جيب الهمر ) بس هاذي الفكرة مبسطة وبستطاعة اي سيارة تركيبها

اعذرون عن عدم التفاصيل الدقيقة لكي لاتتسرب الفكرة لأنها لم تحفظ بأسمي حتى الأن .
وشكررررررررررررررراً لكل من اهتم لموضوعي البسيط .

أخوكـــــــــــــــــــــــ( كرستـــــــــال )ــــــــــــــــــــــــــــم
يوم الأثنين الماوفق 14/9/1426هـ

للتواصل على الإيميل
kanena2002@hotmail.com

[حـاتـم]

الله يوفقك يا اخوي كرستال

وانشاء الله يلقى الاختراع النجاح

ووالله اني ادعيلك من كل قلبي بالتوفيق

بس اقول احجزلي واحد وراعنا
ههههههه

وشكرا

اخوك / حاتم

[((( الحر)))]

ماشاء الله تبارك الله...الف مبروك اخوي كرستال...!!!

وان شاء الله يرى هذا الاختراع النور قريباً ويسجل هذا الاختراع بأسمك...!!!

ننتظر منك التفصيل من ناحية التركيب والطريقه والسعر...!!!

اسأل الله لك التوفيق ومن اختراع الى اخر ان شاء الله...!!!

اخوك...((( الحر)))...!!!

[شـهـاب]

ماشاء الله عليك ياحاتم


يعني ان شاء الله بعد ما يصير عندنا مثله
تكون الهلّي مثـل الهمـر

ياسلا777777م

[جو الصمان]

الله ييسر امرك ويسرلك براة الاختراع مع انهم يعقدونها شوي
ولاكن احجزلي وحده بعد ولا تغليها علينا ترانا اخوياك قبل ما تصير مخترع هههههههههه
والله يوفقك

[nahham]

الحمد لله الذي بنعمته تتم الصالحات

الله يوفقك اخوي والف مبروك وعقبال مانبارك لك بتسجيل الاختراع

بيض الله وجهك

[**البردعي**]

مشاء الله الا اله الا الله

الله لا يضرك يا ابومخ نظيف

والف مبروك اكتمال الأختراع

وعقبال ما تسجل براءة الأختراع بأسمك

وان شاء الله اني اول من يركبه اذا نزل بالسوق او اهديتني آياه حداهن <<ابوك يالتلميح :D

[كبريت]

مبروك والله يوفقك ويشتر عليك

ولاتنسانا عاد ;)

[كرستال]

بسم الله الرحمن الرحيم

السلام عليكم ورحمة الله وبركاتة
اشكر اخواني على الرد
يصعب علي انتاج اكثر من جهاز بسبب التكلفه لابد من اعتمادة من شركة تكون فيها القدرة على انتاجها

اما بالنسبة لمدينة الملك عبدالعزيز للعلوم والتقنية لبرائة الاختراع فإنهم زي ماقال اخو Icm يعقدونها شوي
لأني سألتهم أول ماقلولي ادفع 400ريال وانتظر لمين يجي دورك لأن اللي مقدمين بعام 2001م واقف عليهم الدور

[الفشق المتوووسع]

السلام عليكم ورحمة الله وبركاته

اخوي كرستال مبروك على اتمام الاختراع

ووالله انقهرت من رد مدينة الملك عبدالعزيز ياخي المفروض امثال كرستال يفرغ من عمله ويعطى اللي يبي
دامه بينتج كل سنه اختراع ليت كلامي هذا يوصل لمن يدعمه

مبروك مره ثانيه ياكرستال والله ينفع بك الاسلام والمسلمين

[الشقردي]

أخوي كريستال اذا كنت فعلا تنوي تسجل براءة اختراع سجلها أول في أمريكا عن طريق النت على ما أعتقد (وبريطانيا ان ماخاب ظني) لأن الناس أول شئ يسجلونها هناك لأنهم على ما سمعت أقوى في حفظ حقوقك الفكرية, وبعدين الين ضبطت معك الامور هناك قدم على مدينة الملك عبد العزيز من باب انك قدمت ولا تراهم بيطولون عليك واجد. واذا بغيت مساعدة في هالمجال بأفزع معك باللي أقدر عليه

[anas]

الله يجعل اختراعك في موازين حسناتك .... بسسسسسسسسسسسسسسسسس اخخخخخخخخخخخخخخ لو انك في دولة غربية كان اعطوك براءة اختراع وقالوا لك خلك في بيتك وهذا راتب شهري واعطوك الجنسية .... لكن ما اقول الا حسبي الله على مدينة الملك عبدالعزيز للمفطحات والكوزي .

[عضـو قديم]

اخوي كرستال مبروك على اتمام الاختراع

[الكابتن]

خلا ص اخوى كرستال انا لطشة فكرتك وابى ازود عليها انك تقدر تغير الكفر وانت بالسياره ززززززول هههههههه

الف مبروك والله يوفقك ويسهل دروبك خصوصا مع طيبة الذكر اللى مالها جهد غير بالحجب

[اسيزو 4x4]

مشاء الله الا اله الا الله

الله يوفقك وتتم عملية الموافقة وعقبال ما ينتشر بالسوق باسمك يا بعدي

...

[ريع الدياب]

بسم الله الرحمن الرحيم
السلام عليكم ورحمة الله وبركاته

ألف مبروك يا كرستال

اتمام الابتكار ونجاحه .....

أذا ممكن تعطينا فكرة أكبر عن الجهاز (غرفة التحكم) ... بدون كشف أى تفاصيل لا تريدها

مثلا حجم غرفة التحكم وكيفية وصلها بالكفر (ريموت كنترول مثلا أو لى أو أسلاك)

وهل يمكن تنزيل ...(وأيضا رفع؟) ضغط الهواء فى الكفرات

وكم تتوقع يكون سعره اذا أنتجته شركة محلية مؤهلة

اخيرا انتبه لنفسك من شركة الهامر وشركة مرسيدس يونى موق (ترى هذه واحدة من أهم ميزات سياراتهم)

وفقك الله لكل ما يحب ويرضى

[عجمي]

السلام عليكم ورحمة الله وبركاته


الف الف مبروك اخوي كرستال هذا النجاح وانشاالله يتممة على خير ...


ودعواتنا لك بالتوفيق في جميع امورك...


وتحيات اخوك عجمي,,

[أبو يوسف]

ما شاء الله

مبروك وعقبال الاختراعات الاخرى

عاد بعد ما تاخذ براءة الاختراع نبي تفصيل للاختراع بالصور

الله يوفقك اخوي

[مريقب العيفار]

ما شاء الله تبارك الله

اهنيك اخي كريستال

وادعو لك بالتوفيق

والاختراع هذا كان امنبة تراودنا نحن رواد البر خصوصا العجازين

كم كنت اتمنى وجود جهاز ينسم الكفر بدون ما انزل من السيارة

والآن الحمد لله الحل موجود بفضل الله سبحانه ثم بفضلك

احرص على ان السعر ما يكون عالي حتى يتم تسويقه بشكل صحيح

انت ممكن بعد أخذ البراءة انك تعرضه على مصنع ويكون لك نسبة من الربح

تمنياتي لك بالتوفيق

[مزاااجي300]

اللهم ارزق ووفق اخينا ( كرستال ) للعمل على خدمة اخوانه يا كريم

[غالي]

مبروك اخوي كريستال
وعقبالي ما اخترع زئبق زجاج السياره يتظلل وتنشال التظليله بيد تحكم < بيستانسون راعين البران الي ينامون بالسيارات> :)

أمزح ترا

[beddo]

الاخكريستال السلام عليكم ورحمة الله تهاني موصولة لك على الاختراع واصل وابدع وطور اختراعك والله معاك

[محب الشمال]

ماشاء الله تبارك الله...الف مبروك اخوي كرستال...!!!

وان شاء الله يرى هذا الاختراع النور قريباً ويسجل هذا الاختراع بأسمك...!!!


اسأل الله لك التوفيق ومن اختراع الى اخر ان شاء الله...!!!

اخوك...((( الحر)))...!!!


الله يوفقك وان شاء الله تكثر اختراعاتك التي تخدم المكشاتيين والوطن
ما شاء الله تبارك الله عليك
واحرص اخوي اول شي تسجل هذا الاختراع باسمك
وعقبال الاختراعات الاخرى ان شاء الله
صدق انك فخر

[الدهماني]

ألف مبروك وتستاهل كل خير على جهدك وتميزك

بس علمنا متى نبي نشتري الجهاز ونركبه

يمدينا قبل دخول الشتاء

[كرستال]

بسم الله الرحمن الرحيم
السلام عليكم ورحمة الله وبركاتة

اشكر اخواني على الردود وجازاكم الله خير .
بالنسبة لأستفسار اخوي ( ريع الدياب )
فكرة الجهاز هي زي ماقلت واسطة بين الكفر و(غرفة التحكم) .

وحجم ( غرفة التحكم ) داخل الغمارة يكون فيه ساعة ضغط الهواء حنفيه صغيرة لتفريغ الهواء وماطور هواء لنفخ الكفر
أما كيفية وصلها بالكفر يكون عن طريق لي موصل من الجهاز الموجود بالجنط إلى ( غرفة التحكم ) داخل السيارة

وأما سؤالك ( هل يمكن تنزيل ...(وأيضا رفع؟) ضغط الهواء فى الكفرات )
نعم ممكن


هذا سؤالك ( كم تتوقع يكون سعره اذا أنتجته شركة محلية مؤهلة ) ؟
جــواب / أول شي أنت جب شركة تقتنع بالفكرة .
================================================== ==
الف شكراً مره اخرى للي ردو علي وشجعوني

اخووووووووووكم ( كرستال )
kanena2002@hotmail.com

[ريع الدياب]

بسم الله الرحمن الرحيم
السلام عليكم ورحمة الله وبركاته

جزاك الله خير وبارك فيك يا كرستال

طول بالك شوى وان شاء الله تجيك الشركات تجرى وراك

خلى وقت بس للخبر ينتشر بين أوساط رواد البر وبين اصحاب المصانع

تحية طيبة وأكبر تقدير

[رسلان]

مشاء الله الا اله الا الله

الله يوفقك وتتم عملية الموافقة وعقبال ما ينتشر بالسوق باسمك يا بعدي

...
مبروك ... والله يوفقكم لإكمال المسيرة الطوييييييلة ....
وجزيتم خيراً على إشراكنا الفرحة ...

[سهيم الليل]

السلام عليكم ورحمة الله وبركاته


نسئل الله لك التوفيق وابي اسئلك كم يبيلك وتننزله للتسويق على العموم احجز لي واحد الله لايهينك
وعلى فكرة تراي عضو جديد توي مسجل معكم يعني ضيف وحق الضيافة انت تعرفها الله يسلمك

[salman]

الله يوفقك ياكرستال ويرزقك واتمنى لك المزيد من التوفيق والله الله شغل الجمجمه واخترع شي ثاني الله يستر عليك ونصيحه لاتعول كثيرا على مدينة الملك عبدالعزيز لأنهم مساكين من كثر الاختراعات المقدمه لهم مايغطون وعليك بماقاله الشقردي والا عليك بعرض الفكره على المسؤلين بشركة عبد اللطيف جميل
والله الموفق

[كرستال]

بسم الله الرحمن الرحيم
السلام عليكم ورحمة الله وبركاته
اشكر الأخوة على الردود وجازاهم الله خير

[عريدان]

"والله انقهرت من رد مدينة الملك عبدالعزيز ياخي المفروض امثال كرستال يفرغ من عمله ويعطى اللي يبي
دامه بينتج كل سنه اختراع ليت كلامي هذا يوصل لمن يدعمه " مقتبس

[سراي ليل]

1000 مبروك

[مرقاب الشرق]

الف الف مبروك وعقبال مانشوفه في السوق .
بس وش سميت هالاختراع ؟

[2500HD]

الاخ كرستال
نبارك لك هذه الفكرة
بالنسبة لمدينة الملك عبدالعزيز
يكفيك انك تروح وتسجل البراءة, ماهو لازم انك تحصل على الشهادة , لان الشهادة اقل شئ يبي لها 5 سنوات
ولو سجلت اختراعك بالخارج افضل واتوقع ان اختراعك يتسجل تلقائيا لدى مدينة الملك عبدالعزيز وتحصل على الشهادة هناك في فترة أقصر
وبيني وبينك ترى الشهادة بعض الاحيان ما تنفعك رغم وجود الحق لديك اقولك وشلون
انت تعرف الاسواق وتعرف الكائنات اللي اسمها حضارم , انا ياخوي وكيل لاحد المنتجات , راحوا هم وقلدوه في الصين وجابوه هنا بنفس الشكل ونفس البرنامج ولكن يختلف اختلاف كبير في المضمون, , وسوو نفس العلبة ونفس الاكياس ونفس الكاتلوج الا انهم غيروا اسم المنتج علشان يدخل مع الجمارك وطشَوا الكمية في السوق وصارت تباع على انها منتجي حتى الموزعين اتصلوا علي وسألوني هل نزلت سعر منتجك !!
-----
واذا رحت السوق تبي تدور من اللي مقلدك ما تلقاه يشتغلون بخفاء وكل يغطي على الثاني , هذي الاشكال اللي احذرك منها.
انا قدرت اجيب اسم اللي استلمها في الجمارك لكن ما فضيت اني اقوم واقعد معاهم لان السالفة طويلة جدا جدا وتركها احسن من متابعتها , لانك اذا الهيت نفسك معهم بتترك شغلك في روحة وجية

المهم يكون منتجك ذو جودة عالية وتكون بدايتك قوية وتحافظ على التطوير وتعتني بالعملاء وان شاء الله ماراح تحتاج الشهادة.

واذا احتجت اي معلومات انا في الخدمة
-----

استفسار : هل الفكرة انك تنسم الكفرات فقط , او تنسمها وتملأها وانت في السيارة .

ولاتغلي علينا :)

واتمنى لك دوام التوفيق والنجاح
اخوك 2500hd

[بـــدر]

ايه هذا الإبتكارات الي تثلج الصـدر منتج سعودي 100% ، انشالله انا اول واحد بشتري هذا المنتج بإذن الله

[ناصح]

ماشاء الله تبارك الله

اختراع رائع جدا

لكن خذ بالك إذا أردت تنفيذ الفكرة عند احد المصانع لا بد ان تشرح لهم الفكرة بكل التفاصيل ثم في الاخير ربما لا تتفقون ثم يقومون هم بتنفيذها لذا انصحك بتسجيل أختراعك في مدينة الملك عبدالعزيز للعلوم والتقنية

[كبريت]

وش صار عليك ياكرستال

بشرنا

[حاكم المقناص]

اخي [كرستال]
الله يوفقك وينجح اختراعك ويباركلك فية
وانا بصراحة اعجبتني فكرة الاختراع صراحة رووووووووووعة

[عابد]

السلام عليكم ورحمة الله وبركاته

أولاً نبارك للجميع عيد الأضحى المبارك مقدماً أعاده الله علينا وعليكم وعلى أمتنا الإسلامية بالخير والبركة .

ثانياً نبارك لأخينا كرستال على هذا الإختراع المهم لأن كثير من الناس وأنا واحد منهم ننتظر مثل هذه الإختراعات لأهميتها .

ثالثاً نسأل الله له التوفيق وأن ييسر له أمر تسجيل برائة الإختراع وان يوفقه بشركة ترعى هذا الاختراع وان لاتبخسه حقه من التسويق.

اخوكم عابد

[شعيب النميري]

السلام عليكم ورحمة الله وبركاته

أولاً نبارك للجميع عيد الأضحى المبارك أعاده الله علينا وعليكم وعلى أمتنا الإسلامية بالخير والبركة .

ثانياً نبارك لأخينا كرستال على هذا الإختراع المهم لأن كثير من الناس وأنا واحد منهم ننتظر مثل هذه الإختراعات لأهميتها .

ثالثاً نسأل الله له التوفيق وأن ييسر له أمر تسجيل برائة الإختراع وان يوفقه بشركة ترعى هذا الاختراع وان لاتبخسه حقه من التسويق.

[مسافر1]

تمنياتي لك بالتوفيق .....

[همّام]

مبارك ما شاء الله

فعلا يستحق الإشادة والإطراء

أسأل الله الكريم أن ييسر لك كل ما تعسر

وأن يفتح للجميع أبواب الخير

أخوك // همّام

[راعي الكيف]

الكريستال ...........

مبرووووووووووووووك والف الف الف مبروووووووووووووك

بس تبي نصيحتي ؟؟

رح لم الامارات ولا اطلع برا ..... والله تشوف الشركات هي اللي تشريك مشترى....

والله ثم والله ماورى ربيعنا إلا الضعوي .... رح وانجز امرك .... وربي ييسر لك ....

انا داري ان ودك يقرن اسم الدولة باسمك واسم هالمنتج بشكل عالمي .... بس وش السواة دام عندك مثل هالجحلط ؟؟

انت تعبت وتبي تعبك مايروح بلوشي .... رح لم الامارات ولا برا .. عندك امريكا ولا المانيا ولا الصين .... والله ليشرون الارض اللي تمشي عليها مشترى .. يبون هالمنتج منك !!!

رح وربي يوفقك .... وقل ما قاله راعي الكيف ...!!!

[بو خليفه]

مبروك على الاختراع
و تتوقع أن تتحطم لأن لا يوجد نادي مساند أو جمعية تدعمك و تأخذ اختراعك و تطوره أنت تحتاج إلى الصين الشعبية هم الذين يستفيدون من اختراعك و يتم تسويقه و يأخي الكريستال و هذه الميزه موجوده في الأودي قبل الهمر و الرانج قبل الهمر لكن هي الطريقة و الفكرة و الهواية تستطيع أن تكتشف لكن عليك بالمدينة و لا تيأس

[فلان بن عفتان]

شكراًً لك أخوي كرستال .

لاكن هذا الإبتكار تم إبتكاره وتم الحصول على براءة إختراع لشخص أجنبي

وتحسب انهم يبي يتركون شي ماخترعوه

[alyos13]

الحمد لله الذي بنعمته تتم الصالحات

الله يوفقك اخوي والف مبروك وعقبال مانبارك لك بتسجيل الاختراع

بيض الله وجهك
<!-- / message --><!-- sig -->

[الربذي]

السلام عليكم



الحمد لله الذي بنعمته تتم الصالحات

الله يوفقك اخوي والف مبروك وعقبال مانبارك لك بتسجيل الاختراع

بيض الله وجهك
<!-- / message --><!-- sig -->
الف مبروك كم احترم هذة الفئه الغاليه النادره الي يستفيدوا من وقتهم ويعملوا اختراعات جميله اللهم كثر من امثال اخونا الفاضل

[sultan8861]

الله يوفقك بس تكفى بسرعههههههه ترانا متحمسين

[abu fahad]

مبروك ياكرستال على الاختراع وانشاءلله المزيد
نصيحة لله لاتسجل اختراعك بمدينة الملك عبدالعزيز وانتبة لنقطه هامة وهى طلبهم لرسم هندسى للاختراع وهو من شروطهم اولا وبعدين قابلنى وشوف باسم من يسجل سبق وان اخترعت وصممت اله يتم سحبها وتشغيلها بالتركتور لتنظيف الحبوب تنتج بالدقيقة الواحدة 50 كيلوغرام حبوب نظيفة وتفرز الشوائب لوحدها وبالنهاية بعت الالة بمبلغ 15000 ريال على صاحب مشروع زراعى وتبقى عندى نموذج يعمل بالكهرباء تاركة للناس الطيبين مثل شرواك وجميع الموجودين بالمنتدى من اراد تنظيف حبوب وقت الزرع او الحصد يسحبة ويمشى وبدون مقابل **** حاول تصنيعة بالاتفاق مع احد الخيرين او تسجيلة بالخارج

[محب الشمال]

السلام عليكم ورحمة الله وبركاته

اخوي كرستال مبروك على اتمام الاختراع

ووالله انقهرت من رد مدينة الملك عبدالعزيز ياخي المفروض امثال كرستال يفرغ من عمله ويعطى اللي يبي
دامه بينتج كل سنه اختراع ليت كلامي هذا يوصل لمن يدعمه

مبروك مره ثانيه ياكرستال والله ينفع بك الاسلام والمسلمين

والله مشكلة اذا مدينة الملك عبدالعزيز ما تدعم الشباب لما فيه مصلحة الوطن
للاسف وش اقول .................
الظاهر المدينه تبي الي غيرنا يستفيد من عيالنا ويكون خير عيالنا لهم وليس لنا ... شي غير معقول والموضوع فيه أنا

[متفائل777]

السلام عليكم
الله يوفقـــــــــــــــــــــــــــــــــــــــك ياغالى

[Rakeb Shabah]

الله يوفقك ويسسر امورك لما يحبه ويرضاه، ويغنيك الله بحلاله عن حرامه. الله يوفق أمة محمد اجمعين. اللهم آمين.

[أبو الكيف]

ماشاء الله
الله يوفقك

[معانق]

اسال الله لك التوفيق

[جلوبلستار]

الله يوفقك ان شاء الله ونشوف اختراعك في الأسواق وباسمك .

[زمان العجايب]

مبروك الف مبروك مشا الله عليك يا كرستال
وعطنا خبر عن السعر والتركيب وين

[طير استراحه]

والله يا أخوان شي يضيق الخلق البلد هذا غريب ادارات ماشا الله سابقه الزمن وتقدم لك افضل خدمه وادارات اعوذ بالله كنك تشحذ منهم او كأنهم جمعيه خيريه يشتغلون فيها ببلاش يعتقد ان ان رده عليك صدقه تحمد ربك عليها ولا تطلب زود وياليت تخصخص ادارات كثيره تهم المواطن والعامل الزمني له تأثير خصوصا الاختراعات وشركة الهاتف اجمل مثال على ان الخصخصه هي افضل حل للقضاء على الروتين الممل في بعض اداراتنا الحكوميه...
وبالنسبه لك اخوي كريستال اعتقد ان افضل شي تسويه الاتفاق مع احد شركات تجهيز الرحلات الكبرى وتعرض الفكره عليهم وبعدها تتفقون على صيغة عقد معين وتوثقونه عند مكتب محاماه على ان تتكفل الشركه بمصاريف المنتج ولك نسبه من الارباح بعد البيع

[المميـز]

مشاء الله تبارك الله

وبالتوفيق انشاء الله والصراحه ابتكار ممتااااز مررره وناااادر احد يفكر بمثل هذا التفكير والله لايضرك

والى الامام دايما وانشاء الله ينجح نجاح قوي هذا الابتكار

[عاشق الجح]

عز الله أمك جابت رجال مشاء الله تبارك الله الله يوفقك

[سحاب1111]

السلام عليكم
امر مشرف جداً

[راعي الدتسن]

نتمنى لك كل التوفيق وبشرنا في الاتمام الكامل



ولا تنسى الذبيحه:d :d :d

[aziz1200]

مشاء الله الا اله الا الله

[آمري يا كامري]

ياأخ كرستال مايصلح على الكامري وفقك الله إلى كلِّ خير

[بدوي جنوبي]

-الله يوفقك والي الامام

http://img306.imageshack.us/img306/7/dc145e8980ut5.gif

[جفيل]

الله يوفقك ويرزقك ...

والله انك بتفك أزمة التفخ والتنسيم..بس وين نلقاها


تحياتي لك،،،،

[راجح]

الله يوفقك ...
لكن حسب ماسمعت انك تستطيع تسجيل اختراعك في دول ثانية بسرعة ... ومن ثم التعاقد مع شركة !!!!!!