ابي احسن محل في الرياض يلبس المراتب جلد وبلاستيك الارضية

[راعي بر]

بسم الله الرحمن الرحيم

السلام عليكم ورحمة الله وبركاته

لوسمحتوا يا شباب مكشات

ابي احسن محل في الرياض يلبس المراتب جلد ابيه يصير زي جلد الوكالة واللي يركب الموتر مايدري انه مخمل ويحسبه جلد

علما بان الموتر هو لاندكروزر vxr

ابي محل يركب بلاستيك للارضية بس يكون شغله زين لان اغلبهم شغله مهوب مضبوط وسعره يكون حلو

تكفون عجلوا علي يالنشاما وان حصل رقم المحل يكون افضل

الله لايهينكم

[الحاتمي]

السلام عليكم ورحمة الله وبركاته
اخوي راعي بر
في شارع الغرابي
اول الشارع من جنوب
فيه السليماني
والسماعيل شغلهم زين
والسلام عليكم

[alyos13]

:good: عندك اخوي راعي بر السماعيل في الغرابي اول شارع من الجنوب شور

[طشي وامطري]

السماعيل مشهور إن شغله زين
عنده فروع واجد وإذا ما تبي الزحمه شف خلف الغرابي من شرق لهم فرع فاضي

[المجد]

نصيحة لو جه الله من اخوك المجد لاتقرب الجلد .. الجلد لديرتنا ما يصلح لأنه حار ويعرق خاصة اذا مسكت به خط .. واذا ما صار عندك بايكه بالبيت ومظلة اردى واردى .. تراي جربت الجلد .. وابروح للغرابي البسه مخمل عند المحلات اللي ذكروها الذيابه .

[adfd2002]

اخي راعي بر
بالنسبة للتلبيسة السماعيل في شارع الغرابي.
والبلاستيك انا انصحك في محلات التلميع.

[أبو يوسف]

لا تقرب الجلد مثل ما قال لك اخوي المجد

حااار جدا وتقعد تقل مقروص عدة دقائق اذا ركبت السيارة بالظهاري

والسماعيل جيدين رغم ان شغلهم خرب من تالي والسبب العمالة صاروا يمنيين

مع التحية

[محمد السبيعي]

اخوي راعي بر

عندي نصيحه لك ان تبتعد عن الجلد لعدة اسباب

1- ماينفع في الصيف

2- لاتوصخ الله يعينك تشترتيلك بخاخ تنظيف

وان كانك مركب مركب الاسماعيل افضل واحد

[الخلاوي 2006]

الاسماعيل افضل واحد في اثنتين مجرب اكثر من مره بس المخمل افضل من الجلد مثل ماتفضل بعض الاخوه الجلد ليس بالرياض او الاحار بالخليج كله حر وشمس تحمس الطير الطاير بالسماء

والله يوفق

[بــرق الشمال]

اضم صوتي لباقي الأعضاء بخصوص الجلد....

وان كنت مصر(يوجد هناك محل اسمه _ وضاح _ بصناعيه الخرج....)...

وشغل وكاله....

وسبق اني جربته في موترين...ولو تروح وتشوف الشغل بعينك افضل....


تحياتي لك
برق المشال

[غالي]

اخوي راعي بر
انا معي لاندكروزر وملبسه جلد
اولا فعلا كلام اخواني انه ماينفع خصوصا الرياض <للمعلوميه اني مافكيته مازال راكب عندي للمنظر بس>
ثانيا مهوب كل محلات السماعيل كويس لالالالالالا انتبه لاتروح مثلي اول محل السماعيل وانت في شارع الغرابي كنك جاي من البطحاء ويجيك على يدك اليمين هذا اتركه مركبلي الجلد حقي المراتب كويسه ميه ميه لكن حقت الراس حاسها علي خيطها وصار فيها فتحات مع الجوانب واضحه
أما تلبيس الارضيات
ملبسها بعد عندهم كويس تلبيسهم ماعليه وانتبه فيه انواع للبلاستك
ملاحظه: ملبس الموتر ثاني يوم مطلعه من الوكاله يعني كان كل شيء جديد
وكان موترك فيه وصخ نصيحه نظفه اول عند محلات التلميع ثم لبسه بعد كم يوم لين ينشف وتروح ريحة الصابون
والله اعلم :)

[**البردعي**]

الأسماعيل مع احترامي له شغله متواضع وانا مجربه وبالعربي لمصقه

لكن فيه محل خبرته 25 سنه تنجيد ومعروف في الرياض كلها وعماله ممتازه ويخيطون الأرضيه البلاستيك بشكل يجعلك تندهش من زين شغلهم والجلد يخلي لك موترك وكاله وفيه عينات عندهم بس مو تلبسيه لا تنجيد يعني يشيل المخمل ويخليه لك جلد شد بلد لأنه ما فيه تلبيسه شد بلد مفضوح راعي التلبيسه يا من اطراف المرتبه يا من ظهر المرتبه لذلك اذا كنت تبغى موترك يكون فل كامل نجده تنجيد وعندهم جلود المانيه وامريكيه اصليه وعليها ضمان

لا وعندهم خدمه مجنونه الي موتره جلد بس ما اعجبه لون الجلد ولا يبغى يغيره يصبغون المراتب الون الي تبي وضمان خمس سنين وعندهم استعداد تام لقلب لون موترك من داخل كامل يعني موترك رصاصي من داخل يجيب الهم تبي تقلبه كامل بيج رح لمهم وازهل الباقي وما جاك علي :good:

هذا المحل في الصناعيه القديمه مخرج 17 اسمه:

وضاح لتنجيد السيارات

رقمهم

014952779

[راعي بر]

الحاتمي

alyos13


طشي وامطري

المجد

adfd2002

أبو يوسف

محمد السبيعي

الخلاوي 2006


بــرق الشمال

غالي

**البردعي**

الله يجزاكم خير الله يبيض وجيهكم ما قصرتوا انا اشهد انكم نشامى الواحد يبي معلومة مايكمل 24 الا وجاية المعلومات كافية

الله يجعلكم والديكم ومن تحبون في جنات النعيم

الله يجعلكم ممن عتقت رقبتة في هذا الشهر الكريم

[تركي12]

شركة التلميع الذكي

عنده افضل تنجيد بالرياض صلحو لي مرتبتي رجعت كأنها وكاله وعندهم تلميع ممتاز افضل تلميع بالرياض بنظري موادهم مقوايرز و عمالتهم فلبينيين و عندهم تظليل سراميك نانو عزله 99٪ امركي أقوى من عزل 3m وضمانهم مدى الحياة وعندهم أشياء كثيره .. انا أشوفه محل ناجح بقوه و يستاهل الزياره وسعرهم ممتاز جداً








لكن عندهم زحمة بعض الأحيان بالمواعيد عشان الخدمه وسعر مناسبين مره




مكانهم في الرياض - مخرج 10 - طريق الملك عبدالله - بعد مسجد الحديثي - قبل قصر المقصور ب 500 متر - داخل محطه الدريس اللي فيها كوفي جافا تايم وورشه العيدي

ملاحظة:جمبهم محل ايجار انا حطيت سيارتي واستاجرت

[abuahmed1]

انا نجدت سيارتي عند شركة التلميع الذكي وصراحة كان شغلهم ابداع خيطوها خياطة مدبلة نفس خياطة الوكالة صراحة شغلهم مرا ممتاز والجلد مستورد اصلي
هم عندهم تلميع وتظليل وحماية وتغير لون وتلبيس ارضية كل شغلهم عليه ضمان عمالتهم فلبينين ممتازين موادهم في التلميع ميقوايرز امريكيا. والتظليل نانو سيراميك عزله 99بالمية عليه ضمان مدى الحياة. وحامي الوجهية ثري ام اصلي ضمان خمس سنين وتلميع الحامي مجانا .

انا انصح فيهم وعن تجربة شخصيا
موقعهم: الرياض - مخرج 10 - طريق الملك عبدالله- بعد مسجد الحديثي -قبل قصر المقصورة ب 500 متر داخل محطة الادريس اللي فيها جافا تايم .
جمبهم محل تاجير انا حطيت سيارتي واستاجرت