ابشتري اكستيرا ، ولكن ابي مشورتكم في بعض الأمور جزاكم الله خير ...

[تركي الحارثي]

بسم الله الرحمن الرحيم
السلام عليكم ورحمة الله وبركاته

يا إخواني نويت اشتري اكستيرا ولكن رحت للحمراني في طريق خريص قالوا لي مخلص الاكستيرا وسعر اقل نوع قير عايدي 98000 ريال ، ولقد سمعت من بعض الأصدقاء ان سعره في الكويت أرخص بكثير .

والآن وش رأيكم من وين اشتري ، وأي من دول الخليج اسعار السيارات الجديده عندهم أرخص .

والله يوفقكم

[تركي الحارثي]

للرفع عاجل

[صقر أمه 506]

والله اذا تبي شوري انحش عنه مركبه قاسي
ويقرعر ويهربد عجل ..

[ذئب الدهناء]

لا تحرص على شرائه غير عملي وفقك الله

[تركي الحارثي]

الله يجزاكم بالخير طيب وش تنصحوني بالبديل عنه ؟

[عبدالرحمن1980]

البديل الصح اللي يمسك سعره هو الـfj ولاتبعد عنه

[ابو يوسف GX-R]

مساك الله بالخير اخوي تركي

الاكستيرا افادوك الاخوان فيه لاكن فيه فورتشنر ولا برادو ترار التايوتا زين ومريح وانت براحتك والله يسهل امرك

[Abu7asan]

اكستيرا قير عادي 2008
1- عملي جدا فهو سيارتي منذ 3 سنوات
2- يصلح لعائلة صغيرة
3-قطع غيار رخيصة ( لم أغير فيه حتى الآن إلا مرتين فحمات أمامي سعرها 220وماءرديتر وبلف من باب الحرص عند80000كلم )
4- ماشي 90860 كلم
5- لم أغير كفراته حتى الآن
6- داخل البلد تقريبا 500كم وقود91
7-مرتبته الصف الثاني تنطبق بشكل منبسط تماما مع أرضية الشنطة الخلفية (مناسبة في السفر)
8- ركبت له سلة خلفية لدى المميز منذ 3سنوات (للسفر وخروف العيد والكشتات الدسمة)
9- ناوي تغيير الكفرات بألين (دنلوب)
10- سست خلفيه ودفرنس (مهم للتحميل والجبال والتطعيس)
11- باختصار ( عملي -للتطعيس - خفة ونشاط -اقتصادي - قوي)
12- ملاحظة اللي ينصح بعدم شرائك له يقول قاسي وغيرعملي هل ذلك عن تجربه طيب ماذا ينصح به يوكون - تاهو- فورد - كم السعر طيب يفرق كثير وأيضا ليست عملية ولو افترضنا فورتشنر مافي فرق بالراحة .

[تركي الحارثي]

بس مشكلة التويوتا محركاتها ضعيفه ولكن بالنسبة للمركب القاسي مو مشكله عندي عشان كذا اقول وش الراي في لاند كروزر ٧٠ اربعة ابواب .

[تركي الحارثي]

]مشكور ابو حسان على هذا المرور الطيب ، ولكن ماعلقت على كلام أخونا الغالي اللي قال يقرقع بسرعه لان هذي اهم نقطه عندي لأني ابستخدمه في جبال

وسامحوني على الأخطاء لأني اكتب من الجوال

[Abu7asan]

لايقرقع ولايحزنون يعني قصده يهربد
هذا البترول الله يسلمك أما الاكستيرا فأصفه بتماسك الشاص التويوتا وأريح منه بمراحل وكما قلت لك فهو سست خلفي ومن تجربتي اللي يعرف المناطق الجنوبية وتحديدا ثربان في تهامة ذهبت الى أماكن كلها بطناج من النوع القاسي ليست بطانيج صحراوية بل جبلية ولمسافة 15كم ذهابا و15كم عودة وماخليت طعوس الخرارة وأم دكه والثمامة وعقاب في الجنوب وسحبت به سيارات مغرزة كثيرة منها جمس مثولث وسيارة ايسكريم جمس ودفعت لكزس من وسط تجمع مياه والماء وصل الى نصف ارتفاع الاكستيرا والحمد لله معي الآن ولم احتج لتربيط أوغيار مساعد أوكراسي وأي معلومة أعرفها تريدها نحن حاضرين

[تركي الحارثي]

لايقرقع ولايحزنون يعني قصده يهربد
هذا البترول الله يسلمك أما الاكستيرا فأصفه بتماسك الشاص التويوتا وأريح منه بمراحل وكما قلت لك فهو سست خلفي ومن تجربتي اللي يعرف المناطق الجنوبية وتحديدا ثربان في تهامة ذهبت الى أماكن كلها بطناج من النوع القاسي ليست بطانيج صحراوية بل جبلية ولمسافة 15كم ذهابا و15كم عودة وماخليت طعوس الخرارة وأم دكه والثمامة وعقاب في الجنوب وسحبت به سيارات مغرزة كثيرة منها جمس مثولث وسيارة ايسكريم جمس ودفعت لكزس من وسط تجمع مياه والماء وصل الى نصف ارتفاع الاكستيرا والحمد لله معي الآن ولم احتج لتربيط أوغيار مساعد أوكراسي وأي معلومة أعرفها تريدها نحن حاضرين

ياشيخ الله يوفقك انت وجميع الأخوان اللي شاروا علي .

ولكن ما شفت منه أي عيوب حسب تجربتك ؟

[تركي الحارثي]

والسؤال المهم هو من وين أشتريه ؟ من السعودية والا من دول الخليج للي يدري لأني مالقيت عند الحمراني .

[Abu7asan]

العيوب /
1- أقل راحة من الباثفيندر ومثل الفورتشنر والافجي
2- مطبه الخلفي اذاعلى سرعة قوي وعلاجه تبديل ربلته بربلة ايسوزو ديماكس
3- لاينفع للعائلة أكثر من أربع أطفال
4- القير العايدي منه لايأتي مثبت ولاجنوط ولاكشافات
5-وللمزيد من المعلومات الخاصة http://www.arab4wd.com/vb/showthread.php?t=12

[تركي الحارثي]

شكرا لك أخي ابو حسان

[المنيعي1]

والله اذا تبي شوري انحش عنه مركبه قاسي
ويقرعر ويهربد عجل ..


لا تحرص على شرائه غير عملي وفقك الله



الأخوان أتحدا أذا واحد منكم جربه
بلعكس أنا مجربه مريح ولا يهربد وعملي وأريح واقوأ من الفورتشنر والـ أف جي .
ولكن الشكل لك عليه شوي مثله مثل باقي الجيوب الصغيرة شكله غير مرضي .

[Abo-ibrahem]

الموتر مع اخوي كشكل وتجهيزات مافيه زود

2008 ماشي 105 الاف

ماغير الافحمات مره وحده

الموتر نشيط ماشاء الله والمرتبه الخلفيه وسعها ممتاز لكن الباب ضيق

والموتر متماسك ولا فيه قرقعه الحمدلله

[تركي الحارثي]

شكرا لكم أخواني المنيعي وابو ابراهيم على المرور ، ولكن الى هالحين ما احد جاوبني على سؤالي :

من وين اشتريه ؟

[آخر العنقود]

هلا اخوي شف كم يكلف سعره كاش هنا واسأل عن سعره بالكويت اذا هو ارخص بالكويت اشتره من هناك بس حط ببالك ما راح تستفيد من الضمان بالسعوديه وعلى ما اعتقد اذا الموتر جديد ما عليه جمرك وتأكد قبل كل شي هل يؤخذ عليه جمرك والا لأ .....
موفق خير

[ثاقب]

الإخوه الكرام السلام عليكم.
فقط لتصحيح وتحديث معلومه من باب الإنصاف لا التعصب..ماكان شائع قديماً عن سيارات نيسان انها تتهالك ( تهربد)وانها تستهلك الوقود فوق المعدل.. اصبح من الماضي ..لذا لاتنفروا احداً رغب بإقتناء إحداهن.. فتلكا السيأتان تم التخلص منهما ..لذا كفوا عن ترديدها, ويشهد الحي القيوم بأن ماكتبته ليس وراءه ولا مثقال ذره مصلحه دنيويه او شخصيه ..إنما أردت تصحيح مفهوم عتيق وقد علق في أذهان الأخرين
غفر الله لكم

[تركي الحارثي]

شكرا لكم اخواني آخر العنقود وثاقب على هذه المعلومات القيمة .

[ربع النسيان]

انصحك اشتره وريح بالك وراح تدعيلي انا ادور واحد مستعمل وللحين ما حصلت

واعرف اني طلعت مع رابطة الاكستيرا 5 جيوب اكستيرا

صراحه اداء خراافي .. معي سييرا 2009 وعجزت الحقهم

[عاشق البسمه]

اللي يقولك يتهربد وضعيف ماأظنه يعرف السيارة.....
ممتازة ومتماسكة والقساوة لها ألف حل...
اخوي تركي راجع الخاص

[أبو محمد2010]

لا حول و لا قوة الا بالله ، الصراحة فيه ناس تتكلم و شكله ما جربت الموتر بس تفتي بغير علم ، أنا موتري إكستيرا 2008 فل ماشي 90ألف تقريباً و ما فيه أحسن منه عملي و ما يصرف و على كيف كيفك نشاط و خفه ، توكل على الله و لا يهمونك .....

[هاوي 1]

السلآم عليكم ..

يعلم الله إني ما سجلت في المنتدى إلا علشان أفيدك في الموتر ..

نصيحة أخويه أبعد عن الموتر

أنا معي إكستيرا 2008 قير عادي

الموتر بصراحة فيه ميزتين نشاااااط و القير 6 تغييرات .

لكن سلبياته أكثر ..

المرتبه الثانية صغيرة ( إذا كنت أبو عيال ما ينفع بحكم صغر المرتبة و الباب ) .

الشيء الثاني صرفية البنزين يصرف صرف غير طبيعي

و إذا كنت تبي تأخذ قير عادي ترى الدفرنس ضعيف جداَ مقارنة بقوة المكينة ( علماً إنه سبق و أن غيرت الدفرنس و كلفني 15 ألف عند الوكاله لاني ما حصلت دفرنس من التشليح بسبب ندرة الموتر و قلته بين الناس )

و الشيء المهم أيضاً

قطع غياره نااااار مقارنة الفورتشنر

مثال /
مساعد خلفي للإكستيرا بــ 400 تقريباً مقابل 200 ريال للفورتنشر طبعاً المساعد الواحد
البواجي بـ 300 ريال للإكسترا بعد الخصم مقابل 130 ريال للفورتشنر على ما أعتقد .

و بعض القطع ما تحصلها على طول .. ممكن يقولك تعال بعد ثلاثة أيام أو إسبوع .

و في الأخير ..

بوجهة نظري ، تشتري لك فورتشنر أبرك و أزين

بما إنك تملك تقريباً 100 ألف .. تقدر تشتري فورتشنر قير عادي مكيفين + دفلك + 3 مراتب + دبل أرضي + مكيف لمس + تحكم بالدركسون + مثبت سرعه ..

الإكستيرا نفس سعره و لا توجده فيه هالمواصفات .. داخليه سوداء و مسجل كست فقط ! و مرتبتين



أتمنى إني أفدتك و الله يسهل أمرك

و مبروك مقدماً

[آبونآصر]

الخوف موب من السعر الخوف من القطع لاتكون تختلف انت اسال وتأكد من المعلومات المهمه واستخر واشتر والله يقويك




,,