المساعد الشخصي الرقمي

مشاهدة النسخة كاملة : ابي نصيحة ياشباب المكشات في اليوكن الامريكي ؟؟


مغرم بالفياض
30/12/2010, 12:00 PM
محتار بين اليوكن موصفات سعودية او امركي من الصالات؟
كم قوة المكينة والافضل فيهم؟وايهم اقوى قير ؟ والدبل افضل اوبدون؟
يقولون الوكالة في السعودية تصنيع استرالي والمستورد امريكي اصلي وقالي مسئول مبيعات في احد الصالات المشهورة في الرياض ان اليوكن بالموصفات السعودية مايدخل امريكا لانه غير مطابق للمقاييس عندهم ! انا توقعت انه يبي يمشي بضاعته بس ذكرلي شخص اخر نفس الكلام !
والمشهر في السوق والمعارض ان الموصفات السعودية هي الافضل والاغلى من الامريكي
وانا محتار افتوني يااصحاب الخبرة ماجورين ؟؟؟؟؟؟؟
علما ان مديل اليوكن الي بشتريه 2008 او 2007

http://www.mekshat.com/pix/upload04/images195/mk173876_1950pk.jpg


:good2: سيارات زمان وبس سبحان الله والحمدلله والله اكبر
ولد وايل..
30/12/2010, 12:08 PM
السعودي ازين...

لان الامريكي يزعجك بالحراره ويحتاج مبرد قير

وخرابيطه واجد...


السعودي أفضل الف مره خاصة الجموس... الفورد ممكن ماهنا فرق

..وبالنسبة للصناعة كله امريكي وفلسفه الأسترالي هذي من مخهم...

لان الإسترالي جت على اللومينا والكابربس واصلا ما تصنف مع الجمس والشفر...

وانت تقد تتأكن من بلد الصنع من رقم الشاص إذا او رقم 1 فهو أمريكي
ابن عيّاف
30/12/2010, 12:30 PM
الله يوووووفقك بالسياارة الجديدة

:)
مغرم بالفياض
30/12/2010, 01:57 PM
اشكر مرورك ونصيحتك ياولد وايل بس سالت واحد بخصوص الحرارة وذكر لي انه غير صحيح مافيه حرارة ولاشي الي عنده خبرة باليوكن يفيدنا http://www.mekshat.com/pix/upload04/images195/mk173876_yukon_ext_fnt3qtdrive_lrg.jpg
ريان2002
30/12/2010, 03:39 PM
أنا عندي يوكون سعودي وبعض الزملاء عندهم إستخدام أمريكي والمحركات وحده مابينها أي فرق والدليل إذا جيت تشتري قطعة غيار الموظف مايسألك إستخدام وإلا سعودي بس أحياناً يسألك بدبل وإلا بدون أو الكفر 6 مسامير وإلا 8
بس اللهم الأمريكي يجي بدون مبرد قير وهذي ليست مشكلة في حال إستخدام السيارة بشكل عقلاني لأن السعودي ممكن يسخن معك القير حتى بوجود المبرد إذا أثقلت على السيارة ( مثل تحميل عفش كثير وتبغى تطلع عقبة بسرعة والمكيف شغال والجو حار )
وبعض الفروقات البسيطة مثل الراديو وعداد السرعة
بالنسبة للحرارة السيارة اللي فيها عطل بتسخن سواء أمريكي أو سعودي وترى كبر الرديتر واحد في النوعين
السعودي مرغوب علشان بعض المواصفات البسيطة وعلشان الفكرة السائدة بأن السعودي يحرص على غيار الزيت والصيانه بعكس الأمريكان إستخدامهم عفش على السيارة ( وهذا أنا عندي تحفظ عليه )
كون السيارة بدبل أو بدون فهذا إنت اللي تحدده بناء على إحتياجاتك
الإختلاف في المكائن والقيور بين الأنواع نفسها مثل ال 1500 وال 2500 وال 8100
وليس لها دخل بأن هذا سعودي وهذا أمريكي
والله يرزقك بالسيارة اللي تسر خاطرك
الفيصل80
30/12/2010, 05:02 PM
السلام عليكم / الأخ ريان 2002 كفى وقالك المختصر ،، بس أزيد اذا يسر الله ونويت من برا فيه موقع يعطيك سجل السياره من تطلع من الوكاله وهل تعرضت لصدم أو غرق أو ...
اسم الموقع / كارفار. طبعاً برسوم بسيطه .


وعن تجربة شخصيه استعلمت عن السياره قبل لأشتريها وكانت موجوده عند أحد الصالات المشهوره بالرياض ولقيت سجلها نظيف وأصحابها الثلاث كانو مواظبين على الصيانه الى لحظة خروجها من الولايات المتحده والحمدلله الى الآن ثلاث سنوات والسياره بأتم صحه لاحراره ولامشاكل طبعاً السياره يوكن 2002 دبل ،،،
يعني اذا لقيت السياره النظيفه واستعلمت عنها صل استخاره وتوكل على الله .
وبالتوفيق
مغرم بالفياض
31/12/2010, 07:55 PM
اشكر لكم مروركم يا شباب مكشات واخص بالشكر فيصل وريان على المعلومات القيمة والمفيدة وانتم :good2: كذا





( سبحان الله والحمد لله والااله الا الله والله اكبر)