عندي ملحق 6*8 كم يكفيه اسبلت وش افضل الانوااع

[فلقه]

السلام عليكم
قررت اظبط الملحق وسوي لله تجديد
وبغيت اسالكم وش افضل الانواع المكيفات سبلت
لملحق مساحته 6*8
وش رايكم بشاشه تلفزيون 42 بوصه هل هو منااسب للحجم
ولا نجيب اكبر
طبعن بيكون الديكور شعبي با الكامل حتا البيباان
والدرايش
بغيت اشور عليكم عطوني رايكم :D

[أبو مسفر]

حنا عندنا مجلس في الاستراحة نفس اللي عنك 8×6 وبالنسبة للتكييف انا اللي اشرفت على بناؤه عظم والشباب واحد اشرف على التشطيب والثنين اشرفوا على التأثيث
وخليت الكهربائي يأسس مكيفين سبليت على الاضلاع اللي بطول 6 متر متقابلين واقترحت على اللي اشرفوا على التأثيث أن يركبوا مكيفين 18 بدلاً من واحد 24 أو 36 والتريث في تركيب مكيف المقلط الى ان تتم تجربة المكيفين ومدى تبريدهن وصراحة صارت كافية واذا صرنا قليلين نكتفي بمكيف واحد
وركبنا واحد 18 في المقلط 5 × 5

وبالنسبة للديكور الشعبي هذه صورة مشبي في استراحتي الخاصة وهو بمقاس 7 × 4
http://www.mekshat.com/vb/showthread.php?t=236681

[محرين باالخير]

مثل ماتفظل اخونا 88 اتوقع 2مكيف سبلت 18 نوعيه جيده كافيه حتي لو صار الجو معتدل تشغل واحد او كان الظيوف ماهم كثار لا كن لو حطيت واحد كبير ماراح يكفيه اقل من 36 الف وحده وهذا سعره عالي شوي ويستهلك كهربا وانت مو محتاج كل هاالحجم اتمني اني افدتك تقبل تحياتي

[المغارم]

زي ما قالو الاخوان افضل الانوع الجي smrt
سمرت انصحك فيه

[من البدائع]

افضل نوع مكيفات اسبلت وبلا منازع

دايكن

يو جد دايكن صناعه تايلنديه وهذا ان حصلته ممتاز ويوجد صناعه صينيه اقل جوده

والصناعتين ممتازه

[رحال طويق]

انا تقريبا نفس مجلسك حاط اسبلت يوجين 30 الف وحده وما شاء الله صقوعه

[صحن قلابة]

ابحث عن فوجي بس تراه غااااااااااااااالي
متسوبيشي
طريقة حساب الوحدة اضرب الطول في العرض انت عندك 6*8=48ألف وحده
أنصحك تركب مكيفين 24 اذا كنت راعي عزايم ودايم يمتلي المجلس فل
ولا ركب مكيفين 18
المهم لاتغلط نفس غلطتي ركبت في 4*7 مكيف واحد 30ألف وحده نوع كرافت أمريكي ممتاز بس المشكلة أن شغلته برد حتى لو أقصر عليه وإن طفيته حر ههههههههههههه بلشت

[فلقه]

مااقصرتو ياشباب لكن يبقا اسوال
وش افضل الانوااع
وانااقررت اركب اثنين كلهن 24
بس وش افضل نوع
ال جي عندهم 3 انوااع
ولادري وش الزين وشين

[جومانشي]

تبي لك اثنين ب2300 كلهم علي بعض

[فلقه]

وش افضل الانواع

[ابوخالدالرياض]

عن تجربة
مكيفات دايكن سبليت
تبريد ممتاز
دفع الهواء سلس بدون ازعاج
توزيع الهواء ممتاز
هادي ما تسمع له صوت
بأختصار مكيف لا يعلي علية
واوكد عن تجربة :lr:c

[الكشَات]

هلا وغلا اخوي..

من افضل المكيفات LG قولد او سمارت

[سلفاريو]

هلا وغلا اخوي..

من افضل المكيفات LG قولد او سمارت
:good::good::good:

[بيق مان]

انحش عن LG وانت بخير لأنه فاشل كميف سبلت.
عندك ماندو .. وكيله البعيز اثبت جدارته وعندي منه 8 وحدات مختلفة شغالة زي العسل من اربع سنوات واسعارة منافسة .. وضمانه سبع سنوات وصيانة وكيله ممتازة.

[ابوخالدالرياض]

ارجع و اواكد بكل ثقة بان الدايكن هو الافضل عن تجربة
بالنسبة لمكيفات LG لاترقى لمستوى الدايكن اطلاقا
علما انني سبق واستخدمت مكيفات LG بصراحه كلها دعايه في دعايه
:good::good::good::good::good:

[عاشق البسمه]

فوجي وانت مغمض,,, تايلندي الصنع بإذن الله ماتبي غيره

[ابو شكاع]

فيه نوع اسمه يونان yunan
اهرب منه هروبك من الأسد جدا سئ وهو صيني

[صريح]

اسمع يا خوي 6*8=48 كيلو متر يلزمك احضار مقاطعة الإسكيمو لتبريد مكانك المزمع وحسب عنوان الموضوع . عدم المؤاخذة الإخوان ما قصروا حبيت اقول توكل على الله وركب ال جي تراهم يمدحونه

[جيبي جايزلي]

اهم شي اذا بغيت تركب لا يصيرون متقابلين.... جنب بعض افضل شي والمساحه هذي يكفيها 2 من فئه 18

اذا كنت راعي فتح باب الملحق والدرايش باستمرار ركب مكيف صحراوي وخله شغال 24 ساعه

[فلقه]

مااقصرتو بيض الله وجيهم
لكن محتاار بين ال جي ودايكن

[من البدائع]

لا تترد دايكن شركه متخصص بالتكييف

الا خوان الي مدحوا ال جي متأكد ما جربوا دايكن