الديزليه

[محمد السبيعي]

السلام عليكم ورحمة الله وبركاته

عندي هايلكس 2004 ديزل سياره ممتازه في الصرفيه ولكن متعبتني في الممشى ماتمشي معني اغير فلاترها كل 6 شهور نصحني واحد من الربع بعدم تركيب كفرات عراض معني احتاج للكفرات العراض في البر وانا صاحب خطوط بعيده ابيلي طريقه تزيد سرعة الديزيليه

افيدوني لاهنتم

[العطة]

السلام عليكم ورحمة الله وبركاته

ماهي مواصفات السيارة دفرنس او دفرنسين وكم تجيب على الخط وكم تبي تجيب

ابوعبدالاله

[محمد السبيعي]

عليكم السلام
ابو عبدالاله لاهنت على مرورك
والسياره دفرنس
وتجيب على الخط 150 ومع النزله 160
يعني ابي زيدادته الى 170-175

[البرحه]

السلام عليكم

والله للاسف هذي وحده من عيوب الديزل .....

ما يتعدى 160 لو كانت كفرات الوكاله ..يعني كفراتك جودها.. ماتفرق معك

فلذلك ما يفيد تغيير الفلاتر .

يعني ما فيه مجال تزيد عن 160 ريح بالك ولا تركب بواجي والا ما بواجي لان الديزل لا تحللم يتعدا 160

وشكرا

[عاشق النفد]

انا عندي هايلوكس ديزل غمارتين كفرات الوراويات مقاس 225 عريضات والقدام 215 عريضات
دفرنس واحد

الهواء 60
بالخط المستوي والجو عادي تمشي 160-155
وبالنزلة 165 واذا كانت النزلة قوية 170 ومع نزلة الغاط 175

ممكنك ما تغير فلتر الديزل يغير كل 40 الف كيلو

حتى تقويمتها ممتازة

وفيه طريقة غير تخليها تمشي 170 بالطريق العادي

ركب مصد الهواء الي على الكبوت
وهذي الطريقة يقول الوالد انه راح مع صديقة للأردن على سوزو دفرنسين ديزل
تمشي بالوحه 160 والطريق مستوي
وبالاردن ركبو مصد الهواء وبالرجعة تمشي 170

والولد هو الي يسوق بالوحة والرجعة

[اسيزو 4x4]

أخوي الغالي عاشق النفد

الله لايهينك يابعدي ممكن تشرح أكثر عن المصد الهوائي ؟؟؟؟

.

[الوسم]

ركب تيربو في الإمارات
وعلى حسب كلام شخص سأل عنه يقول حوالي 4000 الاف ريال سعودي
دق على الوكالات هناك ويعطونك الخبر الأكييييييييييد

[العطة]

السلام عليكم ورحمة الله وبركاته

الاخ محمد السبيعي

اسمح لي اطلع عن الموضوع شوي
السرعة مافيها خيرا
اذا زادة سرعتك زاد تركيزك = تاصل تعبان وتلاف
اذا زادة سرعتك زادة وقفاتك = تاخير
اذا زادة سرعتك زاد استهلاك للسيارة = مصاريف زيادة
الزبدة الفرق ربع ساعة تزيد او تنقص حسب المسافة يعني ماتستاهل تخاطر بحياتك
ملاحظة اذا السرعة فيك فيك استخدم سيارة خطوط يعني صغيرة
والله يحفظك

ابوعبدالاله

[ناصح]

يا جماعة الخير

السرعة 150 كم بالساعة كثيرة جدا وخطيرة

انصحكم بحكم عملي في أحد المستشفيات ان لا نتهور فالحوادث بهذه السرعات عواقبها وخيمة

نسأل الله العافية والسلامة

[محمد السبيعي]

مشكورين ياشباب على النصائح

واكيد السرعه مافيها خير


الله لايهينكم على كل حال

[الشماسي]

يعني ما فيه مجال تزيد عن 160 ريح بالك ولا تركب بواجي والا ما بواجي لان الديزل لا تحللم يتعدا 160

من قالك أن الديزل فيه بواجي !!

لا يالغالي الديزل يعمل على الانفجار يعني بالضغط
السرندل يضغط الديزل الداخل عليه ويحدث إنفجار وعلى هالنحو
وعلى هالاساس عزمه ردي


=================

لكن هناك حل بس راح يصير عندك إشكاليه إن دخان العادم راح يتضاعف عندك

وهي أنك تروح عند أقرب مكيانكي ديازل وتخليه يفتح على الطرنمبه حقت الديزل وبأذن الله تبي تحصل فرق شاسع وكبير بالعزم.. لكن من أبعد المستحيلات أنه يوازي البنزين

ومع التحية

[محمد السبيعي]

الى الاخ الشماسي المحترم

الهايلكس 2006 التايوانيه فيها بواجي شوف عيني

وهذا للمعلوميه

[محمد السبيعي]

ياشباب ابي اعرف عن المصد الهوائي اكثر

واللي عنه معلومات يفيدنا الله لايهينه


ومشكورين ياشباب على الردود

[اسيزو 4x4]

السلام عليكم ورحمة الله وبركاته

الديزل مايجي بواجي أبدا أبدا ;)

وبالنسبة للي يبي ونيت ديزل و يمشي 180 ياخذ أسيزو ديماكس 3000 سي سي تيربو سوبر شارج 139 حصان :good: ;)

(( تقول بنزين )) ما شاء الله .... :)


والسرعة فوق 140 شر وإنتحار للمعلومية ..... :no2:

أبو حمود .....

...

[ذوالسيفين]

بسم الله الرحمن الرحيم
الاخ محمد السبيعي ......................... ممكن لو سمحة ترجمته لي بنجليزي ( مصد الهوائي ) ما عرف المسماء بعربي .
والله يقدرني انشاء الله .

[محمد السبيعي]

الاخ ذو السيفين

معنى المصد الهوائي باللغه الانجليزيه The aerial barrier او the aerial buffer

[ابواسامه]

طيب ياجماعة الربع
مراوح الكهرب ماتنفع

[محمد السبيعي]

مايحتاج المرواح لها فائده

وش افضل المراوح للهايلكس

وبعدين مابيها تكون اكبر من المقاس بزياده

[ذوالسيفين]

بسم الله الرحمن الرحيم
الاخ ............. محمد السبيعي العزيز .
باقول الا فهمته منكم .
المصد الهوائي يوضع في السيارة من الامام اعلاء المحرك من الخارج ويساعد في عمليات دخول الهواء الي المحرك في غرفة الاحتراق مع الوقود مما يوساعد في عمليات الاحتراق وزيادت القوة .

[محمد السبيعي]

بصراحه انا توني سامع عن المصد الهوائي

واللي عنه فكره اكثر يزودني

وطلعتك معناه من الترجمه

لكنه يقولون مفيد

[الأعصـــــار]

أفيدونا زياده ياراعين الديزل وقولوا لنا عن التيربوا
الي في الامارات والمصد الهوائي لايكون هو الفتحه الي
فوق الكبوت وتشكرووووووووون على هالموضوع وياليت أبو حمود
يفيدنا بخبرته في الديزل........

[اسيزو 4x4]

أبشر بالي يرضيك يالأعصار

بالنسبة للمصد سمعت أنة مايركب إلا على مكينة توربو مثل الأسيزو بكل أنواعة والددسن 2006 الجديد والهايلوكس 2006 الجديد

ومهمتة يبرد على التيربو ويزيد من ظخ الهواء للمكينة وبذالك يزيد الأحتراق ويزيد قوة المكينة والعزم ...

وجايكم بعلوم طيبة ولكن أنتظروني لأبحث لكم أكثر وأكثر .... ( ابشر بعزك يالغالي الاعصار )

...

[عزوز الليل]

اخوي الديزليه فيه ناس يحطون شوي بنزين بتانكي مثل الدينات
بس مدري تضر او لا

[الأعصـــــار]

مشكوووووووووووووووووووور يابوحمود تعبناك معنا
وفي أنتظار جديدك

[CRUISE**كروز]

يامحمد السبيعي
ارفق على نفسك فالسرعه عواقبها وخيمه
ووفر فلوسك فالديزليه هي الديزليه ولم تصنع الا لمن يريد توفير نقوده
اما اذا كنت صارف صارف فعليك بالبنزين ومثل ماقال احد الاخوان قبلي خذ لك سياره صغيره ان كنت راعي خطوط
وبهذه المناسبة استاذنك في وضع قصيده وجدتها منذ فترة طويله على الانترنت واعجبتني واتمنى ان تنال اعجابكم
والقصيدة توضح معاناة الشاعر من تجربة سيارة الديزل ((علعلت به :)))


الله من قلب همومه عثت فيــه
كنه لها ميناء على بحر جده

لامسى وهمومه غايبات مواريه
حصلتها فالصبح ابه مستجده

الديزل الله لايوفق مسويـــه
لعل مصنعه الزلازل تهــده

تبت يدين الفني اللي برع فيـه
ليت اختراعه عارضوا له بشده

الصوت من قوه فجر راس راعيه
أللن سمعك لاركبته تســـده

يدق جوالي معي منه ماوحيـه
كني محمل لي صناديق عـده

وليا مشى الدخان الاسود يباريه
ودرب الوعر والرمل ماهو بقده

وليا طرا طاري وهميت اسريه
انشهد انه يوصل الضغط حده

كني مع اجبال السروات مرقيه
واضعف هبوب تعترضني ترده

يصلح لمن قلبه من الهم مخليه
ما لاوعته اهمومه المستبده

ساعة تسندبه وساعة تنحيه
روابع ما بين هاته ورده

ما فيه ميزه غير لاجيت اعبيه
توانكه تاخذ لها فيه مده

عساه يفدا اللي تشوقك مماشيه
اليا طرت شوفة حبيب توده

هاذاكي الجكسارسلمت مواطيه
مثل رفيق للوازم تعــــده

هاجوس قلبك دقت السلف تشفيه
واب بداخله مثل الكنب والمخده

من زين صوته لا شتغل يوم احليه
ونغمت سيوره بين جزره ومده

نغمت هنوف مع عشير تحاكيه
باحلى عبارات الدلع والموده

وكنه ليا روحت والظل قافيه
يشبه لشيهان من الوكر هده

وكن المواتر يوم بالخط تتليه
صفة جنود القايدٍ مستعده

أهل العقول تقول في ما نقول ايه
راع العقل ماله عن العقل صده

واللي جهل ماله علينا مشاريه
راع العقل ماله عن الحق صده

واللي جهل ماله علينا مشاريه
حقه على خاله وعمه وجده

من بان اله درب الرياجيل يعطيه
ومن صد ميلات الليالي تضده

[محمد السبيعي]

ههههههههههههههههههههههههههههههه


صح لسانك


والله اللي عيب في الديزل



ماتستحق الديزليه


تبون الصراحه



من جرب الديزل

معاد يبي غيرها


ادفع 150ريال كل 4 ايام

والا 20في الاسبوع


ههههههههههههههههههه

[اسيزو 4x4]

صح لسانك يا بعدي Cruise**كروز

أسمعوا وعوا :D ;)

يا زين الديزل :good:

اللي يجرب الديزل ما راح يغيرة أبد ما شاء الله راحت بال :) :good:

الديزل 19 ريال يمشيك - أسبوع و3 أيام تقريباً :)

البنزين 120 أو 150 ريال ويمشيك - 4 الى 5 أيام والعياذ بالله :mad:

والله الفرق واضح ;)

أبو حمود .....

[ذوالسيفين]

بسم الله الرحمن الرحيم
الي الاخوان ................. وظيفة ( التربوا ) جهاز يوضع في المحرك ويقوم بعملية تسخين الوقود سواء كان بترول او ديزل ( قبـــــل ) ادخالة الي المحرك مما يساعد في عملية الاحتراق الداخلي للمحرك وزيادة (كبيرة ) في القوة ( سرعه او تحمل ) .

[مهيلان]

السلام عليكم ورحمة الله
تحياتي للجميع
ولي مداخله بسيطه عن ثلاثة امور
اولا: بالنسبة لزيادة سرعة الهايلوكس الديزل فرايي الشخصي ان 150 كم فيها بركة .. لكن ان كانك مصر على زيادة السرعة فعندك مسمار في طرمبة الديزل وضيفته وزنية الدعسة وموزون شد بلد على سرعة 160 كم ومختوم بالرصاص لكن فتحه من اسهل ما يكون والغرض من ختمه : الضمان ...

http://www.mekshat.com/pix/upload/images11/mk4024_ttt.jpg
افتح المسمار المشار اليه بسهم في الصوره وبتلاحظ الفرق ..
ثانيا : موضوع المصد الهوائي اللي ذكره عاشق النفد فهو احد امرين ــ اما انه يقصد البلاستيك او الفيبر اللي يركب على حافة الكبوت الاماميه
ووضيفته التقليل من احتكاك الهواء بالقزازه الاماميه ... ان كان هذا هو فامره سهل لان تركيبه ما يضر وتركه ما يضر .. ( يعني ان لقحت والا ما ضرها الفحل )
اما ان كان يقصد الانتر كولير ( enter cooler)
فهو الامر الثالث اللي ابتكلم عنه :
واذا تكلمنا عن الانتر كولير فلا بد من الحديث عن التيربو ... لانه لا يوجد انتر كولر بدون تيربو . والسبب ان الانتر كولر وضيفته تبريد الهواء الداخل للمكينه
بعد ان ترتفع حرارته بسبب مروره بالتيربو ويمكن ان يركب التيربو بدون انتر كولر والعكس غير صحيح ..
والانتر كولر عباره عن اديتر صغير من الالومنيوم يوضع عادة امام اديتر السياره ويمر خلاله الهواء عبر خراطيش هوائيه
ويعطي عادة من 20 ــ 40 حصان بينما التيربو يعطي 50ـ 150 حصان
http://www.mekshat.com/pix/upload/images11/mk4024_intercooler_1.jpg
وهذي صوره ثانيه للانتر كولير
http://www.mekshat.com/pix/upload/images11/mk4024_intercooler_system.jpg

بالنسبه لتركيب التيربو فهناك عدة شركات استراليه لها منتجات ترهيم لسيارات دارجه لدينا مثل الهايلوكس واللاند كروزر والكامري واللومينا وغيرها
وهذا طقم تيربو لهايلوكس ديزل
http://www.mekshat.com/pix/upload/images11/mk4024_turbo_system.jpg


قد يكلفك طقم تيربو مع الانتر كولير مع الليات ما يقارب 4500 ريال واصل الرياض ..
امل ان اكون افدتك ودمت سالما

[محمد السبيعي]

الله لايهينك

اشكرك على المعلومات
يعطيك الف عافيه

وين اللي يركبون

هايلكس 2004[quote]

[الأعصـــــار]

ألف شكر لك يا مهيلان تسلم على هالجهد الطيب
بس عندي كذا سؤال القطع هذي وش ماركتها ومن وين تطلبها
وهل التركيب عندنا في السعوديه وهل عليها ضمان وهل لها أضرار
مستقبيله على المحرك والذي منه وسؤال أخير هل تساعد على تخفيض صوت المحرك وأنت وش رايك في تركيبها
هل تشوف أنه أحسن وأفضل ولا خلي الموتر شد بلد على حاله ؟

الله يعينك علي وشكرا لك حبيب قلبي ماقصرت ويعطيك ألف عافيه .........

[ابواسامه]

كفو والله يامهيلان
فكيت المسمار المختوم
بس ماشلته كله يعني افكه كله اطلعه
بس النتايج طلعت غير الموتر صار يمشي مو مثل أول

[مهيلان]

السلام عليكم ورحمة الله وبركاته
الاخ محمد السبيعي والاعصار حياكم الله

بالنسبة للقطع المذكورة في ردي فهي استرالية الصنع تصنعها شركة سفاري تيربو وهي شركة متخصصه في قطع التزويد والاكسسوارات الخاصة بالمحركات وزيادة قوتها ... يمكنك طلبها عن طريق الانترنت اذا معك بطاقة فيزا او كنت تعرف احد باستراليا او... اسال يمكنها وصلت في دبي وهذا رابط موقع الشركة والكتلوجات (http://www.airpowersystems.com.au/safari/product_list.html#turbo)
واذا اشتريتها فتركيبها سهل لانها مصممه لنفس السياره واكلف ما يواجهك تعديل القزوز حتى تركب بالتيربو وايضا شغلتها سهلة
اما اضرارها على السياره فما اقول لك انها ما تضر السياره لكن ما تحس بضررها الا بعد فتره طويله
فبدل ما تعيش المكينه سبع سنوات بدون توضيب او شنبر قد تحتاج الى شمبر بعد اربع الى خمس سنوات من تركيب التيربو والسبب الحراره العاليه الناتجه عن قوة الاحتراق اللي يسببها التيربو .. لكن هذه الحراره داخليه ما تحس بها في امبير الحراره بالطبلون .... اما عن رايي فاقول شي راجع لك واستخدامك للسيارة فان كانك على ما قال ( تدور الستر ) خل السياره شد بلد وترى فيها من القوة ما يكفيها .. وان كان في راسك( حب ما طحن)
او تقول ابسوي شيء ما سواه احد فالله يعينك ... لكن رايي الشخصي اني ( ادور الستر )

ابو اسامه حياك الله بالنسبة للمسمار لا تطلعه كله ... حله وجرب الدعسه الا ان يصل امبير ضغط المكينه للاحمر ثم اربطه ........ز
والسلام عليكم

[الأعصـــــار]

تسلم يامهيلان ماقصرت يالغالي أثريت الموضوع
بمعلومات مهمه وحلوه ألف شكر لك يالغالي

[بو خليفه]

على فكرة هل الديزل توربو أم لا إذا كان غير توربو هذا طبيعي
و الديزل يفضل التوربو

[ابومناحي]

الهايلكس الجديد 2006 تيربو ديزل ويمدحونه بالقوة

[عاشق النفد]

الهلي

20006

مع واحد من الربع

يقول تمشي 200