المشورة في مساعدات الهدد

[slomi]

السلام عليكم ورحمة الله
مساء الخير إخواني الأعزاء
حبيت استفسر منكم عن مشكلة حصلت معي وهي
معي جيب هدد 2007 ولاحضت علية في الأسبوع الأخير كثر المناقز والمطامر تقول راكب شاص ماهو جي إكس
الوكاد طلعت المشكلة عندي في المساعدات
وحبيت أستشيركم في نوع المساعدات الي تنصحوني بتركيبها
هل أركب مساعدات الوكالة ولا أركب مساعدات استرالية ولا غيرها؟
وهل فيه مقاسات للأرتفاع ؟

للعلم الموتر مركب عليه ياي استرالي خلفي

ولكم جزيل الشكر والعرفان

[طير حوران]

هلا اخوي تبي نصيحة اخو ومجرب خلك على مساعدات الوكالة شد البلد الين واخف في المطبات الاسترالية ثقيلة في الديرة ومطبها قوي

[vza]

خلك على الوكاله ازيّن

بس كم مقاي الياي الاسترالي اللي انت مركبّه ؟ وكم يرفع سانتي ؟

[ابن عكاش]

انحش عن مساعدات الوكالة وانا فكيت ثنتي بكرتونها وطالع منها زيت يعني منفقعه ورجعتها
ان كان تبي رايي إذا تبي مثل حقت الوكالة فيه محل قطع غيار جنب ميزان المجد يبيع مساعدات لاند مثل حقت الوكالة وجودها افضل ومجربها ولا كان تبي الموتر يشد وجهه ركب ماعدات مرسدس او دبل او مساعدات استرالي بس غاليه شوي

[slomi]

هلا اخوي تبي نصيحة اخو ومجرب خلك على مساعدات الوكالة شد البلد الين واخف في المطبات الاسترالية ثقيلة في الديرة ومطبها قوي
بارك الله فيك أخوي طير حوران
أنا معك من ناحية مساعدات الوكالة بس قلت يمكن فيه شي مجرب وأفضل
كفيت وفيت

[slomi]

خلك على الوكاله ازيّن




بس كم مقاي الياي الاسترالي اللي انت مركبّه ؟ وكم يرفع سانتي ؟

بارك الله فيك أخوي vza
مقاس الياي اللي مركبة OME 865
واالياي يرفع حول 4سم
لكن محتارين للحين الله كتب الخيره في كل الأمور لنا ولكم

[صقر أمه 506]

انت تبي تركب امامي او خلفي ؟؟

[vza]

تبي رايي إذا تبي مثل حقت الوكالة فيه محل قطع غيار جنب ميزان المجد يبيع مساعدات لاند مثل حقت الوكالة

وش هالمساعدات اللي تقول يا ابن عكاش ؟

[عاشق الحيسية]

نصيحتي لك دبل مساعدات أحسن لك

لأن مساعدات الوكالة تتفقع بسرعه

[الخادم]

عليك بمساعدات الجبرين

[زين الشباب]

السلام عليكم

عن تجربه أيها الفاضل ركب مساعدات استرالية
مطبه ممتاز وحسبما أرى أنها لا يعيبها شيء وانا جربت الوكالة وجربت الاسترالي والياي استرالي بعد 866
وموفق

[slomi]

انت تبي تركب امامي او خلفي ؟؟
أخوي صقر الضاهر أبي أركب أمامي وخلفي لأن الموتر من سنوات ماغيرت المساعدات

وجزاك الله ألف خير

[slomi]

نصيحتي لك دبل مساعدات أحسن لك

لأن مساعدات الوكالة تتفقع بسرعه
ماقصرت أخوي عاشق على هالنصيحة وعفا الله عنا وعنك
بس تبي الصدق أنا ماني مقتنع بفكرة الترهيمات بأي شكل من أشكال الحياة :D
لأن اللي صنعوه أبخص ولايهونون الإخوان المخترعين والمرهمين :)
وتبقا وجهة نضر

[slomi]

عليك بمساعدات الجبرين

مشكور أخوي االخادم
وسمعت عن الجبرين لكن فيه ناس تقول قاسية مرررة وتصلح لسيارة الحوض اللي تتحمل عليه أحمال ثقيلة مثل المعداة الزراعية

وخدمك المال والبنون

[slomi]

السلام عليكم

عن تجربه أيها الفاضل ركب مساعدات استرالية
مطبه ممتاز وحسبما أرى أنها لا يعيبها شيء وانا جربت الوكالة وجربت الاسترالي والياي استرالي بعد 866
وموفق
جزاك الله ألف خير أخوي زين الشباب
بس حسب ماسمعت إن المساعدالأسترالي قاسي بالمطبات
وانا مركب ياي استرالي سابقا ومساعدات الوكالة لكن انفقع معي أحدهن وقلت نشاور الرجال الي شرواكم
لكن السؤال هل المساعدالأسترالي قاسي بالحيل ولا لين مثل مساعدالوكاله

[الكابتن]

هلا اخوي تبي نصيحة اخو ومجرب خلك على مساعدات الوكالة شد البلد الين واخف في المطبات الاسترالية ثقيلة في الديرة ومطبها قوي
:good2::good2:

[زين الشباب]

لكن السؤال هل المساعدالأسترالي قاسي بالحيل ولا لين مثل مساعدالوكاله


شرواك الطيب

الاسترالي أقسى من الوكالة شوي لكن قساوته غير مزعجه ابدا
وتحت الخدمة طال عمرك على الطاعة

[slomi]

شرواك الطيب

الاسترالي أقسى من الوكالة شوي لكن قساوته غير مزعجه ابدا
وتحت الخدمة طال عمرك على الطاعة
لاعدمناك أخوي زين الله يزين حالك وحال من يقرأ

ولا عليك أمر دام لك خبرة بالياي الأسترالي
بكم سعر الواحد ؟
وهل يجيه منه مقاسات بالطول مثل اليايات ولا مقاسه واحد ؟

واعذرنا على الإطالة بكثر الأسئلة
عفا الله عنا وعنك

أخوك أبو أنوار

[زين الشباب]

اللهم امين
حياك الله أخوي أبو أنوار وابرك الساعات على الرحب والسعة

لا مقاس المساعدات واحد وسعر الواحد 350 تقريبا يزيد وينقص تخبر الاسعار ما تثبت لكن حول هالقيمه يعني ممكن يعطيك الاثنين 650 بعد المكاسر

[زين الشباب]

وللمعلومية كنت قبل فترة محتار نفس حيرتك
وأخشى ما كنت أخشاه (القساوة) الزايدة [كلامي على المساعدات الخلفية فقط]
موفق وميسر أمرك :)

[turke2545]

ركب قدام وارن امريكي الاثنين 320 وخلفي خلك على شد بلد احسن لانك مركب ياي استرالي من واقع تجربه