الباثفندر

[الهزبر]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
أخوكم طالب بالجامعه ودراستي صعبه بالحيل ووقتي مضغوط :D (لا مندي)
مالكم بالطويله المهم بغيتلي سيارة للمدينه وللخطوطوأهم شي
للبر إلي للأسف ماروح بالسنه إلا سبوعين بالكثيروليته متصله يمكن تنقسم إسبوع وإسبوع :D
فكرت بالباثفندر :confused: وشرايكم وأنا خوكم بما إنكم راعين خبره :good:
ماشاء الله لاإله إلا الله
وانا شاكر لكم :cool:

[nahham]

اذا انت عزوبي يعني لوحدك ومنت راعي بر وش لك وللباث فيندر

استخر الله واشتر لك سياره صغيرة ورخيصه الين ربك يفرجها وتنهي دراستك وتنجح بامتياز ان شاء الله تعالى

مجرد رأي شخصي

من الاعماق اتمنى لك النجاح والتوفيق

[الشقردي]

فعلا الجيوب وسيارات الدبل بشكل عام بتصرف عليك بنزين بزيادة وخصوصا أنك تقول روحاتك اسبوعين بالسنة

أنا أقول كلام نهام في محله

[أبو الكيف]

صادق اخوي نهام
السيارة الصغيرة ما مثلها في الديرة و الخطوط و الصرفية القليلة و الراحة في القيادة
و اذا كانت طلعاتك بسيطة بامكانك استئجار جيب او تاخذ سيارة من خوي لك و قضينا
و بالتوفيق



أبو عبدالله

[ابو؟؟؟]

السلام عليكم........

انا عندي باث ومرتاح وعزمه حلو ويصلح لديرة بس صرفيه بنزين بس
انا اقول انا صرفيتة حلوة بالنسبة للجيوب وعزمة فيه
واستخدامه حو داخل الدير لانه صغير مو كبير
والله اعلم


بس انت صل الاستخارة وشوف نفسك اذا كنت تبي جيب لديرة وبر خفيف خذ باث ولا راح تندم



وشكرا......

[الهزبر]

شكر لكل من تفاعل مع الموضوع
أولاً أنا ساكن مع الأهل ماني عزوبي
ثانياً من الناحية الصرفيه ماهي مشكله لأن السياره إلي معي ألحين جمس454
ولو بشري سياره صغيره تقريباً نفس سعر الباثفندر
لكن ماهي أنواع الباثفندر وش أنواعه ومنوين أفضل مكان أشري منه الحمراني وإلا غيره
وإذا كان يفرق سعره من مكان لآخر
وسلامتكم

[sultan8861]

الباثفندر افضل جيب متوسط اسأل مجرب قوه وخفه وراحه ومن يقول انه يصرف بنزين صرفيته طبيعيه

[الشقردي]

إذا انت معزم على الباث فايندر اصبر الى ان ينزل 2006
لأنه بيتغير تغير كلي !!!!!!!!!!!!!!!!!!!!!!!

نصيحة لله

[الهزبر]

شاكر لكم جميعاً والله إنكم ما قصرتم
فعلاً الواحدبه المنتدي كنه مع إخوانه وربعه
الكل يتفاعل وينصح وأنا فعلاً عاجز عن شكركم
لكن بقى عندي كم سؤال والله إني مستحي من كثر هالأسئله
ولا عليكم أمروش فئات الباثفندر وكم أسعارها ومن أفضل مكان أشري منه الحمراني وإلا غيره
وإذا كان كلام أخوي الشقردي صحيح وأنا أعتقد إنه كذلك لأن الباثفندر من زمان ماتغيرشكله فمتى بينزل2006وكم بيكون سعره
الله يعينا نتحمل الجمس إلى أن ينزل2006
وأنا شاكر لكم

[salehhd]

السلام عليكم........

انا عندي باث ومرتاح وعزمه حلو ويصلح لديرة بس صرفيه بنزين بس
انا اقول انا صرفيتة حلوة بالنسبة للجيوب وعزمة فيه
واستخدامه حو داخل الدير لانه صغير مو كبير
والله اعلم


بس انت صل الاستخارة وشوف نفسك اذا كنت تبي جيب لديرة وبر خفيف خذ باث ولا راح تندم



وشكرا......

توكل على الله وخذ باث

حسب علمي يجي 4 انواع عادي ومخشب ومخشب بفتحة وافخم شي يجي جلد ومثبت سرعة
اناعندي مخشب 2004 والسيارة حلوة وعزم ممتاز وصرفية معقولة مقارنة بالجيوب الثانية

[nahham]

اذا عزمت فتوكل على الله

ومبروك مقدما

والله يعطيك خيره ويكفيك شره

[الهزبر]

جزى الله خير كل من شارك وتفاعل وأخوكم الغثيث ما بقى عنده إلا ثلاث أسئله:
1-متى بينزل2006وهل بيتغير
2-كم الأسعار
3-هل فيه فرق لو شريته من الحمراني وإلا غيره ومن الأفضل
وأنا شاكرلكم

[الهزبر]

ياشباب وين الردود

[الحاتمي]

السلام عليكم ورحمة الله وبركاته
اخوي الهزبر

الحين معي باث فايندر2005 قير اتماتيك
لاتعداة بالديره كانك على مكسيما خفيف ومريح
وبالخط ماعليه زين
وبالبر يطربك
وصرفية البنزين معقوله
ولكن مايقارن بالسيارات الصغارمن حيث صرف البنزين...
والحق على 2005 اتوقع انه بيكون افضل من 2006
تعرف العيوب اللي تكون بالسياره غالبا فترة تغيير الشكل يعني ابتعد دائما عن اول شكل من كل موديل
وخذه بعد مايتداركون العيوب في الموديل الثاني او الثالث
وبالتوفيق......

[الشقردي]

عموما السيارة نازله في أمريكا وكندا ومتغير شكلها من عام 2005 واللي استخدموها يمدحونها بالحيل أما عندنا هنا ما تغير الى الآن لكن متوقع وبشكل كبير انه ينزل بالشكل الجديد
أما عن وقت نزول 2006 ما فيه موعد وااضح من مندوبين الحمراني كلن يفتي على كيفه اللي يقول بعد العيد واللي يقول بعد 3 شهور

http://www.nissan.ca/en/vehicles/pathfinder/index.html

لكن الموضوع يستاهل أنك تصبر وما أنت خسران شئ بالعكس اذا جاز لك الـ 2006 توكل على الله وما أعجبك وودك تاخذ 2005 خذه وبيكون رخص أكثر



http://www.mekshat.com/vb/showthread.php?t=34105

[salehhd]

السلام عليكم

حسب كلام مندوب الجبر ان الدفعة الاولي من 2006 راح تنزل بالشكل القديم والفعة الثانية بالشكل الجديد والله اعلم

زي ما قال الشقردي اذا مومستعجل انتظر شوي عجبك ولا خذ القديم ولا نصيحة ثانية

شوفلك واحد موديل 2004 مستعل شوي واستخدمة لحد ما ينزل 2007 يكونون حلو مشاكل 2006 وخذلك واحد

وانصحك بالاستخارة قبل كل شي ومبروك مقدماً وخبرنا شنويت عليه
اخوك صالح