للتعرف على المنفاخ الهوائي الأصلي (أبوجمل) يوجد صور

[منتعش]

السلام عليكم ورحمة الله وبركاته
مساكم الله بالخير ، وتقبل الله من الجميع الصيام والقيام ... اللهم آمين .

الكثير منا يعرف أن المنفاخ الهوائي أبوجمل هو الأفضل في السوق .
ولكن يحتار عند الشراء :confused: لوجود أنواع مقلدة بنفس الأسم والشكل والحجم والعلبة والكرتون .
وحباً لأخواني الفضلاء أحببت تعريفهم بالنوع الأصلي بالصور وهي كالتالي :
1- يكون وارد ( الشراع ) ويكتب على الكرتون .

2- يكون لون الغطاء أخضر كما في الصورة :
http://www.mekshat.com/pix/upload/images11/mk7805_kjhgg%20resized.jpg
لأن التقليد يكون لون الشراع بني.

3- يوجد ملصق مكتوب عليه - أحذروا التقليد - وبجانبه أستكر مكتوب عليه بلد الصنع ( الصين )
وعذراً على عدم وضوح الصورة لأني مركب المنفاخ في السيارة :
http://www.mekshat.com/pix/upload/images11/mk7805_s3010012%20resized.jpg

http://www.mekshat.com/pix/upload/images11/mk7805_s3010014%20resized.jpg

آمل أن أكون قد وفقت في العرض .
والله يحفظكم ويرعاكم .

[maz]

جزىك الله الف خير وعافيه . لو تسمح بكم سعر ألأصلي

[طخيمان]

الله يجزاك خير وموفق في مواضيعك القادمة.

[كبريت]

شكرا على الصور بس عندي كم سوال

1- من وين اقدر اشتريه؟؟

2- كم سعرة؟؟

3- هل نفخه سريع ((يعني كم ياخذ وقت في الكفر الواحد))؟؟

4- مايطفى لمن يسخن زي غيرة؟؟

[منتعش]

حي الله أخوي : maz
ويعطيك العافية على مرورك الطيب .
السعر الله يحفظك من ( 270-280 ريال )



=====================

مراحب أخوي المحب : أبوالطواري
وأشكرك على مرورك الطيب



=====================

هلا وغلا بأخوي الغالي : أبـو مـحـمـد
إذا كنت من أهل الرياض فيوجد في الغرابي
سعره (270 - 280 ريال )
نفخه معقول وعلى حسب تنسيم الكفر .
ولله الحمد ما قد طفى معي ، والتسخين لابد في جميع المنافيخ .

[اسيزو 4x4]

يا ملا العوافي يا منتعش

ماقصرت بارك الله فيك ..


.

[غالي]

شكرا اخوي منتعش على هالتوضيح
اما انا فاشاري واحد تقريبا في خامس يوم رمضان وحتى الان ماجربته ياعل وعسى انه يوفي بالغرض ويكون كويس
الي باعه لي يقول لو ماتخليه يبرد بين كل كفر والثاني عادي وان خليته يبرد بعد كل كفر خمس دقايق يكون افضل
وطبعا شريته من الغرابي قيمته 270 ريال وضمان 6 اشهر اي خراب فيه يتغير لك على طول
والاصلي الي يبي يشتري يكون فوق الكرتون والماطور لزقه صفيره مكتوب عليها <<<<احذر التقليد>>>>

[(( سليمان ))]

اخوي المنتعش الله يعطيك العالفيه ,,

فعلا انا شاري لي واحد مثله ووارد الشراع بس ترى بعد فيه فلتر علشان مايدخل الماطور غبار

وشكراً

[محب الشمال]

جزاك الله خير اخوي

[b3b3]

السلام عليكم


انا امس شريت واحد من محل الشراع اللي بالدمام

بس هل من طريقة يثبت فيها بالكبوت وهل من مضار على الجهاز اذا ثبتناه بالكبوت ؟

[منتعش]

ياهلا ومسهلا بأخوي : اسيزو 4x4
ويعطيك العافية على مرورك الطيب .
ودمت في حفظ الله ورعايته .

==================

أهلين وسهلين بأخوي : غالي
أبد دامك شريت فالله يعطيك خيره ويكفيك شره .
اللي مركبه في سيارتي يتفخ الكفرات الأربع مرة وأحدة بدون توقف .
وأغلب المواطير الأصلية والمعروفة تعبي كل الكفرات بدون توقف .
والله يوفقك .

=================

حي الله أخوي الغالي : (( سليمان ))
أشكرك على الإضافة ، وبارك الله فيك .

=================

مراحب أخوي : محب الشمال
ويعطيك العافية على مرورك الكريم .
ودمت في حفظ الله .

================

حياك ربي وبياك أخوي : b3b3
الطريقة في التركيب تدور مكان مناسب للمنفاخ في الكبوت وتفتح فتحتين للأسفل وتربطه الصواميل
وياحبذا لو تلبسه شراع عشان الغبار والعج والشراع يكون عازل للحرارة .
والله يبيض وجهك .

[salehhd]

مشكور قوي قوي يابوووووي

[منتعش]

مراااااحب أخوي الغالي : salehhd
لا شكر على واجب يأخووووووووي
وفمان الله .

[b3b3]

شكرا لك اخوي منتعش

[غيّام]

بيض الله وجهك يالذيب وماقصرت

[هاوي قصيده]

مشكوووووووور اخوي المنتعش

ولا عدمناك وجعلك ذخر لمكشات

[عابد]

اخوي المنتعش
السلام عليكم ورحمة الله وبركاته

بارك الله فيك على هالموضوع وعلى طرح الصور مع التوضيح لأن كثير من الناس يخطأون عند شراء بعض الأجهزة ومنها منفاخ الهواء خاصة إذا كانوا أول مرة يشترون سيارات الجيب بل ان البعض منهم يدفع مبالغ كبيرة وسمعت عن شخص اشترى منفاخ استرالي قيمته 800 ريال بعد الخصم على أساس انه مايسخن وينفخ الكفر الواحد خلال دقيقتين واتضح له فيما بعد ان منفاخ ابو جمل الصيني ينفخ الكفرات الأربع إذا كان منسم على 20 خلال 15 دقيقة لتكون على 40 .
اسف على الاطالة
اخوك عابد

[منتعش]

حياك الله وبياك أخوي : b3b3
لا شكر على واجب .
بارك الله فيك .

================
ياهلا وغلا بأخوي : غيّام
الله يحفظك ويرعاك ويبارك فيك وفي وقتك .
ويعطيك العافية على مرورك الطيب .

================

أهلين وسهلين بأخي : هاوي قصيده
وأنت كذلك نبي مشاركاتك وأفكار الجهنمية لا عدمناك .
والله يرعاك ويبارك فيك .

===============

ياهلا ومسهلا بالغالي : عابد
صدقت أخوي الفاضل .
والغش حاصل حاصل ولكن وين اللي يسألون أو يشاورن قبل الشراء .
والبعض من الناس إذا شاف الشي غالي قال أكيد إنه عملي وأصلي .
يعطيك العافية على مرورك وعباراتك الراقية .
ودمت في رعاية الله وحفظه .

[كبريت]

شكرا لك صراحة انا شريت المنفاخ من اول ما حطيت الموضوع

وصراحه عملي جدا جدا ولا خرب معي الى الان والله ماقصرت

[LAND CRUSER]

السلام عليكم ورحمة الله وبركاته:
الأخ المنتعش حفظه الله أشتريت المنفااخ ابو جمل الاصلى وبميتين وسبعين وششكله ممتااز وعندهم التقليد بميه وسبعين من محل الشرااع بالغرابى بصرراحه ضغطه قوى مرره وجزااك الله الف خير 0

[رقبة حاشي]

جزاك الله الف خير وخير

[.أبوعبدالرحمن]

الله يعطيك العافية

وبيض الله وجهك

[snnar]

ملاحظة عند تركيب الماطور في الكبوت لا تركبة في الجهة الي فيها القزوز لانها اكثر منطقة فيها حرارة حاول تركبة عكس القزوز (سيارات 6 سلندر)

[عزبة بر]

يعطيك العافية ما قصرت
لكن وين مكان الشراع الموجود في الغرابي
:)

[مقلع الرمث]

مشكوور اخوي وماقصرت صراحه انا شريت واحد قبل 5 سنوات ابو جمل وعطيته اخوي وقبل سنه او اكثر شفت ماطور بالامارات وجازلي المهم شريته صار دمار الدامرين ماينفع ويبهذلبك بهذله انشاء الله راح اشتري ابو جمل واريح مخي

[بو خالد77]

وعليكم السلام ورحمة الله وبركاته

جزاك الله وخير ورحم والديك وجعله في ميزان حسناتك

[فيصل التميمي]

مشكور اخوي منتعش على الموضوع

[mzarkash2000]

ماقصرت بارك الله فيك ..

[فهد العيد]

الله يعطيك العافيه يـــــــــــــــــا المنتعش





وجعل جسمك مايحطونه على لــوح النعش





ويقولون الشباب ياولد طنش تنــــــــــتعش





والثناء والشكر لله رب الــــــــــــــــعالمين

[aflaj12]

انا جربت (تايجر) وكيله العليان وضمان سنة ممتاز

[التل الصامت]

مشكووور يا اخوي صاحب الموضوع والله ما قصرت وبيض الله وجهك

[ib2003]

الله يعطيك العافية على هذه المعلومات

[المغيض]

بيض الله وجهك ومشكور على هالمعلومات المفيده...
تقبل تحياتي....؟

[تسعه وتسعين]

ماشاء الله اخي منتعش انعشتنا بهالمعلومات المفيده جداَ
ولك جزيل الشكر تقبل مروري

[نومـ11111س]

اخواني

ترى سعره الاساسي هو 240 ريال بالضبط

انا شاريه قبل يومين من محل الرحلات اللي في المروج في الرياض بهالسعر (كان اخر حبه عندهم )

وحسب ماسمعت انه شبه منقطع او صاير قليل في السوق ومرتفع سعره