المساعد الشخصي الرقمي

مشاهدة النسخة كاملة : الباثفندر و ن لدية الجواب


داير حدعش
19/10/2005, 02:21 AM
السلام عليكم و رحمة الله و بركاته ..
عندي يالربع استفسار بخصوص ( فرارات و مساعدات الباثفندر الخلفية و الأمامية) سبق اني قريت عنهن في موضوع سابق بس للأسف ما لقيته و سؤال هو .
1- فرارات الباثفندر هل ترسهن الداخلي اللي يشبك في ترس العكس حديد و لا بلاستيك .
2- مساعدات الباثفندر الخلفية ما هو البديل المناسب لهن بنفس القوة او اقوى شوي . و المساعدات الإمامية هل لهن حل لو خربن غير شد البلد .
اللي عندة خبر يا جماعة لا يتأخر الإجازة قربت و الطلعات وصلت و ان حصل المحل اللي يبعهن في القصيم او الرياض . او كان لقيتو الموضوع السابق ( الرابط الله لا يهنكم ) و لكم الشكر و التقدير .
حـاتـم
19/10/2005, 11:28 AM
يا هلا اخوي

داير حدعش الفرار مادري عنه والله وماعمري شفت باثفايندر مركبه

اما المساعدات انصحك بالمساعد الاسترالي الرمايه

وشكرا

اخوك / حاتم
داير حدعش
19/10/2005, 05:10 PM
اخوي حاتم شكراً على الرد بس مدري المساعد اللي عند الرماية قوي او خفيف لأني ركبت مساعد جي اكس ار موديل 2001 ( غاز ) و صراحة ثقيل بالحيل قوي على الموتر اذا كان مساعد الرماية خفيف بكرة مركبة ان شاء الله و شكراً اخوي حاتم
الواهج
20/10/2005, 01:26 AM
انا اعرف المساعدات الخلفية للبافندر يركبون مساعدات نيسان سفاري 97 تركب 100% بدون ترهيم
بواسامه
20/10/2005, 04:56 PM
هلا بالرشاش
المسعدات الاماميه مالك الا الوكاله

اما الخلفيه ركبت حقت 97 بس يبيلها ترهيم المرابط عند مخرطه وتظبط وتتحمل ومطبها لين

والفرارت تركب بس اذا جنوطك من 2002 وفوق يمكن ماتركب الا بتوسيع فتحت الجنط عشان راس الفنجه اكبر شوي

واذا جنوطك عاديه زي اللي مركبهن حبيبنا حاتم

تركب صح وتلقاهن عند السليماني بدون ضمان
مركبه 450 ريال
وبدون 370 ريال
وهلا بك اخوي
path_poth
21/10/2005, 12:57 AM
ياشباب وراكم تهاوشون <------ يتميلح

المهم
الفرارات البرازيلية يركبن على جنوط 2002 وفوق بدون خرط ((أنا مركبهن ، على فكرة عندي فرارات باثفاندر للبيع[ يستغل أي فرصة]

المساعهدات الخلفية عليك بالمونرو حقت الباترول (على كيف كيفك)

الأمامية مالك إلأ يايات استرالية


أبو شوق
ابوقاسم
21/10/2005, 03:17 AM
هلا بالشباب ..............
المساعدات او الجامبينات من نوع مونرو للامام والخلف تراها زينه وتلاقيها بالرياض كلهن ب900ريال اما عن الفرارات ما ادري عنهن يخوك وانا ودي اركب فرارات على موديل 2000 بس ماادريهي مفيدة وتخف مصروف البنزين والا لا.......
وهل هي كهرب او يدوي ...............
علمونا للي ركب هو ينصح فيهن او لا
داير حدعش
21/10/2005, 03:19 PM
السلام عليكم و رحمة الله و بركاته
الواهج : اشكرك كل الشكر وان شاء الله ان ركبتهم اعلمك بخباري معهن و شكراً
بو اسامة : معك الرشاش يا بو اسامة و الف شكر على المشاركة
path_poth : و هقتنا بأسمك مع نعرف نقرا انجليزي و المرنو حقت الباترول غاز و لا عادي و القيمة يا حبيبي .
الغضي : شكراً على المشاركة و نصيحة ركب الفرارات و شف الفرق الشاسع في خف الموتر من ناحية الممشى و الصرفية .
path_poth
22/10/2005, 08:42 PM
داير حدعش:

غاز وحليل لاهو قوي ولا هو ضعيف
ب،320 ريال
بواسامه
22/10/2005, 08:53 PM
جزاك الله خير على المعلومه
ياباث
الفرارات البرازيلية يركبن على جنوط 2002 وفوق بدون خرط
بس جربت تفك الكفر وكلش تمام ولا جاي حشر مررررره
و جنوط موترك حديد ولا المونيوم
انتظر ردك
path_poth
22/10/2005, 09:59 PM
موتري (((سابقاًًً))) جنوط 17 ألمونيوم
مافيه أي مشكلة بالفك وأكرر [أخص يالشديد] عندي مستخدمات إستخدام بسيط وبسعر أرخص من السوق
راعي الكيف
22/10/2005, 10:11 PM
يمدحون مساعدات جبريال ..... عاد مدري هل تنفع تركب على الباثفايندر .... بس المارية انه راح يراتفع زود عن الطبيعي

والله اعلم