ماريكم في جنوط شنبر الجمس

[mushari-saud]

السلام عليكم ورحمة الله وبركاته
عندي استفسار عن شنبر الجمس وش رايكم فيه هل هو عملي أم لا وشكرا؟
الي عنده جواب على سؤالي تكفون لا يبخل

[العزوم]

السلام عليكم ورحمة الله وبركاته
حياك الله اخوي مشاري
تسأل عن الشنبر 15 هذا ياطويل العمركان يستخدم في السابق للونيتات الجمس وهو اساسا مخصص للفورد بكب القديم من موديل 67 وتحت والاصلي منه امريكي الصنع مميزاته: :)
تقدر تفكه وتصلح البنشر بنفسك+يعطي السياره رساوه عند التحميل+منظره جميل ويبرزالكفرات للخارج +يساعد على تخفيف البطناج متى مانقصت الهواء......................ولكن ؟ :confused:
المتوفر منه بالاسواق تايون سيء وله عيوب منها:
عدم امكانية تركيبه الابعد جلخ الهوبات الاماميه+رديء وينكسر من الوسط بسهوله +يعمل رجه وخاصة للكفرات الاماميه+احيانا يخرج الشنبر من مكانه(يقمص) :no:
ارجو انني قد افدتك,,,,,,,,,,,,,,,, تحياتي

[شاص]

انتبه من التايواني .. قبل يومين شفت يوكن مركبه وانكسر عليه الجنط من الوسط

[mushari-saud]

الله يعطيك العافية أخوي العزوم على هذي الإفاده الجميلة وكذلك أوجه الشكر لخوي الشاص
ولكن عندي سؤال كيف أميز بين التايواني والأمريكي لأني بصراحه ودي أركبها قبل الشتاء

[حرباش]

ازيد على كلام الأخوان
انه مايركب عليه كفر تيوبلس ولا بد من اللستك

وكما تعرف ان اللستك ثقيل واضافه الا ذلك قد ينفجر وانفجاره خطير

بخلاف التيوبلس لا ينفجر ويمكنك ان ترقعه وهو في محله


تحياتي لك ;)

[طخيمان]

أحسن شيء تخلي السيارة على شد بلدها ولا تلعب يها أزين لك.

[العزوم]

السلام عليكم ورحمة الله وبركاته


حسب علمي ان الامريكي ماعاد يستوردونه ويمكن تلقى في التشليح او بعض البناشرالقديمه
اما كيف تميزه اقولك /الامريكي بيكون قديم او مصبوغ +شبه مختوم يعني الفراغ اللي فيه صغير
زي هذا

http://www.mekshat.com/pix/upload/images11/mk7063_005.jpg
شف الاولين من كثر مايطقون الجنط عند البنشر متعفط (ماشاء الله عليهم) :p
تحياتي اخوك /ابومحمد

[mushari-saud]

تسلمون على هالمعلومات القيمة
وبارك الله فيكم