ضيق مجال الرؤية في مرايا الموتر - ماهو الحل ؟

[مفخرة فورد]

السلام عليكم
وانت راكب بالموتر يصير معك 5 عيون :f ( مع مرايات الموتر ) لكن المشكلة يوم ماتغنيك عن لف رقبتك عند كل شارع :mad:

اللي متضايق منه ياجماعة ان هالمرايات :
** تعكس الاشياء بغير حجمها الحقيقي : أشوف السيارات بالمراية بعيدة وهي قريبة !

** على الرؤية البعيدة المفترض يكون مجال الرؤية أوسع لكن للأسف اشوفه ضيق !وماأدري كيف تبعد الاشياء ورؤيتها ضيقة :(

وش الحل الله يوفقكم , وهل فيه قزاز مراية خاص أركبه عشان أخلص من هالمشكلة ؟

[عاشق vip]

السلام عليكم ورحمه الله وبركاته


أخوي الغالي .. أنا بشور عليك شور من باب تجربه أحد أصدقائي ..


بس لا تأخذ به إلا بعد التفكير .. والمشوره من الأخوان الي أعلم مني بهالأمور ..


أحد أصدقائي إنكسرت عنده مرايه السائق .. وراح لمحل القزاز .. وفصل له قزازه على قد المرايه .. وهي تجيك القزازه نفس القزاز الي في البيت .. يعني تعطيك دقه واضحه جداً من رأيي الشخصي .. المهم لاحظ الفرق بين الجديده والمرايه الأخرى حقت الراكب .. فقرر يغيرها كلها .. وأنا شفتها بعد ما غيرها ماشاء الله مضبوووطه .. وكلها كلفته 40 ريال ..
فإن شاء الله أكون أفدتك يارب .. وبالتوفيق ..

[بدوي جنوبي]

لو تلاحظ سيارات النقل الثقيل

والباصات الكبيره

تكون مراياتها فيها تقوّس او ميول

لكى تعطي اكثر مجال للرؤيه ،،، في محلات الزينه يبيعوا مرايات دائريه مقوسه

ممكن تركبهاعلى مرايات السياره وتعطيك اكثر رؤيه .

لكن فعلا ما سبب تركيب مرايات ما تعطي وضوح حقيقي
وموضح التحذير على نفسي المرايه من المصنع .

كلام الاخ عاشق صحيح المرايات المنزليه تعطى وضوح اكثر


ولا تنسي النقطة العمياءBlind spot





اثناء القيادة
يوجد زاويه لا يمكن مشاهدة اللى بجانبك اثناء القيادة
انظر الصورة :

http://www.mercedesdealernews.com/photos/uncategorized/2007/09/26/blind_spot_assist1.jpg

http://www.cvel.clemson.edu/auto/systems/images/blind%20spot.jpg

والسيارات المزودة بحساسات
تنبه السائق
http://www.automobilesreview.com/uploads/2008/12/blind-spot-information-system.jpg

[يريور عيمان]

^^
فعلا النقطة العمياء خطيرة جدا
وكم مرة تفاجأت بسيارت على يميني و انا ما اشوفها بالمراية
و الحل انك تلف راسك قبل تغير المسار لتتاكد من خلو المسار تماما

[بيق مان]

الله هالله بالحذر ومحاولة التعود ..
ترى الاولين يسوقون بدون مرايات وسياراتهم كبيرة .. اما الان مرايات وشاشات وحساسات واشارات وانوار وسيارات كبر القواطي ونشتكي.
الله يعينا وياك اخوي .. ونصيحتي لك ولنفسي هي: القيادة بمبدأ السلامة اولا ومحاولة التأقلم والتعود على الشيء المتاح.
تحياتي.

[VXR.2007]

هذا الملف للتعرف أكثر و كيفية التعامل مع النقطة العمياء


اضغط هنا لتحميل (http://www.yics.net/Blind_Area.pps)