يوكن ولا باترول؟؟؟

[طخيمان]

سألني أحد زملائي ناوي يشتري جيب واللاندكروزر غالي عليه قال ودي أشتري باترول أو يوكون
(الزبدة) أبسألكم وش أزين من جميع النواحي من القوة والصرفية والتحمل ...إلخ. :)

[a7la>1]

القوة اليوكون
الصرفيه اليوكون اذا ما تدعس البنزين عليه كثير
التحمل اليوكون هذا لانه عندي وبحكم خبرتي فيه لانه مريح ومواصفات خيال
وتقدير هذا مجرد رأي

[safari4x4ksa]

اسال مجرب اليوكون فيه خراب النوافد وشكله مو حلو واذا تبي شي للطعوس وللقوه وخفيف ويتحمل درجة ميلان تصل الى 47 درجه ما عليك الا بالباترووووووووووووووووول وبس

[عاشق النحم]

أنا من عشاق الباترول
بس من ملاك اليوكون
والله هو كلهن زينات بس الباترول فيه عيب يخربه أنه
مهبول بنزين

[طخيمان]

يعني بكم تعبيه فل وكم يمشيك خط و ديرة.

[مزاااجي300]

باترول ووووووووووووووووووووبس

[حرباش]

عيوووب الباترول كلها من موديل صفر الى 2006 في كفه



واعطال اليوكون في كفه :p


انا جربت الأمريكي والياباني ومشكله الامريكي راعي غدره ماتامنه في الأماكن البعيده :(



تحياتي لكم ;)

[السارحي]

الامريكي عله وخراب يجر خراب ولا تامن عليه وانت في خلا .......

اما الياباني خصوصا البترول هي المواتر اللي تقدر تعتمد عليها بر وديره .........

وانصحك بالاستخاره قبل كل شي .....

[القماري]

الصرفية متقاربة بين الباترول واليوكون
التحمل لصالح الباترول
السعر لصالح اليوكون
السعر بعد الإستخدام أفضل للباترول
اليوكون الجديد كما به ميزات كالسعة والقوة والسعر به أيضا عيوب منها ماذكر بخصوص النوافذ وأعطالها
المقارنة بين يوكون 4x4 و سوبرسفاري

[محمد حمد]

الصراحة من ناحيتي انصحك بـ بالباترول

[غالي]

انا من ناحيتي انصحه في لاندكروزرgx وارد اليحيى بيلقاء عندهم مواصفات الفل كامل فتحه وونش وهزاز وغيره
ومابه فرق بين سعره وسعر الباترول تقريبا
هذا رايي :)
ونصيحتي يبعد عن الباترول تراه يشرب بانزين ويتفكك وسعره يطيح
والله اعلم

[حـاتـم]

البترول للبر للمدينه اليوكن

واذا تبي موتر كبير ودفرسين لاتسال عن البنزين

مهما كان الموتر

وشكرا


اخوك / حاتم

[22LR]

السلام عليكم يا شباب:
كل عام و انتم ب خير قبل ألزحمة
أنا من اصحاب اليوكون
بكل صراحة الباترول لا يعلى علية في البر و هذا من تجربه في رمال الربع الخالي واذا كان 8 سيلندر فلن يكن له منافس
للأسف الحلو لا يكمل ... يشرب بنزين و ناشف عالخط. ألارمادا ... غير معروف ؟؟ بالنسبة لي
أليوكن ...أكيد قوي, و اذا ما دعست فصرفه لبنزين فجيد (الخبر – الرياض 130-140 كم\س أكثر من 1\2 بقليل), الفل= 70 +- ريال يعني 35+- ريال
فالطعوس أيضا قوي لكن لابد من تنسيم الكفرات و كما ذكر أبو الطواري "الخيل من خيَالة و الجيب من سوَاقه".
(في رمال الربع الخالي مع أرامكو: الباترول و الفيكسار و اليوكون فقط, حتى الهمر ما يمشي اذا طاح في حقنه و الطعوس على ارتفاع 150 – 200+ م)
مريح في الخط و ألكرسي الثالث أريح من كل الياباني
الصيانه: التوكيلات افضل بكثير من الجميح, أنا اتابع مع ورشه من يوم خلص الضمان

أسفين اذا طولنا عليكم,

كل عام و أنتم بخير و عافية و عيدكم مبارك
أبو عبدألعزيز (22)

[بو خليفه]

الفرق بين اليوكن و الباترول و لاندكروزر

اليوكن
قوة العزم 400 فما فوق عن دورات ماكينه 2500 تقريباً الحصان 325

الباترون
العزم 380 أو 360 نيوتن

اللاندكروزر و لكزس
العزم 320 نيوتن عند دورات الماكينه 4500 الحصان 250

أما الرأي فشورتي أشتر يوكن للهدف أقل سعر و مريح في المطبات و وسيع و مواصفات عالية و عند البيع لاينزل الكثير أما البنزين مثل غيره و في الطريق أقل من الباترول و الاكروزر الاستهلاك

[مأيـغـرّز]

والله جربنا تقريبا كل المواتر وكل واحد وله مواصفات اول شي تحكمك الميزانية ولا تنسى بعد المشترى 0000انت تبي راحة البال والا لا ؟؟؟؟؟؟؟؟ظ عليك بالياباني كد ومد ومافي مثل التيوتا والنيسان سيارة لكل الاستعمالات وكل الاعمار اما الامريكي واليوكن ماهو شين بس انت قاط قريشاتك قاطهم قطهم على شي يسوى حتى عند بيعتك 00يجيبلك سعر زين وهذ راي انا وما يزعلون اهل اليوكنات

[22LR]

السلام عليكم
صدقت يا مايغرز, فعلن اليوكو سعره ينزل اذا شاريه جديد, لكن يحافظ على سعره اذا شااريه مستخدم. أما الياباني فشيك ثاابت لكن ... مكروف على الطعوس مع الشباب (بذات الباترول و بالتحديد ال 1\2). اليوكن و كروزر اكثر الاوقات يكون ضمن استخدام ... عائله و معتنين فيه

كل عام و أنتم بخير و عافية و عيدكم مبارك

أبو عبدألعزيز (22)

[فتى التويم]

السلام عليكم ورحمة الله وبركاته

الباترول أفضل وأحسن من اليوكن ويكفيك ان اليوكن امريكي يعني ماينفع ولا بريال

[أبو عكفة]

باترول أحسن وأزين

[بيت الطين]

معي يوكن ومرتاح له

[ماجد الشمري]

اليوكون زين لكن عيبه ثقيل ( 3400 كيلو جرام ) وبالتالي لا طحت لك طيحه تحس ان اليوكون تفكك ...
اليوكون اقل استهلاك من الكل ... وسعر المستعمل الامريكي حلو جدا ..

الباترول .. الافضل في البر وقوي جدا وخفيف وشكله جميل وواسع ومواصفات امان افضل من اليوكون ...

اللاند .. غالي جدااااااااااااااااااااااااااااا ... 217 الف ريال (( ازيده شوي واخذ رنج روفر )) ..

انصحك جرب الارمادا ...
305 حصان و 385 رطل ( اليوكون 370 رطل ) ووزن اخف ب 400 كيلو جرام وجير 5 سرعات اوتو واقل استهلاك من الباترول واللاند والاقرب الى اليوكون ... قوي جدا وواسع وراسي وفيه انظمة ثبات ممتازة وسعر جديد رخيص ...









اخوكم ماجد الشمري

[فتى التويم]

باترول ولا تفكر

[% ابو محمد %]

نصيحة لا تبعد عن الباترول اقوى وارسى واوذف
وماعليك بالبنزين الجديد اقل من الموديل القديم
نصيحة اخو
تحياتي

[SOMAN]

زي ما قالو المكاشيت اللي قبلي الامريكي ماله أمان

عليك بالباترول وبــــــــس ..
والاختيار ..
يحكمه استخدامك ؟؟

[طخيمان]

بس يقولون الباترول يشفط البنزين شفط.

[22LR]

السلام عليكم
يا ابو الطواري شف السوق شف طلباتك (بر, خط, عايله, ...) ادرس ميزانيتك ثم ثم ادرس ميزانيتك مره ثانيه (كاش ولا أقساط) استخر و اتوكل على الله.
فالسيارات متشابه بشكل أو أخر, و كل نوع له موميزاتها و عيوبها كم ذكر الشباب
الباجيرو أو الديسكوفري فجيوب قويه و يشار اليهم بالبنان أما في السعوديه ... ما له سوق
السيارات بالوكاله و صيانتها ثم بالشريطيه و احتكار+ "ترويج؟" انواع معينه من السيارات حسب المصلحه ألشخصيه

استخر و اتوكل على الله


أبو عبدألعزيز (22)

[عاشق نيساني]

انصحك بالباترول اذا بغيته بر فهو حق بر واذا بغيته مدينه فهو برضو نفس الشي

وبعدين شل من مخك شي اسمه بنزين لانه مافيه فرق كثير بين اليوكون والباترول......اليوكون برضو مااقولك انه مو كويس

برضو هو موتر جيد بس مشكلة الامريكي وانت زي ماتعرف ان خرب فيه شي حاقك اما الياباني يعيش اكثر وأن

خرب فعادي تصلحه ويرجعلك زي اول ويمكن احسن...........................................وشك ـــرا

[الأعصـــــار]

اليوكون زين لكن عيبه ثقيل ( 3400 كيلو جرام ) وبالتالي لا طحت لك طيحه تحس ان اليوكون تفكك ...
اليوكون اقل استهلاك من الكل ... وسعر المستعمل الامريكي حلو جدا ..

الباترول .. الافضل في البر وقوي جدا وخفيف وشكله جميل وواسع ومواصفات امان افضل من اليوكون ...

اللاند .. غالي جدااااااااااااااااااااااااااااا ... 217 الف ريال (( ازيده شوي واخذ رنج روفر )) ..

انصحك جرب الارمادا ...
305 حصان و 385 رطل ( اليوكون 370 رطل ) ووزن اخف ب 400 كيلو جرام وجير 5 سرعات اوتو واقل استهلاك من الباترول واللاند والاقرب الى اليوكون ... قوي جدا وواسع وراسي وفيه انظمة ثبات ممتازة وسعر جديد رخيص ...









اخوكم ماجد الشمري

لا يفوتك الأرمادا وحــــــــــــــــــــــــــــــــــــــــــش بس ماأنتشر لها الحين

[nahham]

اذا عزمت فتوكل على الله

الشباب قالو اللي عندهم

صل ركعتين استخاره وتوكل على الله

ومبروك مقدما

[حاكم المقناص]

الباترول ملك الطعوس

[anas]

الأرمادا ما انصح فيه ذهبت للمعارض ابي اشري لي واحد وكان بجانبه يوكون ولاند وصراحة شلت نظر مررررره لانه من الامام نازل بالحيل ما ينفع مع الرمال ابد يعني الله يخلف على اللحيه اللي تجي تحت الصدام الأمامي عند التطعيس .....

وصراحة يا جماعة الخير الكلام اللي يجمد على الشارب هوووووووووووو اذا كانت طلعاتك اسبوعيا تقريبا الى البر واغلب الطرق التي تسلكها في البر استكشافية نوعا ما وسفرياتك في السنة مرتين بالكثير انصح بملك الصحاري الباترووووووووووووول .... اما اذا كانت طلعاتك للبر نادرة وسفرياتك كثيرة فأنصحك باليوكون ( ثقيل البودي والدم ) .

وانا افضل قبل شراء اي سيارة منهما بعد الاستخارة استاجرهما واجربهما في الخط على سرعة 150كلم في الساعة واتوكل على الله واشتري بدون تردد .

[ابو موضي]

أخوي ....
انا معي يوكون ... ولو بعته لشريت يوكون ولو بعته لشريت يوكون اخر ( هذا رأيي الشخصي المتواضع ) ولكن انا انقد علي اليوكون ان اغلب التجهيزات فيه تعمل بشكل اليكتروني ... قبل 9 شهور وفجأة انطفأت لمبات الدفع الرباعي عندي وطلعة جمله على الشاشة تقول (service 4WD) رجعت لكتيب التعليمات و عرفت ان الدفع الرباعي ما يشتغل . طبعا رحت للأخوة الأعداء في الوكاله وشرحت لهم المشكله .. وردوا انه المشكله هذي راح تكلفتي 3500 ريال لأنني لم اتابع معهم برنامج الصيانه ... وصلنا بالهواش الى الاداره الاقليمية بدبي و من دبي كملنا الهواش الى الادارة بكندا .... بالنهاية ما طلعت منهم بشي ... لاختصار السالفة .. رحت لواحد شباب له ورشة متخصصة بمشاكل قير الامريكي بدون مبالغة شبك الكمبيوتر على السيارة وهو يتابع المشكله من اللابتوب وحدد ان المشكلة من قطعة كمبيوتر موجودة فوق دعسة الفرامل . فك القطعة وجاب وحده بدالها من التشليح وغيرها واشتغل الدبل ... كل هالكلام كلفني 150 ريال بس .
خلاصة الكلام ان التجهيزات الاليكترونية اكثر حساسة و صعب الوثوق بها في كل وقت وكل بيئة ..

عذرا على الاطالة ولكن حبيت المشاركة ....

[طخيمان]

مشكور يا أبو موضي ولكن أقول (هذا بلا أبوك يا عقاب ) السيارة اللي أغلب قطعها الكترونية تبلشك ولا تثق فيها ثقة تامة.

[الكونترولCONTROL]

الأمريكي كله ما ياكل عيش مع الباترول و اللندكروزر ...........
===============================
الا مساحات القزاز يمكن انه ازين من الباترول .... بس لا تقول ازين من اللاندكروزر و لا بأثر كفراته حتى !!!!!!!!!

[عابد]

الأخ الكريم أبو الطوارئ

السلام عليكم ورحمة الله

كل سيارة وانا اخوك لها مزايا وعيوب وهذا الكلام ينطبق على اليوكن والباترول .

اخوي
عند شرائك لسيارة دفع رباعي تأكد ان كنت من هواة التطعيس فأظن ان النيسان باترول وكذلك اللاند كروزر أفضل سيارات في التطعيس على الإطلاق واثبات لكلامي اذهب إلى أماكن التطعيس سواء في الرياض أو القصيم أو الهاف مون في الدمام ستجد معظم السيارات التي تصول وجول على الطعوس هي من تلك النوعية وأكثرها تغريزاً هي اليوكن .

أما إن لم تكن من هواة التطعيس فأظن اليوكن أنسب لاتساعة ولصرفية البنزين أقل ولسعره المناسب .

اخوك عابد

[فـــــواز]

الراي الأول والأخير لك ..

انا مع الشخص اللي قالك استأجر السيارتين !!

فعلاً..

ياخي 500 ريال ولا ألف ريال تروح عليك

خذهن ثنتينهن وألعن أبو اللي جابهم بالبر

جر عليهم جر اليهود .. جرب تمشي بهذي وهذي من دون ما تنسم الكفرات وشف وش ازين بالغراز

أمر ثاني ياخي الباترول منتشر مررررررررة يعني صاير عن كل من

لكن اليوكن مازال يعتبر نادر مقارنةً بالجيوب الثانية

لكن لا تنسى شي مهم ...

الباترول فيه تيبترونيك ( القير عادي وتوماتيك ) اليوكن مافيه

الباترول تقدر تشبك دبله لو انك تمشي 100

لكن الأمريكي ما تشبك دبله الا اذا وقفته تماماً

طبعاً هذي شغلات قد يجدها البعض ثانويه لكن صدقني

ان كثير من الناس ممكن يبيعون سياراتهم بسببها

ما عليك من حكي زيد وعبيد

استاجرهن ثنتينهم

ولا انك تتحسف بعد ما تشتري السيارة ويضيق صدرك من شغلة معبنة

محد درى انها ما راح تعجبك بأحد هالموترين

[ابو شكاع]

أبو موضي الغالي
أنا معي يوكون
وبإذن اللي ماتنام عينه ماراح أغيره الا بيوكون
لأنه موتر أثبت وجوده بقوته وهيبته وجمال منظره وراحته المتناهية وسعته العالية
وهو تفوق علي جميع سيارات الدفع الرباعي من فئته
ولاحظ الآن الإقبال الشديد عليه
وصار ماتلاقيه بالوكالة بسهولة ولابد من انك تطلبه طلب
ماعلينا ياطويل العمر من طول الهرج
المطلوب منك يالحبيب أنك تدلنا على عنوان الشاب السعودي هذا ورقم تلفونه اذا حصل لأي طارئ لا سمح الله
وشكرا لك

[ابو موضي]

انا اتفق مع اقتراح الاخ فواز ... اصرف الف ريال بس يمكن انك توفر الكثير من المال والجهد و ضيقة الصدر .
الاخ ابو شكاع ... ارجوا مراجعة الرسائل الخاصة ...

محبكم ابو موضي

[anas]

ما بأكثر كلام
اليوكون دبل 113الف ريال
الفكس ار 196الف
الباترول 150الف

يعني بقيمة الفكس ار او الباترول تشتري لك يوكون ويجلس معاك 7 سنوات + صرفية البنزين + الصيانة .. طوال السنوات التي ذكرتها وياااااااااااااااااالله تجيب خاصة قيمة الفكسار :eek: ( وعقلك في راسك تعرف خلاصك ) ;)

[بيت الطين]

الزبده الي طلعته للبر خفيفه ومهوب راعي مطاعس ومناقز بالجفر يشتري يوكن لانه مريح بالخط والمدينه وصرفه للبنزين اقل وشكله عملي ويخدمك واجد

اما اذا كنت راعي طلعات واجد ومطامر ما انصحك فيه خذ جيب لانه اقوى بالبر

[طخيمان]

شكرا لكل من شارك في الموضوع
ولكن يا أنس أظن أنك أخطأت لأن قيمة الباترول تبدأ من 95 ألف وحتى 160 ألف بإختلاف المميزات والمواصفات مثل السفاري كل شيء توماتيك اللا القير بـ117 ألف وجنوط الفل كامل .

[anas]

لكن يا ابو الطواري يا عزيزي .. اليوكون فيه مثبت سرعة وفرامل abs وهذه لا توجد إلا في الفكسار الفل كامل 196الف والباترول سوبر سفاري الفل كامل 160الف ريال ... وتسلم .

[Abu-Nawaf]

اليوكون فيه خراب النوافد والعكوس تخرب ياستمرار
انصحك بـ بالباترول او لاندكروزرgx

[ديباج الصبار]

ياشباب انا مجرب والله اليكون لو مايجيك منه الا الراحه تكفي ولا هناك خرابات كثيره المهم اللي يبي موتر تاهو 96 تراه اخو اليوكون بس اليوكون جمس والتاهو شفر -- واللون عنابي ورمادي دفرنشين 4 ابواب نظيف الى حد ما تراي بياع وتراه يسد الحال للي يبي المكشات وطلعات البر وعلى الشرط والتجربه كد ومد يالله شباب افتحوا بابه واللي يبيه يكلمني 0504821819وسلامتكم يالنشاما 0

[صمنكي]

السلام عليكم ،،
أخوي أنا أملك يوكن من سنة 1997 إلى 2003 و سيارتي الحين يوكن 2003 و ماراح أفرط فيه و السبب :
إن من سنة 2002 تم تعديل صرف البانزين بسيارات ال ( Gmc ) للسوبربان + اليوكن .
و للعلم / أنا أعبي بانزين قبل حدود السالمي بالكويت و أذهب إلى الزلفي - أعبي مرة أخرة بالزلفي فقط ، الممشى ( 140 كم ) أما داخل الديرة فكل أربع أيام يصل العداد ( 4/1 ) على حسب الممشى في اليوم الواحد .
ولك الأختيار ، أما الباترول فأنصح بموديل 1995 ترى طيب ومجرب من قبل أخوي
والقرار قرارك ... ‍‍‍‍‍!

[22LR]

السلام عليكم
يا ابو الطواري شف طلباتك (بر, خط, عايله, ...) ادرس ميزانيتك (كاش ولا أقساط) استخر و اتوكل على الله.
فالسيارات متشابه بشكل أو أخر, و كل نوع له موميزاتها و عيوبها كم ذكر الشباب
أذا بتاخذ جديد فتوكل على الله, أما المسخدم فكن حريص من سيارات الدفع الرباعي الي مع الشباب ... مكروفه

واذا متردد فقفل الموضوع و اطلع مع الشباب الى البر و جرب السيارات وأسئلهم ثم فكر في الموضوع


أبو عبدألعزيز (22)