لقيت باجيرو نضيف ورجعت الحيرة الي كنت هاج عنه ورجعت لمكشااات..!!

[طربان على صوت]

ياجماعة الخير..انا احترت بين موترين الا وهما ربع باجيرو 2006 نضيف & هلي 2010


الكلام,الربع معجبني بقوه لكن خايف من قطع الغيار نقول اذا امنا عليه شامل انتهينا من قطع البدي بس اذا خبط او جاه شي بالمحركات مشكلة

والهيلوكس ماعليها غبار..

والراي لكم

[سال السيل]

الموتر ما شاء الله قليل ما تسمع عن خرابات له..
وانا الحقيقة من قريب شريته شهرين إلا كم يوم..
لكن سألت قبل اشري ..
لقيت الأغلب اللي يستخدم الموتر استخدام حتى اقل من العادي يعني ما يعتني فيه كثير ممكن يكشت ويعفس الموتر مثلا
لكن يهتم بالزيت والشغلات اللي الاستهلاكية فما لقيت احد اشتكى منه..
هذا واحد كان معه مثل موتري 2002 صالون (بابين) وكده كد الحمير الله يكرمك واللي يقرون..
ثم اخذه اخوه واخذ هو اخو موترى ربع 2006..
والى اللان ما قال اي..
اما القطع الاستهالكية البواجي مثلا كل 60 الف
جنزير التيمن والسيور ومعه شغتين او ثلاث كل 100الف
والبواجي حسب الاستخدام..

فهذا ممكن تسعرها وتشوف هل هي تناسبك ؟

لكن التأمين الشامل ودي تتأكد من حكمه الشرعي عشان ما يكون أكلك وشربك من حلال وانا اخوك..
وترى المال الحرام مهب بسيط..

وبالنسبة أيضا للمقارنة مع الهلي فأنا شريت هلي 2006 في شهر7 ثم بعته في اول12 وشريت المبروك..
الهلي عز الله موتر ويرحك من كل شيء لكن وانا اخوك الجيب جيب ويكفيك لامن طقيت الدبل وقمت تكاشت باللي تبي..
وبعدين الصندوق مع إيجابية التحميل فيه حتى تمل لكن تبلش لو بغيت تخلي عزبتك دايم بالسيارة وين تحطه بالهلي..
ولا بالمرتبة اللي ورى وكل ما جا يركب معك 2-3 قمت تنقله للصندوق ثم ترجعه وعلى هالشغل..

ثم إن الباجيرو الربع 3.8 استاندر (السلقه) لو تلف السوق كله وتشوف اسعار الباترول والنيسان تكتشف ان الموتر جبار بطاقاته وامكانياته وسعره في متناول اليد..
وسمعت مرارا إنه يقوم على الربع التويوتا !! ولا استبعد الحقيقة..
وعلى فكرة الباثفندر 2004-2005 على نشاطة واعجاب الناس فيه مكينته قوته 3.5
والباجيرو الربع اللي زي اللي معي 3.8 !!

اعتقد إن الجيب ما له مثيل الحقيقة ..
لكن أهم شيء يكون الموتر اللي تشتريه نظيف ولا بد من فحصه جيدا..
واي شيء تبي تسأل عنه انا مستعد باللي تبي على الخاص او داخل موضوعك وراح اضيف موضوعك عندي بالمفضلة..

أتمنى لك من كل قلبي التوفيق وان ييسر الله لك الخيرة من امرك..
وتركت لك 3 رسايل عالخاص

[هاوي الطيب]

والله يا غالي كل واحد احسن من الثاني ماشاء لله الهلي حليل والباجيرو حلو واستخر وانا اخوك قبل كل شي والله يرزقك

[naif2010]

مالك غنات عن ابو اربع رجلين :)

والله يكتب الي فيه خير

[ذيب زلفاوي]

انا ارشح الباجيرو لقوته وقلت خراباته وعن تجربه موتر يعجبك

[بقيةالسلف]

باجيرو ولا تشاااااااااااور

[مقلع الرمث]

لاتعدى فرخ الشاص وخل عنك حق !!

[ابن عكاش]

والله إذا اسعار القطع معقوله ومتوفره خذ الباجيرو الدبل مالك عنه غناة إلا إذا بتاخذ هايلكس دبل ولا انصحك اربع سرندل مقارنه بمكينة الباجيرو فرق واجد
واستخر وشارو اللي جربو وتوكل على الله

[طربان على صوت]

يعطيكم الف الف عافية...وجزاكم الله خير