المساعد الشخصي الرقمي

مشاهدة النسخة كاملة : لمن لدية خبره في مشكله حصلت معي في الباترول


بآتروول
03/01/2011, 10:11 PM
سلام عليكم
كيفكم .. إن شاء الله طيبين
انا شاري باترول 2005 مخزن .. كان مع مدير في شركة الاتصالات السعوديه .. والباترول للاتصالات السعوديه
ماشي 50 الف .. اخذته وغيرت فيه بواجي اصليه من الوكاله .. وغيرت فيه صفايت البانزين .. برضو من الوكاله .. المهم الموتر صار فيه عله .. إذا برد يشتغل مافيه اي مشكله .. لكن اذا طفيته وهو حار معاد يشتغل يصير مثل الي مافيه بنزين .. المشكله هذي صارت معي اليوم وفكرت اوديه محل كمبيوتر .. لانهم يوم فكو البواجي .. فكو معه اسلاك الحساسات وشكيت ان المشكله منها .. لكن فيه واحد قالي اتوقع ان المشكله من طرنبة البنزين .. لان المشكله هذي تصير من الطرنبه .. يصير إذا بارد يشتغل وإذا حار مايشتغل
والي ابيه منكم تفيدوني .. وش تتوقعون الحل ..؟؟
بآتروول
03/01/2011, 10:12 PM
على فكره .. الباترول قبل ادخله الورشه ماكان فيه اي مشكله
سعد السبيعي.
04/01/2011, 02:56 PM
وحده من الثنتين ياطرمبه البنزين او السلف والله اعلم
هبــ حريملاااء ـبوب
04/01/2011, 03:52 PM
وعليكم السلااام ورحمة الله ..

مااا شااء الله .. الله يبارك لك في الموتر وان شاء الله ما به عله كبيره

مثل ما قال الاخ سعد .. السلف ..

دام انه لا برد يشتغل معناها الطرمبه شغاله .. والطرمبه ما لها دخل بالحراره ..

عندك فحماات السلف والله اعلم منتهيه .. واحتمال آخر وهو دقمة السلف ..

الله يوفقنا وايااك ومن يقرااا ..
ددسن72
04/01/2011, 04:15 PM
رح لورشه فاهمه خلهم يشيكون على السياراه وشف وشو الخلل
fahad17
04/01/2011, 07:01 PM
عندك طرمبة البنزين او كتاوت طرمبة البنزين فالأخيرة كثيرة الخراب في الباترول...
والله أعلم ...........
محبك:
ابومالك.
أبو حجر
05/03/2011, 01:57 PM
هذي و العلم عند الله كتاوت طرمبة البنزين
معك احد
11/03/2011, 12:46 AM
اا خووي طربه البنزين لانه اذا احتررر يطفى واكيد كتااوت الطرنبه

تحياااااااتي لكم
الفصول الاربع
11/03/2011, 01:02 AM
اخوي اتوقع والله العالم انه كتاوت طرمبة البنزين وهي كثير تخرب بالباترول ونصيحه اشتر ثنتين وخلها بالدرج لانها توهق واكثر خراب الباترول منها وقيمتها 57 بالوكاله واتوقع خراب الموتر منها والله اعلم

والله يعطيك خيره ويكفيك شره

وبالتوفيق للجميع
حبنان
11/03/2011, 01:14 AM
عندي نفس المشكله وديته للوكاله وكانت المشكله من شفرة الامان المفتاح حاول اذا صادفتك المشكله تطلع المفتاح وتدخله اكثر من مره وبيشتغل معك
الرحال511
14/03/2011, 02:51 PM
اخوي شيك على فحمات السلف
moad3
21/03/2011, 08:23 AM
اخوي تأكد من المفتاح عندك فيه فتحه صغيره اضغطها بأي دبوس وجرب

هذي حدثت مع صاحبي
شاص نيسان 93
24/03/2011, 08:35 PM
المشكله في الاتصالات مهيب في الباترول
محطم عنيد
27/03/2011, 09:44 AM
يالطيب مدام تقول انه زي لما يكون مابه بنزين

ف اكيد المشكلة من صفاية البنزين ومن الاسلاك المتعلقه بالبنزين اللي توصلة للبخاخات (لانه يعرف للكبليتر)

تاكد من اي شي له علاقة بالبنزين وتوصيلاته
سهيل الدلم
28/03/2011, 12:13 PM
بسم الله الرحمن الرحيم
الله يبارك لك فيه والسياره vtc او عادي
هذي من الكتاوت او طرنبة البنزين او من الكنبيوتر فقط
المهاجر انا
03/04/2011, 10:22 PM
اغلب المشاكل بسبب طرمبة البنزين او كتاوت طرمبة البنزين كثيرة الخراب في الباترول...