اليارم
04/01/2011, 08:45 AM
السلام عليكم ورحمة الله وبركاته
شباب والله البحر غريب وعجيب كما قال المولى عزوجل " وما اوتيتم من العلم الا قليلا "
كنا طالعين بحر نغاوص في مكان ما والفشت كان قريب المهم قال واحد من الربع واسمه بوسعد وكان اصغرنا قال انا بروح اشيك المكان قلناله توكل على الله .مع ان الوقت كان المغرب وكنا ناويين ننزل الفجر لكن الولد عنيد انا قلتله لاتبطي قال ان شالله المراد
شوي والا الحبيب جانا متروع سألته خير عسى ماشر .والله ياشباب كان الرجال من خوفه يتلعثم المهم بعد مارتاح اشر بيده مكان اللي كان يغوص فيه وقال شفت واحد له لحية بيضه تحت .استغربنا وقلت للربع تدرون من اصبح افلح المهم ان الرجال طول الليل يفكر في اللي شافه وانا اهديه واقوله مايصير الا المكتوب ماطول عليكم نزلنا ثاني يوم وكنا ثلاثه وصاحبنا خليناه في الماشوه وقلتله اول مانوصل اشرلنا على المكان بالضبط شوي وقال بس عندك لكن يالربع المايه كانت اسحيه (تيار قوي) المهم نزلنا نشوف شالسلفه والا شي غريب وعجيب تتوقون شنهو اللي شفناه والله اني مازليت عليكم ذاك الهامور واتوقع وزنه 10 او 12 كيلو وفيه غزول شايره في حلقه كنها لحية انسان ومعنا واحد سبع اشر لنا خلكم بعيد وخذ واطلق السلاح وقامت غبرة ومعركة حامية الوطيس المراد سحبناه وصاحبنا فوق طاير من الفرحة وحلف ان يأكله وطبخه بنفسه كبسه وكان يتلذذ فيه وقال هذا جزاك وقمنا نضحك من الموقف . تراني انتظر ردودكم يالنواخذه
شباب والله البحر غريب وعجيب كما قال المولى عزوجل " وما اوتيتم من العلم الا قليلا "
كنا طالعين بحر نغاوص في مكان ما والفشت كان قريب المهم قال واحد من الربع واسمه بوسعد وكان اصغرنا قال انا بروح اشيك المكان قلناله توكل على الله .مع ان الوقت كان المغرب وكنا ناويين ننزل الفجر لكن الولد عنيد انا قلتله لاتبطي قال ان شالله المراد
شوي والا الحبيب جانا متروع سألته خير عسى ماشر .والله ياشباب كان الرجال من خوفه يتلعثم المهم بعد مارتاح اشر بيده مكان اللي كان يغوص فيه وقال شفت واحد له لحية بيضه تحت .استغربنا وقلت للربع تدرون من اصبح افلح المهم ان الرجال طول الليل يفكر في اللي شافه وانا اهديه واقوله مايصير الا المكتوب ماطول عليكم نزلنا ثاني يوم وكنا ثلاثه وصاحبنا خليناه في الماشوه وقلتله اول مانوصل اشرلنا على المكان بالضبط شوي وقال بس عندك لكن يالربع المايه كانت اسحيه (تيار قوي) المهم نزلنا نشوف شالسلفه والا شي غريب وعجيب تتوقون شنهو اللي شفناه والله اني مازليت عليكم ذاك الهامور واتوقع وزنه 10 او 12 كيلو وفيه غزول شايره في حلقه كنها لحية انسان ومعنا واحد سبع اشر لنا خلكم بعيد وخذ واطلق السلاح وقامت غبرة ومعركة حامية الوطيس المراد سحبناه وصاحبنا فوق طاير من الفرحة وحلف ان يأكله وطبخه بنفسه كبسه وكان يتلذذ فيه وقال هذا جزاك وقمنا نضحك من الموقف . تراني انتظر ردودكم يالنواخذه