اليايات والمساعدات الاستراليه

[هاوي قصيده]

السلام عليكم ورحمة الله وبركاته

وشلونكم يا الطيبين..عساكم بقووه

ياشباب البارح كنت بمجل الدفع الرباعي بالدمام..اللي عند محلات تقييض الطيور ..بـحي احد

الوكاد..

لقيت عنده يايات استراليه ومساعدات استراليه

قال :
اركب لك يايات استراليه بالخلف بـ 550 اخر شي بالمكاسر
ومساعدات استراليه بالامام بـ700 ريال

1250 ريال

واليايات 200 كيلو
يعني ترفع 5 سانتي او اقل

شرايكم ياشباب عجلو بالردود الله لا يهينكم علشان بركبها باقرب وقت

ولا هنتوووووووووووووو

[حـاتـم]

اخوي الياي السترالي الخلفي قيمته 495 الاثنين في الرمايه

اخوي انصحك المساعدات لاتغيرهن لان مساعد الاند متاز على حسب علمي

وشكرا


اخوك / حاتم

[هاوي قصيده]

ماقصرت يا الذيب

يعني تنصحني

اركب يايات بس خلفيه

والسعر وش رايك فيه غالي ولا اتوكل
للمعلوميه تراه مع التركيب

[حـاتـم]

اخوي الغالي هاويقصيد انا مركبها

سعر اليايات الاثنين بـ495
والتركيب يوصل للـ70 رايل بس انا كاسرته الين ركبها لي بـ45 ريال

الحمل 200 كيلو اذا كان عندك تانكي مويه مثلا او شي يثقل على الموتر ودايم
لانه لو فضى الموتر بيطامر بك وبيصير مطبه قوي
اما 110 كيلو اذا كان مابه تانكي ولا ثقل زايد ودايم


اتمنى اني افدتك

وشكرا
اخوك / حاتم

[nahham]

هلاا بالغالي حاتم

شكلك تاخذ عموله على الياي الاسترالي

ههههههههههههههههههههههههههههههه

لكن عناد لك ما اركببها لو ابيع السياره واشتري جديده

[رحال الخبر]

الاخ
هاوي قصيده
حياك اخي العزيز . بالنسبة لليايات مثل ماتفضل اخي حاتم بالرماية ارخص وموجود الرماية بفرع الخبر على الطريق الساحلي وسعرها 495 ريال للخلفيات الثنتين .
واما المساعدات فايضا اضم صوتي للاخ حاتم فمساعدات الوكالة افضل وارخص 60 ريال ( الله يديم الرخص)

واتمنى لك التوفيق والسلام

[هاوي قصيده]

تسلم والله اخوي رحال الخبر

وانا اليوم ابروح عندهم واشوف اللي عندهم

ويعطيك الف الف عافيه
ولا هنت يا الذيب

[عاشق المزون]

هلا اخواني انا بعد ناوي اركب يايات استرالية بس وش رايكم في المساعدات الاسترالية احسن من الوكالة لان الفلبيني تبع محل الرماية يقول هي افضل في المطامر من الوكالة حتى يقول ان فية احد الشباب ركب يايات على لاند كروزر بدون مساعدات ثم رجع وغيرهن نبي رايكم في اسرع وقت اذا امكن وشكرا

[حـاتـم]

لا لا ياخوي الي رجع هاذا اعرفه كان موتره مايل

اذا كان بالرياض فرع التخصيي محطه نفط

الاند كرورزر مساعدات الوكاله افظل

وشكرا
اخوك / حاتم

[هاوي قصيده]

يالبا قلبك يا حاتم

صراااحه ماقصرت

ماخليت لنا شي الا وعرفناه عن اليايات الاستراليه

لاعدمناك

[أبو يوسف]

ولازال حاتم يقدم دعاية مجانية للياي الاسترالي :)

بعذره فيك نهام مهب مركب :):)

معلومات قيمة استفدناها من الموضوع
كل الشكر لك اخوي هاوي قصيدة وكل مشارك في الموضوع

مع التحية

[هاوي قصيده]

حيااك الله يا بو يوسف

وابركها من ساعه يا بعد حيي

[دله وفنجال]

السلام عليكم...
اخوي الغالي هاوي قصيد الحقيقة ان اخوي حاتم الله يحفضة ماقصر لاكن رايي غير رأية من ناحية المساعدات وهو ان المساعد شد البلد ( الوكالة ) مايتحمل وعلى طول يتفقعن (يخربن)وهذا شي امجربة بموتري الاول وهو اني ركبت ياي استرالي عند الرماية بدون مساعدات ولاحضت ان الياي يطامر بلموتر يعني يناقز بقوة مع ان الياي اقل نوع وذلك بسبب ان الياي اطول من المساعد وهذا مايجعل المساعد مايلحق على الموتر ومع التحميل والمرودح بلخليان تفقعن المساعدات الخلفية بسرعة وما ارتحت الايوم ركبت الياي الاسترالي وهو المناسب بطول مع اليايات...
هذا والله اعلم والموتر vxr2001 ...

[رواح]

اليايات استرليه ركبتها سابقا وانكسرت بعد فتره في سيارتي وسياره اخرى لكن بعد سنه

[عاشق المزون]

مشكورين اخواني على الموضوع

اخوي رواح وين كنت مركبهن فية ؟؟؟؟؟؟؟؟ وشكلك راعي ردح بالموتر يعني ماترحمة

[عجمي]

السلام عليكم ورحمة الله وبركاته


صراحة ماقصروا الأخوان ...لكن ركبت الياي الأسترالي من سنتين المقاس الأوسط ..اخذتهن من الرماية


ب 500 طبعاً الخلفيات وصراحة الى الآن وهن تمام ..


والمساعدات شد البلد السيارة GX 97


واحلى تحية ,,

[aziz2727]

توني مركبها على لاندكروزر 2004
ياي مع مساعدات استرالي من الرماية
بصراحة فرق معي الموتر وتراها شي ولا تاخذ الا الضغط 110 تراها زينه
كلفني الياي مع المساعد 1050 والتركيب 125 ريال
توكل على الله