فكسارات الاولين!!!!!وينك ياخشم الحصان

[العزوم]

]السلام عليكم ورحمة الله وبركاته
سيارات الماضي اثبتت جدارتها وفي ظروف قاسيه وصعبه للغايه ففي بداية الخمسينات كانت المرحله الانتقاليه من الجمال(المطايا)الى السيارات وكانت فورد الوحيده بلامنازع مع مناوشات من عنترناش(انترناشيونال)ودودج(بورواقن)واصبح السائق الذي يتعامل مع هذا الكائن الجديد محط انظار الجميع على جميع المستويات الاجتماعيه
يقول بندر بن سرور0رحمه الله)
راكب اللي مخ رجلينه خنازير وهوى.......اشهب في مقدمه بارقين وعكس وتاج
متر في مترين مستبرم كله ســــــوى ......حايفه حطاب ماسمكره راع الكـــراج
ويقول ايضا
ياهل الونيت اللي يبي مشتل البيب.....مادق صدره بالخطوط الغزيره
يوم يتخثع مع محـــــــير الاداعيب.... يشدي تخثع جادل في حـــريره
لاتجربونه مايبي الفــرت تجــريب.....قد جربه بالبيت الابيض خـبيره
وقال ايضا
الايانديبي فوق دوج عليه شراع.....ماقال انفخ التشريق جاءفي مواصيره
لياهبت العليا وقام العجاج وراع....يهيضك مع السكه تزاوغ معاصـــيره

http://www.mekshat.com/pix/upload/images11/mk7063_010.jpg[
/img]
:D
يااهل الونيت اللي على دنقله ميم......نقل الرياض الخط ماتوصلونه
مارهمو له في الكراجات ترهــيم......ولاقط فك اديـــــتره ينفخـــونه
والله لو امسك طارته يالمغانيـــم......ماعاد اقلد دولة يصــــنعونـــه
صناعته مخطين مـــــلة ابراهيم......حمران روم لونهم مثل لونـــه


[img]http://www.mekshat.com/pix/upload/images11/mk7063_011.jpg[/]

حدوني على ركب الغماره وانا بي فوق@@@ على مقدم الصندوق والا على السله[/color]g0309][

:cool:
الله على اللي كن سلفــــــــه ليانيش .... خطو المحاله مفرده من رشـــاها
يلحق فروخ مصخرات ابرق الريش.... شقر الوحوش اللي عزيز غذاها


[img]http://www.mekshat.com/pix/upload/images11/mk7063_012.jpg


وهذي طالت اعماركم الحجبه واللي مايعرف الحجبه بنحوله لخشم الحصان ياخذ كورس :D
الحجبه= جزء من بيت الشعر عند البدو مخصص للعروس ليلة الدخله :j

كم ضنكم موديل السياره وحجمها؟؟؟؟؟؟؟؟؟؟؟؟
ارجو ان ماقدمته لكم يحوز على رضاكم...........وخاصة ابوأحمد على الملاحظه اللي امس في الاجتماع
تحياتي

[الرمث]

بسم الله الرحمن الرحيم
شكرا" أخي العزوم على المعلومات الّّلتي تخفى على الجيل الجديد
وايضا" على الأبيات اللّتي توثّق المرحله والصور الجميله
تقّبل تحياتي

[العزوم]

حياك الله ...........وابقاك اخي/الرمث
تسلم يالغالي وتشرفت بمرورك الكريم
لكن عسى الاخوان ماهم مقاطعينا باثر رجعي 109 زارو الموضوع مارد عليه الاواحد ؟ بس فيه الخير الرمث والله

[طشي وامطري]

سبحان الدايم
لاشفت مثل هالسيارات كنك مقابل شايب في هجرة من هالهجر ، تنشد (تنسحب)لهم وتحس إن اللي خواطرهم وتجاربهم الشي الكثير ، ولا له في الدنيا الجديدة الصاخبة لاناقة ولا جمل ،
ما قصرت ومشكور على الصور.

[اسيزو 4x4]

أنا أشهد أنها مواتر صح ولكن الامريكي الجديد ما يسوا ولا ريال مقارنة بالقديم عطي الرحمن

مشكور يالغالي العزوم ...

.

[مهراس]

السلام عليكم ورحمة الله وبركاته:

الأخ العزوم بعد التحيه موضوعك جميل والصور أجمل شكرا لك على التحيه في اجتماع الرياض وكان ودي لو سولفت معاك ولكن والله ماني عارف ايش اسوي الأخوان كثيرين ,انا أول مره أشوفهم عسانا نشوفك في مناسبات جايه والحقيقه أنا من هواة الونيتات القديمه وخاصة الفرت من موديل 61 الى 66 والموتر اللي في الصوره موديل 64 فئة F250 والله الموفق.

[السارحي]

عز الله انها مواتر ولكن ........لكل زمان دوله و ( ومواتر ) .......

الله لا يهينك على الموضوع ...

[العزوم]

بسم الله الرحمن الرحيم

طشي وامطري: صدقت ياخوي... حياك الله :cool:

ابوحمود:هذا اللي خلاها موجوده الى هالحين.......مرورك اسعدني :)

مهراس: لاهنت يالغالي وتشرفت بمعرفتك بالرياض ولنا لقاء ان شاء الله....نعم هذي مواصفات السياره ياخبير الفروت :D :good:

السارحي: مرحبا يالغالي ;)

[السمح]

حياك الله أخوي العزوم ، وحيا عودتك الميمونة :good:

تقول أجل فكسارات الأولين :D إلا قل لكسزات الأولين !!

الأولين من قوم خشم الحصان يامال السيل يا هاك الديرة ;)

بالنسبة للسيارة إن لم تخني الذاكرة فهي 62 أو 63 .

حياك مرة أخرى وهلا بك .

[البرحه]

سلام عليكم

يالله المستعان


أشهد أنها مواتر صح ولكن الامريكي الجديد ما يسوا ولا ريال مقارنة بالقديم

صدقت والله

الله لا يهينك على الصور

[المطلق]

سلمت أخي العزوم على هذا الموضوع

ولو أحد الشباب يحدثنا عن الشاص القديم اللي من 84 وورا

والسيارات القديمة الثانية

ليكون هذا المنتدى أول من يتكلم عن السيارات القديمة

لن جميع المنتديات الحالية تتكلم عن السيارات الجديدة وبس

أكرر شكري للأخ العزوم على طرحه لهذا الموضوع

تقبل الله منا ومنكم صالح الأعمال

[العزوم]

السلام عليكم ورحمة الله وبركاته
مشرفنا العزيز/السمح
ابقاك الله يالغالي ويسعدني مرورك الكريم :good: صحيح تشم عبق الماضي اذا ركبت هذي السيارات خاصة يوم كانت الخطوط ترابيه تشم ريحة البنزين والكربون من مسافة 2 كيلو لاونميزها هذي سيارة فلان لانه ببساطه عددها في القريه 3 سيارات والا جاء يوم الجمعه اذا ماجيت بدري فاتتك الرحله :D

البرحه/ ومن قال ماهان .........حياك يالغالي

المطلق/ ياهلا وغلا واضم صوتي معاك

تحياتي

[المرابط]

مشكور اخي العزوم على الطرح الجميل

بس ترى لي طلب لا تردني ابغا دوره

بذا الفرد واكون راكب فى السله

اللى فوق التنده فى طريق الملك فهد :D :D

وقت الذروه واعطيك دوره بذا الدوج

اللى فى التوقيع هاه وش قلت قل تم :good:

[الهلالي]

مشكور أخي العزوم ذكرتنا بالقديم بارك الله فيك وهذا الطراز من فورد 1964 كما أوضح أخي مهراس .
س/ هل هو للبيع وكم حد راعيه ؟

[العزوم]

بسم الله الرحمن الرحيم

الاخ/المرابط
لاشكر على واجب والله لوه لي لاخليك تشارك به في مهرجان الجنادريه :D

الاخ/ الهلالي
حياك الله وتستاهلون اكثر بالنسبه للسؤال/ نعم ومسيوم 25000 وحاده راعيه ب30000ريال
لكن كل شي شد بلد ولكن فيه ثاني موديل65 يحتاج بويه وفحص مسيوم ب12000ريال واي خدمه حاضرين للطيبين
تحياتي للجميع