ندااااااء لسهيل العازمي ..... محاوره ..... الصقار111

[الصقار111]

السلام عليكم ورحمة الله وبركاته


كيف الحال اخواني الكراام

عساكم طيبين

سهيل العازمي من اقوى الشعراء في هذا المنتدى الشامخ


من غير قصور في اخواني الباقين


اخوي سهيل لعبت معه على لغز وحله وهو كفو ولا هي غريبه عليه



لكن الليله محضر له موال وطارووق

ولا ابي منه الا يشد حزاااامه




الموال


رجعت لك ياسهيل والموج طامي ،،،،، وانا على الطاروق جايع وظـــامي
ولا الهــــدف مايـذبـحه كل رامي ،،،،، والصبر زين وكل مطرود ملحوق


الطاروق

يامرحبا بــ العازمي واقلط على سمن وسمين ... من بعدها ياصاحبي صلوا على وجه النبي
يالعازمي لاصرت جاهز لجل تبحث للدفين ... قلي وانا اعــلــمك ياذيــبان وشهو مطلبي



وسلامتكم جميع

[رعود ابريل]

وعليكم السلام


حياك الله يالذيب


كفوك الطيب وشهاده اعتز فيها اخوي الصقار وتسلم على الاطراء


اعذرني على التأخير لأني ماكنت حول النت لذلك وجب التنويه


وانا حاضر بأي وقت واتشرف باللعب معك


،،،،،،،،،،




الموااال


اهلاً وسهلاً بـك وشرفت حـيـاك ،،،، وانا اسعد بشوفك ومطلوب لقياك

اسلم وحدد وين بالضبط مسراك ،،،،،، والصبر زين وكل مطرود ملحوق




الطاروق


دام البقى ياللي ترحب في محل الغانمين .... وصل الله وسلم على محمد قويم المذهبي

اكرب حزامك ياولد والله على الطرقه يعين .... وانا حضرت وفاللزوم اللازمه متزهبي

[سلطان القلوب]

سلام يارجال
صحت السنتكم وبيض الله وجيهكم

اثر حولكم محاورات


طيب طيب

من هالحين معلن ترقبي لمحاوره مع الفاضي منكم في اقرب وقت

واصلو ا والوعد قدام

.

[الصقار111]

الموااال


انشدك عن شينٍ قديمٍ فريدي ،،،،،شفته طلع ثم غاب ماله جديدي
من غير ثابت واسترح مايفيدي ،،،،، والصبر زين وكل مطرود ملحوق

الطارووق

لاصار وقتك شين شد حزامك اللي مايلين ... والذيب الأشعل ياسهيل العازمي مايختبي
الذيب ماهرول عبث والذيب له عقلٍ فطين ... واسمع كلامي زين وافهم ياعريب المنسبي

[رعود ابريل]

سلام يارجال
صحت السنتكم وبيض الله وجيهكم

اثر حولكم محاورات


طيب طيب

من هالحين معلن ترقبي لمحاوره مع الفاضي منكم في اقرب وقت

واصلو ا والوعد قدام

.


وعليكم السلام

حياك الله ياسلطان القلوب ونتشرف بتواجدك

[رعود ابريل]

استلم يالصقار ..


المواال

ياصاحبي لـلـغز عارف وحلال ،،،،،،،،، والحل مـايحْصرّ على بطن مـوال

كل القديم مع الزمن راح وانزال ،،،،،،،، والصبر زين وكل مطرود ملحوق

الطااااروق

حمر الفشق في محزمي وادور الصيد الثمين .... ماجيتكم عابث لاوالله جيت اقّضي مطلبي
والذيب الاسحم لن نوى العربان ماحوله عوين .... اما غدى زاد وسمن ولايسيبونه سبي

[المرزقاني]

الله يعطيكم العافيه
تميز ما شاء الله
الصقار : سهيل
صحت السنتكم
ولا هنتو

[الصقار111]

الموااااال

اللغز يانسل الرجال القرومي ،،،،، يحتاجه اللي وسط صدره علومي
من غير ثابت مايقضٌي لزومي ،،،،، والصبر زين وكل مطرود ملحوق

الطاروق

حاول تفكر ثم حل اللغز يابن الطيبين ... والطيبه من مكسبك والا غدت من مكسبي
الله على بقعاء يعين اللي بربه يستعين ... وانا احمد الله ياصحيبي صافيٍ لي مشربي

[رحال الصمان]

مبدعين ياشعراء مكشات سهيل والصقار تسلمون مستمتعين معكم

[ساحووق]

صح السنتكم جميعاا يالغاالين

[رعود ابريل]

الله الله

المواااااااال ..



ياللي تجر الصوت بين الهضابي ،،،،،،،، جاوبك ذيب الدار نعم الجوابي

صـم الـجبـال تسيل يـم الـشعـابي ،،،،،، والصبر زين وكل مطرود ملحوق

الطااااروق ..

راع الربابه يعـزف الالحـان من ذيـك السنين --- قدام لا توجـد محطاات الفضاء ياأبـو ظبي

ماتشتكي روس الجبال اللي على حزمن متين --- والمسلم يصوم ويحج البيت وادا الواجبي

[رعود ابريل]

الف شكر لكل من شرف الموضوع بتواجده

نورتوا الموضوع

[رعود ابريل]

الله يجيبك يارفيق الحر مع برد البطين == اللي ينوش اهل الحصون الدافيه واهل القبي
هذي ثمان ليال غايب ياعسى دربك يمين ==والله يجيبك مع دروب الخير والشر يهبي

[مكرم الضيف]

صحت السنتكم وبيض الله وجيهكم عز الله ماقصرتوا لكم تحيه كبيرة من اخوكم ولايهونون الباقين