حياكم الله [الأرشيف] - منتديات مكشات

مكرم الضيف

06/01/2011, 01:45 PM

ســلام الله على اللي ينزل الميـدان ويسمعنا**تـــــحية للجميع بقلبا صافي النيــــــه
نبـيها بالصدور افراح على مانحب تجمعنا ** ورب الكون ياقانا وياقاكم من السيه

عيسى عبد الله

07/01/2011, 02:58 AM

أعذرنا اخووووووي ندخل مشغولين ونطلع مشغوووولين والربع الضاهر جاهم ماجاني دايم مستعجلين ولا لي الشرف العب مع شخصك الكريم لاهنت
انشاء الله الخوان فيهم الخير تقبل مروري

Ahamad

07/01/2011, 04:11 PM

صح لسانك اخوي
وبيض الله وجهك الابيات اللي كاتب اعجبتني

الشهرااااااني

07/01/2011, 07:27 PM

صح لسانك على هذه الابيات الجميله
تقبل تحياااااااااااااتي

رحال الصمان

09/01/2011, 02:34 AM

هلا يامرحبا بك خيمة المكشات تجمعنا ... نبي نلعب على الطرق الطويل بلا محنيه
تعمدت الاطاله ناوي(ن)بالحيل تتعبنا ... وانا جاهز وعندي للخطوط العوج ردميه

مكرم الضيف

09/01/2011, 07:26 AM

ابنشدكم عن الصمان وحب فضول يدفعنا...لديرة جعل رب الكون يحييها وهي حيه
ومن خيره ومن رزقه يشبعكم ويشبعنا...واشوفه ناشر فضله على كل السعوديه

بن بليهد

09/01/2011, 12:20 PM

صح لسانك ولسان الرحال

وننتظر صدى الصمان

رحال الصمان

09/01/2011, 01:38 PM

اكيد انك تعرف الحال رب البيت يرحمنا ... تعــداها حقوق الوسم واقفــت مربعانيه
عسى رب العباد يغيثهــا بمزن تتــابعنا ... تصير فياضها واشعابها بالعشب مكسيه

العاذر

09/01/2011, 02:59 PM

انا سامع صدى الصمان يدعينا ويزهمنا = وجاوبته عسى الشعبان والريضان مرويّه

ضحك مني وقال اذنوبكم ياخوي تتعبنا = عليكم بالصلاة وبالدعاء فوقات فجريّه

((( العاذر )))

مكرم الضيف

09/01/2011, 10:32 PM

عسى الله يرحم الاحوال وانه مايواخذنا*** وما هي بالجهد يارجال لازم نخلص النيه
تجي مزون ومعها بروق وترعد فوق هامتنا*** ويمكن صرفها عنا بها حكمة الهيه

مكرم الضيف

09/01/2011, 10:40 PM

أعذرنا اخووووووي ندخل مشغولين ونطلع مشغوووولين والربع الضاهر جاهم ماجاني دايم مستعجلين ولا لي الشرف العب مع شخصك الكريم لاهنت
انشاء الله الخوان فيهم الخير تقبل مروري

مشكور على ردك وانا اللي لي الشرف بزيارتك وكلامك الطيب

مكرم الضيف

09/01/2011, 10:41 PM

صح لسانك اخوي
وبيض الله وجهك الابيات اللي كاتب اعجبتني

مشكور اخوي احمد صح بدنك ووجهك ابيض واسعدتني بردك الطيب

مكرم الضيف

09/01/2011, 10:43 PM

صح لسانك على هذه الابيات الجميله
تقبل تحياااااااااااااتي

صح بدنك اخوي ومشكور على ردك ويشرفني تواجدكم

مكرم الضيف

09/01/2011, 10:45 PM

صح لسانك ولسان الرحال

وننتظر صدى الصمان

صح بدنك اخوي وتواجدكم شرف لنا وللاخوان

رحال الصمان

09/01/2011, 11:49 PM

الا يالله يامشكاي يالي فوق تسمعنا ... طلـبنا الغـيـث يامغـيـث بالـديـره وبــريه
حقوق مطرب يسعد بهايمناويسعدنا ... نخيله في جميع المملكه شرقي وغربيه

رعود ابريل

10/01/2011, 12:37 AM

صح لسانك يامكرم الضيف
ويارحال الصمان
الله لايهينكم على الطاروق الحلو

أجود التميمي

10/01/2011, 12:44 AM

يالله ما غيرك رجـاء لاتحملنا فـوق طاقـتنا === حنا عبيدك ابناء عبيدك من آدم لقصات ذريه
كلنا ذنوب ولك نتوب يارب اكمل سـعادتنا === بسحاب مدلهم هطيل يغسـل الكـبود الشـقاوية

أجود التميمي

10/01/2011, 12:48 AM

يالله ما غيرك رجاء لا تحملنا فوق طاقتنا === حنا عبيدك ابناء عبيدك من آدم لقصات ذرية
كلنا ذنوب ولك نتوب يارب اكمل سعادتنا === بسـحاب مدلهم هطيل يغسـل الكبود الشقاويـة

العاذر

10/01/2011, 01:00 AM

انا عاينت عقب العصر مزنٍ حول ديرتنا = مزونٍ جعل رب الكون يسقيها مغَربيّه

الا ياماحلا صفة دلالٍ تطبخ البنّا = في فيضه من سيول الوسم يارحال ممليّه

مكرم الضيف

10/01/2011, 08:43 AM

ذكرت البن والدله وودك بس تشغلنا***وش الحيله وكيف الراي وانا ببيوت مبنيــه
ابشلـع تقل حر شاف حبارى وابتعد عنا*** بموتر صانعه نيسان معه تكبر هقاويه

مكرم الضيف

10/01/2011, 08:46 AM

يالله ما غيرك رجـاء لاتحملنا فـوق طاقـتنا === حنا عبيدك ابناء عبيدك من آدم لقصات ذريه
كلنا ذنوب ولك نتوب يارب اكمل سـعادتنا === بسحاب مدلهم هطيل يغسـل الكـبود الشـقاوية

شكرا لك وتشرفنا بحضورك ومشاركتك بالموضوع وحياك الله

مكرم الضيف

10/01/2011, 08:49 AM

صح لسانك يامكرم الضيف
ويارحال الصمان
الله لايهينكم على الطاروق الحلو

صح بدنك يالعازمي والله يحييك معنا ترى افتقدناك انا والاخوان

العاذر

10/01/2011, 02:07 PM

انا عاينت عقب العصر مزنٍ حول ديرتنا = مزونٍ جعل رب الكون يسقيها مغَربيّه

الا ياماحلا صفة دلالٍ تطبخ البنّا = في فيضه من سيول الوسم يارحال ممليّه

.................................................. ..................

مزونٍ جعل رب الكون يآمرها مغربيّه

تعديل

أبوجهاد التبوكي

10/01/2011, 02:24 PM

متااااابع بقوة لكم ياأخوان...

العاذر

10/01/2011, 02:32 PM

ان اللي دابلٍ كبدي بيوتٍ وسط حارتنا = وجدرانٍ قدم عيني بلون الشاش مطليّه

انا وكانك تطاوعني نحمّل كل عزبتنا = ونشلع كلنا يم النفود الحمر طرقيّه

(( العاذر))

مكرم الضيف

10/01/2011, 03:15 PM

لاتنسى تحضر الرخصة ومعها استمارتنا***لجل في كل شارع عسكري بوسط دوريه
ترى التصوير يلقطنا من كمرات شافتنا ***اخاف اعطس ويسجل علي ساهر خمس ميه

رحال الصمان

10/01/2011, 03:30 PM

عسى دربك خضر بس انتبه تنسى تعلمنا ... نبى المسيار يمك والتـعـرف بالشـقرديه
نحب الـبر واللــي يعشق البـران يطــربنا ...اهل كيف وكرم ومساجلات اشعار شعبيه

مكرم الضيف

10/01/2011, 04:27 PM

عسى ربي يحييكم بديرتكم وديرتنا ***وازف احلى التهاني للجميع ابيات شعريه
بوسط عيوننا وقلوبنا وانتم مسرتنا***ترى يامرحبا فيكم وياما اسعدها من جيه

العاذر

10/01/2011, 05:58 PM

نبي نسري الفجر واللي يخاوينا يشرفنا = ونشري من هرافي البر خرفانٍ نعيميّه

ونطق البيت في خبتٍ وحيشٍ يرعب الجنّا = ونا نفسي على البران والمكشات مبليّه

مكرم الضيف

10/01/2011, 08:39 PM

ترى الاشغــال والاشطــان هدتكــم وهدتنا***ونيتنـــا اذا الله راد يــــم ديــــار شامــيــه
عسى الله يصلح الاحوال نبي نغير سياستنا*** ونقطف طيب الرمان اذا جا وقت صيفيه

العاذر

10/01/2011, 09:30 PM

تراني بلغي الرحلة وذا هوّنت هوّنا = وديار الشام لهل الشام وديرتنا سعوديه

انا شفي صحاري نجد لو القحط صايبنا = ونا طالبك ترجع للمكاشيت الخليجيه

مكرم الضيف

10/01/2011, 10:00 PM

اقف لاتلغي الرحلة بعد شورك تحسفنا **** وعزمنا نمتر البران غربيه و شرقيه
ومني انتظر حتى اتصل بك قبل طلعتنا **** لجل بعد المسافة بيننا يمكن تسع ميه

ساحووق

10/01/2011, 10:06 PM

صح الله السنتكم جميعاااااا

ولاهنتم

العاذر

10/01/2011, 10:57 PM

ترانا من طفولتنا على الكشته تبرمجنا = ونلبس ثوب وعمامه مع ابشوتٍ حساويه

ونحب القنص والبران والفزعه عوايدنا = وقصيدي برسله عبر الخطوط العنكبوتيه

رحال الصمان

10/01/2011, 11:02 PM

مسابقكم على الدعوه حرام انها تخجلنا ... تراحيب الرجال بصادق الافعال مبنيه
كفو يامكرم الضيفان كفـو يالعـاذراعلنا ... نسلمكم مفاتيح الكـرم والشـعر كـلـيه

مكرم الضيف

11/01/2011, 12:11 AM

بعد اذنك يالعاذر رد لاخونا رحال الصمان

على يديكم ترى ياستاذنا حنا تتلمذنا**** وحفظنا درسكم ونسمعه ميه على ميه
وعوايدنا بوسط الدم بدو ماتترفنا**** كما حنا اهل معنى تشوف قلوبنا حيه

العاذر

11/01/2011, 07:03 AM

مسابقكم على الدعوه حرام انها تخجلنا ... تراحيب الرجال بصادق الافعال مبنيه
كفو يامكرم الضيفان كفـو يالعـاذراعلنا ... نسلمكم مفاتيح الكـرم والشـعر كـلـيه

.................................................. .............................

الا يامرحبا برحال ماهبّت هبايبنا = سلامٍ نرسله لك كل صبحيّه وعصريّه

جمعنا المنتدى بشعّار والمقصد تعرّفنا= على مثلك وشرواكم نبيها اليوم رديّه
.............................

صح السانك اخوي رحال وماعليك زود ياشاعرنا

مكرم الضيف

11/01/2011, 08:26 AM

تزحلقنا على الطعسان وطحنا من شطانتنا*** وتفقشنا من الحجران وهي امور عاديه
وكبرنا وطافت الازمــــان وطفولتنا تعدتـنا*** بقت بس كوية الشيبان نغطيها بطاقيــــه

العاذر

11/01/2011, 12:16 PM

حفرنا الضب بالمسحات مانخشى عقاربنا = وتغدينا وتعشينا على كبسات قمريّه

ملاهينا صعود النايفات اللي تمرجلنا = وبلانا الله بشكال الكدش مع قوم خكريّه

مكرم الضيف

11/01/2011, 01:09 PM

بيض الله وجهك يالعاذر والاخوان الشعار كلهم والجميع
وش رايك ناخذ استراحة شوي ونغير الطاروق بموضوع جديد

العاذر

11/01/2011, 01:39 PM

ووجهك ابيض اخوي مكرم الضيف واشكرك على طرح هذه المحاوره

واشكر جميع الشعار اللي شاركو..

وبأنتظار محاوره اخرى ممتعه

تحياتي

رحال الصمان

12/01/2011, 12:40 AM

بيض الله وجيهكم يالنشاما اشهد انكم شعار جزلين وكفو وتشرفت باللعب معكم ولنا ان شاء الله جولات قادمه