انوار الزينون..اللي تفرش لك الخط

[هاوي قصيده]

السلام عليكم ورحمه الله وبركاته

وشلونكم يا الربع

عسااكم طيبين؟؟

حبيت اسالكم يا الشباب عن انوار الزينون حقت ال في اكس ار

انا عندي جي اكس وابي اركب انوار زينون مثل الفي اكس اللي تفرش لي الخلا قدامي

واحتاج انا للنور العالي والزينون وخاصه بالبر وانتم ادرى يا الربع

..
بس ياليت اللي يعرف وين اقدر اركب انواه زينون وتقول بيضا ما ابيهن زرق وقويه جدا..

وياليت اللي يعرف يتكرم ويعطينا اسم المحل ومكانه..وسعر التكلفه

ولا هنتوو

يا الربع

[2500HD]

في محلات طريق العروبة تبع الزينة فيه محل منها متخصص في اللاندكروزر صدامات ووطايات واكيد بتلقى عنده الانوار

[عاشق المزون]

هلا والله اخوي هاوي قصيدة وانا ايضا اضم صوتي لك وين نحصل فية

اخوي Hd 2500 اي عروبة قصدك بين طريق الملك فهد والتخصصي ولا وين بالظبط ومشكور

[2500HD]

بعد تقاطع العروبة مع التخصصي وانت متجه غرب
بيجونك على اليسار
المحل بتلقاه في النص ترى لوحته نيون

[هاوي قصيده]

يعطيك الف عافيه اخوي..

بس مدري تعرف عن اسعاره وهل يختلف اسعاره بيننا والامارات؟؟

واذا تعرف احد ركب مثلهاا؟؟

وبخصوص المحل وش اسمه يا الغالي؟؟؟

وياليت تدقق بالوصف لاني منيب من اهل الرياض يابعدي

وتقبل تحياتي يا السنافي

[هوى]

تبي العلم والشووووور والنصيحه ؟ ابشررر**
انا كان عندي Gxr 2003 وركبت له انوار زينون على كيف كيفك ( الصراحه انا ماتوقعتها كذا ) تفرش لك الخط فرررررش مركبها في محل في الغرابي جنب العليان فيه واحد جنسيته ( يمني ) ومركبها بـــ 1150 ريال ووالله العظيم إنها جناااااان وتستاهل 3000 ريال*

[patereot]

يا اخوي الكريم انت تقول تبي الزينون للبر
اذا انت تبيه للبر تراه ما راح ينفعك بالعكس النور الاصفر في البر يفيدك اكثر من الزينون
طبعاً فيه انواع كثيره من الزينون
فيه عندك النوع المعرف في السوق الي هو H.i.d
بس هذا النوع حلو
بس تلقاء محل الزينه يركب لك محولات H.i.d واللمبات يركب لك لمبات زينون كوري
الكوري هذا لونه ازرق وبايخ وشكله يخرب السياره وما ينفع وما انصحك فيه بحكم تجربتي فيه
وفيه عندك اللمبات الالمانيه هذي لونها حلو
بس مشكلتها مع الوقت والتكبيس يطلع لونها اخضر يعني ما تتحمل اللعب والكرف
واذ انت ناوي ناوي زينون انصحك خذ لك لمبات لكزس من التشليح موديل 2004 بصراحة نور الكزس ما قد شفت زيه والله يفرش فرش الطريق على كيف كيفك يطلع لك الجن الي في الطريق بس اتوقع سعره غالي
واذا انت في بالك سعر معين قلي وانشاء الله اقدر افيدك
ونسيت اقولك اذا ركبت زينون اعرف انك بتغير بطارية السياره كل 5 شهور
ونسيت بعد اقولك شي مهم النور الابيض المائل الى الصفار في الزنون هذا الي يفيدك في البر بس الزينون الاخضر والازرق والي طالع تشكيله اللوان هذا ما راح ينفعك
تحياتي لكم

[هوى]

اخوي باتريوت ياليييييييييييييييييييييييييييييييييييييييتك جربة نور الزينون إاللي انا جربته بيتغير كلامك كله ***
في الخط وفي البر وفي الجو وفي البحر بعد وش رايك ****

[هوى]

على فكره انا بعت موتري الــ Gxr بس قبل ابيعه نزلت الأنوار وحفظتها عندي في الغرفه تحت السرير ***
تصدقون إني حاطها على إسفنج!! ( حريص ) **

[ذيب البر]

السلام عليكم ورحمة الله وبركاته

تبي رايي الشخصي اذا انك راعي مقانيص انحش عن الزينون اما الكشات الي ممكن يركب

لكن الاصفر بالليل لراعي المقناص ودورة الطريدة افضل واجد

هذا اولاً ثانياً الزنون الي مايجي شد بلد بالموتر تراه يبهذلك وكل فترة تغير البطارية

او يسبب مشاكل كهرباء عندك

تحياااااااااااااااااااااااااااااااتي

[هاوي قصيده]

ياهلا فيكم

باتريوت..وهوى..وذيب البر.. و 2500

ماقصرتوا يا الربع

بس انا لقيت محلات مجموعه السلام بالشرقيه اللي متخخصه بالشاشات وفتحات السيارات
انوار زينون بس يقول كوري
ومضمون سنه الشمعات والكهرباء وكمبيوتر السياره

بـ 1000 ريال

بس يقول هو يركب الشمعه على طول من غير حوسه مافهمت عليه الا قولت نركب الشمعه مباشره علشان تعطي نور افضل

بس يومه قال لي انها كوريه هجيت

وسمعت ناس يمدحون محلات بالغرابي بس وصف

فلاهنتو ابي اسامي محلات علشان اقصدها الاسبوع الجاي لروحي للرياض..

وانا ياخوي حاط ببالي 1500 ريال قيمه الزينون

وتحياتي لكم انا ابيه بدون تركيب ابيهم الانوار بس وبركبها بمجل اعرفه وضامنه

وسلامتكم

[الضاري]

بصراحة هالانوار لعبت بعيوننا

وخصوصا أذا قابلك مع الطريق بالليل وطق العالي بوجهك قبل لا يتعدى

والله أني أدعي علية من قلب لأن نوره قوي مرة

[فلاجكو]

اضم صوتى لصوت الاخ ضارى وخصوصن اذا كان وراك ويبغى يصقط وانت ماعندك مجال تفتح الطريق له . وسلامتكم ......

[راعي العوجاء]

قليل الادب ما يختلف انواره زنون ولا عادي بيعميك

[هاوي قصيده]

هههههههههههههههههههه

ياشباب هذا مو موضوعنا

بهالاشياء كلن يعمل باصله

اهم شي وين احصلهن

وسلامتكم

[مزاااجي300]

اخوي الغالي

راح اوصف لك شارع الغرابي

اذا انت جاي من طريق الدمام اول ما يقابك مخرج ( 8 ) مجوعة الكباري اتجه جنوب اتجاه المخارج 9 /10 /11/ حتى مخرج 16

اطلع معا مخرج 16 يمين واتجه غرب رررررررررررررررررروح مسافة 5 كيلو تقريباً خط مظلم في نزول تدريجي حتى الاشاره الاولى امش تقابل اشاره ثانيه بعد الاشاره الثانيه راح تحصل الخط بدء ينحني بك يسار الى الجنوب خليك ماسك اقصى اليمين راح تحصل مفترق طرق امسك اليمين وخش مع الطريق اول اشاره تعداها وثاني اشاره روح يسار امش راح تقابك اشاره خش معها يمين وامش 600 متر راح تحصل محلات الجنوط اسأل قول ابي شارع الغرابي راح يدلونك عليه وانت واقف ولا يبعد سوى 500 متر داخل الحاره

اتمنى اني أفدتك اخوي

[عاشق المزون]

وانت صادق اخوي هاوي قصيدة نبي علم المحل الى في الغرابي بس مشكلة الغرابي من تالي يمنيين مايخافون الله يتعلمون في الموتر :)

[هوى]

يارجال تركبيه بسيط وراعي المحل بيركبها لك مع الكتاوت *
الوصف : الرياض / الغرابي / جنب محل العليان محل صغير فيه يماني*
نوعه : زينون الماني *

[patereot]

اخوي هاوي قصيده
الكلام الي قالك اياه الي هو بس يقول هو يركب الشمعه على طول من غير حوسه مافهمت عليه الا قولت نركب الشمعه مباشره علشان تعطي نور افضل



هذا يقصد فيه انه ما يقطع اسلاك او يلعب في النور
اذا انت معزم تركب نور ركبه على العالي عشان ما يصرف عليك بطارية والشي الثاني اذا مسكت الدائري كل العالم تفتح لك
واي خدمة حاضر
تحياتي لكم

[ابومرتاح]

يا اخواني بالنسبة لل جي اكس .......النور العالي ما عليه عاكس ....اذا ركبت شمعة زينون يطلع النور منتشر .....مو موجه......وش الحل لو تكرمتوا......

[عاشق المزون]

هلا اخوي ابو مرتاح من كلامك يعني اقدر اركب على الـgx زينون بدون محولات يعني بس شمعة اركبها وخلاص !!!!!!!

[مشغول]

حياكم الله يا الربع
هلا والله بهاوي قصيدة

انا انصحك بعدم تركيب الزنون مررررة وإذا انت معزم ..

هذي تجربتي في الزنون من سنتين ..

اللي يركبون في شارع الغرابي ما عندهم سالفه .. تدري ليش لأنه يركب اللمبة بمسامير لأن قاعدة المبة الاصلية تختلف عن قاعدة الزنون .
لذلك وش يسوي يقوم ويكبها ويتبتها بمسامير .. طبعا اللمبة ما ركبة صح لذلك تجد النور منتشر وغير صافي ومزعج ..

طيب لو قلت لي وش الحل ..
1- تركب الزنون عند محلات العليان وهو مشهور في الغرابي وله كم فرع .. والزنون اللي عنده ممتاز ويركب صح بس غالي .. واتوقع 1500 بتكفيك ..

2- فيه محل في الغرابي اسمه الكثيري متخصص في الزنون فقط وايضا وكيل لشركة كورية ويعطيك ضمان على الشغل ..

وللمعلومية الزنون اللي في السوق ..الجهاز الماني والمبة ماليزي يعني تلفيق ..

انصحك بالكثيري او العليان .. والعليان اقوى

وصف محل الكثيري ..
شارع الغرابي خروج فقط .. نهاية محلات الزينة تقاطع وإشارة .. لف يمين باتجاه الشرق نصف كيلو تقريبا يجيك المحل على اليسار

وهلا بك في كل وقت وفي الخدمة

[هاوي قصيده]

اخوي باتريوت..وابو مرتاح...ومشغول ..وعاشق مزوون

ماقصرتو والله..وصراحه ماحصل منك اي قصوووووور يا الاشناب

بس لحد الحين احسن شي الكثيري..واليماني اللي عند العليان؟

يعني اسوي قرعه؟؟

والا وش الدبره..ياشباب ناس يقولون لي رح لقطر تلقى عندهم بلاوي..زينون وجنوط اصليه رخيصه..واشياء حلووه

وناس يقولون بالغرابي كل شي تلاقي

الله يكون بالعون...والله يكتب مافيه الخييير

تشكرات

[غالي]

اقول ماشاء الله الاندكروزر نوره قوي ارفعه بس شوي والله يكشف لك البر كشف
وان بغيت اقوى خذلك غازي وريح عمرك عن الخساير
وان بغيت تسوي موترك مثل الفي اكس ار ترى نوره الزينون للعالي بس يعني محدن داري عنك :)
وانت امش لاتكبس دق اشارات وبس هههههه
امزح :)
شكرا لكم

[هاوي قصيده]

ههههههههههههههه

حياك الله يا غالي

ويكفينا مرورك

[patereot]

اخوي بوريك نور الغرابي
وبوريك النور الي يفتح النفس

هذا نور الغرابي وتلاحظ مع انه في النهار صاير ازرق وبايخ ومنتشر ويزعج العالم من تركيبه الغبي طبعاً طالع اللون ابيض مايل الى الزراق يعني ازرق سااااااده
http://dlooo3h.jeeran.com/DSC01271.JPG

طبعاً قفلت معي يوم ركبته وفكيته رحت للأمارات وركبت واحد محترم وبرفق لك صوره من بعيد ومن قري ولا تلاحظ من بيعد انه يكون متناسق مع اللون الاصفر يعني يكون شابك
http://dlooo3h.jeeran.com/DSC01659.JPG
http://dlooo3h.jeeran.com/DSC01667.JPG
تحياتي لكم

[هاوي قصيده]

مشكوووووووووووووووووور

اخوي طيب من وين شريته بالامارات..

وبكم.. بدون تركيب

وتسلم حبيب قلبي يا باتريوت

وسلامتك يابعد حيي