كيف اسحب بنزين من سيارتي بأقل الخسائر

[درباس فرناس]

السلام عليكم ورحمة الله وبركاته
أسعد الله أيامكم بكل خير
قد تشاهد سيارة متعطلة على الطريق وعند محاولة المساعدة :alarm: يطلب منك بعض البنزين ولكن كيف تسحب بنزين من سيارتك وأنت لاتستطيع السحب من التانكي وخصوصا السيارات المتأخرة نظرا لأنهم يضعون صفاية (مشخال ) لمنع دخول الاجزاء الغريبة على خران البنزين
وكذلك بعد أنتشار مواقد البنزين تحتاج بعض الاحيان أنك تسحب لتزويد الدافور وحتى ترتاح من نقل البنزين معك في جوالين
بعض الناس يقول افصل الانبوب الموصل الى المحرك لتحصل على بنزين ولكن هذه الطريقة غير مأمونة العواقب وخصوصا أذا كان المحرك شديد الحرارة عند السفر في طريق طويل :hot:..
والبعض يقول هناك صامولة في اسفل تانكي البنزين معدة لتنظيف الخزان في حال الصيانة وهذه الطريقة مثل أختها السابقة تخشى من عواقبها وتسرب البنزين من الخزان .....
فهل هناك طريقة مناسبة للحصول على البنزين بشكل آمن وسليم دون التعبث بالسيارة ....؟
أرجوا من أهل الخبرة والميكانيكا تزويدنا والتفصيل بذلك حسب نوع السيارة لأن الامريكي يختلف عن الياباني والالماني ...الخ .
بالنسبة لي سيارتي سكويا من شركة تويوتا صناعة امريكية ...
شاكر ومقدر حسن التجاوب

[HAS5SAN]

وعليكم السلام ورحمة الله وبركاته
بصراحة اهنيك وأسأل الله أن يوفقك دنيا وآخرة
ترى في هذى الايام ماعاد أحد يوقف لأحد مع عائله او لحاله
خلاص الفزعات صارت لأصحاب السطحات والكيلو متر بـ10
والجمايل أخذوها أمن الطرق بالقسايم .
طبعاً إلا ماشاء الله

[كديان]

حل مجرب و ناجح
تفك الماصورة او اللي اللي يكون راكب على ماصورة البخاخات
بعدين تجيب لي صغير مثل للي المكيف الصحرواي و تدخله بوسط اللي اللي انت فكيت
ليف المكيف جهة منه تركب على اللي اللي جاي من الطرمبة
و الجهة الاخرى تضعه في تانكي السيارة المتعطلة او في جركل
بعدين تروح لكتاوت الطرمبة حق موترك طبعا السويتش مغلق
و تفك او تنزع الكتاوت
بعد نزع الكتاوت تظهر امامك
فتحات او خروم انثى حقات الكتاوت الذكر كالتالي
1 سلك كهرب مباشر من البطارية
2 سلك كهرب خروج من الكتاوت الى الطرمبة
3 سلك ماص
3 سلك كهرب يعمل عند فتح السويتش
المطلوب منك
تجيب سلك طول الاصبع و توصل بين رقم 1 و 2
و راح تشتغل الطرمبة و تعبي التانكي او الجركل
يعني كان موترك شغال
اتمنى ان الطريقة واضحة

[كديان]

نسيت نقطة مهمة جدا
عند شبك السلك بين 1 و 2 راح يظهر ربما شرار بسيط جدا
مثل لما تعطي اشتراك لموتر متعطل تلاحظ ظهور شرار على اصابع البطارية سواء + او -
لذلك
لازم اللي حق البنزين يكون بعيد عنك
و ايضا لازم تكون يدك نظيفة من البنزين
و دائما النار من مستصغر الشرر

[قليط]

8
8
8
انا اقول الافضل انك تحط معك الطرمبه الكهرب الي على البطاريه تشتغل

يكون احسن

وتمصع الهوز من عند الطرمبه وتشبكه

وتسحب بالرحه

انا معي بالسياره منه لعطال سيارتي ومنه للفزعه

وصلو على النبي

1
2
3
4

[ammamm]

الأخ كديان

عدم التمييز بين الأسلاك ممكن يسبب مشكلة

لماذا لا تفتح السويتش وتريح نفسك؟

[سما الهاوي]

انا قد تعطلت وفكيت اللي من عند الصفاية اللي اسفل الجيب واخذت منه بس قدر بسيط فقط وقضيت لزومي
يمكن هذي الطريقة تنفع ؟؟

[كديان]

الأخ كديان

عدم التمييز بين الأسلاك ممكن يسبب مشكلة

لماذا لا تفتح السويتش وتريح نفسك؟

شف ياخلفهم اية موتر اذا فتحت السويتش تشتغل الطرمبة كم ثانية بعدين تطفى
ليش ؟ لان الموتر طافي
ثم اذا شغلت الموتر خلاص تصير الطرمبة شغالة باستمرار لان الموتر شغال

طيب كيف نخدع الطرمبة او الكمبيوتر و نخلي الطرمبة تشتغل بدون فتح السويتش ؟
طبعا مهب منطق اني ابتل داق سلف لين يمتلي الجركل
طبعا كل ما تبتل تدق سلف تشتغل الطرمبة و تطفي
و لو تدق سلف بدون تشغيل الموتربرضه تشتغل الطرمبة كم ثانية و توقف لان الموتر طفى
لانه تشتغل مع دقة السلف علاقة طردية كل مادارت المكينة اشتغلت الطرمبة
و العكس صحيح المكينة او السلف مادار ماراح تشتغل الطرمبة

الحل
انك توصل بسلك في نفس كلامي السابق يعني تخلي الطرمبة تشتغل مباشرة من حاله هي بدون فتح السويتش
الكتاوت له 4 اسنان ذكور او روس
1 سلك ماص من اجل ان الكتاوت يشتغل و يقوم بعملية تكثيف و تقوية الكهرب للطرمبة
و 2 سلك كهرب يعطي كهرب عند فتح السويتش سلك الكهرب هذا وظفيته التوصيل بين سلكين الكتاوت 3 و 4
ال3 كهرب جاي من البطارية مباشر
اما ال4 كهرب خروج و هو خروج الكهرب المقوى بعد تكثيفه و تقويته من الكتاوت الى الطرمبة مثل كتاوت النور او كتاوت مراوح الكهرب
انت تجيب سلك و توصل بين ال3 و ال4 عشان تشتغل الطرمبة
طبعا لو وصلت كهرب من ال3 الى رقم 2 بالغلط ماراح يصير شي لانهن كلهن كهرب كما ان السويتش مقفل عن سلك 2
اما لو وصلت بالغلط بين 3 و 1 فسوف يحدث شرار بسيط مثل اشتراك البطارية اذا لمس الموجب مع السالب
المطلوب منك توصل بين 3 و 4 فقط و شكلهن واضح جدا تحصل فتحاتهن كبار اللي يركب عليهن الكتاوت
عمل الكتاوت هذا خاص فقط بكهرب الطرمبة و تقويته فقط
للمعلومية
الطرمبة من الاساس واصله سلك ماص من البداية ماله دخل بالكتاوت ابد لا من قريب و لا بعيد

مثال قريب لتوضيح الصورة
لمبة الكبوت ال50وات ماص اللمبة موصل بالبدي جاهز
مالك دخل به ابد
يتبقى عليك توصيل كهرب الى اللمبة سواء عن طريق وضع فاصل للمبة او عن طريق شبك سلك الكهرب بالبطارية مباشرة
او مثل ماطور الهواء المثبت بالكبوت يكون الماص موصل بالبدي او بالبطارية
و يتبقى عليك شبك الكهرب بالبطارية
اللمبة و الماطور نفس طريقة طرمبة البنزين تماما و ذلك من خلال التوصيل بين 3 و 4
يعني كانك حاط فاصل لطرمبة البنزين بين 3 و 4 او موصل سلك بين 3 و 4