جير وكري فالكون سنتر (جير مكشاتي)

[النـادر]

السلام عليكم ورحمة الله وبركاته

كما هو موضح هذا جير شريته من هنا من مكشات ابيه لواحد موصيني على جير والمعلومات يسئل عنها دندون نجد ووكري 9 لانهم هم اللي عرضوا الطير وباعوه في مكشات اما مايخص ذمتي فهو ماستجدونه في الملاحظات باسفل العرض
ما نوع الطير :جير وكري
ماعمرالطير ؟؟ :رابع
ما(قياسه او وزنه)؟؟ :طوله16وزود عرض16 وزود

مالمزرعه التي انتجته (للمفرخات والمهجنات) ؟؟ :فالكون سنتر
أين مكان الطير حاليا (المنطقه / المدينه)؟؟: الرياض
ماهي الحاله الصحيه للطير؟؟ :سليم ولله الحمد
هل صاد الطير الحباري والكروان أو الارنب ؟؟على كلام اهله الاولين الحبارى والكروان والارنب
هل الطير طلاع على الحباري؟؟لا
هل الطير راكد على التكايه ؟؟ راكد مايحتاج
هل الطير يمسح على التلواح او يلاعب الشلو(خالي ) يلعب على الحمام
هل توجد في الطيرعيوب (الارتفاع,الكوشه,نقل العلف,الصياح)؟؟لاولله الحمد
ماهو حدك في الطير أو اخر سومه للطير ؟؟؟ على السوووم


http://store2.up-00.com/Dec10/iqX19647.gif (http://www.up-00.com/)

http://store2.up-00.com/Dec10/Bxf20067.gif (http://www.up-00.com/)

http://store2.up-00.com/Dec10/nCN19647.gif (http://www.up-00.com/)


وهذا رابط عرضه من قبل دندون نجد
http://www.mekshat.com/vb/showthread.php?t=363082

وهذا رابط عرضه من قبل وكري 9 بمنتديات مكشات
http://www.mekshat.com/vb/showthread.php?t=356611


ملاحظة :


لبراءة الذمه الطير شريته من دندون نجد بالهاتف ووصلني قبل ما يقارب عشرين يوم ومن اليوم الاول للدعو لاحظت ان جنحان الطير اذا طار ماهي بنفس القوه وكلمته من يومها ووعدني يرسل احد من طرفه اليوم الثاني يدعي الطير ويسترجعه وشفتكم ولاشفته وهذي تلفوناته من واقع مشاركاته : غازي الحربي 0500200850***** 0503983850 وقمت بانزال موضوع استفسار عن من يعرف بياناته او مكانه على الربط التالي http://www.mekshat.com/vb/showthread.php?t=368980 لعل المانع خير ولم اصل الى معلومه لذا قررت بيع الطير على ذمته وبكل وضوح هنا واذا رجع عطيته دراهمه والا الله يعوض علي في خسارتي علما باني كلمت (وكري9 المكنى ابوناصر وسئلته لكنه انكر معرفته بمشكلة جناح الطير) وانا متأكد ان مشكلة الجناح ماهي جديده ابد لان الطير مايبان عليه اثر كسر او هدلة ولايغضي وتقول ملع جديد هذا امر قديم يمكن اهله الاولين يعرفون اسبابه . الطير الان بالجبيل وهذا تلفوني 0509954000

[لبيه يمنادي]

الله يعوظك خير ان شأ لله

[منصور بن محمد]

عليكم السلام ورحمة الله وبركاته

هلابك اخوي النادر
كيف حالك يابعدي

الله يعوض عليك ويجزاك كل خير
اللي مثلك قدوه لنا يالنادر

[عاشق الطير-1]

سلام عليكم ورحمة الله وبركاته

اخوي الله يعوضك خير منه ان شاءالله
بس حبيت اعرف الطير سيم منك ؟
واذا تبي تبيع انا ابيه واسومه 1000 ريال

[صقار مبتدئ]

الله يعوضك خير
طيب قلي كم حدك فيه من الاخر
و راسلني على الخاص لان و احد من العيال يدور جير يبغى يجرب الجير وشهو من لحيه
و سلامتك

[أبو خاااالد]

الله يرزقك

[ابوونمر]

الله يرزقك

[شقردي الجبيل]

وعليكم السلام ورحمة الله وبركاته

قال رسولنا الكريم صلى الله عليه وسلم (( من غشناء فليس منا )) وابشر بالعوض يابوعماد

[النـادر]

الله يعوظك خير ان شأ لله

ان ضاعت بالدنيا ماتضيع بالاخره وانا اخوك لكن اشفق على اللي ضيع دنياه واخرته وش استفاد ذكر عاطل واثم يوم القيامه

الله يجزاك بالخير

[النـادر]

عليكم السلام ورحمة الله وبركاته



هلابك اخوي النادر
كيف حالك يابعدي


الله يعوض عليك ويجزاك كل خير
اللي مثلك قدوه لنا يالنادر



هلابك يابو عقاب

انا واحد من امة محمد والخير فيهم الى يوم الدين

واللي عند الله مايضيع

النادر

[النـادر]

سلام عليكم ورحمة الله وبركاته

اخوي الله يعوضك خير منه ان شاءالله
بس حبيت اعرف الطير سيم منك ؟
واذا تبي تبيع انا ابيه واسومه 1000 ريال
عاشق الطير

وعليكم السلام ورحمة الله وبركاته

ماسيم لاني ماعرضته الا اليوم هنا انتظرت الرجال يفتح جواله وابطى عسى المانع خير

وسومه طيبه من وجه طيب

النادر

[النـادر]

الله يعوضك خير
طيب قلي كم حدك فيه من الاخر
و راسلني على الخاص لان و احد من العيال يدور جير يبغى يجرب الجير وشهو من لحيه
و سلامتك


اخوي صقار الخاص عندك فل مايقبل الرسايل

جوالي عندك اذا تبي كلمني

النادر

[قنيص غير]

ا خوي الله يعوضك خير منه ان شاءالله

[ذراع الذيب]

السلام عليكم ورحمة الله وبركاته,,
مسيت بالخير يابوعماد,,

الله يعوضك بأخير منه وعساها تكون خيره لك ان شالله ,,

[راعى شاهين]

انت ماشاء الله عليك برائت ذمتك ولا ازكى على الله احد من الان اذا بعت طير اول رجال يسومه انا وعارف ان كلامك 100 الله يثبتك على الصدق وعدم غش اخوانك المسلمين

[نمر الصحراء]

السلام عليكم ورحمة الله وبركاته
الله يعوضك بأخيرمنه أخوي

[بـــن خــتروش]

بيض الله وجهك أن اشهد أنك رجل تخاف الله وربي يعوضك في الدنيا والآخره

[طلاع 1970]

يا نادر عس الله يعوضك وانت فعلن نادر

[الحمش1]

يالنادر الله يعوضك والله انك نادر

ودندون نجد كم مره يرسلي تشتري الطير
يبي يصرفه والله مايخاف الله

[موتي]

السلام عليكم ورحمة الله وبركاته

الله يعوضك خير يالنادر وانت صدق على اسمك نادر

بس ياليتك شفته قبل لا تدفع فلوسك لكن اللي فات مات وكل دقه بتعليمه

اللي فهمته منك ان الطير ما يصلح للصيد وهو شي اساسي للطير

ياليت يالنادر تعرض الطير على خبير عندك في الجبيل على وضعه الراهن ويقيم لك الطير

وتحده علينا هنا واللي يبيه بياخذه كذا تبري ذمتك حتى لو رجع لك دندون نجد لو بعد 100 سنه

هذا شوري لك

والله يوفقك

[شامان...]

الله يرزقك

[طيب ساس]

النادر انت مثل في الاخلاق والله يعوض عليك بخير منها
بس ياخوك انا خوك صغير وحبيت انبه عليك وعلى الجميع
كيف تشري طير ما شفته ولا دعيته ونت صحب خبره في طيور
اتمنا تقبل كلام اخوك

[محسن دواس]

الله يعوضك خير امنه

[الهدهد]

الله يعوضك خير منه ويرزك بالبيعه الطيبه

[راعي طلاع]

الله يعوضك باطيب منه واللي يبيع ذمته عشان كوم ريش يتحصلها قدامه..........

[النـادر]

ابو خالد

ابوونمر

الله يجزاكم خير

النادر

[النـادر]

وعليكم السلام ورحمة الله وبركاته




قال رسولنا الكريم صلى الله عليه وسلم (( من غشناء فليس منا )) وابشر بالعوض يابوعماد

ابو راكان

كلك عوض انت خابر اليد ماهي خاليه دام جذاب وسعران عندي انا في غنى عن الطيور الثانيه

لكني بغيته لواحد موصيني ويوم ماصلح ماني مقدمه له

تسلم يالذيب

النادر

[النـادر]

ا خوي الله يعوضك خير منه ان شاءالله
رمال متحركه

اللي عندالله مايضيع وانا اخوك

لاهنت يالذيب

النادر

[النـادر]

السلام عليكم ورحمة الله وبركاته,,

مسيت بالخير يابوعماد,,


الله يعوضك بأخير منه وعساها تكون خيره لك ان شالله ,,


هلا والله بالذيب وذراعه

لاهنت ياوافي لاهنت والحمد لله دامها جات فالريش

النادر

[النـادر]

انت ماشاء الله عليك برائت ذمتك ولا ازكى على الله احد من الان اذا بعت طير اول رجال يسومه انا وعارف ان كلامك 100 الله يثبتك على الصدق وعدم غش اخوانك المسلمين


راعي شاهين

الله لايهينك على حسن ضنك في اخيك والدنيا فانيه وانا اخوك مانت ملاقي بعدها ريش ولاريال

النادر

[هواوي مروق]

الله يعوضك خير

[هوايتي مكشات]

ماشاء الله تبارك الله

[صاحب نوماس]

الله يعوض عليك ياااالغالي

والمتحايل زين يبي يروح من الله

[صقار شياهين]

الله يجازي كل من يغش المسلمين ويعوضك خير

[دكواااان]

وعليكم السلام ورحمة الله وبركاته ...

الله يخلف عليك بأطيب منه ان شاءالله اخوي النادر...

واطلب من الاداره وقف معرف المذكورين اعلاه بسبب الغش وعدم الصدق بالبيع...

والله يأخوان مثل هالحركات تقطع الثقه بين المسلمين والمعروف لابد يدوم والثقه عنوان الرجال الصادقه..

يرجى وقف كل من يحاول يغش ويلغي الثقه والمعروف بين الاخوان بمكشات لانه مصدر رجال وثقه تامه ...

حسبي الله ونعم الوكيل...والله مافيها فخر ولا غنى

الله يخلف عليك النادر

[هواااوي01]

الله يرزقك

[ahsmaalie]

دندون نجد وكرى 9 الرجاء منكم الخوف من الله هذا اولا وش استفدت يادندون نجد الف الفين ثلاثه والله تخسرهن اضعاف مضاعفه اذا انت غشيت الرجال يمكن دعوه من هالرجال الطيب الى غشيته تصيب حظك ونصيبك ويصير وين ما وجهتها عوجاء الرجاء كل الرجاء يادندون نجد رجع حق هذا الرجل له والله اهم شى انك ماتمادى بالخطاء وتكابر والرجال له حق عندك حرام عليك

[جو الشيخ]

مدري رقم كم انا
بس الله يعوضك خير
والله انت المستفيد شوف الناس الطيبه تدعي لك من قلبها انت نادر وتستاهل كل خير
ولعلمك هالرجال اللي هنا تدعي لك وتدعي عليه لانه هو عرض نفسه لهشي الله يكفني شر الظلم
والغش
الله يوفق الجميع لما يحبه ويرضاه

[alwssam6]

ماشاء الله الله يرزقك البيعه الطيبه

[قرناس شاهين]

1200ريال صامل

[النـادر]

السلام عليكم ورحمة الله وبركاته


الله يعوضك بأخيرمنه أخوي

نمر الصحراء

الله يجزاك خير

[النـادر]

بيض الله وجهك أن اشهد أنك رجل تخاف الله وربي يعوضك في الدنيا والآخره
بن ختروش

ماعليك زود والله انها ماتسوى كومة الريش تضييع المراجل والذمم

شكرا لك

[النـادر]

طلاع

الحمش

ماعليكم زود والله كريم

[النـادر]

السلام عليكم ورحمة الله وبركاته

الله يعوضك خير يالنادر وانت صدق على اسمك نادر

بس ياليتك شفته قبل لا تدفع فلوسك لكن اللي فات مات وكل دقه بتعليمه

اللي فهمته منك ان الطير ما يصلح للصيد وهو شي اساسي للطير

ياليت يالنادر تعرض الطير على خبير عندك في الجبيل على وضعه الراهن ويقيم لك الطير

وتحده علينا هنا واللي يبيه بياخذه كذا تبري ذمتك حتى لو رجع لك دندون نجد لو بعد 100 سنه

هذا شوري لك

والله يوفقك

هلا بك يالخوي

لاصرت بعيد مالك الاتشتري ذمة الرجاجيل حتى لاينقطع العرف بين الناس واذا كان يحلف لك بالله انه سليم مالك الا تصدق

اما عرضه على خبراء هذا جير وخبراءنا طال عمرك حدهم الحرار والشياهين ولا اضن هنا اكثر من خبراء مكشات

الله كريم وانا اخوك

[النـادر]

الله يرزقك
الله يجزاك خير

[النـادر]

النادر انت مثل في الاخلاق والله يعوض عليك بخير منها
بس ياخوك انا خوك صغير وحبيت انبه عليك وعلى الجميع
كيف تشري طير ما شفته ولا دعيته ونت صحب خبره في طيور
اتمنا تقبل كلام اخوك

الله يغفر لنا ويجعلنا خير مما تضنون

النيه الصافيه واليمين تسوى اكثر وانا اخوك

لكن اللي عند ربك مايضيع

[النـادر]

الله يعوضك خير امنه


محسن

الله كريم والله يجزاك خير

[النـادر]

الله يعوضك خير منه ويرزك بالبيعه الطيبه

الهدد

الله يجزاك الا وش رايك تدعي عسى الله يرد له عقله ويرجع حتى لايجني على نفسه وعياله بالحرام

[النـادر]

الله يعوضك باطيب منه واللي يبيع ذمته عشان كوم ريش يتحصلها قدامه..........
الله كريم ياراعي طلاع

وش تقول لاصار مابه وازع ولا ذمه

[القايدي77]

2000 الله يرزقك..

[النـادر]

2000 الله يرزقك..


القايدي

سومة طيبه وخسارتي فيه قويه تعدل شوي وببيعك

[راعي زيتون]

المشاركه تحت

[راعي زيتون]

الطير هذا فيه عيب انه مايرتفع


وايذا انك بتبيع 2500


وشرط ان الطير سليم

وهذا ايميلي لتواصل


e_a.e@hotmail.com

[القايدي77]

القايدي

سومة طيبه وخسارتي فيه قويه تعدل شوي وببيعك
اسومه 3000والله ما ردك الغالي ....

[google-999-]

ياليت يالنادر تذكر لنا وش مشكلة الجنااح بالظبط
وكيف طياره مع الحمااام والله يرزقنا وياك

[النـادر]

اسومه 3000والله ما ردك الغالي ....
نصيبك الله يبارك لك

جوالي موجود فوق ودق علي

[البحري ولبري]

سلام عليكم ’’’’ معوض خير نشألله بغرض عليك عرض إذا مابعت إلطيرتبادل رأس برأس مع فرخ وكري وحشئ طرح المملكة 14 الاشرطتين للحين ماتدهل طير يوم شبكه نكسر رأس الموس لجناحه اليسار ونسالله مايضره وعنده الجناح اليمين ريشه الرابع رأسه منكسر إذا ودك هذا رقمي. 0562933887

[النـادر]

يا اخوان شكرالكم تفاعلكم

تم ايقاف البيع على الطير لان صاحبه رجع

[البرنس الليبي]

يا اخوان شكرالكم تفاعلكم

تم ايقاف البيع على الطير لان صاحبه رجع

لا إله إلا الله..