هــــــــــــذا ما حدث لي يوم الجمعه المــا ضيه !!!

[مزاااجي300]

السلام عليكم 00


شي عجيب يوم الجمعه الماضيه ( يوم امس ) رحت انا واثنين من الشباب على موتري ( باترول 99)

كان الجو مايل للبروده في منتصف الليل بعد الدوار الثاني ( العويضه ) بمسافة 7 كيلوات تقريباً يوجد بعض الكثبان الرمليه ليست بالعميقه على الجانب الايمن من الطريق

قلت ابي اخش داخل هالرمال ونجلس نزلت وشبكت الفرارات وبدون دبل مشيت

وكان ضغط الكفر ( 35) فقط خمسة وثلاثون

هنااااااااااا

حدثت المفأجاه !!! :(

دخلت وفي 10 متر دخول لرمال غرز الموتر !!! شبكت الدبل الخفيف دون فائده !! الموتر يحفر
قلت ابي اشبك الثقيل ايظاً دون فائده ايضاً !! :(

اظطررت ان ارجع الى الخلف وبصعوبه تامه رجعت لخارج الرمال

ونقلت فكره سيئه عن النيسان للأسف لدى اصحابي :rolleyes:

للمعلوميه/
لم اقم بتنسيم الكفر بتاتاً


لماذا هذا التخاذل من ملك الرمال معي !! :no2:


على فكره انا يوم انسم الكفرات على 15 اتحدى اكبر مطعس في الشرق الاوسط
حتى ( كوفي عنان اتحداه ) ههههههههههههه :D

[الشمطري]

السلام عليكم ورحمة الله وبركاته ... وبعد:

شئ من الطبيعي انه يحصل مهوب قصور فيك أو بموترك

لكن تخبر من عقب الصيف ويمكن الطعوس اللي انت نزلت لها محيوفة يعني ملعوبن به

عادي شئ يحصل مع النيسان والتويوتا ويمكن الأرض هيار فيه عدة أسباب لكن ابحث انت عن السبب

جعلها الله آخر غراز في حياتك يالذيب
تحيــــاتي للجميــــــــع

[اسيزو 4x4]

ما نوع الكفرات اللي أنت مركب ؟؟؟؟

إذا برجستون ما ألوم الموتر يوم غرز البرجستون أقشر وقاسي

ولاكن لو هي تو يو أو دنلوب إدخل والهواء 35 مافي اي مشكلة بإذن الله

أبو حمود ...

[غضنفر]

ما نوع الكفرات اللي أنت مركب ؟؟؟؟

إذا برجستون ما ألوم الموتر يوم غرز البرجستون أقشر وقاسي

ولاكن لو هي تو يو أو دنلوب إدخل والهواء 35 مافي اي مشكلة بإذن الله

أبو حمود ...

تستاهل بوسة على ها الكلام يا بو حمود :D ( على راسك لحد يروح بعيد)
انا كفراتي برجستون ولا يمشي الموتر ويعطيك العزم الي تبي الا اذا نسمت الى 10
لأن البرجستون حيل قاسي ولو تنسمه الى عشرين ما راح يفرش الكفر
اذكر اول ما شريت الموتر كان هوا الكفرات 35 وغرزت في اول نفود واجهتني
وعيت انسم لأن كان معنا موتر ثاني هواه 25 وما غرز لكن نوع كفره دنلوب
وما مشى الموتر الا بعد التنسيم ل 10

[مزاااجي300]

اخوي الشمطري شكراً لمرورك يالغالي

===========

اخوي اسيزو

الكفرات اللي معي كفرات الوكاله دانلوب وكان ضغط الكفر 35 يعنى غررررررررررررريبه صار معي كذا

بس يوم انسم الكفر والله وبكل امانه في شي يعوق معي ولله الحمد

اخوي ابلاك

مشكور على المرور

[الحاتمي]

اخوي
مزاااجي300
ماينلام الموتربالمنطقه اللي ذكرت
بدون تنسيم للكفرات
لانها مدهوله من كثر السيارات
ورملها ناعم مره ولين
تعرف من العام مانزل مطر
وبعدين الله يكرمكم الموقع كله زبايل وغير نضيف بحكم قربه من الرياض
لكن لونسمت ماغرزت

[الكونترولCONTROL]

عادي عادي قبل تجي الامطار حتى الفكسار لازم تنسيم و هو 8 سلندرات !!!
=========================================
لا يضيق صدرك

[الضاري]

يمكن المشكله في الفرارات

مجرد رأي

[الكابتن]

اخوى مزاجى لا تهتم ولا تشك بموترك

الحقيقه المنطقه اللى ذكرت والله انى اروح للرمله وادخلها اهون من ذيك المنطقه المدهوكه

اما بالنسبه لكلام اخوى ابو حمود صحيح 100/100

[اسيزو 4x4]

الله يسلمك يا black path

أنا أشهد أنك ذيب :good: :) ;)

وهذي بوسة على الراس :D

خشمك :p

محبك في الله أبو حمود ... :D

[بو خليفه]

احتمال يكون ا لرمل زحف من الهواء و العواصف و البداية يكون جداً لين أو يكون سبق جرافات عدلت الرمل فيكون مثل الطحين أو الكفرات ليس للرمل و قاسية

[القصبي]

الله يسلمك يبو حمود صدقت ان كفراتي بريجستون ولاتفكر انة بيخش النفود الا اذا نسمتة مرة من الايام مغرز في الزفت لاني مانمست ههههههههههههه
اما الحين شريت كفرات اسمها برلي او برللي برازيلية بجربها شكلها حلوة

[sultan8861]

اكيد اذا الكفر على 35 تبي تغرز
حطها على 15 وانسي الطعوس

[حـاتـم]

اخوي الغالي مزاجي

صدقت الطعوس الي بالثمامه تكسر الموتر ومطعه والموتر يالله يمشي بها

بس انتبه لموترك لواتدخل بدون تنسيم
علشان مايتعور

وشكرا

اخوك / حاتم

[أبو يوسف]

طبيعي اخوي اي موتر يغرز بدون تنسيم
اصلا التنسيم مهب للتغريز وبس
لا بل حفظا لموترك بعد

ارعص على هالرابط لا هنت :
http://www.mekshat.com/vb/showthread.php?t=35612

مع التحية

[كليجا]

ياجماعة وش فايدة الدبل اذا بنسم الكفرات ؟؟؟ اما اذا نسمت الكفرات حتى الددسن بيمشي !!!

[عريدان]

والله إنك صادق حتى مره شفت عراقي بنفود التيسيه معه ددسن 97 ما خلى مكان ما طب فيه تقول معه (فكس آر) وكان منسم الكفرات على 15 ومحمل جركلين زرق.

[سفاري حر]

اخي الغا لي النيسان ما منه قصور لاكن ااكدلك انه ما اشتغل الدفرنس الامامي وذاللك بسبب الفرارات واحد منها كان مشغل قبل

[غالي]

يا اخوان اكثر السيارات بتغرز على ضغط 35 شيء طبيعي الا اذا قرصت له
واخونا يمكن خاش براحته مادعس له
انا معي لاندكروزر يغرز وهو عند الشارع الي عند شبك الخزام كان ضغط كفراته 35 والله لو ادعس والا ما ادعس اعرف انه يغرز
بس ضغط 25 يمكن يمشي بعد الدعس عليه ......... لكن ما انصح بياكل المطناج والمطابات وبيكسر الموتر
افضل شيء للكفر من رايي الشخصي ولا تخاف على الكفر ينسلخ من الجنط وراحه للموتر هو 15 لين 18
اسف على الاطاله

[بيت الطين]

ياجماعة وش فايدة الدبل اذا بنسم الكفرات ؟؟؟ اما اذا نسمت الكفرات حتى الددسن بيمشي !!!

كلامك سليم وهذا احد اسباب اني بكل طلعه بر اغرز :p

اجل شاري سياره بدبل علشان انسم :eek: طيب لو كنت دري ان الدعوه فيها تنسيم كان ما شريت جيب :no2:

معي يوكن واذا نسمته اتحدى انه يعرز مره ساحب فيه في اكس ار يوم نسمت الكفرات :j