الفااجعة

[523]

السلام عليكم ورحمة الله وبركاته

الفاااااجعة

طبعا أنا عندي bmw 523 2007 فاكها من الوكالة والحمد لله ماشيه معي وانا ما أفوّت موعد صيانة ولا شئ ودايم تشييك وتغيير الزيت لكن الفااجعة قبل اسبوعين اشتغلت لمبة الزيت!!!!
قلت خل اوديها للوكالة دخلتها قالوا فيه مشكلة بالزيت وهو ان الزيت تجلط وذلك بسبب الوقود المستخدم مع العلم اني ما أعبي بنزين الا عند محطة الدريس يعني محطة لها سمعتها
قالوا نبي نغسل المكينة بمبلغ وقدره قلت لهم اوكي
بعدين قلتلهم مافيه سيارة بديلة؟؟؟
قالوا من حقك تاخذ سيارة لكن الان مو متوفر سيارات!!!!!!!!!!!!!!!!!!
وأمس يعني بعد اسبوعين اتصلوا قالوا لااازم توضييببب للمكينة!!!!!؟؟؟!!!!
مع العلم ان السيارة قاطعة 80.000 كم
وانا قيادتي للسيارة هاااادية وما كد جرت عليها ولا شئ يعني السيارة نظييييييييييييييفة
ويقولون توضييييب؟؟؟؟؟؟؟؟
اذا فيه احد يساعدنا هل استطيع شرح مشكلتي للشركة الام وهل يحق لي ذلك وهل هم يبي يسوون شئ؟؟؟

آخيرا ،،،،،آسف على الاطالة

والسلام عليكم ورحمة الله وبركاته

[السلمان2010]

الله يعينك عليهم
قدم شكوى للشركه الام من البدايه لا تتعب نفسك معهم
اكيد هم اللي بيفيدونك ولا ربعك لاعبين علينا

[523]

الله يعينك عليهم
قدم شكوى للشركه الام من البدايه لا تتعب نفسك معهم
اكيد هم اللي بيفيدونك ولا ربعك لاعبين علينا
مشكور اخوي عالمروور لكني حفرت بموقع الشركة الام <<<ماعندك احد بالانجليزي

[التعـ King ـديل]

لاتوظب الا اذا كان فيه اهمال منك ..

اشتكهم على الشركه الام ويعوضونك اذا تشييك كل تشيكات الوكاله وتحتاج توظيب اكيد الخلل من صيانتهم

[523]

لاتوظب الا اذا كان فيه اهمال منك ..



اشتكهم على الشركه الام ويعوضونك اذا تشييك كل تشيكات الوكاله وتحتاج توظيب اكيد الخلل من صيانتهم

مشكور اخوي كنق التعديل عالمرور بس هم يقولون بسبب الوقود المستخدم؟؟!!

[sultan18]

الله يعينك

[523]

الله يعينك
آميييييييييين

[برق4]

اقول اخي الكريم اسئل الله ان يعوض عليك بخير ولكن الحذر كل الحذر من الضعف امامهم وبقدر ما تكون قوي بالمطالبة بحقك بقدر ما راح يخدمونك وينهون هذه المشكلة وخصوصا"انك منتظم معهم بالصيانة والضمان اعتقد ما زال ان كان ضمانك خمس سنوات حمر العين وراح تلاقي حقك اسئل مجرب
وخلك ذيب وضبط امورك بالطريقة اللي تستطيع فيها اخذ حقك

[523]

اقول اخي الكريم اسئل الله ان يعوض عليك بخير ولكن الحذر كل الحذر من الضعف امامهم وبقدر ما تكون قوي بالمطالبة بحقك بقدر ما راح يخدمونك وينهون هذه المشكلة وخصوصا"انك منتظم معهم بالصيانة والضمان اعتقد ما زال ان كان ضمانك خمس سنوات حمر العين وراح تلاقي حقك اسئل مجرب

وخل ذيب وضبط امورك بالطريقة اللي تستطيع فيها اخذ حقك


الله يعطيك العافية اخوي بس هم بيضبونها عالضماان لكن انا خايف بعد ماينتهي الضمان وش ابسوي فيها اذا هم سوو لها توضيب وهي ماشية 80.000

[؟؟؟ياعيني؟؟؟]

الله ييسر امورك

[523]

الله ييسر امورك

آميييييييييييييييين

[البوعينين99]

وش دخل الوقود !!

ماعليك منهم !

في حاجه اسمها فلتر !

لو الوقود فيه مشكله كان انسد الفلتر بالاول
أو أختربت طرنبه البنزين ع الأقل !
أو اخترب نظام حقن الوقود !!

وش دخل المكينه!


بس الحمدلله انهم بيصلحونها على الضمان.

بس نصيحه لاتخليهم يفكون المكينه قبل ماتتأكد .
ترى السيارة جديده.


والحمدلله ماقالوا لك ان السبب هو المسجل.
:P

[علي ابونواف]

اولا الله يعينك ويوفقك انشاء الله
ثانيا وش معنى كان الوقود مشكلة عندك في سيارتك ( حسب كلامهم) ولا صارمشكلة مع غيرك؟
ثالثاً وانا اخوك لو كان فعلا مثل مايقولون الوقود مشكلة على سيارات البي إم كان الشركة الأم بلغت عن هالمشكلة وأكيد راح تلاقي مثلك واجد رايحين يوضبون سياراتهم بسبب مشكلة الوقود
أخيراً وانا اخوك وهذا اللي اعتقده انها تصريفه منهم علشان يغطون على عيوبهم والا كيف يكون الوقود سبب في تخبيط المكينة والله ياشيخ كان تلاقي اصحاب البي إم يتكلمون عن معاناتهم في الجرايد والإنترنت ويمكن بعد تلاقي الوكالة نفسها تطلع تصريح بهالمشكلة ...

لكن الله يكون بعونك وانا اخوك

[ابو العز بلس]

وعليكم السلام ورحمة الله وبركاته

الله يفرج همك وينفسك كربك يارب
والمسلمين اجمعين

[523]

اشكر كل من رد وأفادني الله يجزاكم خيررر
لكن حسب قولهم لي ان فيه كذا سيارة فيها نفس المشكلة وانا دخلت على موقع بي ام الرئيسي بس والله ماعرفت لأن كله انجليزي واخوكم ماعندك أحد بالانجليزي فما أدري اذا أحد يعرف كيف أرسلهم رسالة أكون له من الشاكرين

وآسف على الاطالة

[523]

يا أخوان انا تو حطيت الموضوع في أحد المنتديات الخاصة بـbmw وقالوا لي ان هالمشكلة معرووفة عند bmw وهي من الوقوود !!!!!

[صاحب الكشتات]

اول مرة نسمع عن البنزين يسوي كذا يا أخي الي عبوا ديزل بالغلط وسياراتهم بنزين ماصار معهم كذا بل تنظيف وانتهت السالفة

[523]

والله ياخوي اني محتاار؟؟!! ومتعجب؟؟!!
لكن يقولون في منتديات البي ام ان هالمشكلة منتشرررة

[adil33]

المشكلة في كمبيوتر السيارة يا غالي يعمل حرق بسيط للوقود عندنا والمفروض يكون الاحتراق افضل واقوى من وضعه الان لانه منظم الوقود اوروبي غير متوافق مع طبيعة الوقود عندنا وانصحك بانك تتقدم بشكوى مبدئية على رئيس الشركة اولا وتنتظر رده ويكون مضمون الطلب في الشكوى هو استبدال الماكينه بماكينه اخرى تتوافق مع نظام الوقود لدينا والا سوف تلاحقهم قانونيا وتطلب تعويض مادي قدره مليون ونصف دولار بعد التقدم بشكوى رسمية لوزارة التجارة ومن مخاطبة الشركة الام بهذه المشكله عن طريق وزارة التجارة وليس عن طريقك طبعا انت تطلب هذا من وزارة التجارة بانها يجب ان تحصل على تقرير يفيد مدى تعارض نظام حقن الوقود بالسيارة مع الوقود الذي تنتجه السعودية فاغلب الاحيان يكون النظام متوافق مع شمال افريقيا لكن يتعارض غالبا مع وقود الخليج وامريكا

[523]

المشكلة في كمبيوتر السيارة يا غالي يعمل حرق بسيط للوقود عندنا والمفروض يكون الاحتراق افضل واقوى من وضعه الان لانه منظم الوقود اوروبي غير متوافق مع طبيعة الوقود عندنا وانصحك بانك تتقدم بشكوى مبدئية على رئيس الشركة اولا وتنتظر رده ويكون مضمون الطلب في الشكوى هو استبدال الماكينه بماكينه اخرى تتوافق مع نظام الوقود لدينا والا سوف تلاحقهم قانونيا وتطلب تعويض مادي قدره مليون ونصف دولار بعد التقدم بشكوى رسمية لوزارة التجارة ومن مخاطبة الشركة الام بهذه المشكله عن طريق وزارة التجارة وليس عن طريقك طبعا انت تطلب هذا من وزارة التجارة بانها يجب ان تحصل على تقرير يفيد مدى تعارض نظام حقن الوقود بالسيارة مع الوقود الذي تنتجه السعودية فاغلب الاحيان يكون النظام متوافق مع شمال افريقيا لكن يتعارض غالبا مع وقود الخليج وامريكا
الله يجزااك الف خير اخوي ويكثر من امثالك

[523]

للرفع رفع الله قدركم

[alwssam6]

الله يعينك عليهم

[523]

آميييييييييييين

[volcano]

اخوي قبل اي شي خلهم يفكون كل البواجي واذا شفت فيهم زيت فكلامهم صحيح من ناحية ان المكينة مخبطة واذا مابه زيت خذ موترك والله يستر عليك ولا عاد تمرهم .

[mamsdt]

انا اذكر فيه محطه في مكه صكوها
اشتكوا الناس منها خربت سياراتهم
الخزان حق البنزين اختلط مع خزان الماء
فيمكن معهم حق

والله ييسر امرك

[الخادم]

كم لنا وقت وحنا نعبي من عدة محطات منهن في الصحراء و نعرف عدم وجود النظافه و لكن الحاجه تخلينا نعبي
و لم يحصل لسياراتنا شئ و الحمد لله

[523]

اشكركم اخواني على مروركم وعلى افادتكم
بس انا اتوقع من نظام الحقن

[دل البحار]

هذي ياطويل العمر من سواليفهم ونصبهم لان ماله شغل البنزين بالمحرك
البانزين يتم شغله في اعلى غرفة الاحتراق ويتم اشعاله عن طريق البواجي تعطيك شرر زي شرر مسدد الفرن بالبيت والبلوف هي شغلها ادخال البانزين وسحب الهواء ليتم الاحتراق الزيت ماله صلاح لو بتعبي في التانكي قشر ماله صلاح ومستعد اقولها للمهندس الي بالشركه عمرنا بحياتنا ما سمعنا انو البانزين يخلط مع الزيت ممكن المويه لكن بازنين والله كتيره

[أبو زياد الحنيني]

الله يكون في عونك ..........

[القناص-sniper]

وش دخل الوقود !!

ماعليك منهم !

في حاجه اسمها فلتر !

لو الوقود فيه مشكله كان انسد الفلتر بالاول
أو أختربت طرنبه البنزين ع الأقل !
أو اخترب نظام حقن الوقود !!

وش دخل المكينه!


بس الحمدلله انهم بيصلحونها على الضمان.

بس نصيحه لاتخليهم يفكون المكينه قبل ماتتأكد .
ترى السيارة جديده.


والحمدلله ماقالوا لك ان السبب هو المسجل.
:P



:good2::good2::good2: كلام سليم :good2::good2::good2:

[عاشق الجنه 07]

لاتخليهم انت طالب حقك

[المميز99]

لاحول ولا قوة الا بالله

أعانك الله اخي الكريم على مابتلاك به

وعليك بالإستخاره عسى الله يكتب الي فيه الخير

[ابوميس الحلوه]

حسبي الله عليهم وكالات
معفنين الله يقيض لنا حماية مستهلك تأدبهم
وتاخذ حقوقنا كامله امين
الله يسهل امرك

[523]

أشكر كل من رد وأفااد

[لن أمل من العطاء]

حبيبي

المشكلة منم وليس منك

انت تقول انك نتظم معهم في الصيانه
يعني كل شيء مسجل في كمبيزترهم في الوكالة

وانت من يوم شريت السيارة وانت تعبي بنزين اش معنى توه طلع الخلل ليه ما تبهوك من 30 الف او 40 الف كم

اليوم عيني حمراء حساسية تبغاها سلف عطينك هي
يمهني وريهم العين الحمراء

ولا تخليهم يفكون المكينه مهما صار

اذا فيها مشكله يغيروها على الضمان ولاهم دافعين شيء كله من الشركة الام

وانا ما قد سمعت ان البنزين يخبط المكينه ممكن ينزل في الكارتير ويختلط مع الزيت لكن لا يسبب مشكله وهذا بسبب مشكله في نظام حقن الوقود ونظام ارجاع الوقود الزائد للتانكي

فيه ناس يعبون ديزل دبل البنزين ولا صار لهم شيء وناس تخلط بنزين مع قاز والبعض موية بسبب المحطات
وفي اسوء الاحوال تنظيف لدورة الوقود والمحرك

على فكره
قد صار لي موقف مع العيسائي بسبب تشحيم فقط
قلت لمدير الصيانه لو ما عملتوا مثل ما ابغى بالضبط رايح اشتكيك انت في الشرطه
واذا اشتكيت تأكد انك راح تركب الدورية من الباب الخلفي امام الموظفين والعملاء ونروح نكمل الاجراء بالقسم
بعد ما سمع هالكلام خر صريعا وعمل كل ما ابغاه حتى القطع كانت طلبيه من اليابان وبقدرة قادر خلال 5 دقائق وصلت يمكن معهم عفريت من الجن الخاص بسيدنا سليمان

[_مسترفهد_]

هههههههههه انا عمري 25 سنة اخذ المكنيكا وراثة من ابوي الي عمرة الحين 56 سنة

بحياتي ماشفت مكينة تخلط البنزين مع الزيت الى في حالة وحده اذا كانت الصوفة حفت طرمبة البنزين
خربانة فتهرب البنزين مع صدر المكينة من الداخل يعني بوسط المكينة فقط لاغير غير كذا مستحيل
الى اذا جائ واحد وعباة مع غطا الزيت

[احب الحيا]

السلام عليكم صباح الخير
هذي مشكله لا منتهيه مع وكالات السيارات
اجل تشارجر 2006غرق في السيول بالرياض وداه راعيه للوكاله قالو ما نعرف نصلحه
لازم تغير السياره كلها ليت المكينه بلحالها
اخر شي الرجال ودى السياره عند واحد سعودي شغال في بيته
وزبطها له زي الحلاوه
لا وكاله ولا تغيير مكينه ولا شي
انصحك يخوي طالبهم واشتك ولا تخليهم
واتمنى من الاداره يكون فيه موظوع تابت يكون فيه صيغة الشكوى بالانجلينزي
للشركه الام
يعني ما على العضو الى انه يغير اسم الشركه ورقم الشاصي واسم الوكيل في المملكه
ويكون فيه ايميلات الشركات الاصليه للمراسله

[هوايتي مكشات]

الله يعينك...........

[You Like Me]

إناَ لله وإناَ إليه راجعون
لا حول ولا قوه إلا بالله

الله يعينك وينصرك عليهم
نصيحه لا تخلي حقك ومدام السيارة على الضمان
انتبه توضب او يلمسون مكينتة الا مغيرينها وهذا من حقك

[عريدان]

اول شي إطلب تقرير كامل من الوكاله عن تاريخ صيانة السياره والخلل الموجود حالياً...
ثانياً ترسل صوره بالايميل او الفاكس للشركة الأم او فرعهعا الاقليمي في دبي .... وتحط كلمة تحذير من المسألة القانونيه للشركة الأم للتعويض المادي والمعنوي مقابل سوء الصيانه والدفع بلا ضمان دفة العمل من الوكيل المخول من قبلكم ... خاصة إذا كنت طالب وعمرك أقل من 21 سنه ترفق لهم تعريف وأن تعطل سيارتك حمل عليك مصاريف إضافيه في إستئجار سياره بديله لعدم توفير الشركه بديل أثناء الصيانه .... وطوووووول بالك....

[523]

الله يعطيكم العافية ريحتوني ان شاء اني ابطلب منهم تقرير حالة السيارة وأرسلها للشركة الام بإذن الله