ماطور ابو جمل الاصلي بكم؟

[عزوز الليل]

بكم سعره ووين القاه
اخوكم/ابوعيسى

[الحسكولي]

ابو عيسى ... السلام علييكم
يوم الخميس اللى فات كنت بالغرابي وسالت عن ماطور ابو جمل الاصلي ( عليه لصقه ازرق واحمر مع ابيض احذر التقليد ) متوفر هناك بكثره وخاصة في المحلات اللي باخر الغرابي من جنوب وسعره يتراوح من 240 - 280 ريال بدون تركيب واذا بتركب ياخذون عشرين ريال للتركيب في الكبوت . بس انا وجهة نظري انه مايركب في الكبوت للحفاظ عليه من الحراره ولكي تنقله من سيارة الى اخرى بسهولة .
لككككككككني مريت العليان ولقيت عندهم واحد اقوى وبنفس السعر وعليه ضمان اسمه ( تايقر ) وميزته انه بدون لى اصفر ومعه سلك يوصل لجميع الكفرات لان اللى الاصفر سمعت انه يخرب لذا قررت اخذ تايقر . على فكره العليان مكانهم على طريق خريص فبل وكالة الجميح على اليمين
اسف على الاطاله وارجوا اني افدتك .

[عزوز الليل]

الله يعطيك العافيه يالغالي ويجزااك خير
ووفيت وكفيت وماجامنك قصور

[مزاااجي300]

تصدقون رحت للعوبثاني في الغرابي وسألت عن ابو جمل

وابصراحه شريته بسعر 170 ريال فقط

ولكن على ما يبدو انه ليس بلأصلي !!!!

ولكن الامر سيان !! ( بتشديد الياء )

ما راح تستخدمه سوى فتره قليله جداً عشان كذا ما حرصت عليه

احترامي

[غالي]

نعم اخوي عزوز الليل
ماقصر اخوي بسباس معك
تحصله بالغرابي وانا شاريه اول رمضان ب270 ريال
واستعملته مرتين بس حتى الان كفراتي على 20 وتفختها لين 40 الكفر الواحد ماخذ مني تقريبا الا دقيقه وشوي تقريبا لاني نسيت احسبها
بس فعلا حتى الان جيد ماشاء الله صح انه يسخن بدرجه عاليه لكن يقولون ماعليه
وعلى فكره اخوي لاتنسى الضمان 6 شهور يجي معه
شكرا لكم

[بو خليفه]

الأصلي عند الشراع قيمته 240 ريال ضمان 6 أشهر يعنى نصف سنةة
أما التجاري ما يقارب 170 - 180 ريال بدون ضمان

[عزوز الليل]

الله يعطيك العافيه ياغالي بس صحيح انه يسخن معلومه جديده
بس حبيبي الاصلي يدوم معك
وشاكر لكم جميعا

[dos]

في نوعين من ابو جمل
كبير وصغير واللي يفرق القوة
الصغير من 160-180 ريال
والكبير من 260 الي 280 ريال
وكلها اصليه وعليها ضمان وفي شرح بالمنتدي كيف تفرق بين الأصلي والتجاري

وراجو ان اكون افدتك في شي :)