تغيير زيت جربكس الفتك تكفون عطونا حل مع الحمراني

[T.N.T]

السلام عليكم ورحمة الله

باختصار معي باترول سفاري قير اوتوماتيك موديل 2006
شريتة من سنة ونص موتر زين بس وكالته بالطايف والغربية عموما الحمراني طفشوني فيه الله لا يسامحهم كل ماجيت اشوف زيت الجير مرة يقولون العيار مكسور مرة مافية فني وانا كل شهر اروح لهم وفيه الاخير مافية حل
تكفون علموني باي طريقة اقدر اشيك على زيت الجير
والله اني عفت الموتر من الوكالة ذي
المشكلة مافية احد اسأله في الورش والميكانيكين الا يقول مافية حل الا الوكالة
افزعوا تكفون ياالنشاما

[مواسي الطعوس]

غير الزيت ...كفايه ممشى ....خذ زيت لكزس ارخص لكن تمشي عليه مابين 40 الى 50 الف فقط ....والا زيت الفتك من الامارات ارخص يجيبونه بعض الورش (الزيت مع الغسيل والتغيير 300 ريال)

[الربذي]

وعليكم السلام
انا نصحوني الكثير بالوكالة ومريت عليهم وقالو ساعة وتستلم الموتر وغيروه ب430ريال
موديل 2004
وترا يختلف عن 2006 لان2006 فيه فلتر زيت يغير الفلتر والزيت ويكلفك كثير ونصيحة لاتتعدى الوكاله ترا توضيبه ب12الف
وكثير خبط عليهم يوم غيروا من غير الوكالة

[يريور عيمان]

لا تحط غير زيت نيسان اصلي من الوكالة
لان قير الفتك قير CVT و القير هذا حساس جدا

اذا صبيت زيت غير زيت النيسان دبر لك قير من الحين

[T.N.T]

المشكلة ياشباب الوكالة يقولون في الطايف عيار الزيت مكسور من سنه وهم هذا موالهم
وجدة"'
يقولون تاخذ موعد من الصيانه ويجلس الموتر عندنا اسبوع
صعبه شوي اسبوع؟؟؟؟؟

[ابوحمد666]

اخوي لاتغيره حتى يمشي 200 الف
انا غيرته والسياره ماشيه 190 الف والصراحه ندمت يوم غيرته ,,, زيته الاول جديد مره مع العلم انك اجلد السياره جلد

[رميلان]

ياخوك ليش معقد السالفه تراها هوينه .....اطلب من الوكالة عيار لزيت القير وركبه بموترك وشيك عليه بنفسك
انا شارية من الجبر وكيل نيسان بالحفر سعره تقريبا (75) ريال

[محسن اليامي]

انا شارية من الجبر وكيل نيسان بالحفر سعره تقريبا (75) ريال

الله جابك أنا مستعد أجي من الكويت واشنريه عطني الوصف الله لا يهينك

[العابر2222]

أخوي من الي يتفلسف عليك ويقول مكسور ومدري وشو

أخوي الفتك ما يجي فيه عيار للزيت القير ابد من المصنع من 2002 الين 2009

ومحل العيار مختوم بمفتاح خاص موجود في الوكاله

يعني مافيه الى الوكالة او شخص مفصل عيار خاص نفس حق الوكالة

والزيت يوجد في الوكالة فقط

[T.N.T]

ياخوك ليش معقد السالفه تراها هوينه .....اطلب من الوكالة عيار لزيت القير وركبه بموترك وشيك عليه بنفسك
انا شارية من الجبر وكيل نيسان بالحفر سعره تقريبا (75) ريال

المشكلة على قولة الوكالة العيار مكسور والموتر ماشي الان 240 الف

[مقلع الرمث]

ياخوي انا كد شريت 3 حبات من وكاله الجبر بالشرقيه وبديت كل اشوي اعاير

ونصيحه لا تحط الا زيت وكاله

بعدين زيت الفتك ينزاد فقط ولا يغير على كلام الوكاله

والافضل التغيير

[T.N.T]

طيب ممكن طريقة معاير زيت الجيربكس اتوماتيك

[راعي طويلات]

وعليكم السلام ورحة الله وبركاته
كم ماشيء موترك؟ اذا ماقد غيرت زيته من وكالتة عايره بس عند اي فرع من فروع الوكالة قل ابي اعايره بس اذ لزم تبديل بدلته عندكم علشان يدخلونه لك يعايرونه شف الزيت اذا كان لونه زين ولزوجته تمام اتركه لاتغيره وكانه ناقص زده من عندهم اما اذا لونه متغير ولافيه لزوجته وريحته احتراق غيره
لأن الزيت الي يجي في الموتر من المصنع عمره أطول وأفضل من الي يغيرونه لك
سعر اللتر 80 ريال تقريبا واذا جيت تغيره فك الكرتير ونظف الفلتر علشان لو فيه رايش او شيء يروح بياخذ عليك تقريبا 5 لتر ونصف الى 6 لتر وبيقولون لك حنا في الوكالة مانفك الكرتير نفك الصره بس واذا فرغنا الزيت عبينا لك من فوق قل بتفكون الكرتير والا عطوني الزيت اغيره برا اشتر منهم 6 لتر وشف لك ورشة مضمونه وشغلها زين غيره عندهم مثله مثل السيارات الثانية من 50 الى 70 ريال يغيرونه لك وينظفون الفلتر
لانك لو مافكيت الكرتير ونظفت الفلتر الرايش والوصخ الموجود بالزيت القديم بيعدم عليك الزيت الجديد وبيتلف عليك كلتشات القير
وان شفتهم يصرفون ويلفون ويدورون وهذي حركاتهم طلع العين الحمراء عليهم وادخل على مديرهم اغسل شراعه قل انا دافع في موتري مبلغ وقدرة اذا خبط قير موتري من الي بيعوضني ماني متحرك من عندك الا اذا عايرتوه ترى الشغلة ماتاخذ دقيقتين يدخلون عيار مثل عيار زيت المكينة ويشوفون مستوى الزيت عندك ولونه ولزوجته وبعدها انت حر بالتغيير من عدمه
شف وش يصير معك ورد لي خبر وانا بالخدمة

[T.N.T]

بيض الله وجيهكم جميعا
وجزاكم الله خير

[عاشق الغضا]

تبي تريح نفسك مر اقرب بنشري وخذ قوطي زيت ابو اربع لتر فاضي الي موجد فيه مقاس التر .وفضي الزيت حق القير وشف كم يأخذ لتر . وحط نفس مقاس الي طلع من القير . وانصحك تغير زيت نيسان الاصلي واذا ماحصلت غير زيت لكزس تحصله جالون اربع لتر 90او100ريال . وتقدر تغير الزيت بنفسك وسهل جدا ماتصور طبعاً لايوجد بالباترول عيار , يوجد ختم مفتاح عشرة بجنب عيار زيت المكينة تفك المسمار وتجيب محقان صغير وتركب عليه لي صغير . اكلمك عن تجربه. واذا كان فيه اي استفسار حنى حاضرين .

[الجو ربيع]

أخوي من الي يتفلسف عليك ويقول مكسور ومدري وشو

أخوي الفتك ما يجي فيه عيار للزيت القير ابد من المصنع من 2002 الين 2009

ومحل العيار مختوم بمفتاح خاص موجود في الوكاله

يعني مافيه الى الوكالة او شخص مفصل عيار خاص نفس حق الوكالة

والزيت يوجد في الوكالة فقط


كلام سليم 100/100 :good2:

لايوجد معيار للفتك نهائي مختوم من الوكاله والوحيد الي يشيك عليه الوكاله فقط
ونا مشيك موتري عند الوكاله ويقولي الفني الضغطه الوحده بـــ 80 ريال

[قرم العيال]

وعليكم السلام ورحة الله وبركاته
كم ماشيء موترك؟ اذا ماقد غيرت زيته من وكالتة عايره بس عند اي فرع من فروع الوكالة قل ابي اعايره بس اذ لزم تبديل بدلته عندكم علشان يدخلونه لك يعايرونه شف الزيت اذا كان لونه زين ولزوجته تمام اتركه لاتغيره وكانه ناقص زده من عندهم اما اذا لونه متغير ولافيه لزوجته وريحته احتراق غيره
لأن الزيت الي يجي في الموتر من المصنع عمره أطول وأفضل من الي يغيرونه لك
سعر اللتر 80 ريال تقريبا واذا جيت تغيره فك الكرتير ونظف الفلتر علشان لو فيه رايش او شيء يروح بياخذ عليك تقريبا 5 لتر ونصف الى 6 لتر وبيقولون لك حنا في الوكالة مانفك الكرتير نفك الصره بس واذا فرغنا الزيت عبينا لك من فوق قل بتفكون الكرتير والا عطوني الزيت اغيره برا اشتر منهم 6 لتر وشف لك ورشة مضمونه وشغلها زين غيره عندهم مثله مثل السيارات الثانية من 50 الى 70 ريال يغيرونه لك وينظفون الفلتر
لانك لو مافكيت الكرتير ونظفت الفلتر الرايش والوصخ الموجود بالزيت القديم بيعدم عليك الزيت الجديد وبيتلف عليك كلتشات القير
وان شفتهم يصرفون ويلفون ويدورون وهذي حركاتهم طلع العين الحمراء عليهم وادخل على مديرهم اغسل شراعه قل انا دافع في موتري مبلغ وقدرة اذا خبط قير موتري من الي بيعوضني ماني متحرك من عندك الا اذا عايرتوه ترى الشغلة ماتاخذ دقيقتين يدخلون عيار مثل عيار زيت المكينة ويشوفون مستوى الزيت عندك ولونه ولزوجته وبعدها انت حر بالتغيير من عدمه
شف وش يصير معك ورد لي خبر وانا بالخدمة

الله الله مثل ما قالك الرجال ..

شب عليهم لا تخليهم ..

[الوافي0]

غيرناه لواحد من الشباب 2005 توب ترونك
ب800 ريال والوكاة يقولون 900 ريال مادري ليش غالي مرررررررررره

[T.N.T]

مشكورين شباب على تفاعلكم
بس ماتعرفون وين يباع الزيت في. المنطقة الغربية وللا يغير غير الوكالة الللي يطفشون الي مايطفش بالسعار الغالية وعدم احترام العملاء
الشكوى على الله

[كديان]

انا اخبر الاخوان بالرياض ذكروا ورشة عندهم عيار و يغيرون لك الزيت
ان ما خاب ظني ورشة الجابري و الله اعلم

[m-za]

السلام عليكم ورحمة الله وبركاته

اخي الكريم انا اليوم دخلت سيارتي صيانة نيسان فرع طريق المطار ( جدة ) عشان تغير زيت القير ... السيارة 2004 باترول تيب ترونك واخذت منهم موعد الاستلام بنفس اليوم والتكلفة 1000 :mad: ريال ..
مع العلم انهم كاتبين في الفاتورة ان الشركة غير مسؤولة عن اي خلل في حالة عطل القير .. :mad: بس انا توكلت على الله وتركتها عندهم والله يستر

اخي الفاضل قير الفتك حساس وغالي.. ابداً ابداً لا تغير زيته الا في الوكالة ..

اخواني من تنصحون بتغير زيت لكزس وما لكزس .. ارجوا عدم تقديم نصيحة ليست في محلها من غير علم ... افترض شخص غير زيت ما يطابق نفس القير ؟ وعطل القير بسبب نصيحتك ؟؟


اخي خذ سيارتك للوكالة وغير زيتها عندهم لانهم هم وكلاء سيارتك واعرف بها من غيرهم ....

[كديان]

عيب القير في الخارطة و هي معقدة جدا جدا
قيمته جديدة ما يقارب ال5000ريال و مستعملة اذا حصلته من قير كلتشاته خربانه من 2700 و طالع
تعقيد القير فقط في الخارطة