طريق الطايف - القصيم (((( استفسار))))

[حرباش]

اخوتي اعضاء منتدى مكشات الغالي على قلوبنا جميعا

السلام عليكم ورحمة الله وبركاته
وبعد

في احد الليالي الرمضانيه والتي كنت اتسامر فيها انا واثنين من الشباب ، جائني اتصال من مدينه الطايف من احد الزملاء ، وكان يسألني عن الطرق المأديه من الطايف الى منطقه القصيم فقلت لصاحبي سأتصل بك لاحقا لقل خبرتي بمنطقه القصيم والتي اتشرف بزيارتها في الأيام المقبله :) .

اختلفت الأراء في اقرب طريق مأدي الى القصيم
حيث طرحت في تلك السمره ثلاث طرق وطال النقاش :p ، وكانت الطرق
1- الطايف - جده- المدينه المنوره .( وهذا في اعتقادي اطول طريق )
2- الطايف - الرياض - القصيم .
3- الطايف -عفيف- شقراء - القصيم .


وسؤالي لكم ياجماعه الخير :rolleyes:

ماهو ترتيب هذه الطرق حسب الأقصر ، وان كان هناك طريق اخر فدولني عليه :confused:
وان كان هناك شرح بالأعداد( الكيلوات) مانقول لا :D


في انتضار ردودكم ونأسف للإطاله



تقبلو تحياتي
اخوكم حرباش

[ناصح]

وعليكم السلام ورحمة الله وبركاته

3- الطايف -عفيف- شقراء - القصيم .

[nahham]

هلا بك

الافضل هو
الطائف - ظلم - عفيف - الدوادمي - عرجا -ثم يختار اقرب الطرق الى البلد او المدينه التي يرغب الوصول اليها في القصيم

والطريق الى شقرا ثم العوده للقصيم بعيد جدا

شكرا لك

[beddo]

انا ماادري باالضبط عن المسافات لكن مع طريق الرياض الحجاز السريع يمدحون مفرق لبخة وحويتة ثم القرنة وقبل الدوادمي تفرق الى القصيم سيده

[الكونترولCONTROL]

الأخ ناصح الطريق من عند شقراء بعيد جدا جدا
=========================
الطريق الأسرع مثل ما قال اخونا (( الطائف - ظلم - عفيف - البجادية من وسطها تلف يسار - ثم الى الرس-
و بين الرس و بريدة 70 كم تقريبا او تزيد قليلا
==================
من الرس الى البجادية 200 كم ...... من البجادية الى عفيف 100 كم - من عفيف الى ظلم 150 كم
و هذا كله طرق مزدوج الإتجاه ( غير سريع ) و لا يصلح للسفر ليلا .....
و من ظلم تمسك طريق ( الرياض - الطائف ) السريع - حوالي 300 كم الى الطائف !!!!
========================
المجموع 750 يعني كأنك طالع من الرياض بس خط اكثره قديم ( و لكنه مرح و ممتاز في النهار لغير من يحب السرعة اكثر من 120 ........

[جمران]

الأخ ناصح الطريق من عند شقراء بعيد جدا جدا
=========================
الطريق الأسرع مثل ما قال اخونا (( الطائف - ظلم - عفيف - البجادية من وسطها تلف يسار - ثم الى الرس-
و بين الرس و بريدة 70 كم تقريبا او تزيد قليلا
==================
من الرس الى البجادية 200 كم ...... من البجادية الى عفيف 100 كم - من عفيف الى ظلم 150 كم
و هذا كله طرق مزدوج الإتجاه ( غير سريع ) و لا يصلح للسفر ليلا .....
و من ظلم تمسك طريق ( الرياض - الطائف ) السريع - حوالي 300 كم الى الطائف !!!!
========================
المجموع 750 يعني كأنك طالع من الرياض بس خط اكثره قديم ( و لكنه مرح و ممتاز في النهار لغير من يحب السرعة اكثر من 120 ........
سهل الله دروبكم ودروب المسلمين -أخوك جمران-

[عليم العطش]

اقرب طريق يا أخ ناصح اللي ذكره كنترول .
بس فيه طريق جديد بحيث ينقص حوالي 100كيلو ولكنه لم يكتمل بعد باقي حوالي 15كيلو ومع ذلك الناس اللي بعفيف يرحون معه اللي سيارتهم رفيعه مثل الونيتات والجيوب وبعض السيارات الصغار تروح .
الطريق من عفيف الى ضريه تفرق مع مفرق بطاحه يعني من عفيف الى ضريه حوالي 80كيلو ومن ضريه الى الرس حوالي 90كيلو ومن الرس الى بريده 80كيلو .
هذا الطريق بيخدم اهل القصيم الي يبون الحجاز.. وشباب القصيم بتصير مكاشيتهم اكثر في منطقه شمال عفيف وشمال شرق عفيف لكثره الهضاب والتكوينات الجبليه ولان هذا الطريق يتقاطع مع خط البيب اللى من بقيق الى ينبع.
عسى ان اكون قد افدت

تحياتي
عليم العطش

[مهراس]

السلام عليكم ورحمة الله وبركاته:
نهام والكنترول أشوفهم مختارين أقرب الطرق.........
سبحان الله كنت أفكر في نفس الموضوع وأي طريق نسلك للذهاب لأم رقيبه، اكيدهذا يكون أقصر طريق للمهرجان
عن طريق عفيف - الدوادمي - شقرا - المجمعه وانت طالع.............ولا لا يابوهشام ؟؟؟؟؟....... نفس الطريق للقصيم.
هذا الطريق له ذكريات عندي يوم سافرت مع خالي الله يرحمه للمنطقه الشرقيه من الطائف ومعانا دايهاتسو ونيت وارد الحمراني والمشهور بالتسخين حيث مشينا الصباح ووصلنا الرياض بعد العشاء وكان منظر الرياض بعد طلعة ديراب من بعيد وأنوار الرياض كالسراب بعد الرحله الطويله منظر.....أنا اشهد...... مثل اللي حصل واحه في وسط الصحراء......والله ياهي سفره كان عندي مسجل عدت الشريط فيه عشرين مره وحفظته صم وحنا ما وصلنا للرياض. هذا وبعد طريق الدمام زي ماقالوا(Another story).
المعذره شطحنا شوي.

[حرباش]

الأخوه الكرام

ناصح

نهام

بيدو

الكنترول

مشرفنا الغالي جمران

عليم الطعش

مهراس

بيض الله وجيهكم وماقصرتو وشاكر لكم جهودكم ووقفتكم الحلوه


الف شكر لكم ولمروركم الكريم :good:

[الوشاح]

مهراس
إذا انت جاي من الطايف .......هذا الطريق مناسب ....
اما إذا انت جاي من جده فأنسب طريق لك .... طريق المدينة - القصيم السريع ...

[nahham]

هلا بكم

اخوي مهراس ولا يهون الربع

اقترح تجي للرياض قبل كم يوم وتريح في الرياض ونروح سوا

او مثل ماقال الاخ وشاح لكن تنسق مع احد الاخوه في القصيم وتواصلون الرحله سوا

شخصيا اعتقد ان الطريق الذي ذكرته انت اقصر الطرق الا انه متعب وخطر لكونه مسار واحد وكثرة الحيوانات السائبه اضافة الى اختراقه لعدد من المحافظات والقرى ويوجد اشارات مرور تعرقل السير

وهناك طريقة اخرى وانا افضلها واعتقد انها انسب الطرق وهي الحضور للرياض جوا وانتظرك في مطار الرياض ونواصل الطريق برا

واتشرف بمرافقتك طوال الرحله

هذا والامر لكم

شكرا لك يالغالي وشكرا على حرصك لحضور الاجتماع

وانت امر وانا تحت الطلب

[مهراس]

السلام عليكم ورحمة الله وبركاته:
أتشرف بمرافقتك للمزايين لو جازلي المرور من الرياض، تسلم وماقصرت وشكرا على ملاحظات طريق عفيف المزدوج، بس ودي أعرف متى بتطلعون.

[nahham]

هلا اخوي مهراس

حتى الان ما توصلو الى قرار موحد

يمكن يقدمونه اسبوع

عموما راح يعلنون منتصف شوال عن الموعد الجديد