باترول 2009 جديد يرررررج {{ ابي حل تكفون

[هيار النفود]

السلام عليكم ورحمة الله وبركاته ...!

.. قبل اسبوع شريت باتروول سلقه 2009 جديد باب واحد ,

لكن تفاجئت اني لمني مشيت 95 إلى 105 يبدأ الدركسون يرج معي ...!

والموتر جديد ما مشى إلا 950 كيلو ..

ابي حل ونصائح مجربين .... أوخبراء

علما اني شحمت العامود ..حق الدبل .. وخفت الرجة شووي ..

وش تنصحوني اروح للوكالة .. والي كد راح للوكالة وش صار معه . ,!

.................................................. .......................


وبعد عندي باب الراكب .. لمني قفلت بالقفل المركزي , تقفل الحبة حقت الباب .. لكن الباب ما يقفل .. لازم اروح اقفله بـ المفتاح

[بنوتميم]

طيب هو ع الضمان رح وابثر ام الوكاله ...

[سديراوي نت]

أنت ماخذه من معرض نجد اللي بمعارض النسيم؟

[ابوعابد1]

نفس المشكلة بس الوضع عادي لاتخاف والحل امرين هما/1اكيد تلقى الترصيص حق الوكالة طايح ولازم تتأكد من كل الكفرات /2/ ركب مساعد دركسون تدبيل 200 ريال وترتاح وهذا معروف لان الباترح مريح جداً وهو يايات وليس سست

ارجو اني افدك

[HAS5SAN]

2009 وهذا ممشاه معناها والله اعلم الكفرات محبلات من كثرة الوقفة

[أبوالمثنى]

بالنسبه للرجه الله أعلم أنه من التخزين السيء

الكفرات يبي لها تغيير

[ford f150]

اخوي نصيحه لوجه الله نيسان جربناهم قبل ودوه لوه الحين ولا تسوي شي...وخلك نشبه..اذا شافوك حبيب يبون يدفعونك دراهم لا كن شب عليهم الموتر 2009 وتحت الضمان...الله يوفقك...

[خادم الإسلام]

أنا كان معي الأرمادا كذا غيرت الكفرات وصارت:good2:

[ALBDRANE]

يدبل المساعد والسيارة جديدة ما تخش العقل
مشكلتك تم مناقشتها والحلول في الموضوع الي بالتوقيع

يشرفني زيارتك للأستفادة

[ابوشلاخ1]

غير الكفرات لاتلعب في الموتر

[أخو جواهر]

السلام عليكم
الرجه احتمال يا ترصيص يا كفرات محبله، اوكفرات البالون تسبب رجه الله يخسها وتفكك الموتر وتلعب فيه، فإذا انت مركب بالون فكها ازين لك واريح للموتر واخف له.
هذا من تجربتي في باترول

وبالنسبه للقفل، هذا نظام النيسان اذا قفلته بالمركزي تقفل كل الابواب الا باب السواق ما ينقفل الا بالمفتاح، والحكمه من كذا عشان ما تقفل على المفتاح داخل السياره
وهذي عن تجربت في ددسن وباترول

تحياتي لك

[أبو الفهد]

أتوقع الكفرات لأن فترة وقوفها الطويلة أتلفها.
ولكن جرب كفرات سيارة أحد من الشباب حتى تتأكد من الوضع.

[عاشق الغضا]

غير الكفرات وبأذن الله يضبط .

[هيار النفود]

أنت ماخذه من معرض نجد اللي بمعارض النسيم؟

ايـــــــــــــــــــه

[هيار النفود]

السلام عليكم
الرجه احتمال يا ترصيص يا كفرات محبله، اوكفرات البالون تسبب رجه الله يخسها وتفكك الموتر وتلعب فيه، فإذا انت مركب بالون فكها ازين لك واريح للموتر واخف له.
هذا من تجربتي في باترول

وبالنسبه للقفل، هذا نظام النيسان اذا قفلته بالمركزي تقفل كل الابواب الا باب السواق ما ينقفل الا بالمفتاح، والحكمه من كذا عشان ما تقفل على المفتاح داخل السياره
وهذي عن تجربت في ددسن وباترول

تحياتي لك

لا يا خوي باب الراكب هو الي ما يقفل حتى لمني قفلت كل الأبواب بالمفتاح ..
لازم اروح لمه , واقفله

[قـديـم]

السلام عليكم

انا شريت جيب ربع نيسان بعد الضحيه من معرض نجد

اول مامشيت علي ميه وعشرين طلعت لي رجه .

رجعت لهم قالوا من الكفرات . مخزنه وموقف من زمان

وتخزين مفتوح .

رحت لم الغرابي وقفوا عند اليمنية وقاموا يسومون الكفرات بدون جنووط

بعتها بألف وميه خمس كفرات وركبت كفرات جديدة

انتبه لا تبيع الجنوووووط .

بيقولون لك السومه مع الجنوط ..

الكفرات تجيب لك من 800 إلى 1000

والله يوفقك .

[MR.KHALID]

يالغالي انا مثلك شريك باترول ربع 2009 جديد بالتحديد من معرض نجد
وعلى سرعه 100 تقريبا يطلع فيه رجه
طبعا باين سببها الاول ان الكفرات برجستون وهي معروفه بقساوتها
ومع الوقفه الطويله تتآثر الكفرات ويصير فيها مشاكل
وللمعلوميه بالنسبه لموتري موديل الكفرات 2008 مشمسه ويابسه وكل شي

انا غيرت الكفرات والجنوط ركبت جنوط باترول الفل وكفرات هانكوك مقاسها 256/70 قمه في الليونه

والله يوفق

[قرم العيال]

المشكله الاولى قد تكون الكفرات مخزنه بشكل سي ,, او لم يتم وزن الهواء فيها ..

الثانيه عندك القفل مكسور .. يا المعرض يتكفل لك بإصلاحه او مر الوكاله وحاول معهم يكون تحت ضمان صيانه ألـ 1000 كليو ..

يعني راح للمعرض إذا عطاك حق القفل زين على زين إذا ما عطاك فانت دخله الوكاله على انه تشيك 1000 كيلو طبعا راح يغيرون لك زيت وسيفون بلاش وانت بالخيار تغير او لا ..

وقل عندي ملاحظة الباب ما يقفل بالريموت .. وعطهم جوالك وخلهم يعلمونك بالمشكله والاصلاح و ارجع وحاول تقابل مدير الصيانه وتشرح له ان الموتر جديد لابد يكون تحت الضمان وانك راح تسمر معهم في صيانه السياره وعطه من السواليف شوي والجديه بالموضوع شوي لعلهم يغيرونه على الضمان .. وبالتوفيق

[محب النياق]

اخواني اصحاب الجيوب الله يهنيكم كم سعرهن جديد

[AL-OTAIBI]

حصل معانا نفس الشي و الوكاله كتبت لنا خطاب لشركه برجستون و غيرت الكفرات على حسابها غصب عنهم. مع ان السياره شارينها من المعارض. لا تسكت عن حقك.

[AL-OTAIBI]

السلام عليكم

انا شريت جيب ربع نيسان بعد الضحيه من معرض نجد

اول مامشيت علي ميه وعشرين طلعت لي رجه .

رجعت لهم قالوا من الكفرات . مخزنه وموقف من زمان

وتخزين مفتوح .

رحت لم الغرابي وقفوا عند اليمنية وقاموا يسومون الكفرات بدون جنووط

بعتها بألف وميه خمس كفرات وركبت كفرات جديدة

انتبه لا تبيع الجنوووووط .

بيقولون لك السومه مع الجنوط ..

الكفرات تجيب لك من 800 إلى 1000

والله يوفقك .



غلطان والله, ليش تشتري كفرات و انت يحق لك كفرات جديده من الوكاله؟

[هيار النفود]

الله يعطيكم العافية جميعـ ... لكن عندي استفسار .
موقع الوكالة بالرياض وين (الصيانة ) ؟ ؟

[alfazza3]

المشكله بالكفرات واسال مجرب فتك 2009 عند واحد من الجماعه ارجع للوكاله وطالب بتغيير الكفرات

[التعـ King ـديل]

ارجع للوكاله وعطهم الاستماره علشان تبين تاريخ الشراء وطالبهم بطقم جديد كفرات

[التعـ King ـديل]

اخواني اصحاب الجيوب الله يهنيكم كم سعرهن جديد


اذا تبي اصفار فيه معرض عنده اثنين جدد الواحد ب 85

[قناص حارتنا]

الحل عندي وانا ابو هندي البلا بالكفرات انا معي باترول ربع وصارلي نفس الكلام ورحت يالذيب ارصصه خفة الرجه شوي وقلت اغير الكفرات والحين الحمد لله لارجه ولا غيرة .
اذكروا الله.

[فارس العمور]

نفس المشكله في بليزر جديد
بالنهايه غيرنا الكفرات وضبط
طبعا على الضمان وغصب عليهم

[ابو غريبه]

اخوي هيار انا معي مثل موترك وماخذه من نفس المعرض
غير الكفرات ورصصها مضبوط وراح تدعي لي
ركب دنلوب دعسه شاهي 245 -85 -16
وتاكد من التاريخ يكون جديد

[عبدالعزيز-1]

الله يعطيكم العافية جميعـ ... لكن عندي استفسار .
موقع الوكالة بالرياض وين (الصيانة ) ؟ ؟

صيانة الوكاله جنب معارض النسيم مهيب بعيده عنه

الرياض - طريق خريص - بجانب توكيلات الجزيره ( وكيل فورد )

[هيار النفود]

صيانة الوكاله جنب معارض النسيم مهيب بعيده عنه

الرياض - طريق خريص - بجانب توكيلات الجزيره ( وكيل فورد )



الله يبيض وجيهكم ... كلكم .. والصراحة استفدت اشياء واجد من واقع خبرتكم ..

[جيب شراع]

الله يعينك على وكالة نيسان

اسوأ وكالة تعاملت معهم نفوسهم خايسة

الله يقلعهم

[أبو عنود]

أنا يا اخوان عند نفس المشكلة وغيرت الكفرات عند الوكالة بعد المطالب
لكن خفت90%
باقي حرة تطلع من 95 إلى 120

[رحّال 9]

أنا يا اخوان عند نفس المشكلة وغيرت الكفرات عند الوكالة بعد المطالب
لكن خفت90%
باقي حرة تطلع من 95 إلى 120


هذي يابو عنود من اليايات الله العالم انت مركب يايات استراليه؟

[أبو عنود]

السبب تخزين كفران سيء ارجع للضمان وعليك بالمطالب

[ذيب حريملاء]

اخووي 70 % من الكفراات

ااناا معي باترول ربع 2006 مركب عليه بوالين اذا مشيت 130 يررج

ودبلت مساعد الدركسوون والحمدالله رااحت الرجه

بس موترك جديد لاتسوي شي فييه رح الوكاله ونشب لهم

[.أبوعبدالرحمن]

ايـــــــــــــــــــه


هذا البلا إنك ماخذ الموتر من معرض خايس ولا يهتم بالسيارة ويعطيك السيارة الجديدة كأنها رايح عليه 7 سنوات حسبي الله ونعم الوكيل

وهذا ما حصل معي بالباث وأكثر

[باثفندر]

يالغالي وش سويت بقفل الباب صارتلي نفس المشكلة الراكب يفتح بالريموت ولا ينقفل الا بالمفتاح عساك لقيت الحل او احد من الاخوان ؟

[المنيعي1]

السلام عليكم ورحمة الله وبركاته ...!

.. قبل اسبوع شريت باتروول سلقه 2009 جديد باب واحد ,

لكن تفاجئت اني لمني مشيت 95 إلى 105 يبدأ الدركسون يرج معي ...!

والموتر جديد ما مشى إلا 950 كيلو ..

ابي حل ونصائح مجربين .... أوخبراء

علما اني شحمت العامود ..حق الدبل .. وخفت الرجة شووي ..

وش تنصحوني اروح للوكالة .. والي كد راح للوكالة وش صار معه . ,!

.................................................. .......................


وبعد عندي باب الراكب .. لمني قفلت بالقفل المركزي , تقفل الحبة حقت الباب .. لكن الباب ما يقفل .. لازم اروح اقفله بـ المفتاح
للوكالة على طول يغيرون لك الكفرات جدد على الظمان ويصلحون قفل الباب.

[الطرس ممدوح]

نفس المشكلة بس الوضع عادي لاتخاف والحل امرين هما/1اكيد تلقى الترصيص حق الوكالة طايح ولازم تتأكد من كل الكفرات /2/ ركب مساعد دركسون تدبيل 200 ريال وترتاح وهذا معروف لان الباترح مريح جداً وهو يايات وليس سست

ارجو اني افدك
:good2::good2::good2::good2:

[واثق الخطوه-]

هذا البلا إنك ماخذ الموتر من معرض خايس ولا يهتم بالسيارة ويعطيك السيارة الجديدة كأنها رايح عليه 7 سنوات حسبي الله ونعم الوكيل

وهذا ما حصل معي بالباث وأكثر

غريبه يامشرفنا القدير ردك وانا كاتب موضوع عن ورشه تصلح رجه الباترول واغلقته تقول موضوع دعائي وهو موضوع فزعه ويفيد الاخوان اللي يعانون من هذي المشكله (يعني حرام علينا وحلال عليك )