المساعد الشخصي الرقمي

مشاهدة النسخة كاملة : شاركنا برأيك حول ضعف أنوار السياره


عاشق vip
08/01/2011, 11:07 PM
السلام عليكم ورحمه الله وبركاته

أهلاً وسهلاً بالجميع

موضوع إناره السياره أصبح هاجس يشكل أثراُ نفسياً لأصحاب السيارات .. وخاصه معشر ( الفوردات ) .. طبعاً أنا أشتكي من ضعف أنوار سيارتي وقمت بتنظيف زجاج الشمعات وكانت النتيجه تحسن فقط 40/ 100 .. وبعد البحث والتحري .. عن هذي المشكله .. لقيت حل .. وأتمنى من لديه أفضل فليشاركنا به :ـ

1/ شمعات سيارتي مثل شكل هذي الشمعات :
http://www.mekshat.com/pix/upload/images4/9006bv.jpg
طبعاً بعد البحث لقيت أفضل نوع لهذي الشمعات هو ( الماني ) قوه 9005 للعالي .. 9006 للواطي .

2/ وقريت لازم يركب كتاوت لها مثل هذا << ويكون صناعه تاياوانيه :
http://www.4crawler.com/Images/HeadlightHarness.gif

· فلي عنده خبره بهذا الموضوع ياليت يساعدنا .. ونكون له من الشاكرين .
واحد مبسوط
08/01/2011, 11:33 PM
انتبه من الكتاوت تسبب حرارة والتماس وحريق لاسمح الله
افضل حل
انك تركب شمعه غاز هالوجين المانيه اسمها اوسرام مقاس 100\80
اما الكتاوت لاتغرك ويغشونك
نصيحة اخو
ford f150
08/01/2011, 11:35 PM
اخوي بحسب معرفتي والله اعلم لو تركب كتاوت على لمبات الوكاله عادي موهب لازم تغير لمبات جديده...
وانشاء الله الأخوان يفيدونك اكثر من...:good2:
عشق الجنوب
08/01/2011, 11:38 PM
مساء الخير للجميع
اخوي انا كان عندي فورد 99 وركبت على شمعات الوكالة كتاوت بيجو يكلف 50 الى 70 ريال مع الكتاوت ومترين سلك وكلبسات من غير شغل اليد عاد يبيلك كهربائي تمام وصار معي اربع سنوات عال العال
ورطبت اللحين على جمس شفر كتاوت بيجو وتمام معي بس عليك الكهربائي الصاحي ...
وتقبل مروري
كبسولة2
09/01/2011, 06:09 AM
تركيب كتاوت بدون تغير قوة الشمعة غير مفيد

يجب تغير قوة الشمعات مع وضع كتاوت جاهزة مثل التي بالصورة
نواف الخير
09/01/2011, 08:32 AM
صباح الخير
الشمعات الالمانيه بدون كتاوت او بكتاوت تعدم عليك كمبيوتر الانوار وقيمته تقريبا 700 ريال
بس نصيحه لا تغير شي والله يعينك لان لو تعطل عليك الكمبيوتر مشكله الالتماس
أخو جواهر
09/01/2011, 09:34 AM
السلام عليكم
ريح راسك وبلا كل هالخرابيط

في لمبات انا مجربها تجي امريكي وتجي الماني ما راح اقول لك واطات عاليه ولا من هالكلام

لمبات نفس واطات الوكالة ولكنها بدرجة لون اعلى تعطي وضوح اكثر في الاضاءة ونقاء في اللون

اما الشمعات الالماني على قولت اخي الكريم نواف الخير انها تعدم الكمبيوتر!!! كلام مو صحيح اللي يعدم الكمبيوتر هو تمديد الاسلاك والكتاوتات، اخوي معه ماركيز ولا اعجبه نورها راح مدد لها كتاوت وظفيره وخرب عليه الكمبيوتر ونفس مال قلت خرب كمبيوتر النور وغيره بـ 700 او بـ 750

تقبل مروري والاخ نواف لا تزعل مني
عاشق vip
09/01/2011, 09:50 AM
انتبه من الكتاوت تسبب حرارة والتماس وحريق لاسمح الله
افضل حل
انك تركب شمعه غاز هالوجين المانيه اسمها اوسرام مقاس 100\80
اما الكتاوت لاتغرك ويغشونك
نصيحة اخو


هلا وغلا

بالغـــــــــلا كله

* والله يا الغالي أنا كنت مركب كتاوت قبل سنتين بسياره آخرى والحمدلله ما صار شيء .. لأن الي مركبه تايواني .

أما الصيني فهو أساس الخراب كله
:D

وياليت يا الغالي تعلمنا على الشمعات الي تقول عليها ؟؟ وهل هي نفس صوره شمعتي .. وبكم سعرها لا هنت .. واللون وش يطلع أصفر ولا أبيض << خايف من القسايم
:D

والعذر والسموحه لكثره الأسئله .. بس ودنا نستفيد من خبرتك يا الغــــــلا ..

ومشكور على طلتك الجميله .. ولا خــــــــلا ولا عــــــــــــــدم
عاشق vip
09/01/2011, 09:53 AM
اخوي بحسب معرفتي والله اعلم لو تركب كتاوت على لمبات الوكاله عادي موهب لازم تغير لمبات جديده...
وان شاء الله الأخوان يفيدونك اكثر من...:good2:


هلا وغلا

فيك يا غلاتي

* والله يا الغالي .. الكل قالي ما تستفيد شيء لو خليت الشمعات .. وثاني شيء ودنا ناخذ لنا شمعات جاهزه حتى لو إختربت نقدر نرد الأصليه ..
:D

والله يعطيك الف عافيه على المرور .. والف شكر لك ..
عاشق vip
09/01/2011, 09:57 AM
مساء الخير للجميع
اخوي انا كان عندي فورد 99 وركبت على شمعات الوكالة كتاوت بيجو يكلف 50 الى 70 ريال مع الكتاوت ومترين سلك وكلبسات من غير شغل اليد عاد يبيلك كهربائي تمام وصار معي اربع سنوات عال العال
ورطبت اللحين على جمس شفر كتاوت بيجو وتمام معي بس عليك الكهربائي الصاحي ...
وتقبل مروري


مساء النور والسرور .. والورد المنثور ..

<< ببدء بالأسئله والله يعينك
:D

* أخوي كتاوت بيجو يركب على كل السيارات !! .. ووش صناعته !! وليش الأسلاك والكلبسات << الي أعرفه تشبك الكتاوت بالشمعه وتوصل من راس الكتاوت واحد للبطاريه + .. والثاني لشيء سالب !! >> ياليت تلعمنا لو كنت غلطان ..

بخصوص الكهربائي .. فالحمدلله أعرف لي واحد شغله نظيف وأمين .. بس عطنا ما عندك .. وأفتح جعبتك لنا .. لنستزيد من ما لديك ..
:D

بإنتظار رجعتك يا الغـــــــــــلا

والله يعطيك الف عافيه على النصائح .. والف شكر لك ..

<< والباقي بعد ما ترجع
;)
عاشق vip
09/01/2011, 10:00 AM
تركيب كتاوت بدون تغير قوة الشمعة غير مفيد

يجب تغير قوة الشمعات مع وضع كتاوت جاهزة مثل التي بالصورة


هلا فيك يا مشرفنا

( الغالي )

وحياك الله

* طيب أخوي ياليت تنصحنا بقوه الشمعات .. وهل هي تؤثر في كهربه السياره !!

وأفضل واط للأنوار كم .. وأفضل شمعات لو عندك خلفيه ..

والله يعطيك الف عافيه على التشريفه

وشرف لنا وجودك معنا .. والشرف الأكبر وجود الجميع في موضوعي ..
:D

شاكر ومقدر لك مرورك العطر
عاشق vip
09/01/2011, 10:03 AM
صباح الخير
الشمعات الالمانيه بدون كتاوت او بكتاوت تعدم عليك كمبيوتر الانوار وقيمته تقريبا 700 ريال
بس نصيحه لا تغير شي والله يعينك لان لو تعطل عليك الكمبيوتر مشكله الالتماس


صباح النور والسرور .. والعطر المنشور ..

في أرجاء بيتنا المسرور
:D

* أبشرك ما عندي كمبيوتر بالسياره .. لأن ما معي لا فورد ولا سياره من الموديلات الحديثه << مريح راسه
:D

والله يعطيك الف عافيه على النصيحه .. وإن شاء الله الأخوان يستفيدون ..
:good2:

دمتـ بود ومحبه
عاشق vip
09/01/2011, 10:05 AM
السلام عليكم
ريح راسك وبلا كل هالخرابيط

في لمبات انا مجربها تجي امريكي وتجي الماني ما راح اقول لك واطات عاليه ولا من هالكلام

لمبات نفس واطات الوكالة ولكنها بدرجة لون اعلى تعطي وضوح اكثر في الاضاءة ونقاء في اللون

اما الشمعات الالماني على قولت اخي الكريم نواف الخير انها تعدم الكمبيوتر!!! كلام مو صحيح اللي يعدم الكمبيوتر هو تمديد الاسلاك والكتاوتات، اخوي معه ماركيز ولا اعجبه نورها راح مدد لها كتاوت وظفيره وخرب عليه الكمبيوتر ونفس مال قلت خرب كمبيوتر النور وغيره بـ 700 او بـ 750

تقبل مروري والاخ نواف لا تزعل مني


هلا وغلا

وحياك الله يا غناتي

طيب أخوي ياليت تعلمنا وش هي الشركه الي تقول عليها ؟؟

والله يعطيك الف عافيه على الفائده التي الممتنا بها .. والف شكر لك ..

دمت بصحه وعافيه
:good2:
الفيلسووووووف
09/01/2011, 10:16 AM
السلا م عليكم...
اسعد الله اوقات بالمسرات..


حسب تجربتي السابقة مع سيارات فورد..
تروح لكهربائي وتخليه يعمل لك تسليكه للأنوار غير تسليكه البلد بحيث متى ماحبيت تفكها تفكها انت بنفسك ,ولا تتأثر تسليكة البلد.وتحرص على نوعية الأسلاك يعني اسلاك مكيف على سبيل المثال (احرص على السلك اللي اذا ضغطت عليه يكون قوي)
وانتبه من التسليكه الجاهزة بعضها تكون رديئة وكذلك من التسليكه اللي يكون الكهربائي مجهزها لأن غالبا يحط اسلاك غير جيده..
وتركب كتاوت الماني او ياباني وتقدر تدبلها اذا حبيت وتركب شمعات اصلية 160/100 او 80/100وراح تدعيلي ..
الطريقة تم تجربتها على فورد 95 و2004و2009 لكن احرص على قزازة الانوار لا تكون مرمله او مصفره..
واحرص على الكهربائي الشقردي..
واعتذر عن الاطاله,,
ودمتم برعايتة الله..
أخو جواهر
09/01/2011, 11:19 AM
هلا وغلا

وحياك الله يا غناتي

طيب أخوي ياليت تعلمنا وش هي الشركه الي تقول عليها ؟؟

والله يعطيك الف عافيه على الفائده التي الممتنا بها .. والف شكر لك ..

دمت بصحه وعافيه
:good2:

واجده الشركات فيه منها الامريكي وفيه الالماني وفي الياباني
بس انتبه انتبه انتبه ترا السوق غرقاااااان بالمغشوش مو مقلد... مغشوش
يعني يجيك مغشوش مصنع بالصين على انه النوعيه الفلانيه ومكتوب عليه صنع في ألمانيا او امريكا او اليابان واسم الشركة الصانعه ومعلب بعلب نفس العلب الاصليه.

بالنسبة للمبات اعرف محل يبيعها ودي اقول لك عنه بس ما اقدر ادلك عليه او اعطيك رقمه الا بعد موافقة الإدارة، هذي سياسة المنتدى ولا ودنا نخالفها

تحياتي للجميع
هوايتي مكشات
09/01/2011, 12:11 PM
الله يعطيك العافية
عاشق vip
09/01/2011, 12:13 PM
السلا م عليكم...

اسعد الله اوقات بالمسرات..


حسب تجربتي السابقة مع سيارات فورد..
تروح لكهربائي وتخليه يعمل لك تسليكه للأنوار غير تسليكه البلد بحيث متى ماحبيت تفكها تفكها انت بنفسك ,ولا تتأثر تسليكة البلد.وتحرص على نوعية الأسلاك يعني اسلاك مكيف على سبيل المثال (احرص على السلك اللي اذا ضغطت عليه يكون قوي)
وانتبه من التسليكه الجاهزة بعضها تكون رديئة وكذلك من التسليكه اللي يكون الكهربائي مجهزها لأن غالبا يحط اسلاك غير جيده..
وتركب كتاوت الماني او ياباني وتقدر تدبلها اذا حبيت وتركب شمعات اصلية 160/100 او 80/100وراح تدعيلي ..
الطريقة تم تجربتها على فورد 95 و2004و2009 لكن احرص على قزازة الانوار لا تكون مرمله او مصفره..
واحرص على الكهربائي الشقردي..
واعتذر عن الاطاله,,

ودمتم برعايتة الله..



هلا فيك أخوي

وحياك الله

طيب سؤال يا الغـــــــلا :

كيف أدبل الشمعات على قولك لـ 160 / 100 ؟؟

لأن المعروف 80/ 100 ... ودنا تفيدنا يا الغلا ..

والله يجزاك بالجنه يارب
عاشق vip
09/01/2011, 12:18 PM
واجده الشركات فيه منها الامريكي وفيه الالماني وفي الياباني
بس انتبه انتبه انتبه ترا السوق غرقاااااان بالمغشوش مو مقلد... مغشوش
يعني يجيك مغشوش مصنع بالصين على انه النوعيه الفلانيه ومكتوب عليه صنع في ألمانيا او امريكا او اليابان واسم الشركة الصانعه ومعلب بعلب نفس العلب الاصليه.

بالنسبة للمبات اعرف محل يبيعها ودي اقول لك عنه بس ما اقدر ادلك عليه او اعطيك رقمه الا بعد موافقة الإدارة، هذي سياسة المنتدى ولا ودنا نخالفها

تحياتي للجميع


هلا وغلا بك يا الغلا

ومشكور على النصيحه .. وإن شاء الله راح أركز عليها ..

وبخصوص المحلات إنت بالرياض وأنا بالمدينه
:D

والف شكر لك على المساعده يا الغلا
أبوجهاد التبوكي
09/01/2011, 12:21 PM
إعرف إن الكهرباء يبي له واحد خبره فيه فاأنتبه لتضحي بسيارتك عند أي كهربائي شف لك واحد خبرة..
أخو جواهر
09/01/2011, 12:30 PM
هلا وغلا بك يا الغلا

ومشكور على النصيحه .. وإن شاء الله راح أركز عليها ..

وبخصوص المحلات إنت بالرياض وأنا بالمدينه
:D

والف شكر لك على المساعده يا الغلا

حياك الله ولا شكر على واجب

وما عندك مشكله اذا انت في المدينة يرسلون لخارج الرياض

تحياتي
عاشق vip
10/01/2011, 09:20 AM
الله يعطيك العافية



الله يعافيك يا الغـــــــــلا

على هالطله
عاشق vip
10/01/2011, 09:21 AM
إعرف إن الكهرباء يبي له واحد خبره فيه فاأنتبه لتضحي بسيارتك عند أي كهربائي شف لك واحد خبرة..


هلا وغلا

أبشر بعزك .. ومن عيوني ..

ونصيحتك على العين والراس << بس تكفى عطنا من الي بالصوره

ههههههههههههههههههههههههه
:D

>> صحه وهنا على قلوبكم
:good2:
عاشق vip
10/01/2011, 09:22 AM
حياك الله ولا شكر على واجب

وما عندك مشكله اذا انت في المدينة يرسلون لخارج الرياض

تحياتي


هلا وغلا

وهذا من طيب أصلك
;)

والله يعطيك الف عافيه على التفاعل .. ولا خــلا ولا عــدم ..
:good2:
عبدالرحمن1411
13/08/2012, 05:39 AM
الموضوع قديم بس جيت من قوقل علي الموضوع
من اسباب ضعف الاضاءة
-شراء شمعات رخيصة وفي نفس الوقت رديئة
-عدم التشييك علي مزانية الانوار لان مع المطبات تخترب المزانية فيصبح احد الانوار مرتفع والاخر منخفض او العكس
-عدم تلميع الانوار جيدا

وبالنسبة للانوار انصحكم بانوار
نايت بريكر من اوسرام تذكرو (نايت بريكر) فهي اقوى في الاضاءة من النور العادي بنسبة 90%
شوفو الرابط http://www.youtube.com/watch?feature=endscreen&v=GznJ3MOxvKY&NR=1

وفيه نوع اخر انا جربته وانصح فيه اسمه قيقا شريتة من يلوهات نفس واطات الوكات لكن العالي 120 وات تقريبا ولونة 4100 ابيض علي صفار خفيف والصرحة قوي ولي سنة مستخدمة
والانواع كثيرة اهم شئ خذو نوع اصلي وهذي النوعيات تلقونة عند المحلات الكبيرة مثل ردكاب ويلوهات وغيرهم ونصحيه تاكدو من وزن الانوار والتملميع في اماكن مختصة في التلميع ليس في اي محل