ماخاب من استشار ( استفسار عن الفورد )

[ابودايل 1]

السلام عليكم ورحمة الله وبركاته


بما اني غشيم في السيارات لابد ان استشير أخواني في مكشات اهل الخبره
انا ابي فورد قراند مركيز او فكتوريا ولاكن غشيم ماعرف الخليجي من الامريكي
ودائما اسمع الشباب يقولن أستندر مادري وش معناها ولقيت لي واحد عنده فورد فكتور 2008 اسود يقول خليجي وانا ماعرف بس الرجل صديق شرواكم وقالي أبشر انا اعطيك الموتر 48000 الف الموتر نظيف وهو زميل ماهو شريطي وش رايكم
اخذه منه او لا عطوني الشور يا العزوه
والي عنده خبره عن الخليجي والامريكي يكسبي اجر وراح أدعي له بظهر الغيب
وبنسبه لصورة الموتر والله اني مستحي منه اصوره ونزله هنا لانه لحد الان ماهو حلالي


بارك الله فيكم جميعآ

[ابو الريم]

شف ياطويل العمر علشان تفرق بين الامريكي والخليجي طبلون السرعة بالخليجي يجي اعلى شي فيه 200 والامريكي 120 ( ميل) الشي الثاني الامريكي تجي اللمبات الامامية مولعه على طول اول ماتعشق الدي سواء بالنهار او بالليل بينما الخليجي مافيه هذا الشي ، السبير بالابامريكي يجي حجمه صغير وبينما الخليجي يجي حجمه كبير

عموما وكلهم زينات اذا كان الموتر نظيف ، والمواصفات تجي نوعين فخم وعادي العادي يجي مخمل وتحكم بالمكيف فرارات والكرسي تحكم يدوي ، بينما الفخم يجي جلد والمكيف باللمس وفيه كم شغله نسيتها ، اذا كانت سيارت خويك فخمه ونظيفة جدا فسعرها مناسب اما اذا كانت غير كذا فهي غويله شوي


تحياتي ابو الريم ،،،

[ابودايل 1]

بيض الله وجهك يا الغالي ماقصرت وافي وشرحك وافي باااارك الله فيك ابي اتوكل على الله واشتريه

[شنب العرب]

شف ياطويل العمر علشان تفرق بين الامريكي والخليجي طبلون السرعة بالخليجي يجي اعلى شي فيه 200 والامريكي 120 ( ميل) الشي الثاني الامريكي تجي اللمبات الامامية مولعه على طول اول ماتعشق الدي سواء بالنهار او بالليل بينما الخليجي مافيه هذا الشي ، السبير بالابامريكي يجي حجمه صغير وبينما الخليجي يجي حجمه كبير

عموما وكلهم زينات اذا كان الموتر نظيف ، والمواصفات تجي نوعين فخم وعادي العادي يجي مخمل وتحكم بالمكيف فرارات والكرسي تحكم يدوي ، بينما الفخم يجي جلد والمكيف باللمس وفيه كم شغله نسيتها ، اذا كانت سيارت خويك فخمه ونظيفة جدا فسعرها مناسب اما اذا كانت غير كذا فهي غويله شوي


تحياتي ابو الريم ،،،
كلام اخونا صحيح وتام
ولكن عندي بعض الزيادات وليست اساسيات
1-اذا كان فيه مكيف خلفي يعني(في تكاية المرتبة الاماميه)فشبه الاكيد انه خليجي
2-اذا كان للموتر شكمانين فمن المحتمل انه خليجي
اتمنى انني قد افتدك بعض الشئ
تقبل مروري:p