اهل الونتات استفار بصيط جدا ممكن

[الجفن]

[السلام عليكم ورحمة الله وبركاته
كيف حالكم عساكم بالف خير ابغاء استفسر عن الشراع هل هو يحتاج الي تخريم الحوض ولا لا لاني بصراحه اذا كان يبغاله تخريم مالي نيه اركبه .
لا تنسون المحل الله لا يهينكم
وحدود كم سعره شاكرين تجاوبكم مع خالص تحياتي حبيب الكل وفي الخدمه ( الجفن ) :)

[عاشق الجبل]

وعليكم السلام ورحمة الله وبركاته


الشراع فقط بدون شد لايحتاج تخريم الحوض لأن الشراع يجي بأطرافه ( مقابل الشناكير ) حلقات مطاط من القماش تسحبها

وتدخلها بالشناكير وخلاص .

يكلفك القماش التنزاني 200 ريال تقريبآ في الغرابي .

[أبو يوسف]

مثل ما قال ابو منصور

الشراع اللي يجي مسح على الصندوق ما يبي تخريم

الجلد اللماع اللي ما يدخل المطر بخمسين ريال عند السنيدي وتلقاه بالغرابي

والشراع الاسود حسب السماكة
من 30 الى خمسين

والتنزاني ما أدري عنه بس ابو منصور قالك 200 ريال


تحيتي

[طخيمان]

لا يا جماعة هو قصده على ما أظن الطربال (الشد ، الحنايا ، الهنقلين) اختاروا اللي تبون.

[شاص]

إذا تقصد الشد فأنت بالخيار(الخيار وإلا الطماط :d :d ) إذا تبي تخرم جوانب الصندوق أو يكون له شداد حديد بحيث أنه ما يخرم إلا خرمين بالحنايا

[الجفن]

اشكركم بصراحه جميعا
الاخ عاشق الجبل مشكور على الرد ويعطيك العافيه وما قصرت انا قصدي الهنقلين مع الشد عموما يعطيك العافيه ..................................
الاخ ابو يوسف يعطيك العافيه ومشكور على الرد.
.............................................
ابو الطواري مشكور نعم انا قصدي مثل ما ذكر ويعطيك الف عافيه حبيبي
...............................................
الاخ الشاص يعطيك العافيه على الرد وما قصرت لاكن ودي الله لا يهينك توضح لي اشوي تراي غشيم في هالامور شوي .

[البرحه]

سلام عليكم


الشاص قصده انها تركب بدون تخريم.... يعني تربط بطواميل على حواف الصندوق

وانا مركبها ..............دوكياها في التوقيع ....بس ما ركبت شراع يعني حديد بس ولا فيها اي مشاكل ...

وشكرا

[الجفن]

مشكور اخوي الهلي يعطك العافيه
من وين ركبتها وحدود كم سعرها مع الشراع وشاااااااااااااااااااااااااكر تعاونك