بعض الاستفسارات عن الباترول بخاخ !

[سيف خنذف]

السلام عليكم ورحمة الله وبركاته

يااخوان عندي باترول بخاخ95 4 ابواب ... الموتر شبه ثقيل شوي

نشدت بعض الاخوان قالو ركب هدرز ..

فما ادري ... هل له تأثير يحيث انه يزود صرفية البنزين ؟؟

لأني راعي قطع نفود اقطع نفود الكبير والدهناء ..وابي افرق بالعزم ..بس خوفي من صرفية البنزيم تزود؟

==============================

من ناحية البنزيم ..ذبحني ياخوان انا اعبي 95 ..قلت بعبي 91 خوفوني قالو يعدم المكينه ..نريد تجاربكم بهالخصوص ..خصوصا البخاخ 4200 !؟

=============================

من ناحية الجنوط..الجنوط الي عليه الان هي : السمبوسه .

بنشدكم عنها . هل هي اخف من الهلل ولا العكس ؟

============================

ماهي افضل رفعه للباترول من ورا وقدام ؟؟

ابي وجه الموتر ثابت مايلعب يمين ويسار تقول باخره :D



عسى ماطولت عليكم :p


شكراً لكم

[التعـ King ـديل]

السلام عليكم ورحمة الله وبركاته

وعليكم السلام ورحمه الله وبركاته

يااخوان عندي باترول بخاخ95 4 ابواب ... الموتر شبه ثقيل شوي

نشدت بعض الاخوان قالو ركب هدرز ..

فما ادري ... هل له تأثير يحيث انه يزود صرفية البنزين ؟؟

لأني راعي قطع نفود اقطع نفود الكبير والدهناء ..وابي افرق بالعزم ..بس خوفي من صرفية البنزيم تزود؟

الهدرز مع الفرارات يقلل من صرفيه البنزين ويزيد عزم السياره بشرط تركب الهدرز عند مختص مو اي احد والافضل تركبه في مصنع السويدي بالامارات اماره دبي
==============================

من ناحية البنزيم ..ذبحني ياخوان انا اعبي 95 ..قلت بعبي 91 خوفوني قالو يعدم المكينه ..نريد تجاربكم بهالخصوص ..خصوصا البخاخ 4200 !؟

عب له 95 افضل وانظف للموتر ويطول معك اكثر من ال 91
=============================

من ناحية الجنوط..الجنوط الي عليه الان هي : السمبوسه .

بنشدكم عنها . هل هي اخف من الهلل ولا العكس ؟

ركب عليها بالون وشف الفرق بالون ماكسس 900 / 8 غاط
============================

ماهي افضل رفعه للباترول من ورا وقدام ؟؟

ابي وجه الموتر ثابت مايلعب يمين ويسار تقول باخره :D

الاكيد رفعه الموتر من ورا بس شي خفيف بحيث ينزل وجه الموتر ويقدر يشق الهواء


عسى ماطولت عليكم :p

لا ابد تحت امرك تعال كل يوم

شكراً لكم

العفو




اتمنى اكون افدتك

[سيف خنذف]

يعطييييك الف الف عافيه على الرد الصاروخي الناري :)

بخصوص البالون يقولون تثقل على السياره وتزيد الصرفيه صحيح هالحتسي ؟

[التعـ King ـديل]

يعطييييك الف الف عافيه على الرد الصاروخي الناري :)

بخصوص البالون يقولون تثقل على السياره وتزيد الصرفيه صحيح هالحتسي ؟

تعال شفها على موتري فتك 2005

وللعلم مااستخدم غيرها في سفر ولا بر

[qx55]

افدوك الاخوان وشكرا

[كديان]

اخوي غير اسلاك البواجي و البواجي
غير صفاي بنزين
احرص على عدم انسداد فلتر الهواء
اذا كان الموتر يقطع تاكد من عدم تشقق خرطوش اللهاة اللي بين منظم الهواء و لهاة الثلاجة
اذا كان متشقق يلف عليه شطرطون عريض ويضبط + سيلكون يحط على جميع الشطرطون يسكر الفتحات الصغيرة
احيانا يكون سبب ضعف العزم و الصرفيه خراب منظم الهواء
و لازم تتاكد من ضغط طرمبة البنزين لا تكون ضعيفة
اذا كان المكينة به حنة تاكد من كلتش المروحة لا يكون شابك باستمرار يعني مجيم له دخل بالعزم
و تاكد من الدزق و الكتلش يرفع على ميزانيته او ينسم له او انه اساسا انه ضعيف قاضي
اهم نقطة بعد كل هالامور الديلكو اذا تم توقيت الديلكو 100% فابشر بقوة العزم لانه يفجر البنزين 100%
اذا كانت المكينة تحتمي + صرف بنزين + لقلقة بلوف فلازم توقت الديلكو مضبوط
و يفضل كل فترة انك توزن البلوف لان البلوف تحل الميزانية من حاله
وزن البلوف يقوي العزم لكن بالمقابل تحتمي المكينة بشكل غير ملحوظ لان المكينة شاحطة شادة يعني كانك شاحط المكينة على سرعة 200
مع الايام اذا حلت الميزانية تكون المكينة باردة من ناحية الحرارة لكن يقابلها ان العزم بارد نوعا ما
اذا كان الموتر يلقلق بال2 و بال3 فلازم تعبي احمر 95



الديلكو ياخذ دورته من عمود التيمن
وظيفة الديلكو
يعطي كهرب او معلومة الى الكمبيوتر
الكمبيوتر بدوره يعطي كهرب الى البخاخات و الكويلات
يعني الكويلات و البخاخات تاخذ كهرب و معلومة من الكمبيوتر
بناءا على امر و طلب من الديلكو
و زبدة مكينة الفتك و اساسها الديلكو
لو خرب الديلكو ماشتغل الموتر

اذا بغيت تقوي فزة الفتك
تفر الديلكو تقريبا من نص الى 1سم او اقل
تصير فزة الموتر قوية

لو انك قدمت فريت الديلكو فوق اللازم
اللي يحصل
تلقلق البلوف و يضعف العزم و قد يحتمي
لانك قدمت الشرارة و البستم مابعد وصل اعلى نقطة
اللي هي النقطة الميتة
بمعنى ان التفجير => بنزين + اوكسجين+ شرارة
يحصل و البستم مابعد وصل النقظة الميتة
و بالتالي العزم تعبان

ايضا لو اخرت الديلكو
البستم يصل النقطة الميتة و
ينزل و بعد ماينزل يحدث الشرارة => التفجير
يعني بعد مايتعدا البستم النقطة الميتة يحصل التفجير
و في هذه الحالة يكون التفجير متاخر
لان البستم نزل
و العزم صفر تعبان

اذا كان الديلكو متاخر
صرفية بنزين يحتمي الموتر ضعف عزم

[سيف خنذف]

كديان

لاعدمناك يالغالي ... يعطيك الف الف عافيه على الرد الرائع
عزم الموتر لابأس به .. لكن نبي الزود..

بشيك على البواجي والاسلاك والمنظم

وبنشوف مروحة الكهرب بركبها هالايام ان شاء الله

يعطيك العافيه

[سيف خنذف]

ننتظر باقي الاخوه

[سيف خنذف]

للرفع
.....................

[يريور عيمان]

ابعد عن مراوح الكهرب
سلبياتها اكبر من ايجابياتها
و انت راعي نفوذ و السيارة بترتفع حرارتها في البر اذا ركبتها
ركب لك هدرز و فلتر و ان شاء الله يعطيك العزم اللي يعجبك