كنا نركب البالون التايواني والحين ...

[ابوفهد36]

السلام عليكم ورحمة الله

مساكم الله بالخير اخواني الاعزاء

اثبت كفر البالون الماكسوس جداره في السنوات السابق حينما كان تصنيعه في تايوان


لكن اشوف اللي حاليا موجود بالسوق نفس القديم لكن تصنيعه فيتنام وكثر الكلام عنه انه سئ ولا يوجد مقارنه بينه وبين البالون السابق في قوة التحمل

اللي نطلبه من الاخوان كل من جرب يدلي بدلوه لكي يستفيد جميع الاخوان في هالمنتدى الطيب


والله والموفق

[مفرق النجوم]

حياك الله ياحبيب والله انا جربة الفتنامي من الماكسس ماحسيت بفرق عن التايون اتوقع انه نفسه
هذي ملاحظتي وتقبل مروري

[يوسف 206]

السلام عليكم
انا ركبت البالون التايواني عدة مرات كفر ماشاء الله مافيه كلام
قبل فترة واحد من الاصدقاء ركب البالون الفيتنامي وقنصنا اربع ايام وثبت لنا انه فاشل ضرب عليه كفر ولا يصلح الشق كبير والباقي كله بنشره
والمشكله انهن جدد مالهن شهر واول مارجع من المقناص غيرهن

[هاوي موتري96]

شباب اسمع ناس واجد يمدحون المالون يقولون انه ممتاز طبعآ من واقع تجربتهم

[نادر عش]

المالون زين لاكن لو توقف ربع ساعه يطبطب اذا مشيت

[ابوفهد36]

مشكورين ياشباب

اللي عنده افاده لا يدخل الموضوع ويطلع بدون مايبلغنا والله يكتب لكم الاجر

[التعـ King ـديل]

انا كنت اركب التايواني لحد ماتغير والان مركب فيتنامي مافيه فرق واضح بين الاثنين

لها شهر معي وماشيه والحمدلله زي الحلاوة

[محطم عنيد]

والله انا ركبت بالون ماكسس لكن ياخوك مدري وش صناعته = غشيم بالكفر

الحقيقة كرزه للموتر جيد = ماعنده سالفه ههههههه

من ناحية الإستخدام بالخط ماعليه مو مثل مايقولون أنه غير مريح مره
بالطعوس هواي 20 تقريبا اذا دخلت بشي تغريز شوي غرز وانا ماكنت اتوقعه كذا

بالنسبه للحصيان والظهرة للحين ماجربت

عموما تجربتي معه كويسه جدا

ماله معي 3 اسابيع

اتمنى افدتك مع اني داج ههههههه دمت بود

[باترول 4500]

وعليكم السلام

مجربه لي الحين فوق شهرين وصراحة ممتاز

[هاجر الود]

أسوء كفر شفته في حياتي أنحش منه ودوس الحار وأشتر سيام

[vza]

زين الهيرو وشلونه معكم ؟

[ابوفهد36]

الله يعافيكم يالربع وبيض الله وجيهكم