اذا دخلت رمال والسيارة

[alhrbe]

السلام عليكم ورحمة الله وبركاته
اذا دخلت رمال والسيارة بدون دبل فورد اكسبلور
00
أم تضع القير في 1/من وضعية الـ D
ام تتركه على وضعية الـd وتشد على الموتر
أم تغير اللي النمر 1/2/3

--------------

او تتوقف وتنسم الكفرااااااااااااااات

[alhrbe]

نرجو من الجميع أبداااااااااااء آرائهم وشكرا

[كلاشنكووف-]

والله توقف وتنزل هواء الاطارات افضل من الدوس والتزوير علي المكينه والقير

[ابو عود]

ياخي نسم الكفرات
وشغل الدبل وريح الموتر وريح بالك

[alhrbe]

والله توقف وتنزل هواء الاطارات افضل من الدوس والتزوير علي المكينه والقير


مشكوووووووور اخوي الله يعطيك العافية
ووفقكم الله

[alhrbe]

ياخي نسم الكفرات
وشغل الدبل وريح الموتر وريح بالك


اهلين /أبو عود
معاك في تنسيم الكفرات
لكن اشغل الدبل / كيف والموتر بدون دبل 0
الموضوووووووع/
اذا دخلت رمال والسيارة بدون دبل فورد اكسبلور

مشكوووووووور والله يعطيك العافية ووفقكم الله

[غاوي قهاوي]

يفيدونك الاخوان,,

[alhrbe]

على كم يكون تنسيم الكفرات / على 20 افضل وش رايكم

[alhrbe]

يفيدونك الاخوان,,



مشكوووووووور والله يعطيك العافية ووفقكم الله

[سيف خنذف]

انا على ايام الهايلكس .. احط بالكفرات هوا ( 10 )
اتمشى في الدهنا واحطب واعين من الله وخير ورد للبيت الحمدلله
وخصوص موترك ثقيل انصحك ب 10

[باترول 4×4]

أخوي بالنسبة لوضعية القير حسب نوع الطعوس وتنسيم الكفرات حسب نوعية الكفرات يعني باختصار :

بالنسبة للقير أنا أفضل وضعه على 2 وليس على D لأنه إذا كان على D يبغى يبدل كل شوي وهذا يتعب القير أما على 2 فإنه سيبدل الأول والثاني ويبقى على 2 فقط مثل التعشيقة رقم 2 بالقير العادي يصير فيه عزم وقوة لكن لا تعدى 40 - 50 لأنه بعد كذا يحن .
أما الكفرات فإذا كانت رملية يعني لينة يكفي 20 وإذا كانت قوية قاسية مثل دنلوب فيكفي 18 .
أرجو أني قد أفدتك .

[ذيب حوران1]

صراحة لو القير عادي افدتك بوضعيته
بالنسبة للطريقة من اول ما ادخل الرمال وابلش بعمري هههههههههههه
اما اذا دخلت الرمال مالي غير انسم الكفر اخلي الهواء عشرة لاكن الله يستر من البنشر وطيح بكارثه ثانية

[راعي الاكس بي]

اخوي حط الكفرات على 15 او 10 وطفي التركشن اذاكان موترك فيه تراكشن

وحطه على D وتمشى وخذ راحتك

[.أبوعبدالرحمن]

أولا : إذا سيارتك ما فيها دبل نصيحة لا تدخل الرمل ، لأن عندك نظام إسمه مانع الانزلاق ما يخليك تاخذ راحتك حتى لو ضغطت الزر اللي بالطبلون لأنه كل ما فر الكفر الخلفي وصار اسرع من اللي قدام اشتغل وراح يفصل عنك الدعسة الى ان يرجع الكفر الخلفي الى وضعه ، فلذلك اول ما تدخل للرمل راح يوقف الموتر عليك ودور أحد يسحبك وحتى لو إنك منزل هواء الكفر الى 10 .


ثانيا : إذا حطيت القير على 2 بتصير السيارة تقول ب 2 ، لأن الفورد ما هوب زي اول إذا حطيته ب 2 ودعست بنزين يمشي ب 1 وبعدين 2 ، والصحيح انك إذا حطيته ب 2 راح تقوم السيارة 2 وهذا راح يتعب السيارة لأن قومتها راح تكون ضعيفة


فلذلك ارى انك ما تدخل بسيارتك للرمل وتخربها وتخسر ، وانت أبخص بسيارتك ولكن لك من الناصحين يا غالي

[alhrbe]

انا على ايام الهايلكس .. احط بالكفرات هوا ( 10 )
اتمشى في الدهنا واحطب واعين من الله وخير ورد للبيت الحمدلله
وخصوص موترك ثقيل انصحك ب 10




الله يعطيك العافية
ومشكور على النصيحه
ووفقكم الله

[اليامي 911]

ولا اقصد الاهانة كلة كلام فاضي نسم الكفرات على 15 و بلا 2 D وبس خلونا صريحين دووووووووس

[باترول 4×4]

أخوي أبو عبدالرحمن اللي أعرف ان وضع 2 القير يعشق 1 -2 فقط وبعدين ما يعشق أما 1 فالقير على التعشيقة الأولى فقط .
إذا موترك تماتيك حطه على 2 ولا حظ أول ما تمشي بعشق ثم يوقف على التعشيقة الثانية فقط .
أما إذا حطيته على 1 ماراح يعشق بيمشي كأنه في النمرة الأولى فقط .

أخوي اليامي الله يهديك الأعضاء كلن يحط تجربته ما فيه( كلام فاضي ) على قولك . وربما يكون عندك ما لا يكون عند غيرك فيستفيد الجميع .
وبالنسبة للكفر إذا حطيته على 15 فأي سيارة مهما كانت تمشي بالطعوس لأن الكفر يصير فارش على الأرض ولكن هذا مضر للكفر خصوصا إذا مشى مسافة وكذلك خطير إذا لف الكفر على الآخر وهو يمشي ان الكفر يطلع من الجنط .
أقول هالكلام من خلال تجربة وسيارتي تماتيك . والنقاش مفتوح للفائدة كما عهدنا في هذا المنتدى .

[.أبوعبدالرحمن]

أخوي أبو عبدالرحمن اللي أعرف ان وضع 2 القير يعشق 1 -2 فقط وبعدين ما يعشق أما 1 فالقير على التعشيقة الأولى فقط .

حياك الله اخوي الفورد الاكسبلورر الاكسبدشن من 2007 وطالع

إذا حطيت القير على 2 يقوم الموتر على 2 وليس على 1 وبعدين 2


بحكم تجربة بالاكسبدشن 2007

[عزوبي]

اذا بغيت تراعي السياره وتحافض عليها
لا تنزل بها في الطعوس اذا ماكانت دبل
واذا لزم الامر ولابد من ذلك انصحك بتنزيل الهواء في الكفرات من 15 الى 10
وتخليها في نمره ثقيله يعني تغييره او تغييرتين بالكثير وتفصل مانع الانزلاق
وبتوفيق

[باترول 4×4]

حياك الله اخوي الفورد الاكسبلورر الاكسبدشن من 2007 وطالع

إذا حطيت القير على 2 يقوم الموتر على 2 وليس على 1 وبعدين 2


بحكم تجربة بالاكسبدشن 2007

جزاك الله خيرا أخوي أبو عبدالرحمن هذي فائدة توي أدري عنها في الفورد :good2:

تقبل مروري

[alhrbe]

السلام عليكم ورحمة الله وبركاته



صباح الخير





نشكر الجميع على مرورهم وإبداء مرئياتهم وآراءهم

وبالله التوفيق



أخوكم/ الحربي

[راعي8100]

السلام عليكم ..
انا راعي جمس تماتيك سوبربان 2002 8100 بدون دبل ..
واذا جيت النفود (السعوديه) انسم هوا الكفر10 ..
واذا البر حقنا (الكويت) انسم هوا الكفر20 لانا مامن نفود ..


اتمنى اني وفقت ...شكراً

[N أبورغد N]

ابد نسم على 12 وحوليها وحطه بواحد واذا انت في سهالات غير للثاني
كلما سهلت الارض ريح الموتر
ولا تسايف (تخلي الموتر يمشي على جنب في الطعس لانه يسبب فصخ الكفر عن الجنط) ولا تدعس على الشجيرات تشق الكفر
واذا غرزت لا تدعس وتعلق الموتر على بطنه انزل وشف الوضع وحفر وحدد مكان تتجهله عشان تاخذ عزم جيد
ولا توقف السياره بالفرامل ولا توقف الا في مكان تقدر تمشي فيه بسهوله او خل السياره محدره
وابعد عن الطعوس الناعمه بالحيل يجي لوناه افتح من العاده حتى لو معك دبل
والله يسهل امرك وتشتري الموتر الي يطيب خاطرك

[احمد الشمال]

ابد نسم على 12 وحوليها وحطه بواحد واذا انت في سهالات غير للثاني
كلما سهلت الارض ريح الموتر
ولا تسايف (تخلي الموتر يمشي على جنب في الطعس لانه يسبب فصخ الكفر عن الجنط) ولا تدعس على الشجيرات تشق الكفر
واذا غرزت لا تدعس وتعلق الموتر على بطنه انزل وشف الوضع وحفر وحدد مكان تتجهله عشان تاخذ عزم جيد
ولا توقف السياره بالفرامل ولا توقف الا في مكان تقدر تمشي فيه بسهوله او خل السياره محدره
وابعد عن الطعوس الناعمه بالحيل يجي لوناه افتح من العاده حتى لو معك دبل
والله يسهل امرك وتشتري الموتر الي يطيب خاطرك


انا معك باللي قلته :good2::good2:

وباالتوفيق ان شاء الله

[إيه ده]

بطح الكفراات وانحر السهال..

[ملك الفكتوريا]

أنا معي كراون فكتوريا ما عمري حطيت لا 1 ولا 2


اشغل الاوفر درايف وادعس والكفرات على 15 واذا غرزت اول ما اتعلق انزل واحفر واركب وادعس شوي شوي والسيارة ما تقصر وبتطلع



وانا اكثر شئ يخليني اغرز الخوف من ضرب السيارة من اسفل




الله يوفقك

[alhrbe]

السلام عليكم ..

انا راعي جمس تماتيك سوبربان 2002 8100 بدون دبل ..
واذا جيت النفود (السعوديه) انسم هوا الكفر10 ..
واذا البر حقنا (الكويت) انسم هوا الكفر20 لانا مامن نفود ..



اتمنى اني وفقت ...شكراً




وعليكم السلام ورحمة الله وبركاته
الله يعطيك العافية
ووفقكم الله

[alhrbe]

ابد نسم على 12 وحوليها وحطه بواحد واذا انت في سهالات غير للثاني
كلما سهلت الارض ريح الموتر
ولا تسايف (تخلي الموتر يمشي على جنب في الطعس لانه يسبب فصخ الكفر عن الجنط) ولا تدعس على الشجيرات تشق الكفر
واذا غرزت لا تدعس وتعلق الموتر على بطنه انزل وشف الوضع وحفر وحدد مكان تتجهله عشان تاخذ عزم جيد
ولا توقف السياره بالفرامل ولا توقف الا في مكان تقدر تمشي فيه بسهوله او خل السياره محدره
وابعد عن الطعوس الناعمه بالحيل يجي لوناه افتح من العاده حتى لو معك دبل
والله يسهل امرك وتشتري الموتر الي يطيب خاطرك
شكرا على المرور والرد
اللهم آمين

الله يعطيك العافية
ووفقكم الله

[alhrbe]

بطح الكفراات وانحر السهال..

شكرا على المرور والرد
الله يعطيك العافية
ووفقكم الله

[alhrbe]

أنا معي كراون فكتوريا ما عمري حطيت لا 1 ولا 2


اشغل الاوفر درايف وادعس والكفرات على 15 واذا غرزت اول ما اتعلق انزل واحفر واركب وادعس شوي شوي والسيارة ما تقصر وبتطلع



وانا اكثر شئ يخليني اغرز الخوف من ضرب السيارة من اسفل




الله يوفقك

وش الاوفر درايف ؟؟

الله يعطيك العافية
ووفقكم الله

[alhrbe]

http://up.z7mh.com/upfiles/fHG48312.gif (http://www.libyanyouths.com/vb/t12352.html)

[القنصل,,,]

انا سيارتي فوردماركيز واذا بغيت اكشت افتح الدرج فيه زرار اصفر ارعص عليه واحط القير على 2 وادز

[alhrbe]

يعطيكم العافيه

جميعااااااااااااااااااا
وكل عام وانتم بخير ---- وعيد سعيد

أخوكم/ الحربي

[هلي ديزل]

اذا ملزم تدخل النفود
نسم 15 وحط القير على 2 وعط الموتر وخل دعستك وحدة

[الأحوذ]

اهم شي انك بتعرف للسياره أكثر و أكثر مع الأيام و التجارب...

[qwertyu987]

نصيحة إذا إنت راعي طلعات وتحب طلعات البر , بع السيارة وإشتر لك سيارة بدبل حتى لو كان شاص :D

[السناعيس .f16]

وعليكم السلام ورحمة الله وبركاته

حقيقه النفود لايدخله الى السواق سواء دبل ولا بدون لو كرسيداء
سواق يدخل


قبل عدة ايام طلعناء في 3مواتر الى الدهناء
هلي 2007بدون دبل
هلي 2012دبل
هلي2011دبل
الحمدالله انا كان معي 2012ولا مره غرزت و اذا غرزت في رباظه اطلعه بدون سحب الحمدالله
و صاحب هلي 2007برضو نفسي الى ان طاح في رباظه
اما 2011غشيم ياما تعلق ياما طاح برباظات وطلعناء هو سبب تاخيرناء في البر
^^^^^^^^^^^^^^
المعناء لا يدخل الى السواق و اذا انت منت سواق و تبي اتجرب حاول تطلع مع اخوياء بسيارات ثانيه احتياط او استاجر سيارة
نصيحه لالالالا تغامر

[ملك الفكتوريا]

وش الاوفر درايف ؟؟

الله يعطيك العافية
ووفقكم الله


يالغالي الاوفردرايف هذا زر بالقير وله مميزات


اذا انت ماشي بسفر وتبي ترد نمر ضرب كفر لا سمح الله او تبي تتجااوز تضغطه ويرد النمره


وميزته انه اذا اشتغل يعشق الاول والثاني والثالث فقط وانا مجربه اذا دعست وانت واقف ما يحفر الكفر وواجد


والنمره تطول شوي يعني ما يبرد العزم بسرعه

[GABER65]

ياخي نسم الكفرات