إجتماع أعضاء مكشات في ... (( القـصــيــم ))

[جبال الهملايا]

ترانا نـغرنا من الأعضاء في الرياض والشرقيه . :(

بس يكشّـــتون ويجتمعون

وحنا لاحس ولاخبر

وين الشباب في المنتدى ليش مايكون أجتماع مثلنا مثل غيرنا


المنتدى ملي بالشباب من منطقة القصيم : بريدة ،،، عنيزة ،،،، الرس ،،،، الأسياح ،،، الشماسية ;) ))

بس ياليت تشوفون لنا يوم بعد عيد الفطر المبارك يكون فيه أجتماع (( تسري به الركبان )) :rolleyes:

[الشاص]

الساعه المباركة وانا اخوك

وكلنا اخوان سواء بالرياض والى القصيم والتعب طال عمرك على هالموتر يعني كله مشوار مايعد الى صار

وراه هالجمعه الطيبه

واقترح يكون الاجتماع باام حزم ثاني العيد :)

[عاشق النحم]

هلا والله والله ياهي فكرة
أنا أرشح صعافيق

[nahham]

مرحبا شباب

يعطيكم العافيه الفكره ممتازه وانا تحت امركم باللي تبون

واذا تبون نصيحتي خلوكم قريبين من طريق رئيسي

وعساكم على القوه ونعين ونعاون لو ماني من القصيم

[أبو فراس]

السلام عليكم ورحمة الله وبركاته

عساكم على القوة ونعين ونعاون






.

[كان]

والله هذي الساعة المباركه الي نشوف اخوانا في القصيم ونحن تحت الطلب في العزبة لوسمحتوا

[ابو ايمن]

حنا ياأهل الدوادمي ضعيفين

والظاهر إننا نعد على رؤوس الاصابع

ولكن ان شاء الله نبي نسوي انتفاضة ونجتمع ونصور وننافسكم

وإن دعيتونا أجبنا وتشرفنا بمعرفتكم

تحية للجميع

[المتوكل]

وعليكم السلام ورحمة الله وبركاته عزالله انه راى سنع من رجل سنع ونحن على هبه الاستعداد 000000000 واقترح ان يكون فى نهايه الاسبوع الثانى شهر 10والمكان يطرح لتصويت عجلو علينا يانشما0000000

[nahham]

الموعد غير مناسب اخوي المتوكل قريب جدا من اجتماع ام رقيبه

تم تقديم اجتماع ام رقيبه وسيعلن عن الموعد قريبا

اتمنى عليكم يكون في ايام العيد لكن تحتاجون الى سرعه واجتماع بينكم للتنسيق وتوزيع المهام

اي خدمه انا حاضر

[بـران]

السلام عليكم
أنا مع الشاص في الموعد و المكان

[جبال الهملايا]

الشاص :

كلامك صحيح ، بس أنت خلنا هالحين نشوف اللي بديرتنا ونتعرف عليهم وتعرف المشاغل والدوام ماتخليك على كيفك بالروحات والجات وإجتماعات الأعضاء في الرياض والشرقيه كانت في رمضان
وفي رمضان مشكلة الطربقة مع أن الأخوه يستاهلون وشوفتهم منوه بس مثلك عارف . :o

وشكرا على الأقتراح الجميل

[جبال الهملايا]

عاشق النحم :

شكراً على التشجيع والمشاركة . وأن شاء الله نشوفك مع البقيه

[جبال الهملايا]

nahham

تشرفنا بمشاركتك الطيبة وأفعالك في أجتماع الرياض يبيض الوجه .

ومانستغني عن أرائك وتوجيهاتك وأنت من أول المدعوين أن شاء الله وبارك الله فيك .

[جبال الهملايا]

ياهلا والله بالعمــــــــــــــــــدة

ياهلا والله بقمرنا

ياهلا والله بقمر مكشــــــــــات

http://www.twa9ef.com/uploads/c5ab755a16.jpg


ياهلا يابو فراس

كفو والله ،،قول وفعل

أهم شي شوفتكم وتشريفكم لنا في القصيم أنت ورحالة الخبر والريع والهاوي وولد سليمان وبقية أفراد الشرقيه المحترمين .

[جبال الهملايا]

ماتقصر يابو صفر وبشر باللي تبي

[جبال الهملايا]

أبو أيمن :

تراك عزيز وغالي في المنتدى وإذا أجتمعتو خبرونا :) نتشرف بزيارتكم في الدوادمي

بس أنت شرفنا في البداية في القصيم وشكرا لك

[جبال الهملايا]

المتوكل


بران

شكرا على الحماس والتشجيع وبالنسبة للزمان والمكان ، فهو مطروح للجميع وفي النهاية نشوف المناسب للجميع وشكرا مرة ثانية

[مسافر1]

نتمى أن يتحقق ذلك لنسعد بشوفتكم ...

[أبو فراس]

السلام عليكم ورحمة الله وبركاته

ما اشوفكم اتفقتوا على شي لا مكان ولا زمنا

رايي انكم تخلون الاجتماع الاول اجتماع خفيف يعني خمسة عشرة انفار يقررون المكان والزمان ويبتون بالموضوع والباقين ان شاءالله يبون يوافقون

رأيي ان يكون اجتماعكم هذا في التقاء الطريق السريع مع الطريق الواصل بين البكيرية الهلالية وبين طريق عنيزة البدائع حيث انه متوسظ بالقصيم وكلن يقدر ياصله وفيه نفدان هناك يحبهن قلبك يعرفونهن اهل الهلالية والبكيرية

انتم اتكلوا على الله واجتمعوا لكم بهالليالي المباركة لمدة ساعة او ساعتين بعد التراويح وقبل صلاة القيام وان شاء الله راح يكون اجتماعكم مبارك وكله شبة ضو وفنجال وعلوم رجال

اتكلوا على الله يالربع

هاه وش رأيكم الليلة تبونه او باكر اواللي بعده

[الكونترولCONTROL]

الاجازة الى 6 او الى 10 الله يسلمكم ؟؟؟؟؟ والله اني اسال وانا صادق مرررررررررررة ما ادري

[مشوت الحصى]

وولو شكلنا ماراح نتفق

بالنسبة للمكان فكما قال ابو فراس((((في التقاء الطريق السريع مع الطريق الواصل بين البكيرية الهلالية وبين طريق عنيزة البدائع حيث انه متوسظ بالقصيم وكلن يقدر ياصله وفيه نفدان هناك يحبهن قلبك يعرفونهن اهل الهلالية والبكيرية)))

والزمان" افضل يكون في ليالي رمضان الباقية

وبالنسبة لأيام العيد فأعتقد كل الشباب بيكشتون مع زملائهم او اقاربهم


وينك ياهملايا............
قدام انا معك

[محب البر]

إخواني أعضاء مكشات :

السلام عليكم ورحمة الله وبركاته ، وبعد :

مما يسر الخاطر هذا الدور الذي قامت به منتديات مكشات على كافة المستويات ، وأخص بالذكر تجمعات أعضاء المنتدى في الشرقية والرياض والقادم في أم رقيبة والقصيم.
فما من شك أن هذه التجمعات لها من الإيجابيات الشيء الكثير ولعل أولها التعارف الحقيقي بين الأعضاء وتكوين صداقات جديدة يعتز بها الإنسان كثيراً .
ولكن هذه الإجتماعات بعدت عن مجال تخصص مكشات الخاص بالصيد والرحلات البرية وما يدور حولهما وأصبحت تتم في المدن والمناطق التي حولها ، بدون تنظيم رسمي يحويها ، وهناك موضوع مطروح في الخيمة العامة لإنشاء جمعية لهواة الصيد والرحلات ! متى يصبح الحلم حقيقه ؟ (http://www.mekshat.com/vb/showthread.php?t=36898) والتي في حال إنشائها تكون هي الغطاء الرسمي لعقد مثل هذه الإجتماعات ، وحتى يتم ذلك الأمر ، فقد درست إدارة مكشات الموضوع من جميع جوانبه وأرتأت أن يتم التوقف عن الإعلان عنها في مكشات

الرجاء من الأخوة الكرام أعضاء مكشات تقدير الموقف وتفهم هذا الأمر